ⵢⴻⵔⵎⴻⵙ ⵓⵏⴻⵖⵍⴰⴼ ⵏ ⵓⵎⴰⵀⵉⵍ ⴷ ⵓⵙⴻⵎⵔⴻⵙ, ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵎⴰⵙⵙ ⴰⴱⴷⴻⵍⵀⴻⴽ ⵙⴰⵉⵀⵉ, ⴰⵏⵎⴰⵣⴰⵍ ⵏ ⵓⵡⴰⵏⴰⴽ ⵏ ⵇⴰⵟⴰⵔ, ⴷⴻⴳ ⴷⵣⴰⵢⴻⵔ, ⵎⴰⵙⵙ ⴰⴱⴷⴻⵍⴰⵣⵉⵣ ⴰⵍⵉ ⴰⵍ-ⵏⴰⴰⵎⴰ, ⵎⴰⵏⵉ ⵉ ⴷ-ⵡⴻⴽⴽⴷⴻⵏ ⵙⵉⵏ-ⴰ ⵏ ⵢⵉⴷⵉⵙⴰⵏ ⵖⴻⴼ ⵜⴻⵍⵇⴻⵢ ⵏ ⵡⴰⵙⵙⴰⵖⴻⵏ ⵢⴻⵍⵍⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴷ ⵓⵎⴰⵀⴻⵍ ⵉ ⵓⵙⵉⵀⵔⴻⵡ-ⵏⵙⴻⵏ ⴰⴽⴽⴻⵏ ⴰⴷ ⵟⵟⴼⴻⵏ ⵜⵉⵖⵓⵍⴰ ⵏ ⵓⵏⵎⵉⵔⴻⴳ ⵓⴱⵍⵉⴳ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⴰⵙⵙ ⵏ ⵓⵙⴰⵎⴰⵙ (ⵍⵃⴻⴷⴷ), ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵜ-ⴰ, ⵉ ⴷ-ⵢⵓⵙⵉⵏ ⴷⴻⴳ ⵓⴽⴰⵜⴰⵔ ⵏ ⵓⵙⴻǧⵀⴻⴷ ⵏ ⵡⴰⵙⵙⴰⵖⴻⵏ ⵉⵙⵉⵏⵉⴷⵙⴰⵏⴻⵏ ⴳⴰⵔ ⴷⵣⴰⵢⴻⵔ ⴷ ⵓⵡⴰⵏⴰⴽ ⵏ ⵇⴰⵟⴰⵔ ⵜⴰⵡⴻⵍⵜⴰⵎⵜ, ⵎⴰⵙⵙ ⵙⴰⵉⵀⵉ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵢⵓⵎⴰⵔ ⵙ ⵜⴷⵓⵙⵉ ⵏ ⵡⴰⵙⵙⴰⵖⴻⵏ ⴰⴳⵎⴰⵜⴻⵏ ⴷ ⵢⵉⵎⴻⵣⵔⵓⵢⴰⵏⴻⵏ ⵉ ⵢⴻⵇⵇⵏⴻⵏ ⵙⵏⴰⵜ-ⴰ ⵏ ⵜⵎⵓⵔⴰ », ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⵓⴷⴻⴼ ⴷⴻⴳ ⵡⴰⵜⵜⴰⵍ ⵏ « ⵓⵎⵙⴻⵏⴼⴻⵍ ⵏ ⵜⵎⵓⵖⵍⵉⵡⵉⵏ ⴷ ⵓⵙⴻǧⵀⴻⴷ ⵏ ⵡⴰⵎⵎⴰⴽⴻⵏ ⵏ ⵓⵙⵏⴻⴳⵎⵓ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⴷⴻⴳ ⵜⵖⵓⵍⴰ ⵏ ⵓⵎⴰⵀⵉⵍ ⴷ ⵓⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵜⴰⵏⴻⵎⵜⵜⵉⵜ ».
ⴰⵏⴻⵖⵍⴰⴼ ⵢⴻⵙⵙⴰⵡⴻⵍ-ⴷ ⴷⴰⵖ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ, ⵖⴻⴼ ⵓⵙⵙⵉⵙⴻⵏ ⵉ ⵍⴰ ⵢⴻⵜⵜⴻⴳ ⵓⵡⴰⵏⴰⴽ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⴷ-ⵢⴻⴼⴽ ⴰⵎⵎⴻⵙⵜⴻⵏ ⴰⵏⵎⴻⵜⵜⵉ ⵉǧⴻⵀⴷⴻⵏ ⴷ ⵓⵎⵎⵉⴷ ⵉ ⵡⴰⴽⴽ ⵉⴼⴻⵔⴷⵉⵙⴻⵏ ⵏ ⵜⵎⴻⵜⵜⵉ ⴷ ⵜⴻⵡⵜⵉⵍⵉⵏ ⵉⵡⴰⵜⴰⵏ ⵉ ⵓⵃⵔⴰⵣ ⵏ ⵓⴳⴻⵎⵎⵉⵔ ⵏ ⵓⵎⴰⵀⴰⵍ ⴷⴻⴳ ⵓⴽⴰⵜⴰⵔ ⵏ ⵜⴻⵖⴷⴻⵎⵜ ⵜⴰⵎⵏⴻⴽⵏⴰⵢⵜ ⴳⴰⵔ ⵉⴽⴻⵔⵡⴰⵢⴻⵏ ⴷ ⵓⵎⴰⵀⴰⵍ ⴷ ⴳⴰⵔ ⵓⵏⴰⴱⴰⴹ.
ⵉⵡⴻⴽⴽⴻⴷ-ⴷ ⴷⴰⵖ ⴰⵙⴻⵃⴱⵉⴱⴻⵕ ⵏ ⴷⵣⴰⵢⴻⵔ ⵉ « ⵓⵙⵙⴻǧⵀⴻⴷ ⵏ ⵡⴰⵙⵙⴰⵖⴻⵏ ⵏ ⵓⴱⵍⴰⴳ ⴷ ⵓⵡⴰⵏⴰⴽ ⵏ ⵇⴰⵟⴰⵔ ⵙ ⵢⵉⵙⴻⵏⴼⴰⵔⴻⵏ ⴷ ⵡⴰⵀⵉⵍⴻⵏ ⵓⴱⵍⵉⴳⴻⵏ ⵉ ⵢⴻⵜⵜⵡⴰⵙⵙⴻⴹⵔⴰⵏ ⴷⴻⴳ ⵓⵏⵔⴰⵔ, ⴰⵎⴰ ⵙ ⵓⵙⵙⵓⴷⴷⴻⵙ ⵏ ⵢⵉⵙⴰⵔⴰⴳⴻⵏ ⵉⵜⵡⵉⵍⴰⵏⴻⵏ ⴷ ⵓⵙⵙⵉⵍⴻⵖ ⵏⴻⵖ ⵙ ⵓⵣⵎⴰⵍ ⵏ ⵢⴻⵎⵜⴰⵡⴰⵢⴻⵏ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⴰⵔⴰ ⵢⴻⵟⵟⴼⴻⵏ « ⴰⵎⵙⴻⵏⴼⴻⵍ ⵏ ⵜⴻⵔⵎⵉⵜⵉⵏ ⴷ ⵓⵙⴻǧⵀⴻⴷ ⵏ ⵢⵉⴽⴻⵜⵜⵓⵔⴻⵏ ⵏ ⵓⵙⴻⵎⵔⴻⵙ ⴷ ⵓⵙⴻⵎⴹⴻⵏ ⴰⴽⴽⴻⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ».
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⵎⴰⵣⴰⵍ ⵏ ⵇⴰⵜⴰⵔ ⵢⵓⵎⴻⵍ-ⴷ « ⵜⴰⵍⵇⴻⵢ ⵏ ⵡⴰⵙⵙⴰⵖⴻⵏ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵜⵉⵢⴻⵙⵙⵎⴰⵜⵉⵏ », ⵢⴻⵔⵏⵓ ⵉⵡⴻⴽⴽⴻⴷ-ⴷ ⵖⴻⴼ ⵜⵉⵖⴻⵙⵜ ⵏ ⵜⵎⵓⵔⵜ-ⵏⵏⴻⵙ « ⴰⵎⵙⴻⵏⴼⴻⵍ ⵏ ⵜⴻⵔⵎⵉⵜⵉⵏ ⴷ ⵓⵙⵙⴻⵎⵖⴻⵔ ⵏ ⵜⵖⵓⵍⴰ ⵏ ⵓⵏⵎⵉⵔⴻⴳ ⴷ ⴷⵣⴰⵢⴻⵔ ⴷ ⵜⴰⵏⴱⴻⵍⴰⴳⵜ ⵜⴰⵙⵙⵏⵓⴷⴷⵙⴰⵏⵜ ⴷⴻⴳ ⵜⴻⵎⵏⴰⴹⵜ-ⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⵉⵍⴻⵏ ⵏ ⵓⵎⴰⵀⵉⵍ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⴷ ⵓⵙⵏⴻⴳⵎⵓ ⵏ ⵜⵉⵙⵙⵓⴳⵔⵉⵡⵉⵏ ⵜⴰⵍⵙⵉⵡⵉⵏ ».
ⵉⵍⵎⴻⵏⴷ ⵏ ⵡⴰⵢⴰ, ⵢⴻⵔⵏⴰ-ⴷ ⵓⵍⵖⵓ-ⴰ ⴷⴰⴽⴽⴻⵏ ⴰⵏⵎⴰⵣⴰⵍ-ⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⴰⵎⵢⴰⴷⴰⵙ ⵏ ⵜⵎⵓⵖⵍⵉⵡⵉⵏ ⴷ ⵜⵏⵉⵍⵉⵡⵉⵏ ⴳⴰⵔ ⵡⴰⵏⵥⴰⴹⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵜⵉⵖⴻⵔⵖⴻⵔⵜ ⵜⴰⵇⵓⵔⴰⵏⵜ ⵉ ⵓⵙⴷⵓⵙⵓ ⵏ ⵓⵏⵎⵉⵔⴻⴳ ⴷⴻⴳ ⵜⵖⵓⵍⴰ ⵢⴻⵎⴳⴻⵔⵔⴰⴷⴻⵏ ⵢⴻⵔⵣⴰⵏ ⵜⵉⵏⵓⴼⴰ ⵜⵓⴱⵍⵉⴳⵉⵏ ».
ⵉⵍⵎⴻⵏⴷ ⵏ ⵉⴷⵉⵡⴻⵏⵏⵉⵢⴻⵏ-ⴰ, ⵙⵉⵏ-ⴰ ⵏ ⵢⵉⴷⵉⵙⴰⵏ ⵓⵜⵍⴰⵏ-ⴷ ⵖⴻⴼ ⵎⴻⵏⵏⴰⵡ ⵏ ⵢⵉⵙⵓⵎⴰⵔ ⵏ ⵉⵎⴰⵀⵍⴰⵏⴻⵏ ⵢⴻⵍⵍⴰⵏ ⵉⵙⵡⵉ ⵏ « ⵓⵙⵉⴳⴻⵡ ⵏ ⵓⵏⵎⵉⵔⴻⴳ ⴷ ⵓⵙⴻⵎⵖⴻⵔ-ⵏⵙⴻⵏ ⵖⴻⵔ ⵢⵉⵙⴻⵏⴼⴰⵔⴻⵏ ⵏ ⵢⵉⵎⴰⵍ ⵢⴻⵔⵣⴰⵏ ⵉⴳⵣⵓⵎⴻⵏ ⵓⴱⵍⵉⴳⴻⵏ, ⵙ ⵓⵎⵙⴻⵏⴼⴻⵍ ⵏ ⵜⵉⵔⵣⴰ ⵏ ⵓⵏⵔⴰⵔ ⵉ ⵢⵓⵎⵓⵣⴰⵢⴻⵏ ⴷ ⵓⵙⵓⴷⴷⴻⵙ ⵏ ⵜⵏⴻⵎⵙⴰⵍ ⵏ ⵓⵎⴰⵀⵉⵍ ⵓⴱⵍⵉⴳ ⴷ ⵓⵙⵏⴻⴳⵎⵓ ⵏ ⵜⵙⴻⵎⵙⴻⴷⴷⴰ ⵜⵓⵎⴹⵉⵏⵉⵏ ⵉ ⵓⵎⵙⴻⵏⴼⴻⵍ ⵏ ⵜⴻⵍⵖⴰ ⴷ ⵢⵉⵙⴰⵍⴰⵏ ⴷ ⵜⴻⵔⵎⵉⵜⵉⵏ ⴳⴰⵔ ⵜⵓⴷⴷⵙⵉⵡⵉⵏ ⵉ ⵜⴻⵔⵣⴰ ⵜⴻⵎⵙⴰⵍⵜ ».
ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ-ⴰ, ⵎⴰⵙⵙ ⵙⴰⵉⵀⵉ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⴰⵖⵍⵉⴼ-ⵏⵏⴻⵙ ⵢⴻⵎⵎⵓⵜⴻⴳ ⴰⴽⴽⴻⵏ ⴰⴷ ⵉⵎⴰⵀⴻⵍ ⴷ ⵢⵉⴷⵉⵙ ⴰⵇⴰⵟⴰⵔⵉ ⵉ ⵓⵙⴻⴽⵎⴻⵎ ⵏ ⵓⴱⵍⴰⴳ ⴰⵎⴻⴷⵢⴰⵏ ⴰⵔⴰ ⴷ-ⵢⵓⵖⴰⵍⴻⵏ ⵙ ⵜⵏⵓⴼⴰ ⵜⵓⴱⵍⵉⴳⵉⵏ ⵖⴻⴼ ⵙⵉⵏ ⵏ ⵢⵉⵖⴻⵔⴼⴰⵏ ⴰⴳⵎⴰⵜⴻⵏ, ⴷⴻⴳ ⵜⵖⵓⵍⴰ ⵏ ⵓⵎⴰⵀⵉⵍ ⴷ ⵓⵙⴻⵎⵔⴻⵙ ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ».
