ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⴰⵎⴻⵏⵣⵓ, ⵎⴰⵙⵙ ⵙⵉⴼⵉ ⴳⵀⵔⵉⴻⴱ, ⴰⵙⵙ ⵏ ⵓⵙⵉⵏⴰⵙ ⴷⴻⴳ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵢⵉⵙⴰⵔⴰⴳⴻⵏ ⵏ ⴰⴱⴷⴻⵍⴰⵜⵉⴼ ⵔⴰⵀⴰⵍ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵔⵥⴰⵎ ⵏ ⵜⵡⵓⵔⵉⵡⵉⵏ ⵏ ⵢⵉⵡⴻⵜ ⵏ ⵜⴻⵏⴻⵎⵙⴻⵍⵜ ⵖⴻⴼ ⵓⵙⵉⴷⵔⴻⵎ ⴰⵏⴻⵣⵡⴰⵏ ⴷ ⵢⴻⵍⵣⵓⵣⴻⵏ ⵏ ⵓⴽⴰⵕⴱⵓⵏ, ⵙ ⵓⴷⵔⴰⵡ ⵏ ⵢⵉⵎⴻⵙⵙⴻⵏⴷⴰⵢⴻⵏ ⵏ ⵓⵏⴰⴱⴰⴹ, ⵏ ⵢⵉⴳⴻⵏⵙⴰⵙⴻⵏ ⵏ ⵜⵙⵓⴷⴰ ⴷ ⵜⵓⴷⴷⵙⵉⵡⵉⵏ ⵜⵉⵖⴻⵍⵏⴰⵡⵉⵏ ⴷ ⵜⵉⴳⵔⴰⵖⵍⴰⵏⵉⵏ, ⵏ ⵜⵓⴷⴷⵙⵉⵡⵉⵏ ⵉ ⴷ-ⵢⴻⵍⵀⴰⵏ ⵙ ⵜⴻⵎⵙⴰⵍ ⵜⵉⵏⴻⵣⵡⴰⵏⵉⵏ, ⵖⴻⵔ ⵢⵉⴷⵉⵙ ⵏ ⵢⵉⵎⵓⵙⵙⵏⴰⵡⴻⵏ ⴷ ⵢⵉⵎⴻⵙⵙⵓⴳⴰⵔⴻⵏ ⵏ ⵜⵖⵓⵍⵜ-ⴰ.
ⵜⴰⵏⴻⵎⵙⴻⵍⵜ-ⴰ, ⵉ ⴷ-ⵢⴻⵜⵜⵉⵍⵉⵏ ⵙ ⵉⵡⵉⵣⴻⵏ ⵓⵏⵏⵉⴳ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⵖⴻⴼ ⵙⵉⵏ ⵏ ⵡⵓⵙⵙⴰⵏ, ⵜⴻⵍⵍⴰ ⴷⴻⴳ ⵓⴽⴰⵜⴰⵔ ⵏ ⵓⵙⵙⵉⵙⴻⵏ ⵏ ⴷⵣⴰⵢⴻⵔ ⵉ ⴷ-ⵢⴻⵜⵜⵏⴰⴷⵉⵏ ⴰⴷ ⵜⴻⵙⵙⴻⵔ ⵜⴰⵙⵏⵓⴷⴷⴻⵙⵜ ⵜⴰⵖⴻⵍⵏⴰⵡⵜ ⵜⵓⵎⵎⵉⴷⵜ ⵢⴻⵔⵏⵓ ⴷ ⵜⵓⵏⵣⵉⴳⵜ ⵉ ⵓⵏⴱⴰⴹ ⵏ ⵓⵙⵉⴷⵔⴻⵎ ⴰⵏⴻⵣⵡⴰⵏ ⴷ ⵢⴻⵍⵣⵓⵣⴻⵏ ⵏ ⵓⴽⴰⵕⴱⵓⵏ, ⵙ ⵓⵙⵎⵓⵜⴻⴳ ⵏ ⵓⴽⴰⵜⴰⵔ ⴰⴳⵍⵓⴳⵏⴰⵏ, ⴰⵙⵓⴷⴰⵏ ⴷ ⴰⵜⵡⵉⵍⴰⵏ ⴷ-ⵢⴻⵜⵜⵡⴰⵇⵏⴻⵏ ⴷ ⵓⵙⴱⴰⴷⵓ ⵏ ⵜⵙⴻⵎⵙⴻⴷⴷⴰ ⵜⵉⵡⵓⵔⵉⵡⵉⵏ ⵉ ⵣⴻⵎⵔⴻⵏ ⴰⴷ ⵙⵙⴻⴱⴳⴻⵙⴻⵏ ⵜⵉⵖⴱⵓⵍⴰ ⵜⵉⴷⵔⵉⵎⴰⵏⵉⵏ ⵢⴻⵔⵏⵓ ⴰⴷ ⵜⴻⵏⵜ-ⵙⵙⵓⵜⵉ ⵖⴻⵔ ⵢⵉⵙⵏⴻⴼⴰⵔⴻⵏ ⵉ ⴷ-ⵢⴻⵜⵜⵏⴰⴷⵉⵏ ⵖⴻⴼ ⵓⵙⴻⵏⵇⴻⵙ ⵏ ⵢⵉⴳⵎⵓⴹⴻⵏ ⵏ ⵢⵉⵏⴻⵣⵣⵡⴰⵢⴻⵏ ⵉⵏⴻⵣⵡⴰⵏⴻⵏ ⴷ ⵓⵎⵢⴻⵣⴳⵉ ⵖⴻⵔ-ⵙⴻⵏ.
ⵜⴰⵙⴻⵏⵜⴰⵢⵜ-ⴰ ⵜⴻⵍⵍⴰ ⵉ ⵡⴰⴽⴽⴻⵏ ⴰⴷ ⵜⴻⴽⴽⴻⵔ ⵙⴻⴳ ⵢⵉⵎⵉⵔⵡⴻⵏ ⵉⵏⴻⵣⵡⴰⵏⴻⵏ ⵖⴻⵔ ⵜⵙⴻⵎⵙⴻⴷⴷⴰ ⵏ ⵓⵙⴻⵔⵙⵉ ⵏ ⵜⵉⴳⴰⵡⵜ ⵜⵉⴽⵎⴰⵎⵉⵏ, ⵉ ⴷ-ⵢⴻⵜⵜⴰⴽⴻⵏ ⴰⴷ ⵢⴻⵜⵜⵡⴰⵇⵇⴻⵏ ⵓⵙⵉⴷⵔⴻⵎ ⴰⵏⴻⵣⵡⴰⵏ ⵖⴻⵔ ⵜⵏⴻⵣⵣⴰⵢⵉⵏ ⵏ ⵓⵏⴻⴳⵎⵓ ⴰⵖⴻⵍⵏⴰⵡ, ⴰⴷ ⵢⴻⵜⵜⵓⵙⵓⴷⴷⴻⵙ ⵓⵙⴻⵎⵢⵓⴷⴷⴻⵙ ⴳⴰⵔ ⵢⵉⴳⵣⵓⵎⴻⵏ ⴷ ⵜⵙⵓⴷⴰ ⵢⴻⵎⴳⵉⵔⵔⴷⴻⵏ, ⴰⴽⴽⴻⵏ ⴷⴰⵖⴻⵏ ⴰⴷ ⵢⴻⵙⵙⴼⴰⵢⴻⵜ ⵙⴻⴳ ⵜⴻⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵎⵓⵖⵍⵉⵡⵉⵏ ⵢⴻⵎⴳⵉⵔⵔⴷⴻⵏ ⴷⴻⴳ ⵜⵉⵎⴻⵚⴽⵉⵡⵜ ⵏ ⵢⵉⵙⵓⴷⴰⵏ ⵉⵖⴻⵍⵏⴰⵡⴻⵏ ⵉⴳⴻⵔⵣⴻⵏ ⵏ ⵓⵙⵉⴷⵔⴻⵎ ⴰⵏⴻⵣⵡⴰⵏ ⴷ ⵢⴻⵍⵣⵓⵣⴻⵏ ⵏ ⵓⴽⴰⵕⴱⵓⵏ.
ⴰⵔⵏⵓ ⵖⴻⵔ
