ⵢⴻⵣⵎⴻⵔ ⵓⵀⴻⵢⵢⵓⵍ ⵏ ⵜⴷⴰⴱⴰⵍⵜ ⵜⴰⵖⴻⵍⵏⴰⵡⵜ (ⴳⴻⵏⴷⴰⵔⵎⴻⵔⵉⴻ) ⴷⴻⴳ ⵜⵎⵓⵕⵜ ⵏ 'ⵄⵏⵏⴰⴱⴰ' ⴰⴷ ⵢⴻⵟⵟⴻⴼ 7 ⵏ ⵢⴻⵎⴷⴰⵏⴻⵏ ⵉ ⵉⴹⴻⵎⵎⴻⵏ ⴷⴻⴳ ⵓⵎⵣⴻⵏⵣⴰ ⵓⵔ ⵏⵓⵙⵙⵍⵉⴼ (ⵙⵐⴻⵛⵓⵍⴰⵜⵉⵓⵏ) ⵏ ⵢⵉⵏⴻⴹⵔⴰⵏ ⵏ ⵍⴽⴰⵡⵉⵜⵛⵓ (ⵃⵏⴻⵓⵙ) ⵉ ⴷ-ⵢⴻⵜⵜⵡⴰⵡⵉⵏ ⵙⴻⴳ ⵜⴱⴻⵔⵔⴰⵏⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵢⵉⵎⴻⵥⵍⴰ-ⴰⴳⵉ ⵡⴰⵙⵙ-ⴰ ⵏ ⵍⵃⴻⴷ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ "ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵓⵎⴻⵏⵏⵓⵖ ⵎⴳⴰⵍ ⵓⵎⵣⴻⵏⵣⴰ ⵓⵔ ⵏⵓⵙⵙⵍⵉⴼ ⴷⴻⴳ ⵡⴰⵏⵏⴰⵔ ⵏ ⵢⵉⵏⴻⴹⵔⴰⵏ ⵉ ⵜⵣⴻⵏⵣⵓ ⵜⴽⴻⴱⴱⴰⵏⵉⵜ 'ⵏⴰⴼⵜⴰⵍ' ⵙ ⵙⵙⵓⵎⴰ ⵢⴻⵜⵜⵡⴰⵃⴻⴷⴷⴻⵏ ⵉⵡⴰⴽⴽⴻⵏ ⴰⴷ ⵜⴻⵜⵜⵡⴰⵃⵔⴻⵣ ⵜⴰⵣⵎⴻⵔⵜ ⵏ ⵓⵙⵙⴻⵖ ⵏ ⵓⵎⴻⵔⵣⵉ, ⵉⵎⴻⵥⵍⴰ ⵏ ⵓⵏⴰⴷⵉ ⴷ ⵓⵙⵜⴰⴳ (ⵔⴻⵛⵀⴻⵔⵛⵀⴻ ⴻⵜ ⵉⵏⵯⴻⵙⵜⵉⴳⴰⵜⵉⵓⵏ) ⵏ ⵜⴷⴰⴱⴰⵍⵜ ⵜⴰⵖⴻⵍⵏⴰⵡⵜ ⴷⴻⴳ ⵄⵏⵏⴰⴱⴰ ⵅⴻⴷⵎⴻⵏ ⴰⵎⴻⵀⵍⴰⵏ ⵙ ⵓⵙⴻⵎⵔⴻⵙ ⵏ ⵜⴻⵍⵖⵓⵜ ⵉ ⴷ-ⵢⵓⵙⴰⵏ ⵖⴻⴼ ⵢⵉⵡⴻⵏ ⵏ ⵓⵏⴻⵏⵣⴰⵢ ⵉ ⵉⵜⵣⴻⵏⵣⵓⵏ ⵉⵏⴻⴹⵔⴰⵏ ⵏ ⵍⴽⴰⵡⵉⵜⵛⵓ ⵙ ⵙⵙⵓⵎⴰ ⵉⵛⴻⴱⵃⴻⵏ ⵉ ⵉⵡⵡⴹⴻⵏ ⴰⵔ ⵙⵉⵏ ⵏ ⵍⵎⴻⵔⵔⴰⵜ ⵏ ⵙⵙⵓⵎⴰ ⵏ ⴷⴷⵓⵍⴰ".
ⵢⴻⵔⵏⴰ-ⴷ ⴱⴻⵍⵍⵉ "ⵉⵎⵉⵔ-ⵏⵏⵉ, ⵉⵎⴻⵥⵍⴰ ⵏ ⴷⴰⵅⴻⵍ ⴱⴷⴰⵏ ⴰⵏⴰⴷⵉ ⵙ ⵜⴰⵔⵔⴰⵢⵜ ⵏ ⵓⵙⵜⴰⴳ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⴰⵎⴽⴰⵏ ⵏ ⵜⵏⴻⵣⵣⵓⵜ-ⵏⵏⵉ. ⴷⴻⴳ ⵓⴼⵜⴻⵙ ⵏ ⵢⵉⵎⵔⴰⵃⴻⵏ (ⵎⴰⴳⴰⵙⵉⵏⵙ) ⵉ ⵢⴻⵇⵇⵏⴻⵏ ⵖⴻⵔ ⵜⵏⴻⵣⵣⵓⵜ-ⴰⴳⵉ, ⵓⴼⴰⵏ ⵓⴳⴰⵔ ⵏ 100 ⵏ ⵢⵉⵏⴻⴹⵔⴰⵏ ⵏ ⵍⴽⴰⵡⵉⵜⵛⵓ ⵏ ⵜⵎⵓⵔⴰ ⵏ ⴱⴻⵔⵔⴰ ⵏ ⵢⴰⵍ ⵍⵇⵉⵙ, ⵉ ⵢⴻⴼⴼⵔⴻⵏ ⴰⴽⴽⴻⵏ ⵉⵍⴰⵇ ⴷⴻⴳ ⴷⴰⵅⴻⵍ".
ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵓⵏⴰⴷⵉ, "ⵜⴻⵙⵔⴻⵡ ⵜⴰⵙⴻⴷⵎⵉⵔⵜ-ⴰⴳⵉ ⴰⵎⴻⵀⵍⴰⵏ-ⵉⵙ ⵖⴻⵔ ⵜⵡⵉⵍⴰⵢⵜ ⵏⵏⵉⴹⴻⵏ ⵉ ⴷ-ⵢⴻⵣⵣⵉⵏ, ⴷⴰⴳⵉ ⵓⴼⴰⵏ ⵓⴳⴰⵔ ⵏ 100 ⵏ ⵢⵉⵏⴻⴹⵔⴰⵏ ⵏⵏⵉⴹⴻⵏ, ⵉⵎⵉⴷⴰⵡⴻⵏ (ⵊⵓⵎⴻⵍⵍⴻⵙ) ⵏ ⵢⵉⴹ ⴷ ⵡⴰⵙⵙ, ⴷ ⵡⴰⵍⵍⴰⵍ ⵏ ⵓⵙⴻⵍⵡⴰⵢ ⵏ 'ⴷⵔⵓⵏⴻ', ⴰⴽⴽⴻⵏ ⵉ ⴷ-ⵟⵟⴼⴻⵏ 7 ⵏ ⵢⴻⵎⴷⴰⵏⴻⵏ ⴳⴰⵔ-ⴰⵙⴻⵏ ⵙⵏⴰⵜ ⵏ ⵜⵍⴰⵡⵉⵏ".
ⵓⴷⵢⴰⵏ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ "ⵙⴽⵓⴷ ⴽⴰⵏ ⴰⴷ ⵢⴻⵏⴼⵓⴽⴽ ⵓⵏⴰⴷⵉ, ⵡⵉⴷ ⵉ ⴷ-ⵢⴻⵜⵜⵡⴰⵟⵟⴼⴻⵏ ⴰⴷ ⴷ-ⴼⴼⵖⴻⵏ ⵖⴻⵔ ⵜⵙⵓⵍⵟⴰⵏⵜ ⵏ ⵍⵇⴰⵏⵓⵏ ⵉ ⵎⵄⵏⵉⵢⴻⵏ".
ⴰⵔⵏⵓ ⵖⴻⵔ
