ⴰⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵢⴻⵄⵏⴰⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵎⴰⵙⵙ ⵙⵓⴼⵢⴰⵏ ⵛⴰⵢⴻⴱ, ⵢⴻⵜⵜⴻⴽⴽⵉ ⴰⵙⵙ-ⴰ ⵏ ⵍⵀⴻⴷ ⵙ ⵜⵜⴰⵡⵉⵍ ⵏ ⵜⴻⵢⵡⴰⵍⵜ ⵙ ⵓⵙⴻⵍⴽⵉⵎ ⵏ ⵍⴻⴱⵄⵉⴷ ⴷⴻⴳ ⵓⵍⴷⴰⵢ ⵏ ⵢⵉⵡⴻⵏ ⵏ ⵡⴻⴳⵔⴰⵡ ⵉ ⵢⴻⵙⴷⵓⴽⴽⵍⴻⵏ ⵏⴼⵉⵜ ⵏ ⵜⵣⴻⵎⵎⴰⵔ ⵜⵉⵙⴰⴼⴰⵔⴰⵏⵉⵏ ⵏ ⵍⴻⵣⵣⴰⵢⴻⵔ, ⴰⵎⴰ ⴷ ⵜⵉⴷ ⵏ ⴷⴰⵟⴻⵍ ⵏ ⵜⵎⵓⵔⵜ ⵏⴻⵖ ⴷ ⵜⵉⴷ ⵏ ⴱⴻⵕⵕⴰ, ⴷⴻⴳ ⵜⵡⵉⵍⴰⵢⵜ ⵏ ⵍⵡⴰⴷⵉ.
ⴰⵙⵉⵡⴹ ⵏ ⵜⵏⴻⵖⵍⴰⴼⵜ ⵢⴻⵏⵏⴰ-ⴷ: "ⵢⴻⵜⵜⴻⴽⴽⵉ ⴰⵙⵙ-ⴰ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵎⴰⵙⵙ ⵙⵓⴼⵢⴰⵏ ⵛⴰⵢⴻⴱ, ⵙ ⵜⵜⴰⵡⵉⵍ ⵏ ⵜⴻⵢⵡⴰⵍⵜ ⵙ ⵓⵙⴻⵍⴽⵉⵎ ⵏ ⵍⴻⴱⵄⵉⴷ, ⴷⴻⴳ ⵓⵍⴷⴰⵢ ⵏ ⵢⵉⵡⴻⵏ ⵏ ⵡⴻⴳⵔⴰⵡ ⵏ ⵜⵣⴻⵎⵎⴰⵔ ⵜⵉⵙⴰⴼⴰⵔⴰⵏⵉⵏ ⵏ ⵍⴻⵣⵣⴰⵢⴻⵔ ⴷⴻⴳ ⵍⵡⴰⴷⵉ, ⵙ ⵜⵎⵓⵖⵍⵉ ⵏ ⵍⵡⴰⵍⵉ ⵎⴰⵙⵙ ⴱⴻⵀⵍⵓⵓⵍ ⴻⵍ ⴰⵔⴰⴱⵉ ⴷ ⵢⵉⵎⴰⵣⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵣⵣⵉⵜ ⴷ ⵢⵉⵎⴹⴻⴱⴱⵔⴻⵏ ⵏ ⴷⵉⵏⵏⴰ".
ⴷⴻⴳ ⵓⵏⵏⴰⵔ-ⴰⴳⵉ, ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ "ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴼⴻⴳⴳⴻⵔ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⴰⵣⵣⵉⵜ ⵉ ⴷ-ⵢⴻⵜⵜⴰⵙⴻⵏ ⴷⴻⴳ 5 ⵢⴻⴱⵔⵉⵔ ⵏ ⵢⴰⵍ ⴰⵙⴻⴳⴳⴰⵙ. ⴰⵟⴰⵙ ⵏ ⵢⵉⵎⴻⵊⵊⴰⵢⴻⵏ ⵍⴻⵣⵣⴰⵢⵔⵉⵢⴻⵏ ⵉⵕⴻⵙⵙⴰⵏ ⴷⴻⴳ ⴱⴻⵕⵕⴰ ⵓⵙⴰⵏ-ⴷ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ ⵉ ⴷ-ⵜⴻⵙⵙⴰⵀⴻⴳⴳⴰ ⵜⵇⵓⵏⵙⵓⵍⵜ ⵏ ⵍⴻⵣⵣⴰⵢⴻⵔ ⴷⴻⴳ ⵏⵉⵛⴻ (ⴼⵔⴰⵏⵙⴰ), ⵉ ⴷⴻⴳ ⵜⵜⴻⴽⴽⵉⵏ ⴷⴰⵖⴻⵏ ⵢⵉⵎⴻⵊⵊⴰⵢⴻⵏ ⴷ ⵢⵉⴼⴰⵙⵙⴻⵏ ⵏ ⵓⵎⴰⵀⵉⵍ ⵏ ⵜⴰⵣⵣⵉⵜ ⵏ ⵜⵡⵉⵍⴰⵢⵜ ⵏ ⵍⵡⴰⴷⵉ".
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⴰⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵉⵙⵙⴻⴽⵏⴻⴷ-ⴷ ⴱⴻⵍⵍⵉ "ⵜⵉⴳⴳⴰⵡⵜ-ⴰⴳⵉ ⴷ ⴰⵙⴻⵍⴽⴻⵎ ⵏ ⵡⴰⵢⴻⵏ ⵉ ⴷ-ⵢⴻⴼⴼⵖⴻⵏ ⵙⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵍⴽⵉⵎ ⵏ 27 ⵜⵓⴱⴻⵔ 2025, ⵉ ⵜ-ⵢⴻⵙⴷⵓⴽⴽⵍⴻⵏ ⴷ ⵓⵏⴻⵖⵍⴰⴼ ⵏ ⵜⴰⵣⵣⵉⵜ ⵎⴰⵙⵙ ⵎⵓⵀⴰⵎⴻⴷ ⵙⴻⴷⴷⵉⵇ ⴰïⵜ ⵎⴻⵙⵙⴰⵓⵓⴷⴰⵏ ⴷ ⵢⵉⵡⴻⵜ ⵏ ⵜⴻⴳⵔⵓⵎⵎⴰ ⵏ ⵢⵉⵎⴻⵊⵊⴰⵢⴻⵏ ⵏ ⴷⴷⵉⴰⵔ ⵏ ⵍⵖⴻⵔⴱⴰ. ⵜⵉⵎⵍⵉⵍⵉⵜ-ⴰⴳⵉ ⴷ ⴰⵙⵏⴻⵙ ⵏ ⵜⵉⴷⴻⵜ ⵏ ⵜⵓⵔⴰⴹ ⵏ ⵢⵉⵎⴹⴻⴱⴱⵔⴻⵏ ⵏ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⵜⵣⴻⵎⵎⴰⵔ ⵏ ⴱⴻⵕⵕⴰ ⴷⴻⴳ ⵓⴱⵔⵉⴷ ⵏ ⵓⵙⵏⴻⴼⵍⵉ ⵏ ⵜⵎⵓⵔⵜ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵜⴰⵣⵣⵉⵜ ⵉ ⵢⴻⵟⵟⴻⴼⵏ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵓⵡⴰⵏⴰⴽ ⵍⴻⵣⵣⴰⵢⵔⵉ".
ⴰⵎⵙⴻⴳⵍⴰⵡⴰⵢ ⵉⵙⵙⵉⵡⴻⵍ ⵉ ⵜⵣⴻⵎⵎⴰⵔ ⵜⵉⵙⴰⴼⴰⵔⴰⵏⵉⵏ ⵉ ⴷ-ⵢⴻⵔⵣⴰⵏ ⵉⵡⴰⴽⴽⴻⵏ ⴰⴷ ⵏⵄⴻⴷⴷⵉⵏ ⵖⴻⵔ ⵜⴻⵢⵡⴰⵍⵜ ⵉ ⵉⵜⴻⴷⴷⵓ ⵓ ⵉⴶⴻⵀⴷⴻⵏ ⵙ ⵓⵏⴻⴽⵛⵓⵎ ⴷⴻⴳ ⵢⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏ, ⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵜⵙⴻⵔⵜⵉⵜ ⵜⴰⵖⴻⵍⵏⴰⵡⵜ ⵏ ⵜⴰⵣⵣⵉⵜ.
"ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⴰⵙⵓⴷⴷⴻⵙ ⵏ ⵡⴻⴳⵔⴰⵡ-ⴰⴳⵉ ⴷⴻⴳ ⵍⵡⴻⵇⵜ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⴰⵣⵣⵉⵜ ⵓⵔ ⵢⴻⵍⵍⵉ ⴰⵔⴰ ⴽⴰⵏ ⴷ ⴰⵣⴰⵎⵓⵍ, ⵍⴰⵎⴻⵄⵏⴰ ⴷ ⴰⵙⵓⵔⵉⴼ ⵏ ⵜⵉⴷⴻⵜ ⵙⴻⴳ ⵜⴻⵢⵡⴰⵍⵜ ⵏ ⵜⴻⴳⵏⵉⵜ ⵖⴻⵔ ⵜⴻⵢⵡⴰⵍⵜ ⵉ ⵉⵜⴻⴷⴷⵓⵏ ⵉⵕⴻⵙⵙⴰⵏ ⵖⴻⴼ ⵜⴷⵓⴽⵍⴰ ⴷ ⵓⵎⴰⵀⵉⵍ ⴰⵎⴻⵣⴷⴰⵢ. ⵜⵉⴳⴳⴰⵡⵜ-ⴰⴳⵉ ⴷ ⵍⵍⵙⴰⵙ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵢⵉⵎⵉⴳⴰⵡⴻⵏ ⵏ ⴷⴰⵟⴻⵍ ⴷ ⵡⵉⴷ ⵏ ⴱⴻⵕⵕⴰ ⵉⵡⴰⴽⴽⴻⵏ ⴰⴷ ⵜⵜⵓⵙⴰⵜⴳⴻⵏⵜ (ⵠⴰⵍⵓⵔⵉⵙⴻⵔ) ⵜⵣⴻⵎⵎⴰⵔ ⵜⵉⵙⴰⴼⴰⵔⴰⵏⵉⵏ ⵏ ⴱⴻⵕⵕⴰ ⵓ ⴰⴷ ⵙⵏⴻⵔⵏⵉⵏ ⵜⵖⴰⵔⴰ ⵏ ⵓⵎⴻⵥⵍⵓ ⴰⵙⴰⴼⴰⵔⴰⵏ ⵉ ⵏⴼⴰⵄ ⵏ ⵓⵖⵔⵉⵎ ⴷⴻⴳ ⵢⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴰⵔⵏⵓ ⵖⴻⵔ
