ⵜⵓⵖⵎⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵙⵙⴻⵔⵙⴻⵏⵜ ⵜⵉⵟ-ⵏⵙⴻⵏⵜ ⴰⵙⵙ-ⴰ ⵏ ⵍⵃⴻⴷ ⵖⴻⴼ ⵜⵎⵍⵉⵍⵉⵜ ⵏ ⵓⵙⴻⵍⵡⴰⵢ ⵏ ⵜⴳⴷⵓⴷⴰ ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ ⴰⴽⴽⴻⴷ ⵜⵓⵖⵎⵉⵙⵉⵏ ⵜⵉⵏⴰⵎⵓⵔⵉⵏ. ⵍⴻⵀⵡⴰⵢ-ⵏⵙⴻⵏⵜ ⵜⴻⵍⵍⴰ-ⴷ ⵖⴻⴼ ⵡⴰⵢⴻⵏ ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵖⴻⴼ ⵜⵉⵣⴷⴰⵢⵉⵏ ⵏ ⵜⴳⵎⴰⵜ (fraternité) ⵢⴻⵊⵀⴻⴷⵏ ⵉ ⵢⴻⵇⵇⵏⴻⵏ ⵍⵣⵣⴰⵢⵔ ⴰⴽⴽⴻⴷ ⵜⵎⵓⵔⴰ ⵜⵉⵄⵔⴰⴱⵉⵏ ⴷ ⵜⵎⵓⵔⴰ ⵏ ⵍⵊⵉⵡⴰⵔ.
ⵜⵓⵖⵎⵉⵙⵉⵏ-ⴰ ⵙⵙⴻⴽⵏⴻⵏⵜ-ⵉⴷ ⴱⴻⵍⵍⵉ ⴰⵙⵙⴰⵖⴻⵏ-ⴰ ⴱⴻⴷⴷⴻⵏ ⵖⴻⴼ ⵓⵇⴰⴷⴻⵔ ⴳⴰⵔ-ⴰⵙⴻⵏ. ⴷⴰⵢⴻⵏ, ⵡⵡⵉⵏⵜ-ⴷ ⴰⵡⴰⵍ ⵖⴻⴼ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵜⴻⴱⴱⵓⵏ ⵉ ⵢⴻⵇⵇⴻⵏ ⵖⴻⵔ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵢⴻⴼⴼⵖⴻⵏ ⵔⵔⴻⵃⵎⴰ ⵀⵓⵡⴰⵔⵉ ⴱⵓⵎⴻⴷⵢⴻⵏ, ⵉ ⵢⴻⵙⵙⴰⵔⴰⵎⴻⵏ ⴰⴷ ⵢⵉⵥⵉⵔ ⴰⵎⴰⴹⴰⵍ ⴰⵄⵔⴰⴱ ⴷ ⵓⴼⵔⵉⵇⵉ ⵢⴻⴷⴷⵓⴽⴽⵍⴻⵏ.
ⵍⴽⵓⵡⵉⵜ: ⵡⴰⴽⴰⵍⴰⵜ ⵏ ⵢⵉⵙⴰⵍⴻⵏ ⵏ ⵍⴽⵓⵡⵉⵜ (KUNA) ⴷ ⵓⵖⵎⵉⵙ "Al-Jarida" ⴱⴷⴻⵔⵏ-ⴷ ⴰⵙⵙⴰⵖⴻⵏ ⵉⴼⴰⵣⴻⵏ ⴳⴰⵔ ⵍⵣⵣⴰⵢⵔ ⴷ ⵍⴽⵓⵡⵉⵜ, ⵢⴻⵔⵏⴰ ⵍⵣⵣⴰⵢⵔ ⵜⴻⵙⵄⴰ ⴰⵎⴻⵣⵔⵓⵢ ⵢⴻⴷⴷⵓⴽⴽⵍⴻⵏ ⴰⴽⴽⴻⴷ ⵡⴰⵟⴰⵙ ⵏ ⵜⵎⵓⵔⴰ ⵜⵉⵄⵔⴰⴱⵉⵏ.
ⵍⵉⴱⵢⴰ: ⴰⵙⵉⵜ "Ain Libya" ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵓⵎⴻⵣⵔⵓⵢ ⵉ ⵉⵛⴻⵔⴽⴻⵏ ⵍⵣⵣⴰⵢⵔ ⴷ ⵍⵉⴱⵢⴰ ⵎⴳⴰⵍ ⴰⵙⵜⵉⵄⵎⴰⵔ, ⴷ ⵡⴰⵣⴰⵍ ⵉ ⵢⴻⵜⵜⴰⴽ ⵓⵙⴻⵍⵡⴰⵢ ⵜⴻⴱⴱⵓⵏ ⵉ ⵡⴻⴳⴳⵉⴷ (stabilité) ⵏ ⵜⵎⵓⵔⵜ-ⴰ ⴷ ⵓⵣⴻⵔⴼ ⵏ ⵢⵉⵍⵉⴱⵉⵢⴻⵏ ⴰⴷ ⴼⵔⴻⵏ ⵡⵉⴷ ⴰⴷ ⵜⴻⵏ-ⵢⴻⵎⵎⴻⵜⵍⴻⵏ.
ⵎⵉⵚⵔ: ⵜⵓⵖⵎⵉⵙⵉⵏ ⵏ ⵎⵉⵚⵔ ⵛⴻⴽⴽⵔⴻⵏⵜ ⴰⵙⵙⴰⵖⴻⵏ ⵏ ⵓⴳⴰⵔ ⵏ 70 ⵉⵙⴻⴳⴳⴰⵙⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⵢⴻⵔⵏⴰ ⴱⴷⴻⵔⵏ-ⴷ ⴰⵎⴻⴽ ⵉ ⵜⴻⴱⴷⴻⴷ ⵎⵉⵚⵔ ⴰⴽⴽⴻⴷ ⵍⵣⵣⴰⵢⵔ ⴷⵉ 1963. ⵙⵙⴻⴽⵏⴻⵏⵜ-ⵉⴷ ⴱⴻⵍⵍⵉ ⵍⵣⵣⴰⵢⵔ ⵜⴻⵜⵜⵏⴰⴷⵉ ⴷⴰⵢⴻⵎ ⴰⴷ ⵜⵉⵍⵉ ⴷ ⵜⴰⵣⵎⴻⵔⵜ ⵏ ⵡⴻⴳⴳⵉⴷ ⴷⵉ ⵜⵎⴻⵏⵏⴰⴹⵜ.
ⵔⵔⵓⵙ ⴷ ⵜⵓⵔⴽⵢⴰ: ⴰⵙⵉⵜ "Russia Today" ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⵜⴻⵙⵄⴰ ⴰⵙⵙⴰⵖⴻⵏ ⵢⴻⵍⵀⴰⵏ ⴰⴽⴽⴻⴷ ⵙⵙⴰⵄⵓⴷⵉⵢⴰ, ⵇⴰⵟⴰⵔ ⴷ ⵍⴽⵓⵡⵉⵜ. ⵎⴰ ⴷ ⵡⴰⴽⴰⵍⴰⵜ "Anadolu" ⵜⴻⴱⴷⴻⵔ-ⴷ ⴱⴻⵍⵍⵉ ⵍⵍⴰⵏⵜ ⵜⵉⵣⴷⴰⵢⵉⵏ ⵢⴻⵍⵀⴰⵏ ⴰⴽⴽⴻⴷ ⵜⵎⵓⵔⴰ ⴰⴽⴽ, ⴰⴱⵍⴰ ⵢⵉⵡⴻⵜ ⵜⵎⵓⵔⵜ ⵜⴰⵎⴻⵥⵢⴰⵏⵜ (ⵜⴰⴷⵡⵉⵍⵜ) ⵉ ⵢⴻⵜⵜⵏⴰⴷⵉⵏ ⴰⴷ ⵜⴻⵅⴷⴻⵎ ⵛⵛⵡⴰⵍ ⵢⴻⵔⵏⴰ ⴰⴷ ⵜⴻⴷⴷⴻ ⴻⵍ ⴷⵉ ⵜⵉⴼⵔⴰⵏⵉⵏ ⵏ ⵍⵣⵣⴰⵢⵔ.
ⴷⵉ ⵜⴳⴰⵔⴰ, ⵜⴰⴱⴰⴷⵓⵜ "Al-Alam" ⵏ ⵢⵉⵔⴰⵏ ⵜⴻⵡⵡⵉ-ⴷ ⴷⴰⵖⴻⵏ ⴰⵡⴰⵍ ⵖⴻⴼ ⵡⴰⵙⵙⴰⵖⴻⵏ ⵏ ⵜⴳⵎⴰⵜ ⵏ ⵍⵣⵣⴰⵢⵔ ⴰⴽⴽⴻⴷ ⵡⴰⵟⴰⵙ ⵏ ⵜⵎⵓⵔⴰ, ⵢⴻⵔⵏⴰ ⵜⴻⵏⵏⴰ-ⴷ ⴱⴻⵍⵍⵉ ⵜⴻⵍⵍⴰ ⵢⵉⵡⴻⵜ ⵜⵎⵓⵔⵜ ⵜⴰⵎⴻⵥⵢⴰⵏⵜ ⵉ ⵢⴻⵜⵜⵏⴰⴷⵉⵏ ⴰⴷ ⵜⴻⵔⵡⵓⵢ ⵜⵉⵎⵙⴰⵍ ⴷⵉ ⵜⵎⴻⵏⵏⴰⴹⵜ.
ⴰⵔⵏⵓ ⵖⴻⵔ
