ⵙⵙⴰⵡⴹⴻⵏ ⵢⵉⵎⵙⴻⵍⵃⴻⵏ ⵏ ⵍⴱⵓⵍⵉⵙ ⴷⴻⴳ ⵜⵡⵉⵍⴰⵢⵜ ⵏ ⵡⴻⵀⵔⴰⵏ ⴰⴷ ⴼⵙⵉⵏ (ⴰⴷ ⴽⴽⵙⴻⵏ) ⵢⵉⵡⴻⵜ ⵏ ⵜⵔⴱⴰⵄⵜ ⵏ ⵢⵉⵎⴻⴽⵔⴰⴷⴻⵏ ⵢⴻⵣⵣⴻⵏⵣⴻⵏ ⵉⵙⴰⴼⴰⵔⴻⵏ ⵏ ⵙⵙⴻⵎ (ⵍⵎⵓⵅⴰⴷⵉⵔⴰⵜ), ⵍⵍⴰⵏ ⴷⴻⴳ-ⵙ ⵅⴻⵎⵙⴰ (5) ⵏ ⵢⵉⵎⴷⴰⵏⴻⵏ, ⵢⴻⵔⵏⴰ ⵟⵟⴼⴻⵏ-ⴷ ⵖⵓⵔ-ⵙⴻⵏ ⴽⵔⴰ ⵏ ⵍⴽⵓⴽⴰⵢⵉⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵍⴱⵓⵍⵉⵙ ⴰⵙⵙ-ⴰ ⵏ ⵍⴰⵔⴻⴱⵄⴰ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⵉⵍⵎⴻⵏⴷ ⵏ ⵢⵉⵙⴰⵍⴻⵏ ⵉ ⴷ-ⵢⴻⵡⴹⴻⵏ ⵖⴻⵔ ⵜⵔⴱⴰⵄⵜ ⵏ ⵓⵎⴻⵏⵏⵓⵖ ⵎⴳⴰⵍ ⵜⴽⴻⵔⴽⴰⵙ ⵏ ⵜⴻⵎⴷⵉⵏⵜ ⵏ ⵍⴱⵓⵍⵉⵙ ⵏ ⴱⵉⵔ ⵍⵊⵉⵔ. ⵢⴻⵏⵏⴰ-ⴷ ⵢⵉⵙⴰⵍ-ⵏⵏⵉ ⴱⴻⵍⵍⵉ ⵢⵉⵎⴷⴰⵏⴻⵏ-ⴰⴳⵉ ⵣⴻⵏⵣⴻⵏ ⵉⵙⴰⴼⴰⵔⴻⵏ ⵏ ⵙⵙⴻⵎ ⵉⵊⴻⵀⴷⴻⵏ (ⵍⴽⵓⴽⴰⵢⵉⵏ) ⴷⴻⴳ ⵜⴻⵎⴷⵉⵏⵜ, ⵢⴻⵔⵏⴰ ⵔⵔⴰⵏ ⵉⵅⵅⴰⵎⴻⵏ-ⵏⵙⴻⵏ ⴷ ⵓⴷⵏⵉⵇⵏ ⴰⴽⴽⴻⵏ ⴰⴷ ⵃⴻⵔⵣⴻⵏ ⴷ ⴰⴷ ⵣⴻⵏⵣⴻⵏ ⵙⵙⴻⵎ-ⴰⴳⵉ.
ⵉⵎⴻⵙⵜⴰⵏⴻⵏ (ⵍⵎⵓⵃⴰⵇⵉⵇⵉⵏ) ⵏ ⵍⴱⵓⵍⵉⵙ ⴳⴰⵏ ⵢⵉⵡⴻⵏ ⵓⵏⴰⴷⵉ ⵍⵇⴰⵢⴻⵏ ⴷⴻⴳ ⵓⵏⴰⵔ, ⴰⵢⴻⵏ ⵉ ⵜⴻⵏ-ⵢⴻⵊⵊⴰⵏ ⴰⴷ ⵃⴱⴻⵙⵏ ⵓⵖⴰⵡⴰⵙ-ⵏⵙⴻⵏ ⵏ ⵜⴽⴻⵔⴽⴰⵙ ⴷⴻⴼⴼⵉⵔ ⵎⵉ ⵜⴻⵏ-ⴹⴻⴼⵔⴻⵏ ⵢⴻⵔⵏⴰ ⵄⴻⵇⵍⴻⵏ ⴰⵏⵉⵡⴰ ⵜⵜⴻⴽⴽⴻⵏ ⴷ ⵡⴰⵏⵉ ⵣⴷⴻⵖⴻⵏ, ⴰⵔⵎⵉ ⵉ ⵜⴻⵏ-ⵟⵟⴼⴻⵏ.
ⴷⴻⴼⴼⵉⵔ ⵎⵉ ⴽⴼⴰⵏ ⵡⴰⴽⴽⴻⵏ ⵢⴻⵍⵍⴰ ⵍⵇⴰⵏⵓⵏ, ⵙ ⵓⵢⴻⵏ ⵉ ⴷ-ⵢⴻⵏⵏⴰ ⵡⴰⴽⵉⵍ ⵏ ⵜⴳⴷⵓⴷⴰ ⵏ ⵜⵙⵏⴰⵡⵜ ⵏ ⴼⴻⵍⵍⴰⵡⵙⴻⵏ, ⵟⵟⴼⴻⵏ ⵅⴻⵎⵙⴰ ⵏ ⵢⵉⵎⴷⴰⵏⴻⵏ ⴳⴰⵔ-ⴰⵙⴻⵏ ⵢⵉⵡⴻⵜ ⵏ ⵜⴻⵍⴻⵎⵣⵉⵜ, ⵢⴻⵔⵏⴰ ⴽⴽⵙⴻⵏ-ⴷ ⵖⵓⵔ-ⵙⴻⵏ ⵍⴽⵓⴽⴰⵢⵉⵏ ⴷ ⵢⵉⵡⴻⵜ ⵏ ⵜⴽⴻⵕⵕⵓⵙⵜ ⵙ ⵡⴰⵢⴻⵙ ⵍⵍⴰⵏ ⵜⵜⴰⵣⴰⵍⴻⵏ, ⵓⵍⴰ ⴷ ⵓⵇⵛⵉⵛ ⵏ ⵢⵉⴷⵔⵉⵎⴻⵏ ⵉ ⴷ-ⵓⵡⵉⵏ ⵙⴳ ⵓⵣⴻⵏⵣⵉ-ⵏⵏⵉ.
ⵢⴻⵏⵏⴰ-ⴷ ⵓⵖⴱⴰⵍⵓ-ⵏⵏⵉ ⴱⴻⵍ ⵢⵉⵎⴷⴰⵏⴻⵏ-ⴰⴳⵉ ⵄⴻⴷⴷⴰⵏ ⵣⴰⵜ ⵜⵖⴻⴷⵎⴻⵜ, ⵢⴻⵔⵏⴰ ⵢⴻⴼⴼⴻⵖ-ⴷ ⵍⴰⵎⴻⵔ ⴰⴽⴽⴻⵏ ⴰⴷ ⵜⵜⵡⴰⵃⴱⴻⵙⵏ ⵖⴻⴼ ⵜⵓⵛⴹⴰ ⵏ ⵓⵣⴻⵏⵣⵉ ⴷ ⵜⵏⴻⵣⵣⵓⵜ ⵏ ⵢⵉⵙⴰⴼⴰⵔⴻⵏ ⵏ ⵙⵙⴻⵎ ⵉⵊⴻⵀⴷⴻⵏ.
ⴰⵔⵏⵓ ⵖⴻⵔ
