ⵙⵙⴰⵡⴹⴻⵏ ⵢⵉⵎⴻⵣⵡⴰⵍ ⵏ ⵜⵙⴻⴷⴷⴰⵔⵜ ⵏ ⵓⵏⴰⴷⵉ ⴷ ⵓⵏⴻⵍⵍⴻⵢ (BRI) ⵏ ⵍ'ⴰⵎⵏ ⵏ ⵜⵡⵉⵍⴰⵢⵜ ⵏ ⵡⴻⵀⵔⴰⵏ ⴰⴷ ⵙⵖⴻⵍⵉⵏ ⵢⵉⵡⴻⵜ ⵏ ⵜⴻⵔⴱⴰⵄⵜ ⵏ ⵢⵉⵛⴻⵏⵏⴰⵢⴻⵏ ⵉ ⴷ-ⵢⴻⵍⵀⴰⵏ ⴷ ⵓⵣⴻⵏⵣⵉ ⵏ ⵍⵎⵓⵅⴻⴷⴷⵉⵔⴰⵜ ⴷⴻⴳ ⵢⵉⵎⵓⴽⴰⵏ ⵏ ⵜⴻⵎⴷⵉⵏⵜ. ⴰⵢⴰ ⵢⴻⵊⵊⴰ-ⴷ ⴰⵃⵔⴰⵣ ⵏ 35.250 ⵏ ⵜⵄⴻⵇⵇⴰⵢⵉⵏ ⵏ ⵍⵀⴻⵍⵡⴰⵙ, ⴰⴽⴽⴻⵏ ⵉ ⴷ-ⵢⴻⴼⴼⵖⴻⵏ ⵡⴰⵙⵙ-ⴰ ⵏ ⵓⵙⵉⵏⴰⵙ ⵙⴻⴳ ⵙⵙⴻⵍⴽ-ⴰⴳⵉ ⵏ ⵍ'ⴰⵎⵏ.
ⵜⵉⴳⴳⵉⵏ-ⴰⴳⵉ ⵜⴻⵊⵊⴰ-ⴷ ⴰⵟⵟⴰⴼ ⵏ ⵙⴹⵉⵙ (6) ⵏ ⵢⴻⵎⴷⴰⵏⴻⵏ, ⴷ ⵓⵃⵔⴰⵣ ⵏ ⵜⵏⴻⵛⵜⵉⵡⵜ ⵏ ⵢⵉⵎⵙⴻⴽⵔⵉⵜⵢⴻⵏ ⵏ ⵙⵙⴻⵏⴼ ⵏ "ⴱⵔⵉⴳⴰⴱⴰⵍⵉⵏ 300 ⵎⴳ", ⵔⵔⵉⴼ ⵏ ⵙⵏⴰⵜ ⵏ ⵜⵎⴰⵛⵉⵏⵉⵏ ⵉ ⵍⵍⴰⵏ ⵙⵙⴻⵇⴷⴰⵛⴻⵏ ⵉ ⵓⵙⵉⵡⵡⴻⴹ ⴷ ⵓⵣⴻⵏⵣⵉ ⵏ ⵍⵎⵓⵅⴻⴷⴷⵉⵔⴰⵜ, ⴷ ⵜⴻⵣⵎⴻⵔⵜ ⵏ ⵢⴻⴷⵔⵉⵎⴻⵏ ⵏ 53 ⵏ ⵢⵉⵎⴻⵍⵢⴰⵢⴻⵏ (ⵙⴻⵏⵜⵉⵎ) ⵉ ⴷ-ⵢⴻⴽⴽⴽⴰⵏ ⵙⴻⴳ ⵓⵣⴻⵏⵣⵉ-ⴰⴳⵉ, ⵙ ⵓⵏⵏⴻⵛⵜ ⵏ ⵓⵖⴱⴰⵍⵓ-ⴰⴳⵉ.
ⵜⵓⵙⴰ-ⴷ ⵜⵉⴳⴳⵉⵏ-ⴰⴳⵉ ⴷⴻⴼⴼⵉⵔ ⵎⵉ ⴷ-ⵡⵉⵏⵜ ⵜⵙⴻⴷⴷⴰⵔⵉⵏ ⵏ ⵍ'ⴰⵎⵏ ⵢⵉⵙⴰⵍⵍⴻⵏ ⵖⴻⴼ ⵢⵉⵎⴷⴰⵏⴻⵏ-ⴰⴳⵉ ⵉ ⵢⵉⵅⴻⴷⴷⵎⴻⵏ ⴰⵏⵏⴻⵛⵜ-ⴰ. ⵢⵉⵙⴰⵍⵍⴻⵏ-ⴰⴳⵉ ⵏⵏⴰⵏ-ⴷ ⴱⴻⵍⵍⵉ ⵢⵉⵎⴻⴹⵍⴰⵎⴻⵏ-ⴰⴳⵉ ⵍⵍⴰⵏ ⵙⵙⴰⵡⴰⴷⴻⵏ ⵍⵎⵓⵅⴻⴷⴷⵉⵔⴰⵜ ⵢⴻⵔⵏⵓ ⵅⴻⴷⴷⵎⴻⵏ ⵢⵉⵅⵅⴰⵎⴻⵏ-ⵏⵙⴻⵏ ⴷ ⵢⵉⵎⵓⴽⴰⵏ ⵉ ⵍⵇⴻⴷⴷⵉⵛ-ⵏⵙⴻⵏ ⵏ ⴷⴷⵉⵔ, ⵙ ⵓⵙⴻⵇⴷⴻⵛ ⵏ ⵎⴻⵏⵏⴰⵡ ⵏ ⵜⵎⴰⵛⵉⵏⵉⵏ ⴷⴻⴳ ⵢⵉⵎⵓⴽⴰⵏ ⵏ ⵜⴻⵎⴷⵉⵏⵜ.
ⴷⴻⴼⴼⵉⵔ ⵎⵉ ⵍⵍⴰⵏ ⵜⵄⴰⵙⵙⴰⵏ ⵜⴰⵔⵔⴰⵢⵜ-ⵏⵙⴻⵏ, ⵙⴱⴻⴷⴷⴻⵏ ⵜⵉⵎⴰⴳⵉⵜ-ⵏⵙⴻⵏ ⴷ ⵡⴰⵏⴷⴰ ⵍⵍⴰⵏ, ⵢⴻⵔⵏⵓ ⴼⵓⴽⴽⴻⵏ ⵢⵉⵍⵓⴳⴰⵏ ⵏ ⵍⵇⴰⵏⵓⵏ ⴷ ⵡⴰⴽⵉⵍ ⵏ ⵜⴳⴷⵓⴷⴰ ⵏ ⵜⵎⴰⵃⴽⴰⵎⵜ ⵏ ⴼⵍⴰⵡⵙⴻⵏ, ⵍⴷⵉⵏ-ⴷ ⵜⴰⵔⵔⴰⵢⵜ ⵏ ⵓⴼⵜⵜⴻⵙ ⴷ ⵡⴰⵟⵟⴰⴼ. ⵙⵙⴻⴳⴷⴻⵏ ⵢⵉⵡⴻⵜ ⵏ ⵜⴰⵔⵔⴰⵢⵜ ⵉⵊⴻⵀⴷⴻⵏ ⵉ ⵢⴻⵊⵊⴰⵏ ⴰⴷ ⵜⴻⵏ-ⵟⵟⴼⴻⵏ ⵢⵉⵡⴻⵏ ⵢⵉⵡⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ.
ⵅⴻⴷⵎⴻⵏ-ⴰⵙⴻⵏ ⴰⴹⵔⵉⵙ ⵏ ⵍⵇⴰⵏⵓⵏ, ⵓⵍⵉⵏ ⵣⴷⴰⵜ ⵏ ⵜⵎⴰⵃⴽⴰⵎⵜ ⵙ ⵜⵛⴻⵎⵎⵉⵜ ⵏ ⵓⵙⵉⵡⵡⴻⴹ, ⴰⵣⴻⵏⵣⵉ ⴷ ⵓⵃⵔⴰⵣ ⵏ ⵍⵎⵓⵅⴻⴷⴷⵉⵔⴰⵜ ⴷⴻⴳ ⵢⵉⵡⴻⵜ ⵏ ⵜⴻⵔⴱⴰⵄⵜ ⵏ ⴷⴷⵉⵔ. ⴹⴻⵍⵇⴻⵏ-ⴰⵙⴻⵏ ⵍⵃⴻⴽⵎ ⵏ ⵍⵃⴻⴱⵙ ⵏ ⵍⵡⴻⵇⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ.
ⴰⵔⵏⵓ ⵖⴻⵔ
