ⵢⴻⵔⵎⴻⵙ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⴰⵙⵙ ⴱⵔⴰⵀⵉⵎ ⴱoⵓⴳⴰⵍⵉ, ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⵉ), ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⵓⵣⵖⴰⵔ ⵏ ⵜⵓⴳⴷⵓⴷⴰ, ⵏ ⴰⵣⵔⴰⴱⵉⵊⴰⵏ, ⵎⴰⵙⵙ ⵊⴻⵢⵀⵓⵏ ⴱⴰⵢⵔⴰⵎoⵯ, ⵢⴻⵍⵍⴰⵏ ⵉⴳⴰ-ⴷ ⵢⵉⵡⴻⵜ ⵏ ⵜⵉⵔⵣⴰ ⵜⵓⵏⵚⵉⴱⵜ ⵖⴻⵔ ⴷⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⴳⵔⴰⵡ.
ⵉⵍⵎⴻⵏⴷ ⵏ ⵜⴻⵎⵍⵉⵍⵉⵜ-ⴰ, ⵙⵉⵏ-ⴰ ⵏ ⵢⵉⴷⵉⵙⴰⵏ ⵓⵔⵣⵉⵏ ⵜⵉⵍⵡⴰⵜ ⴷ ⵢⵉⴳⵍⴰⵏ ⵏ ⵓⵏⵎⵉⵔⴻⴳ ⴳⴰⵔ ⵜⵎⵓⵔⴰ-ⵏⵙⴻⵏ. ⵎⴰⵙⵙ ⴱoⵓⴳⴰⵍⵉ ⵉⴱⴻⴳⴳⴻⵏ-ⴷ ⴰⵙⵉⵔⴻⵎ-ⵉⵙ ⴰⴽⴽⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ “ⴰⵙⵎⴰⵍ ⵏ ⵡⴰⵙⵙⴰⵖⴻⵏ ⵓⴱⵍⵉⴳⴻⵏ ⴷⴻⴳ ⵜⵖⵓⵍⴰ ⵏ ⵜⴷⴰⵎⵙⴰ, ⵏ ⵢⵉⴷⵍⴻⵙ, ⴷ ⵜⵓⵙⵙⵏⴰ ⵖⴻⵔ ⵓⵙⵡⵉⵔ ⵏ ⵜⵉⵖⴻⵙⵜ ⵜⴰⵙⴻⵔⵜⴰⵏⵜ ⵏ ⵓⵏⵥⴰⴹ ⵏ ⵙⵏⴰⵜ ⵏ ⵜⵎⵓⵔⴰ”, ⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵖⴱⴰⵍⵓ-ⴰ.
ⴷⴻⴳ ⵓⴽⴰⵜⴰⵔ-ⴰ, ⵢⵓⵎⴻⵍ-ⴷ ⴰⵎⵜⴰⵡⴰ ⴰⵙⵉⵏⴷⵉⵙⴰⵏ ⵢⴻⵜⵜⵡⴰⵣⴻⵎⴻⵍⵏ, ⴰⵙⵙ-ⴰ, ⴳⴰⵔ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ ⴷ ⵓⵎⵖⵉⵡⴰⵏ ⴰⵖⴻⵍⵏⴰⵡ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ, ⴷ ⵢⵉⵡⴻⵥⵍⴰ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⴰⵜⵜⴰⴼ, ⴷ ⵜⵓⵜⴰ-ⵏⵏⴻⵙ ⵏ ⴰⵣⵔⴰⴱⵉⵊⴰⵏ. ⴰⵎⵜⴰⵡⴰ-ⴰ ⵢⴻⵇⵇⴻⵏ ⵖⴻⵔ ⵓⵙⴻⵖⵏⴻⵡ ⵏ ⵢⵉⵡⴻⵜ ⵏ ⵜⴻⵙⵎⵉⵍⵜ ⵜⵓⴱⵍⵉⴳⵜ ⵉ ⵓⵏⵎⵉⵔⴻⴳ ⴰⵏⴻⵣⵣⴰⵏ, ⴰⴷⴰⵎⵙⴰ, ⵓⵙⵙⵏⴰⵏ ⴷ ⵓⵜⵡⵉⵍⴰⵏ, ⴰⵎⴻⴽ ⵢⴻⵍⵍⴰ ⴷ ⴰⴳⴻⵍⵍⵓⵙ ⴰⴳⴻⵊⴷⴰⵏ ⴷⴻⴳ ⵓⴽⴰⵍⴰ ⵏ ⵓⵙⴷⵓⵙⵓ ⵏ ⵓⵎⵙⴻⵏⴼⴻⵍ ⴳⴰⵔ ⵙⵏⴰⵜ ⵏ ⵜⵎⵓⵔⴰ”.
ⴷⴻⴳ ⵓⵙⵡⵉⵔ ⴰⵎⵏⵉ, ⵎⴰⵙⵙ ⴱoⵓⴳⵀⴰⵍⵉ ⵢⵓⵎⴻⵍ-ⴷ “ⴰⵙⵙⴰⵖⴻⵏ ⵉⵍⵇⴰⵢⴰⵏⴻⵏ’’ ⵢⴻⵍⵍⴰⵏ ⴳⴰⵔ ⵜⵙⵓⴷⴰ ⵜⵓⵙⴹⵉⴼⵉⵏ ⵏ ⵙⵏⴰⵜ ⵏ ⵜⵎⵓⵔⴰ ⴷ ‘ⵓⵡⴰⵜⵉ ⵏ ⵜⵎⵓⵖⵍⵉⵡⵉⵏ ⵖⴻⴼ ⵎⴻⵏⵏⴰⵡ ⵏ ⵜⴻⵎⵙⴰⵍ ⵢⴻⵔⵣⴰⵏ ⵜⴰⵏⴰⴼⵓⵜ ⵜⵓⴱⵍⵉⴳⵜ”, ⵢⴻⵙⵎⴻⴽⵜⵉ-ⴷ ‘ⴰⵎⵉⵔⴻⵡ ⵏ ⵙⵉⵏ ⵢⵉⴷⵉⵙⴰⵏ ⴰⴽⴽⴻⵏ ⴰⴷ ⵎⴰⵀⵍⴻⵏ ⴷⴷⵓⴽⴽⵍⵉ ⴷⴻⴳ ⵢⵉⵙⴰⵔⴰⴳⴻⵏ ⵉⵡⴰⵎⵏⵉⵢⴻⵏ ⵉⴳⵔⴰⵖⵍⴰⵏⴻⵏ ⵢⴻⵎⴳⴰⵔⴷⴻⵏ”, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ-ⴰ.
