ⵜⴻⵙⵙⵓⴷⴷⴻⵙ ⵜⵇⵓⵏⵙⵓⵍⵜ ⵜⴰⵎⴰⵜⵓⵜ ⵜⴰⵣⵣⴰⵢⵔⵉⵜ ⴷⴻⴳ ⵊⴻⵏⴻⵠⴰ, ⵙ ⵜⴷⵓⴽⵍⵉ ⴷ ⵜⴻⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ ⵉ ⵓⵙⵏⴻⵔⵏⵉ ⵏ ⵓⵙⵙⴻⵜⵎⴻⵔ ⴰⵣⴻⴽⴽⴰ ⵏ ⵍⴰⵔⴻⴱⴻⵄ ⴷⴻⴳ ⵜⴻⵎⴷⵉⵏⵜ-ⴰⴳⵉ ⵏ ⵙⵙⵡⵉⵙ, ⵢⵉⵡⴻⵜ ⵏ ⵜⵏⴻⵖⵎⴰⵙⵜ ⵜⴰⴷⴰⵎⵙⴰⵏⵜ ⵉ ⵓⵇⴻⵔⴷⴻⵛ ⵏ ⵜⴻⵎⵎⴰⵔ ⵏ ⵓⵙⵙⴻⵜⵎⴻⵔ ⴷⴻⴳ ⵍⴻⵣⵣⴰⵢⴻⵔ, ⵙ ⵓⵣⴻⵏⵣⵉⵖ "ⴰⵙⵙⴻⵜⵎⴻⵔ ⴷⴻⴳ ⵍⴻⵣⵣⴰⵢⴻⵔ: ⵜⵉⵣⴻⵎⵎⴰⵔ ⴷ ⵢⵉⵙⴰⵔⴰⵎⴻⵏ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⴻⵙⵏⵓⵔⴻⴼⵜ.
ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ "ⵓⵙⴻⴶⵀⴻⴷ ⵏ ⵜⵉⵍⵉⵢⵉⵏ ⵏ ⵜⴻⵢⵡⴰⵍⵜ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵍⴰⴷⵖⴰ ⵜⵉⵣⴻⵎⵎⴰⵔ ⵏ ⵍⴻⵣⵣⴰⵢⵔⵉⵢⴻⵏ ⵉⵕⴻⵙⵙⴰⵏⴻⵏ ⴷⴻⴳ ⵙⵙⵡⵉⵙ, ⵉⵡⴰⴽⴽⴻⵏ ⴰⴷ ⵜⴻⵏ-ⵉⴷ-ⵏⵙⴻⵀⵔⴻⵙ ⴰⴷ ⵜⵜⴻⴽⴽⵉⵏ ⴷⴻⴳ ⵜⵉⴷⴷⵢⵜⴰⴷⴰⵎⵙⴰⵏⵜ ⵏ ⵍⴻⵣⵣⴰⵢⴻⵔ ⵙ ⵓⵏⴰⴷⵉ ⵏ ⵜⵣⴻⵎⵎⴰⵔ ⵏ ⵓⵙⵙⴻⵜⵎⴻⵔ ⴷ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ ⵏ ⵢⵉⵎⴰⵍ ⴷⴻⴳ ⵢⵉⵏⵏⴰⵔⴻⵏ ⵎⴻⵕⵕⴰ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.
ⴰⵀⵉⵍ ⵏ ⵜⵏⴻⵖⵎⴰⵙⵜ ⴷⴻⴳ-ⵙ ⵡⴰⵟⴰⵙ ⵏ ⵢⵉⵙⵓⴽⴰ: ⴰⵙⴻⵏⴽⴻⴷ ⵏ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ ⴷ ⵡⵉⵏ ⵏ ⵜⴻⴱⵣⴻⵔⵜ ⵉ ⵓⵙⵓⴷⴷⴻⵙ ⵏ ⵓⵙⵙⴻⵜⵎⴻⵔ ⴷⴻⴳ ⵍⴻⵣⵣⴰⵢⴻⵔ, ⵜⴰⵔⵔⴰⵢⵉⵏ ⵏ ⵓⵙⴻⵏⵎⴻⵔ ⵏ ⵢⵉⵏⵏⴰⵔⴻⵏ ⵉⴷⴰⵎⵙⴰⵏⴻⵏ ⵉⵕⴻⵙⵙⴰⵏⴻⵏ, ⴷ ⵓⵡⵡⵉ ⵏ ⵜⵎⵓⵖⵍⵉ ⵖⴻⴼ ⵡⴰⵍⵍⴰⵍⴻⵏ ⵏ ⵓⵙⴼⵓⵍⴻⵍ ⴷ ⵓⴼⵙⵉⵙ ⵉ ⵢⵉⵎⵙⴻⵜⵎⴰⵔⴻⵏ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ.
ⵜⵉⴳⴳⴰⵡⵜ-ⴰⴳⵉ ⵜⴻⵙⵙⴻⴽⵏⴰⵢ ⵍⴻⴱⵖⵉ ⵏ ⵢⵉⵎⴹⴻⴱⴱⵔⴻⵏ ⴷ ⵜⴻⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ ⵉ ⵓⵙⴼⵓⵍⴻⵍ ⵏ ⵢⵉⵎⴰⵡⵍⴰⵏ ⵏ ⵢⵉⵙⴻⵏⴼⴰⵔⴻⵏ ⴷ ⵓⵙⴰⵜⵉⴳ ⵏ ⵓⵜⴻⴽⴽⵉ ⵏ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ ⵏ ⴱⴻⵕⵕⴰ ⴷⴻⴳ ⵓⴱⵔⵉⴷ ⵏ ⵓⵙⵏⴻⴼⵍⵉ ⴰⴷⴰⵎⵙⴰⵏ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
