ⵜⴼⵓⴽⴽ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵏ ⵜⵉⴽⴻⵍⴽⴰⵍⵜ ⴷⴻⴳ ⵓⵏⵏⴰⵔ (ⵉⵔⴳⴰⵣⴻⵏ ⴷ ⵜⵍⴰⵡⵉⵏ) ⵓⵜⴻⴽⴽⵉ-ⵉⵙ ⴷⴻⴳ ⵜⵉⵍⵖⵓⵖⴰ ⵏ ⵜⴻⴼⵔⵉⵇⵜ 2026, ⴰⵎⴽⴰⵏ ⵏ ⵓⴼⴻⵔⴷⵉⵙ ⵏ ⵜⵉⴽⴻⵍⴽⴰⵍⵜ, ⴷⴻⴳ ⵡⴻⵎⴽⴰⵏ ⵡⵉⵙ ⴽⵔⴰⴷ. ⴰⵢⴰⴳⵉ ⵢⴻⵍⵍⴰ-ⴷ ⵙⴻⵍⴷ ⵜⴰⴳⵔⴰⵢⵜ ⵏ ⵢⵉⵙⵓⵔⴰ ⵏ ⵜⵎⴻⴷⴷⵉⵜ ⵏ ⵍⵃⴻⴷ ⴷⴻⴳ ⵓⵏⵏⴰⵔ ⵏ ⴰⴱⵓⵊⴰ ⴷⴻⴳ ⵏⵉⵊⵉⵔⵢⴰ, ⴰⵏⵉⴷⴰ ⵉ ⴷ-ⵓⵡⵢⴻⵏ ⵜⴰⴳⵔⵓⵎⵎⴰ ⵏ 16 ⵏ ⵜⵎⴻⴷⴷⴰⵍⵜⵉⵏ: 3 ⵏ ⴷⴷⵀⴻⴱ, 9 ⵏ ⵍⴼⴻⵟⵟⴰ ⴷ 4 ⵏ ⵏⵃⴰⵙ.
ⴰⵎⴽⴰⵏ ⴰⵎⴻⵏⵣⵡⴰⵔⵓ ⴷⴻⴳ ⵜⵉⵍⵖⵓⵖⴰ-ⴰⴳⵉ ⵢⴻⵍⵍⴰ ⴷ ⴰⴳⵍⴰ ⵏ ⵜⴻⵔⴱⴰⵄⵜ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ ⵉ ⵢⴻⵙⴷⵓⴽⴽⵍⴻⵏ 24 ⵏ ⵜⵎⴻⴷⴷⴰⵍⵜⵉⵏ (11 ⵏ ⴷⴷⵀⴻⴱ, 6 ⵏ ⵍⴼⴻⵟⵟⴰ ⴷ 7 ⵏ ⵏⵃⴰⵙ), ⵜⵓⴳⴰⵔ ⵜⴰⵔⴱⴰⵄⵜ ⵏ ⵎⴰⵚⴻⵔ ⵉ ⵓⵡⵢⴻⵏ 11 ⵏ ⵜⵎⴻⴷⴷⴰⵍⵜⵉⵏ (6 ⵏ ⴷⴷⵀⴻⴱ, ⵙⵏⴰⵜ ⵏ ⵍⴼⴻⵟⵟⴰ ⴷ ⴽⵔⴰⴷⴻⵜ ⵏ ⵏⵃⴰⵙ).
ⵎⴰ ⴷ ⵏⵉⵊⵉⵔⵢⴰ, ⵜⴰⵎⵓⵔⵜ ⵉ ⴷ-ⵢⴻⵙⵙⵓⴷⴷⵙⴻⵏ ⴰⵎⵣⵉⵣⵡⴻⵔ-ⴰⴳⵉ ⵉ ⵢⴻⴷⴷⴻⵎⴻⵏ ⵙⴻⴳ 10 ⵖⴻⵔ 17 ⵎⴰⵢⵓ ⴷⴻⴳ ⴰⴱⵓⵊⴰ, ⵜⴻⵡⵡⵉ ⴰⵎⴽⴰⵏ ⵡⵉⵙ ⴽⵓⵣ ⵙ 9 ⵏ ⵜⵎⴻⴷⴷⴰⵍⵜⵉⵏ: ⵙⵏⴰⵜ ⵏ ⴷⴷⵀⴻⴱ, 3 ⵏ ⵍⴼⴻⵟⵟⴰ ⴷ 4 ⵏ ⵏⵃⴰⵙ.
ⵜⵉⵎⴻⴷⴷⴰⵍⵜⵉⵏ ⵏ ⴷⴷⵀⴻⴱ ⵜⴰⵣⵣⴰⵢⵔⵉⵢⵉⵏ ⵓⵡⵢⴻⵏⵜ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⵡⴻⵣⵣⵉ ⵏ ⵢⵉⴳⴻⵎⵎⴰⴹ-ⴰⴳⵉ ⴷⴻⴳ ⵜⵎⴻⵏⵏⴰⵟ. ⵎⴰⵙⵙ ⵃⴰⵎⵣⴰ ⵢⴰⵙⵉⵏⴻ ⵢⴻⵅⴷⴻⵎ ⵔⵔⴻⴱⴻⵃ ⴷⴻⴳ ⵜⴰⵣⵍⴰ ⵏ ⵏⴼⵉⵜ ⵏ ⵢⵉⵔⴳⴰⵣⴻⵏ, ⵎⴰ ⴷ ⵎⵓⵀⴰⵎⴻⴷ ⵏⴰⴷⵊⵉⴱ ⴰⵙⵙⴰⵍ ⵜⴻⵡⵡⵉ-ⴷ ⵜⴰⵎⵉⴷⴰⵍⵜ ⵏ ⴷⴷⵀⴻⴱ ⴷⴻⴳ ⵜⴰⵣⵍⴰ ⵏ "Omnium" ⵉ ⵢⵉⵔⴳⴰⵣⴻⵏ ⴷⴰⵖⴻⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⵜⴰⵎⵉⴷⴰⵍⵜ ⵏ ⴷⴷⵀⴻⴱ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵏ ⵜⵍⴰⵡⵉⵏ ⴷⴻⴳ ⵜⴰⵣⵍⴰ ⵏ ⵜⴰⵣⵣⵍⴰ ⵙ ⵜⴻⴳⵔⵓⵎⵎⵉⵡⵉⵏ.
ⵜⴰⵔⴱⴰⵄⵜ ⵏ ⵜⵍⴰⵡⵉⵏ ⴷⴻⴳ-ⵙ ⵙⵉⵀⴰⵎ ⴱⵓⵓⵙⴱⴻⵄ, ⵎⴰⵍⴰⴽ ⵎⴻⵛⵀⴰⴱ ⴷ ⵢⴰⵙⵎⵉⵏⴻ ⴻⵍ ⵎⴻⴷⴷⴰⵀ, ⵉ ⵢⴻⵔⵏⴰⵏ ⵜⴻⵔⴱⴰⵄⵉⵏ ⵏ ⴱⴻⵏⵉⵏ ⴷ ⵏⵉⵊⵉⵔⵢⴰ ⵉ ⵓⵡⵢⴻⵏ ⵍⴼⴻⵟⵟⴰ ⴷ ⵏⵃⴰⵙ.
ⴰⵔⵏⵓ ⵖⴻⵔ
