ⴷⵣⴰⵢⴻⵔ ⵜⴰⵎⴰⵏⴰⵖⵜ – ⵢⴻⵔⵎⴻⵙ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ, ⵏ ⵓⵎⵖⵉⵡⴰⵏ ⴰⵖⴻⵍⵏⴰⵡ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ, ⴷ ⵢⵉⵡⴻⵥⵍⴰ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⴰⵜⵜⴰⴼ, ⴰⵙⵙ ⵏ ⵓⴽⵡⴰⵙ, ⴷⴻⴳ ⵜⴻⵙⵖⵉⵎⵜ ⵏ ⵓⵖⵍⵉⴼ, ⴰⵎⴰⵔⴰⵢ ⵏ ⵓⵡⴰⵏⴰⴽ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ ⵏ ⵜⴻⴳⴷⵓⴷⴰ ⵜⴰⵖⴻⵔⴼⴰⵏⵜ ⵏ ⴱⴰⵏⴳⵍⴰⴷⴰⵛⵀ, ⵎⴰⵙⵙ ⵀⵓⵎⴰⵢⵓⵏ ⴽoⴱⴱⵉⵔ ⴰⵎⴻⵖⵍⵓⴼ ⵙ ⵜⵓⵖⴷⴰⴹⵉⵏ ⵏ ⵓⵏⴻⵖⵍⴰⴼ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ ⵙ ⵢⵉⵎⴻⵣⴷⵉ, ⵢⴻⵍⵍⴰⵏ ⵉⴳⴰ-ⴷ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⴼ ⴷⵣⴰⵢⴻⵔ, ⵉⴷ ⵏ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ ⴷ ⵜⴻⵜⵔⵉⵙⵜ ⴷ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ ⵜⵉⴱⴻⵏⵖⴰⵍⵉⵢⵉⵏ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⵢⴻⵙⵙⴻⴳⵣⴰ-ⴷ ⵓⵖⴱⴰⵍⵓ-ⴰ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ « ⵜⴰⵍⴻⵎⵎⵉⵥⵜ ⵉ ⵓⵙⴻⴽⵢⴻⴷ ⵏ ⵜⵉⵍⵡⴰⵜ ⵏ ⵡⴰⵙⵙⴰⵖⴻⵏ ⵏ ⵓⵏⵎⵉⵔⴻⴳ ⵢⴻⵍⵍⴰⵏ ⴳⴰⵔ ⴷⵣⴰⵢⴻⵔ ⴷ ⴱⴰⵏⴳⵍⴰⴷⴻⵙⵀ ⴷ ⵢⵉⴳⵍⴰⵏ ⵏ ⵓⵙⵙⴻǧⵀⴻⴷ ⴷ ⵓⵙⵏⴻⴳⵎⵓ-ⵏⵏⴻⵙ ⴷⴻⴳ ⵜⵖⵓⵍⴰ ⵢⴻⵎⴳⴻⵔⵔⴰⴷⴻⵏ, ⵍⴰⴷⵖⴰ ⵡⵉⴷ ⵉ ⵢⴻⵙɛⴰⵏ ⵜⵓⵣⵡⵉⵔⵜ ⵉ ⵙⵉⵏ-ⴰ ⵏ ⵢⵉⴷⵉⵙⴰⵏ, ⴰⵎ ⵜⴻⵥⵡⴻⵔⵜ, ⵜⴰⵏⴻⵣⵣⵓⵜ, ⵜⴰⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ, ⴷ ⵜⴻⵎⴳⵓⵔⵉⵡⵉⵏ ⵏ ⵜⵓⵥⴹⵉⴹⵉⵏ, ⴷ ⵜⵉⵅⵓⵜⴻⵔⵜ ⵏ ⵓⵙⵉⴳⴻⵡ ⵏ ⵜⵙⴻⵎⵙⴻⴷⴷⴰ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⴷⴻⴳ ⵜⴻⴷⵢⴰⵏⵉⵏ ⴰⵔⴰ ⴷ-ⵢⵉⵍⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ».
ⵙⵉⵏ-ⴰ ⵏ ⵢⵉⴷⵉⵙⴰⵏ ⵎⵙⴻⵏⴼⴰⵍⴻⵏ ⵜⵉⵎⵓⵖⵍⵉⵡⵉⵏ ⵖⴻⴼ « ⵜⴻⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵜⵉⵏⵉⵎⵉⵔⵉⵏ ⵢⴻⵔⵣⴰⵏ ⴰⵏⴻⴽⵏⵉ ⵓⴱⵍⵉⴳ, ⴷ ⵜⴹⵓⵍⵍⵉⵜ ⵏ ⵓⴷⴳⴰⵍ ⵏ ⵓⵎⴰⵀⵉⵍ ⴰⴳⴻⴷⴷⵉⵙⴰⵏ, ⴰⵢⴰ ⴷⴻⴳ ⵡⴰⵜⵜⴰⵍ ⵏ ⵜⵙⴻⵍⵡⵉⵜ ⵜⴰⵏⵉⵎⵉⵔⵜ ⵏ ⴱⴰⵏⴳⵍⴰⴷⴻⵙⵀ ⵉ ⵜⵖⴻⵎⵍⵉⵍⵜ ⵜⵉⵙ 81 ⵏ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⴰ.
ⴰⵔⵏⵓ ⵖⴻⵔ
