ⵜⴻⵙⵙⴰⵡⴻⴹ ⵜⴻⴳⵔⵓⵎⵎⴰ ⵏ "ⵙⵓⵏⴻⵍⴳⴰⵣ" ⴰⴷ ⵜⴻⵇⵇⴻⵏ ⴰⵣⴰⵍ ⵏ 103 ⵏ ⵡⴰⴳⵉⵎⴰⵏ ⵏ ⵜⵎⵓⵙⵏⵉⵡⵉⵏ ⵏ ⵜⴼⴻⵔⴽⵉ (ⴻⵅⵒⵍⵓⵉⵜⴰⵜⵉⵓⵏⵙ ⴰⴳⵔⵉⵛⵓⵍⴻⵙ) ⵙ ⵓⵣⴻⵟⵟⴰ ⵏ ⵜⵔⵉⵙⵉⵜⵉ ⴷⴻⴳ ⵜⵎⵓⵔⵜ ⵎⴻⵕⵕⴰ ⵙⴻⴳ ⵡⴰⵙⵎⵉ ⵉ ⵢⴻⴱⴷⴰ ⵓⵎⴰⵀⵉⵍ-ⴰⴳⵉ, ⴰⴽⴽⴻⵏ ⵉ ⴷ-ⵉⵙⵙⴻⴽⵏⴻⴷ ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⵓⵎⴰⵏⴰⵢ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵎⴰⵙⵙ ⵏⴰⴱⵉⵍ ⴽⴰⴼⵉ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵔⵔⴰⴷⵢⵓ ⵜⴰⵖⴻⵍⵏⴰⵡⵜ, ⴽⴰⴼⵉ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵍⵎⴻⴶⵀⵓⴷⴰⵜ ⵉ ⵜⴻⵅⴷⴻⵎ ⵜⴻⴳⵔⵓⵎⵎⴰ ⴷⴻⴳ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⵙⵔⴻⵡⵙⴻⵏ ⵓⵙⵡⵉⵔ ⵏ ⵓⵖⵓⵎⵎⵓ ⵏ ⵜⵔⵉⵙⵉⵜⵉ ⵉ ⵢⴰⵡⴻⴹⴻⵏ 99 ⴷⴻⴳ ⵜⵎⵉⴹⵉ ⴷⴻⴳ ⵜⵎⵓⵔⵜ ⵎⴻⵕⵕⴰ. ⵔⵏⵉ-ⴷ ⵖⴻⵔ ⵡⴰⵏⵏⴻⵛⵜ-ⴰ ⵜⵓⵇⵇⵏⴰ ⵏ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⵉⵎⴻⵇⵇⵔⴰⵏⴻⵏ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵢⵉⵖⴰⵍⴰⴷⴻⵏ (ⵎⵉⵏⴻⵙ), ⵜⵉⴼⴻⵔⴽⵉ ⴷ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ.
ⵢⴻⵔⵏⴰ-ⴷ ⴱⴻⵍⵍⵉ ⵓⵏⵏⴰⵔ-ⴰⴳⵉ ⵉⵜⴻⴷⴷⵓ ⴷⴻⴳ ⵓⵙⴻⵍⴽⴻⵎ ⵏ ⵡⴰⵀⵉⵍⴻⵏ ⵉ ⵢⴻⴱⵖⴰⵏ ⵓⵖⵓⵎⵎⵓ ⴰⵎⴰⵜⵓ ⵏ ⵜⵎⴻⵔⵔⵉ, ⵓⵍⴰ ⴷⴻⴳ ⵜⴻⵎⵏⴰⴹⵉⵏ ⵉⵖⴰⴱⴻⵏ ⴷ ⵜⵉⴷ ⵏ ⴱⴻⵕⵕⴰ. ⴰⵎⴹⴻⴱⴱⴻⵔ-ⴰⴳⵉ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵏⵏⴰⵔ ⵏ ⵜⵎⴻⵔⵔⵉ ⵉⵕⴻⵙ ⵖⴻⴼ ⵢⵉⵡⴻⵜ ⵏ ⵜⵙⵔⴻⵟ (ⵙⵜⵔⴰⵜéⴳⵉⴻ) ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵓⵙⵓⴷⴷⴻⵙ ⴷ ⵏⴼⴰⵄ, ⴰⵙⵏⴻⴼⵍⵉ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ, ⴰⵙⵎⴰⵢⵏⵓⵜ ⵙ ⵜⴰⵔⵇⵎⵉⵜ (ⵏⵓⵎéⵔⵉⵙⴰⵜⵉⵓⵏ), ⴷ ⵓⵙⴷⴻⴳⴳⴻⵔ ⵏ ⵓⴱⴻⴷⴷⴻⵍ ⵏ ⵜⵎⴻⵔⵔⵉ ⵙ ⵓⵙⵙⴻⵎⵖⴻⵔ ⵏ ⵓⵙⴻⵎⵔⴻⵙ ⵏ ⵜⵎⴻⵔⵔⵉⵢⵉⵏ ⵏⴼⴰⵄⴻⵏ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⴱⴻⴷⴷⵉ ⵏ ⵜⵙⵏⵓⵔⴻⴼⵜ "ⵙⵓⵏⴻⵍⴳⴰⵣ-ⵜⴰⴳⵔⴰⵖⵍⴰⵏⵜ" ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵙⵙⴻⵎⵖⴻⵔ ⵏ ⵜⵉⵍⵉⵜ ⵏ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ ⴷⴻⴳ ⵢⵉⴳⴻⴷⴻⵣⴻⵏ ⵏ ⴱⴻⵕⵕⴰ. ⵜⴰⵎⵓⵙⵏⵉ-ⴰⴳⵉ ⴰⴷ ⵜⴻⴶⴶ ⴰⵙⵓⴼⴼⴻⵖ ⵏ ⵜⵎⵓⵖⵍⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵏⵏⴰⵔ ⵏ ⵜⵎⴻⵔⵔⵉ ⵓ ⴰⴷ ⵜⴻⵙⵙⴻⴶⵀⴻⴷ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴰⵎ ⵓⵎⵉⴳⴰⵡ ⵉⵕⴻⵙⵙⴰⵏ ⴷⴻⴳ ⵜⵎⴻⵏⵏⴰⵟ.
ⴰⵙⴻⵏⴼⴰⵔ ⴰⵎⴻⵏⵣⵡⴰⵔⵓ ⵏ ⵜⵙⵏⵓⵔⴻⴼⵜ-ⴰⴳⵉ ⴷ ⴰⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⵉⵃⵉⵛⴻⵜ (ⵙⵜⴰⵜⵉⵓⵏ) ⵏ ⵜⵔⵉⵙⵉⵜⵉ ⵙ ⵍⵇⴻⴷⴷ ⵏ 40 ⵎⵉⵢⴰⵡⴰⵟ ⴷⴻⴳ ⵜⴰⵎⴰⵏⴰⵖⵜ ⵏ ⵏⵏⵉⴶⴻⵔ, ⵏⵢⴰⵎⴻⵢ. ⵉⵙⵎⴻⴽⵜⵉ-ⴷ ⴷⴰⵖⴻⵏ ⴱⴻⵍⵍⵉ ⵍⵍⴰⵏ-ⴷ ⵢⵉⵙⴻⵏⴼⴰⵔⴻⵏ ⴷ ⵜⴻⵢⵡⴰⵍⵜ ⴷ ⵡⴰⵟⴰⵙ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ, ⴳⴰⵔ-ⴰⵙⴻⵏⵜ ⵎⵓⵣⴰⵎⴱⵉⴽ, ⴷⴻⴳ ⵢⵉⵏⵏⴰⵔⴻⵏ ⵏ ⵓⴼⴰⵔⵉⵙ, ⵓⴼⵔⴰⵇ ⴷ ⵓⵙⵓⴼⴼⴻⵖ ⵏ ⵡⴰⵍⵍⴰⵍⴻⵏ ⵏ ⵜⵔⵉⵙⵉⵜⵉ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵀⵉⵍ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⴰⵎⴹⴻⴱⴱⴻⵔ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ 3200 ⵏ ⵎⵉⵢⴰⵡⴰⵟ ⵏ ⵜⵎⴻⵔⵔⵉ ⵜⵉⵣⴻⵕⴽⴰⵏⵉⵏ (ⵒⵀⵓⵜⵓⵠⵓⵍⵜⴰïⵇⵓⴻ) ⴰⴷ ⴽⵛⵛⵎⴻⵏⵜ ⵓⵏⵏⴰⵔ ⵏ ⵓⵎⴰⵀⵉⵍ ⴷⴻⴳ ⵓⵙⴻⴳⴳⴰⵙ-ⴰⴳⵉ, ⴷⴻⴳ ⵓⵣⴻⵏⵣⵉⵖ ⵏ ⵡⴰⵀⵉⵍ ⴰⵖⴻⵍⵏⴰⵡ ⵉ ⵢⴻⴱⵖⴰⵏ ⵓⴼⴰⵔⵉⵙ ⵏ 15 ⵏ ⵡⴰⴳⵉⵎⴰⵏ ⵏ ⵎⵉⵢⴰⵡⴰⵟ ⴰⵔⵎⵉ ⴷ ⴰⵙⴻⴳⴳⴰⵙ 2035.
ⵎⴰ ⴷ ⵍⵀⵉⴷⵔⵓⴶⵉⵏ ⴰⵣⴻⴳⵣⴰⵡ, ⴽⴰⴼⵉ ⵉⵙⵙⴻⴽⵏⴻⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵜⵜⴰⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵙⵏⴻⴼⵍⵉ ⵏ ⵓⴼⵓⵔⴽ-ⴰⴳⵉ, ⵙ ⵢⵉⵡⴻⵏ ⵏ ⵓⵣⴻⵏⵣⵉⵖ ⴰⵖⴻⵍⵏⴰⵡ ⵉ ⵢⴻⴱⵖⴰⵏ ⴰⵏⴻⴽⵛⵓⵎ ⵖⴻⵔ ⵓⴳⴻⴷⴻⵣ-ⴰⴳⵉ ⴷⴻⴳ ⵡⴰⴽⵓⴷ ⴰⵍⴻⵎⵎⴰⵙ ⴷ ⵡⵉⵏ ⵉⵖⴻⵣⴼⴰⵏⴻⵏ. ⴷⴻⴳ ⵓⵏⵏⴰⵔ-ⴰⴳⵉ, ⵍⴷⵉⵏ ⵜⴻⵣⵔⴰⵡⵉⵏ ⵉ ⵢⵉⵙⴻⵏⴼⴰⵔⴻⵏ ⵉⵎⴻⴷⵢⴰ ⵙ ⵜⴷⵓⴽⵍⵉ ⴷ ⵜⵎⵓⵙⵏⵉⵡⵉⵏ ⵜⵉⴳⵔⴻⵖⵍⴰⵏⵉⵏ, ⵉⵡⴰⴽⴽⴻⵏ ⴰⴷ ⵜⵜⵓⵣⵔⴻⵏⵜ ⵢⴰⴽⴽ ⵜⴰⵔⵔⴰⵢⵉⵏ ⵏ ⵓⴼⴰⵔⵉⵙ, ⵓⵃⵔⴰⵣ ⴷ ⵓⵣⵓⵏⴻⵢ ⵏ ⵍⵀⵉⴷⵔⵓⴶⵉⵏ.
ⴰⵔⵏⵓ ⵖⴻⵔ
