ⵜⵓⴽⵛⵉ ⵏ ⵜⴻⴳⵔⵓⵎⵎⴰ ⵜⵉⵙ ⵙⵏⴰⵜ ⵏ ⵢⵉⵙⴰⴽⵡⴰⵢⴻⵏ ⵏ ⵓⵣⵓⵏⴻⵢ ⵉⵎⴰⵢⵏⵓⵜⴻⵏ ⵉ ⵜⵎⵓⵙⵏⵉⵡⵉⵏ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵣⵓⵏⴻⵢ ⴰⵣⵓⵏ-ⴰⵎⴷⵉⵏⵜ

ⴰⵙⵙ ⵏ ⵜⵜⵍⴰⵜⴰ ⵢⴻⵣⵔⵉⵏ ⵜⴰⵎⴻⴷⴷⵉⵜ, ⵜⴻⵍⵍⴰ-ⴷ ⵜⵓⴽⵛⵉ ⵏ ⵜⴻⴳⵔⵓⵎⵎⴰ ⵜⵉⵙ ⵙⵏⴰⵜ ⵏ ⵢⵉⵙⴰⴽⵡⴰⵢⴻⵏ ⵉⵎⴰⵢⵏⵓⵜⴻⵏ ⵉ ⵜⵎⵓⵙⵏⵉⵡⵉⵏ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵣⵓⵏⴻⵢ ⴰⵣⵓⵏ-ⴰⵎⴷⵉⵏⵜ ⵏ ⵜⵍⴰⵜⴰ ⵏ ⵜⵡⵉⵍⴰⵢⵉⵏ (ⵍⴻⵣⵣⴰⵢⴻⵔ, ⵄⴻⵏⵏⴰⴱⴰ, ⵡⴰⵀⵔⴰⵏ). ⴰⵢⴰⴳⵉ ⴷ ⴰⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉⵡⴰⴽⴽⴻⵏ ⴰⴷ ⵜⵜⵓⵙⵎⴰⵢⵏⵓⵜ ⵜⵃⴰⴼⵉⵍⵜ ⵜⴰⵖⴻⵍⵏⴰⵡⵜ ⵏ ⵓⵣⵓⵏⴻⵢ ⵙ 10 ⵏ ⵡⴰⴳⵉⵎⴰⵏ ⵏ ⵢⵉⵙⴰⴽⵡⴰⵢⴻⵏ ⵉⵎⴰⵢⵏⵓⵜⴻⵏ, ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻy, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ.

ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ, ⵜⵜⵓⵏⴼⴽⴻⵏ 100 ⵏ ⵢⵉⵙⴰⴽⵡⴰⵢⴻⵏ ⵉⵎⴰⵢⵏⵓⵜⴻⵏ (ⵡⵉⵏ ⵉⵣⴻⵎⵔⴻⵏ ⴰⴷ ⵢⴰⵡⵡⵉ 100 ⵏ ⵢⵉⵎⵙⴰⴼⵔⴻⵏ) ⵉ ⵜⵎⵓⵙⵏⵉ ⵏ "ETUSA" (ⵜⴰⵎⵓⵙⵏⵉ ⵜⴰⴳⴷⵓⴷⴰⵏⵜ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵣⵓⵏⴻⵢ ⴰⵣⵓⵏ-ⴰⵎⴷⵉⵏⵜ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ). ⴷⴰⵖⴻⵏ, ⵜⵜⵓⵏⴼⴽⴻⵏ 50 ⵏ ⵢⵉⵙⴰⴽⵡⴰⵢⴻⵏ ⵉⵎⴰⵢⵏⵓⵜⴻⵏ ⵏ 70 ⵏ ⵢⵉⵎⵙⴰⴼⵔⴻⵏ ⵉ ⵜⵎⵓⵙⵏⵉ ⵜⴰⴳⴷⵓⴷⴰⵏⵜ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵣⵓⵏⴻⵢ ⴰⵣⵓⵏ-ⴰⵎⴷⵉⵏⵜ ⵏ ⵜⵡⵉⵍⴰⵢⵜ ⵏ ⵄⴻⵏⵏⴰⴱⴰ.

ⴷⴻⴳ ⵓⴱⵔⵉⴷ-ⴰⴳⵉ ⵏⵏⵉⴹⴻⵏ, ⵜⴰⵎⵓⵙⵏⵉ ⵜⴰⴳⴷⵓⴷⴰⵏⵜ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵣⵓⵏⴻⵢ ⴰⵣⵓⵏ-ⴰⵎⴷⵉⵏⵜ ⵏ ⵜⵡⵉⵍⴰⵢⵜ ⵏ ⵡⴰⵀⵔⴰⵏ ⵜⵓⴼⴰ-ⴷ 50 ⵏ ⵢⵉⵙⴰⴽⵡⴰⵢⴻⵏ ⵉⵎⴰⵢⵏⵓⵜⴻⵏ ⵏ 70 ⵏ ⵢⵉⵎⵙⴰⴼⵔⴻⵏ.

ⵢⴻⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⴻⵙⵙⴻⵏⴽⴰⴷ ⴱⴻⵍⵍⵉ ⴰⵙⵎⴰⵢⵏⵓⵜ ⵏ ⵜⵃⴰⴼⵉⵍⵜ ⵜⴰⵖⴻⵍⵏⴰⵡⵜ ⵉⵜⴻⴷⴷⵓ ⴰⴽⴽⴻⵏ ⵉⵡⴰⵜⴰ ⵙ ⵢⵉⵡⴻⵏ ⵏ ⵡⴰⵀⵉⵍ ⵉ ⴷ-ⵉⵜⵜⵡⴰⵀⴻⴳⴳⴰⵏ, ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵔⵔⴻⴱⴻⵃ-ⴰⴳⵉ ⵛⵡⵉⵟ ⵛⵡⵉⵟ ⵉ ⵜⵎⵓⵙⵏⵉⵡⵉⵏ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵣⵓⵏⴻⵢ ⴰⵣⵓⵏ-ⴰⵎⴷⵉⵏⵜ ⴷⴻⴳ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⵎⴻⵕⵕⴰ. ⴰⵢⴰⴳⵉ ⴷⴻⴳ ⵓⵏⵏⴰⵔ ⵏ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⴷ ⵓⵙⵎⴰⵢⵏⵓⵜ ⵏ ⵜⵃⴰⴼⵉⵍⵜ ⵏ ⵓⵣⵓⵏⴻⵢ ⵉⵡⴰⴽⴽⴻⵏ ⴰⴷ ⵜⴰⵔⴳⵓ ⵉ ⵡⴰⵢⴻⵏ ⵉ ⵙⵙⵓⵜⵓⵔⴻⵏ ⵢⵉⵎⴻⵣⴷⴰⵖ ⴷ ⵓⵙⵄⴰⵍⵉ ⵏ ⵓⵙⵡⵉⵔ ⵏ ⵓⵎⴰⵀⵉⵍ ⴷⴻⴳ ⵜⵎⵓⵔⵜ ⵎⴻⵕⵕⴰ.