ⵢⴻⵜⵜⵡⴰⵙⵓⴷⴷⴻⵙ ⴰⵙⵙ-ⴰ ⵏ ⵍⵃⴻⴷ, ⴷⵉ ⵍⵣⵣⴰⵢⵔ ⵜⴰⵎⴰⵏⴻⵖⵜ, ⵢⵉⵡⴻⵜ ⵏ ⵜⵎⵍⵉⵍⵉⵜ ⵜⴰⵎⴰⵙⵙⴰⵏⵜ ⵉⵡⴰⴽⴽⴻⵏ ⴰⴷ ⴷ-ⵙⴽⵜⵉⵏ ⴰⵢⴻⵏ ⵢⴻⴹⵔⴰⵏ ⴷⵉ ⵙⴰⵇⵢⴻⵜ ⵙⵉⴷⵉ ⵢⵓⵙⴻⴼ 68 ⵉⵙⴻⴳⴳⴰⵙⴻⵏ ⴰⵢⴰ. ⵜⴰⴳⴰⵡⵜ-ⴰ ⵜⴻⵍⵍⴰ-ⴷ ⵙ ⵜⴰⵍⵍⴰⵍⵜ ⵏ ⵜⵉⵍⵉⵥⵔⵉ ⵜⴰⵣⵣⴰⵢⵔⵉⵜ ⴷ ⵜⴻⵙⴷⴰⵡⵉⵜ ⵏ ⵢⵉⵙⴰⵍⴻⵏ (ⵄⵓⵍⵓⵎ ⵍⵉⵄⵍⴰⵎ) ⵏ ⵜⴻⵙⴷⴰⵡⵉⵜ "ⵍⵣⵣⴰⵢⵔ 3".
ⵜⵉⵎⵍⵉⵍⵉⵜ-ⴰ ⵃⴻⴹⵔⴻⵏ-ⵜ-ⵉⴷ: ⵓⵏⴻⵖⵍⴰⴼ ⵏ ⵢⵉⵙⴰⵍⴻⵏ, ⵎⴰⵙ ⵣⵓⵀⵉⵔ ⴱⵓⵄⵎⴰⵎⴰ, ⴰⵙⴻⵍⵡⴰⵢ ⵏ ⵜⵙⵇⴰⵎⵓⵜ ⵏ ⵓⵎⴻⵣⵔⵓⵢ ⴷ ⵜⵎⴻⴽⵜⵉⵜ, ⵎⴰⵙ ⵎⵓⵃⴰⵎⴻⴷ ⵍⵃⴰⵙⴰⵏ ⵣⴻⵖⵉⴷⵉ, ⴰⵏⵎⴰⵀⴰⵍ ⴰⵎⴰⵜⵓ ⵏ ⵜⵉⵍⵉⵥⵔⵉ ⵜⴰⵣⵣⴰⵢⵔⵉⵜ, ⵎⴰⵙ ⵎⵓⵃⴰⵎⴻⴷ ⴱⴻⵖⴰⵍⵉ, ⴷ ⵢⵉⵎⴹⴻⴱⴱⵔⴻⵏ ⵏ ⵜⵉⵍⵉⵥⵔⵉ ⴷ ⵔⵔⴰⴷⵢⵓ ⵏ ⵜⵓⵏⴻⵙ, ⵎⴰⵙⵙⴰ ⵀⴻⵏⴷⴰ ⴱⴻⵏ ⵄⴰⵍⵉⵢⵢⴰ ⵍⵖⵔⵉⴱⵉ ⴷ ⵎⴰⵙ ⵛⴰⴽⴻⵔ ⴱⴻⵏ ⵏⵚⵉⵔ.
ⵓⵏⴻⵖⵍⴰⴼ ⵏ ⵢⵉⵙⴰⵍⴻⵏ ⵢⴻⵙⵙⴻⴷⵔⴻⵄ ⴱⴻⵍⵍⵉ ⴰⵙⵙⴰⵖⴻⵏ ⴳⴰⵔ ⵍⵣⵣⴰⵢⵔ ⴷ ⵜⵓⵏⴻⵙ ⵊⴻⵀⴷⴻⵏ ⵙ ⵢⵉⴷⴰⵎⵎⴻⵏ ⵏ ⵢⵉⵎⴻⵖראⵙⴻⵏ ⵉ ⵢⴻⵏⵏⴻⵖⵍⴻⵏ ⴷⵉ 8 ⴼⵓⵔⴰⵔ 1958. ⵢⴻⵏⵏⴰ-ⴷ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ-ⵢⴰ ⴰⵇⵍ-ⵉⵜⴻⵏⵜ ⴷⴷⵓⴽⴽⵍⴻⵏⵜ ⵙ ⵜⴰⵢⵔⵉ ⴷ ⵓⵇⴰⴷⴻⵔ.
ⵎⴰⵙ ⵣⴻⵖⵉⴷⵉ ⵢⴻⵏⵏⴰ-ⴷ ⴱⴻⵍⵍⵉ ⵙⴰⵇⵢⴻⵜ ⵙⵉⴷⵉ ⵢⵓⵙⴻⴼ ⴷ ⴰⵎⴻⴷⵢⴰ ⵏ ⵜⴳⵎⴰⵜ ⵏ ⵜⵉⴷⴻⵜ ⴷ ⵡⴻⴷⴷⴰⴷ ⵢⴻⴷⴷⵓⴽⴽⵍⴻⵏ. ⵎⴰ ⴷ ⵎⴰⵙ ⴱⴻⵖⴰⵍⵉ, ⵢⴻⵏⵏⴰ-ⴷ ⴱⴻⵍⵍⵉ ⴷ ⴰⵣⴰⵎⵓⵍ ⵏ ⵓⵎⴻⵏⵏⵓⵖ ⵉⵛⴻⵔⴽⴻⵏ ⵢⴻⵔⵏⴰ ⴷ ⵜⵉⵔⵔⵉⵜ ⵖⴻⴼ ⵡⵉⴷ ⵉⵜⵜⵛⴻⴽⴽⵉⵜⴻⵏ ⴷⵉ ⵜⴰⴷⵓⴽⵍⵉ ⵏ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵜⵎⴻⵙⵍⴰⵢⵉⵏ-ⵏⵙⴻⵏ, ⵉⵎⵓⵙⵏⴰⵡⴻⵏ ⵏ ⵓⵎⴻⵣⵔⵓⵢ ⴱⴷⴻⵔⵏ-ⴷ ⴱⴻⵍⵍⵉ ⵜⵉⵎⴻⵏⵖⵉⵡⵜ-ⴰ ⵜⴻⴼⴽⴰ ⵍⵊⴻⵀⴷ ⵉ ⵜⵙⴻⵔⵜⵉⵜ ⵏ ⵍⵣⵣⴰⵢⵔ ⴷⴻⴳ ⵓⵎⴰⴹⴰⵍ. ⵎⴰⵙ ⴰⵃⵎⴻⴷ ⵄⴰⴹⵉⵎⵉ ⵢⴻⵏⵏⴰ-ⴷ ⴱⴻⵍⵍⵉ ⵜⵓⵏⴻⵙ ⵜⴻⵍⵍⴰ ⴷ ⴰⴱⵔⵉⴷ ⴰⵎⴻⵇⵇⵔⴰⵏ ⵉ ⵓⵙⵉⵡⴻⴹ ⵏ ⵙⵙⴻⵍⵃ ⵉ ⵜⴳⵔⴰⵡⵍⴰ ⵜⴰⵣⵣⴰⵢⵔⵉⵜ ⴱⵍⴰ ⵎⴰ ⵜⴻⵙⵙⵓⵜⴻⵔ ⵛⵛⵔⵓⵟ.
ⴰⵔⵏⵓ ⵖⴻⵔ
