ⵢⴻⵜⵜⴻⴽⴽⵉ ⵓⵏⴻⵖⵍⴰⴼ ⵏ ⵍⴱⵓⵙⵜⴰ ⴷ ⵜⴻⵢⵡⴰⵍⵜ, ⵎⴰⵙⵙ ⵙⵉⴷ ⵄⴰⵍⵉ ⵣⴻⵔⵔⵓⵓⴽⵉ, ⵙ ⵓⵇⴻⵔⵔⵓ ⵏ ⵓⵀⴻⵢⵢⵓⵍ ⵏ ⵓⵙⵡⵉⵔ ⵜⵓⵏⵏⵉⴳⵜ, ⴷⴻⴳ ⵢⵉⵎⴻⵀⵍⴰⵏ ⵏ ⵓⴷⵉⵡⴻⵏ ⴰⵎⴰⴹⵍⴰⵏ ⵖⴻⴼ "ⵜⵉⵖⴻⴹⴻⵎⵜ ⵏ ⵜⵉⴳⵣⵉ ⵜⴰⵎⴳⵓⵔⴰⵏⵜ" (ⵉⵏⵜⴻⵍⵍⵉⴳⴻⵏⵛⴻ ⴰⵔⵜⵉⴼⵉⵛⵉⴻⵍⵍⴻ), ⵉ ⴷ-ⵢⴻⵍⵍⴰⵏ ⵙ ⴷⴷⴰⵡ ⵏ ⵍⵉⵏⴰⵢⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵓⵏⵓ) ⴷⴻⴳ ⵜⵎⴷⵉⵏⵜ ⵏ ⵊⴻⵏⵉⵠ (ⵙⵡⵉⵙⵔⴰ), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⴷⵉⵡⴻⵏ-ⴰⴳⵉ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵜⴻⴼⴽ ⵜⴰⵍⵍⴻⵍⵜ ⴷⴻⴳ ⵓⵙⴰⵍⵉ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⵉⵡⴻⵣⵏⴻⵏ ⵉ ⵜⵉⵖⴻⴹⴻⵎⵜ ⵏ ⵜⵉⴳⵣⵉ ⵜⴰⵎⴳⵓⵔⴰⵏⵜ, ⵉ ⵓⵞⵀⴻⴷ ⵏ ⵜⵏⴻⴼⵍⵉ ⵢⴻⵜⵜⵉⴷⵉⵔⴻⵏ ⴷ ⵓⵃⵔⴰⵣ ⵏ ⵜⴷⴰⴳⴽⴰⵏⵜ (ⵙⵓⵠⴻⵔⴻⵉⴳⵏⵜⵢ) ⵏ ⵜⵎⵓⵔⴰ ⵉ ⵍⵎⴻⵏⴼⴰⵄ ⵏ ⵜⵎⴻⵜⵜⵉ ⵜⴰⴳⵔⴰⵖⵍⴰⵏⵜ.
ⴷⴻⴳ ⵡⴰⵡⴰⵍ-ⵉⵙ, ⵣⴻⵔⵔⵓⵓⴽⵉ ⵢⴻⵏⵏⴰ-ⴷ ⴱⴻⵍⵍⵉ ⵜⵉⴳⵣⵉ ⵜⴰⵎⴳⵓⵔⴰⵏⵜ "ⵓⵔ ⴷ-ⵜⴻⵇⵇⵉⵎ ⴰⵔⴰ ⴽⴰⵏ ⴷ ⵜⴰⵎⵙⴰⵍⵜ ⵏ ⵜⵜⴻⴽⵏⵓⵍⵓⵊⵉⵜ, ⵍⴰⵎⴻⵄⵏⴰ ⵜⵓⵖⴰⵍ ⴷ ⵜⴰⵎⵙⴰⵍⵜ ⵏ ⵜⵏⴻⴼⵍⵉ ⴷ ⵜⴷⴰⴳⴽⴰⵏⵜ". ⵢⴻⵙⴱⴻⴷⴷ ⴰⵡⴰⵍ ⵖⴻⴼ ⵏⴼⴰⵄ ⵏ ⵜⵉⵖⴻⴹⴻⵎⵜ ⴰⵔⴰ ⴷ-ⵉⵊⴻⵎⵄⴻⵏ ⴰⴽⴽ ⵜⵎⵓⵔⴰ ⵢⴻⵔⵏⴰ ⴰⴷ ⵜⵉⵍⵉ ⴷ ⵜⵉⵏ ⵏ ⵍⵀⴻⵇⵇ (éⵇⵓⵉⵜⴰⴱⵍⴻ), ⵉⵡⴰⴽⴽⴻⵏ ⵜⵉⵎⵓⵔⴰ ⵢⴻⵜⵜⵏⴻⵔⵏⵉⵏ ⴰⴷ ⵜⵜⴻⴽⴽⵉⵜ ⴷⴻⴳ ⵓⵙⴰⵍⵉ ⴷ ⵓⵙⵏⴻⴼⵍⵉ ⵏ ⵓⵏⴰⴳⵔⴰⵡ ⵏ ⵜⵉⴳⵣⵉ ⵜⴰⵎⴳⵓⵔⴰⵏⵜ, ⵓⵔ ⴷ-ⵜⵜⴻⴷⴷⵓⵔⴻⵏ ⴰⵔⴰ ⴽⴰⵏ ⴷⴻⴳ ⵓⵙⴻⵎⵔⴻⵙ-ⵉⵙ.
ⴰⵏⴻⵖⵍⴰⴼ ⵢⴻⵙⵙⴰⵡⴻⵍ ⴷⴻⴳ ⵓⴱⵔⵉⴷ-ⴰⴳⵉ ⵉ ⵓⵄⴻⴷⴷⵉ ⵙⴻⴳ ⵢⵉⵎⴻⵏⵣⴰⵢⴻⵏ ⵉⵎⴰⵜⵓⵜⴻⵏ ⵖⴻⵔ ⵡⴰⵍⵍⴰⵍⴻⵏ ⵏ ⵓⵙⴻⵍⵍⴻⴽ ⵏ ⵡⴰⵏⵏⴰⵔ, ⴰⵎ ⵓⵙⴰⵍⵉ ⵏ ⵜⵣⴻⵎⵎⴰⵔ, ⴰⵙⵉⵡⴻⴹ ⵏ ⵜⵜⴻⴽⵏⵉⵇⵓⴻ, ⴷ ⵓⵎⵢⴻⵣⵣⵡⴻⵔ ⵏ ⵜⵎⵓⵙⵏⵉ.
ⵉⵡⴰⴽⴽⴻⵏ ⴰⴷ ⴷ-ⵏⴻⵎⵎⴻⴽⵜⵉ, ⴰⵙⴻⵏⴽⴻⵔ ⵏ ⵜⴰⴷⵢⴰⵏⵜ-ⴰⴳⵉ ⵜⴰⵎⴰⴹⵍⴰⵏⵜ, ⵉ ⴷ-ⵢⴻⵍⵍⴰⵏ ⴷ ⵜⴰⵎⴻⵣⵡⴰⵔⵓⵜ ⵏ ⵓⴷⴻⵎ-ⵉⵙ, ⵢⴻⵍⵍⴰ-ⴷ ⵙ ⵓⵃⴻⵟⵟⴻⵔ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵓⵏⵓ), ⴰⵏⵜⵓⵏⵉⵓ ⴳⵓⵜⴻⵔⵔⴻⵙ. ⵏⴻⵜⵜⴰ ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⵓⵙⴰⵍⵉ ⵏ ⵓⵏⴰⴳⵔⴰⵡ ⴰⵎⴰⴹⵍⴰⵏ ⵉ ⵜⵉⵖⴻⴹⴻⵎⵜ ⵏ ⵜⵉⴳⵣⵉ ⵜⴰⵎⴳⵓⵔⴰⵏⵜ, ⴷ ⵓⵙⴻⵏⵖⴻⵙ ⵏ "ⵍⵉⵅⵚⴰⵙ ⵓⵙⴻⵍⴽⵓⵎ" (ⴷⵉⴳⵉⵜⴰⵍ ⴷⵉⵠⵉⴷⴻ) ⴳⴰⵔ ⵜⵎⵓⵔⴰ, ⴷ ⵓⵟⵎⴰⵏ ⵏ ⵓⵙⴻⵎⵔⴻⵙ ⵏ ⵜⵉⴳⵣⵉ ⵜⴰⵎⴳⵓⵔⴰⵏⵜ ⵙ ⵜⵎⴰⵙⵉⵜ ⴷ ⵜⴰⵢⴻⵔⵣⴰ.
ⵜⵜⴻⴽⴽⵉⵏ ⴷⴻⴳ ⵜⴰⴷⵢⴰⵏⵜ-ⴰⴳⵉ ⵓⴳⴰⵔ ⵏ ⵜⵎⴻⵔⵡⵉⵏ (100) ⵏ ⵜⵎⵓⵔⴰ, ⵢⴻⵔⵏⴰ ⵉⵙⵉⴳ-ⵉⵙ ⴷ ⴰⵙⴰⵍⵉ ⵏ ⵜⵎⵓⵖⵍⵉ ⵜⴰⴳⵔⴰⵖⵍⴰⵏⵜ ⵢⴻⴷⴷⵓⴽⴽⵍⴻⵏ ⵖⴻⴼ ⵜⵉⵖⴻⴹⴻⵎⵜ ⵏ ⵜⵉⴳⵣⵉ ⵜⴰⵎⴳⵓⵔⴰⵏⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵏⴰⴱⴰⵖ-ⵏⵏⵉ.
ⴰⵔⵏⵓ ⵖⴻⵔ
