ⵙⵙⵇⴰⵔⴻⵏⵜ ⵜⵓⴷⴷⵙⵉⵡⵉⵏ ⵏ ⵍⵎⴻⵔⵔⵓⴽ ⵜⴰⴳⵏⵉⵜ ⵏ ⵓⵎⵉⵀⵉ ⵙⴻⴳ ⵓⵏⴻⴽⵛⵓⵎ ⵓⴷⴰⵢ, ⵙⴻⵍⴷ ⵎⵉ ⴷ-ⴼⴼⵖⴻⵏ ⵡⴰⵟⴰⵙ ⵏ ⵢⵉⴷⴻⴽⴽⵉⵙⴻⵏ ⵏ ⵜⵓⵇⵇⵏⴰ ⵏ ⵡⴰⵙⵙⴰⵖⴻⵏ (ⵜⵓⵇⵇⵏⴰ/ⵜ ) ⵉ ⵢⴻⵙⵙⴰⵡⴻⴹⴻⵏ ⴰⵔⵎⵉ ⴷ ⵜⵓⴽⴻⵔⴹⴰ ⵏ ⵡⴰⴽⴰⵍ ⵏ ⵢⵉⵎⴻⵣⴷⴰⵖ ⴷ ⵓⴱⴻⴷⴷⴻⵍ ⵏ ⵢⵉⵎⵓⴽⴰⵏ ⵏ ⵓⵖⵔⴻⴼ ⵖⴻⵔ ⵢⵉⵎⵓⴽⴰⵏ ⵏ ⵓⵄⴱⴰⴷ ⵏ ⵡⵓⴷⴰⵢⴻⵏ. ⴷⴰⵖⴻⵏ, ⵜⴻⵍⵍⴰ-ⴷ ⵜⵉⴳⴳⴰⵡⵜ ⵏ ⵓⵀⵓⴷⴷⵓ ⵏ ⵜⵎⴻⵣⴳⵉⴷⵉⵡⵉⵏ ⴷ ⵢⵉⵎⵓⴽⴰⵏ ⵏ ⵓⵎⴻⵣⵔⵓⵢ ⵉⴳⵔⴰⵖⵍⴰⵏⴻⵏ ⵉⵡⴰⴽⴽⴻⵏ ⴰⴷ ⵢⵓⵖⴰⵍ ⵍⵎⴻⵔⵔⵓⴽ ⴷ ⴰⵎⴽⴰⵏ ⵏ ⵓⵙⵜⵓⵟⵟⴻⵍ ⵓⴷⴰⵢ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴻⴳⵔⵓⵎⵎⴰ ⵏ ⵓⵎⴰⵀⵉⵍ ⴰⵖⴻⵍⵏⴰⵡ ⵉ ⴼⴰⵍⴻⵙⵟⵉⵏ ⵜⴻⵙⵙⴻⵎⵍⴰⵍ (warned) ⵖⴻⴼ ⵓⵖⵉⵡⴻⵍ ⵏ ⵜⵓⵇⵇⵏⴰ ⵏ ⵡⴰⵙⵙⴰⵖⴻⵏ ⴳⴰⵔ ⵍⵎⴻⵅⵣⴻⵏ ⴷ ⵓⵏⴻⴽⵛⵓⵎ ⵓⴷⴰⵢ. ⵜⴻⵙⵙⴻⴽⵏⴻⴷ ⴱⴻⵍⵍⵉ "ⵉⵙⴰⵀⵢⵓⵏⵉⵜⴻⵏ ⵓⵔ ⵙⵄⵉⵏ ⴰⵔⴰ ⵜⵉⵍⵍⵉⵙⵜ ⵉ ⵜⴽⴻⵔⵔⵉⵛⵜ-ⵏⵙⴻⵏ ⴷ ⵍⴻⴱⵖⵉ-ⵏⵙⴻⵏ ⴷⴻⴳ ⵍⵎⴻⵔⵔⵓⴽ ⴷ ⵜⴻⵎⵏⴰⵟ ⵎⴻⵕⵕⴰ", ⵜⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ "ⵓⵍⴰⵛ ⴰⴼⵔⴰⵏ ⵏⵏⵉⴹⴻⵏ ⵓⴼⴼⵉⵔ ⵏ ⵓⵕⵓⵚⵓ ⵏ ⵜⵓⵇⵇⵏⴰ ⵏ ⵡⴰⵙⵙⴰⵖⴻⵏ ⴷ ⵓⵃⵔⴰⵣ ⵏ ⵜⴳⴻⵍⴷⴰ ⵙⴻⴳ ⵓⴱⴻⵕⵕⴰⵏ ⵉ ⴷ-ⵢⴻⵎⵎⴰⵍⴻⵏ ⵢⵉⵔ ⵏⴼⴰⵄ".
ⵉⵙⵎⴻⴽⵜⵉ-ⴷ ⵡⴰⵙⵉⵡⴹ ⴰⵢⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵎⴻⵔⵔⴰⴽⴻⵛ, ⴰⵏⵉⴷⴰ ⵉⵙⵙⴻⴽⵏⴻⴷ ⵍⵖⴻⵛ ⵉⴶⴻⵀⴷⴻⵏ ⵣⴷⴰⵜ ⵏ ⵡⴰⵢⴻⵏ ⵉ ⴷ-ⵢⴻⵍⵍⴰⵏ ⴷⴻⴳ "ⴱⴰⴱ ⴷⵓⴽⴽⴰⵍⴰ" ⴷ ⵣⴷⴰⵜ ⵏ ⵜⵙⴻⴷⴷⴰⵔⵉⵏ ⵏ ⵎⴻⵔⵔⴰⴽⴻⵛ ⴰⵏⵉⴷⴰ ⴷⴷⵓⴽⴽⴻⵍⴻⵏ ⵡⴰⵟⴰⵙ ⵏ ⵡⵓⴷⴰⵢⴻⵏ ⵉⵙⴰⵀⵢⵓⵏⵉⵜⴻⵏ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵜⵉⴳⴳⴰⵜⵉⵏ ⵏ ⴷⴷⵉⵏ ⵉⴱⴻⵕⵕⴰⵏⵉⵢⴻⵏ ⵉⵛⵓⴱⴰⵏ ⴰⵢⴻⵏ ⵅⴻⴷⴷⵎⴻⵏ ⵣⴷⴰⵜ ⵏ "ⵓⵖⵍⴰⴷ ⵏ ⵍⴱⵓⵔⴰⵇ".
ⵜⵓⴷⴷⵙⵉⵡⵉⵏ-ⴰⴳⵉ ⵙⵙⴻⵖⵣⴻⵍⴻⵏⵜ ⵙ ⵍⴶⴻⵀⴷ ⵜⴰⵔⵔⴰⵢⵜ-ⴰⴳⵉ ⵏ ⵓⵏⴻⴽⵛⵓⵎ ⵓⴷⴰⵢ ⵉ ⵉⵟⵄⴻⵕⵕⴻⴹⴻⵏ ⵢⵉⵎⵓⴽⴰⵏ ⵓⴼⵔⵉⵏⴻⵏ ⵏ ⵢⵉⵏⵙⴻⵍⵎⴻⵏ, ⵓⵔ ⵍⵍⵉ ⴰⵔⴰ ⴽⴰⵏ ⴷⴻⴳ ⵍⴶⴰⵎⴻⵄ ⵏ ⵍ'ⴰⵇⵚⴰ, ⵍⴰⵎⴻⵄⵏⴰ ⵓⵍⴰ ⴷⴻⴳ ⴷⴰⵅⴻⵍ ⵏ ⵍⵎⴻⵔⵔⵓⴽ. ⴰⵢⴰⴳⵉ ⴷ ⴰⴽⴽⴰⵢⴰⴷ ⵉ ⵢⵉⵀⵓⵍⴼⴰⵏ ⵏ ⵓⵖⵔⴻⴼ. ⵜⴻⵙⵙⴻⵏⴽⴰⴷ ⴱⴻⵍⵍⵉ ⵜⵓⵇⵇⵏⴰ ⵏ ⵡⴰⵙⵙⴰⵖⴻⵏ ⵏ ⵓⵏⴰⴳⵔⴰⵡ ⵓⵏⵚⵉⴱ ⴷ ⵓⴱⴻⵕⵕⴰⵏ ⵎⴳⴰⵍ ⵍⴻⴱⵖⵉ ⵏ ⵓⵖⵔⴻⴼ-ⵉⵙ ⴷ ⴰⵎⵉⵀⵉ ⵏ ⵜⵉⴷⴻⵜ ⵉ ⵜⵎⴰⵏⴻⴳⵜ ⵏ ⵢⵉⵎⴻⵔⵔⵓⴽⵉⵢⴻⵏ.
ⴰⵎⵙⴻⴼⵍⵉⴷ (Observatoire) ⴰⵎⴻⵔⵔⵓⴽⵉ ⵎⴳⴰⵍ ⵜⵓⵇⵇⵏⴰ ⵏ ⵡⴰⵙⵙⴰⵖⴻⵏ ⵉⵙⵙⴻⴽⵏⴻⴷ ⴱⴻⵍⵍⵉ ⵉⵙⴰⵀⵢⵓⵏⵉⵜⴻⵏ ⵔⵏⴰⵏ ⴷⴻⴳ ⵜⵉⵣⵣⵍⴰ ⵏ ⵓⵏⴻⴽⵛⵓⵎ-ⵏⵙⴻⵏ ⵖⴻⵔ ⵍⵎⴻⵔⵔⵓⴽ. ⵉⵡⴰⵍⴰ ⴱⴻⵍⵍⵉ ⴰⵢⴻⵏ ⵉ ⵉⵜⴻⴷⴷⵓⵏ ⵓⵔ ⵢⴻⵍⵍⵉ ⴰⵔⴰ ⴽⴰⵏ ⴷ ⴰⵏⴻⴽⵛⵓⵎ ⴷⴻⴳ ⵢⵉⴷⵍⴻⵙ ⵏⴻⵖ ⴷⴻⴳ ⵓⵙⴰⵍⴰⵏ, ⵍⴰⵎⴻⵄⵏⴰ ⴷ ⴰⵙⴻⵏⴼⴰⵔ ⴰⵎⴰⵜⵓ ⵉ ⵢⴻⴱⵖⴰⵏ ⴰⴷ ⵉⴱⴻⴷⴷⴻⵍ ⵜⴰⵎⴰⴽⵉⵜ ⴷ ⵓⵣⴰⵎⵓⵍ ⵏ ⵜⵎⵓⵔⵜ.
ⴰⵙⴻⵍⵎⴰⴷ ⵏ ⵜⴻⵙⴷⴰⵡⵉⵜ, ⵢⴰⵃⵢⴰ ⴻⵍ ⵢⴰⵃⵢⴰⵓⵓⵉ, ⵢⴻⵏⵏⴰ-ⴷ ⴱⴻⵍⵍⵉ ⵍⵎⴻⵔⵔⵓⴽ ⵢⴻⵍⵍⴰ ⴷⴻⴳ ⵓⵎⵉⵀⵉ ⴰⵎⴻⵇⵇⵔⴰⵏ ⴳⴰⵔ ⵓⴷⴰⵢ ⵏ ⴷⴰⵅⴻⵍ ⴷ ⵓⴷⴰⵢ ⵏ ⴱⴻⵕⵕⴰ. ⴰⵢⴻⵏ ⵉ ⴷ-ⵢⴻⵍⵍⴰⵏ ⴷ ⵢⵉⴷⴻⴽⴽⵉⵙⴻⵏ ⵏ ⵜⵓⵇⵇⵏⴰ ⵏ ⵡⴰⵙⵙⴰⵖⴻⵏ ⵓⵔ ⵍⵍⵉ ⴰⵔⴰ ⴷ ⵜⵉⴳⴳⴰⵜⵉⵏ ⵏ ⵍⵎⵓⴶ, ⵍⴰⵎⴻⵄⵏⴰ ⴷ ⵜⴰⵔⵔⴰⵢⵜ ⵢⴻⵜⵜⵡⴰⵙⵍⴻⵎⴷⵓⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵕⵓⵚⵓ ⵏ ⵜⵓⵇⵇⵏⴰ ⵏ ⵡⴰⵙⵙⴰⵖⴻⵏ ⵙ ⴷⴷⵔⴻⵄ ⵖⴻⴼ ⵓⵖⵔⴻⴼ.
ⴰⵔⵏⵓ ⵖⴻⵔ
