ⵜⴻⵙⵙⵉⵡⴻⵍ ⵜⴰⴷⴱⴻⵍⵜ ⵜⴰⵖⴻⵍⵏⴰⵡⵜ ⵜⵉⵍⴻⵍⵍⵉⵜ ⵏ ⵜⴻⴼⵔⴰⵏⵉⵏ (ANIE), ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴰⵎⴰⵏⴰⵢ ⵏ ⵜⴻⴷⵔⵉⵎⵜⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⵢⴻⵄⵏⴰⵏ ⵜⵉⴳⴳⵓⵔⴰ ⵏ ⵢⵉⵎⴻⵙⵜⵉⵔⴻⵏ ⵉⵍⴻⵍⵍⵉⵢⴻⵏ ⵓⵔ ⵏⴻⵣⴳⵉⵔ ⴰⵔⴰ 40 ⵏ ⵢⵉⵙⴻⴳⴳⴰⵙⴻⵏ ⴰⵙⵙ ⵏ ⵓⵙⵉⴼⵔⴻⵏ, ⵉⵡⴰⴽⴽⴻⵏ ⴰⴷ ⴷ-ⵉⵙⵔⴻⵙ ⴰⴼⴰⵢⵍⵓ ⵣⴷⴰⵜ ⵏ ⵓⵎⵙⵓⵏ ⵏ ⵜⵡⵉⵍⴰⵢⵜ ⵏ ⵜⴰⴷⴱⴻⵍⵜ ⵜⵉⵍⴻⵍⵍⵉⵜ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⴰⴳⵎⴻⵏ ⵙⴻⴳ ⵜⴰⵍⵍⴰⵍⵜ ⵏ ⵓⵡⴰⵏⴰⴽ ⵉ ⵓⵅⴻⵍⵍⴻⵚ ⵏ ⵜⵉⵙⵉⴷⵔⴰⵔ ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⵏ ⵓⵙⴻⵍⴳⴻⵏ ⵉ ⴷ-ⵉⵜⵜⴻⴷⴷⵓⵏ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ "ⴷⴻⴳ ⵓⵣⴻⵏⵣⵉⵖ ⵏ ⵓⵃⵔⴰⵣ ⵏ ⵓⵡⴰⵏⴰⴽ ⵉ ⵜⵉⵙⵉⴷⵔⴰⵔ ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ ⵏ ⵢⵉⵍⴻⵎⵣⵢⴻⵏ ⵢⴻⵙⵜⵉⵔⴻⵏ ⵙ ⵢⵉⵙⴻⵎ ⵏ ⵜⵉⴳⴳⵓⵔⴰ ⵜⵉⵍⴻⵍⵍⵉⵢⵉⵏ ⵓⵔ ⵏⴻⵣⴳⵉⵔ ⴰⵔⴰ 40 ⵏ ⵢⵉⵙⴻⴳⴳⴰⵙⴻⵏ, ⵙ ⵍⵇⴻⴷⴷ ⵏ ⵜⴻⴷⵔⵉⵎⵜ ⵏ 300.000 ⵏ ⴷⵊⵉⵏⴰⵔⴻⵏ (DA), ⵜⴰⴷⴱⴻⵍⵜ ⵜⵉⵍⴻⵍⵍⵉⵜ ⵜⴻⵙⵙⵓⵜⵜⵓⵔ ⴷⴻⴳ ⵓⵎⴰⵏⴰⵢ ⵏ ⵜⴻⴷⵔⵉⵎⵜ ⵏ ⵜⵉⴳⴳⵓⵔⴰ ⵏ ⵢⵉⵎⴻⵙⵜⵉⵔⴻⵏ ⵉⵍⴻⵍⵍⵉⵢⴻⵏ ⴰⴷ ⴷ-ⵉⵙⵔⴻⵙ ⴰⴼⴰⵢⵍⵓ-ⵉⵏⴻⵙ ⵣⴷⴰⵜ ⵏ ⵓⵎⵙⵓⵏ ⵏ ⵜⵡⵉⵍⴰⵢⵜ ⵓ ⴰⴷ ⴷ-ⵢⴰⵡⵉ ⵡⴰⵔⵔⴰⵜ ⵏ ⵓⵙⴻⵔⵙⵉ".
ⴰⴼⴰⵢⵍⵓ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⵏⵏⵉ, ⴷⴻⴳ-ⵙ: "ⴰⵙⵓⵜⵜⴻⵔ ⵏ ⵜⴰⵍⵍⴰⵍⵜ ⵏ ⵓⵡⴰⵏⴰⴽ ⵢⴻⵜⵜⵡⴰⵙⵜⴻⵏⵢⴰⵏ ⵙ ⵜⴰⵎⴰ ⵏ ⵓⵎⴻⵙⵜⵉⵔ ⵉⵍⴻⵎⵣⵉ, ⵜⴰⵛⴻⵇⵇⴰⴼⵜ ⵏ ⵜⴻⴽⴰⵔⴹⵉⵜ ⵏ ⵜⵎⴰⴳⵉⵜ ⵏ ⵢⵉⵍⴻⵎⵣⵉ ⵢⴻⵙⵜⵉⵔⴻⵏ, ⵜⴰⵛⴻⵇⵇⴰⴼⵜ ⵏ ⵡⴰⵀⵉⵍ ⵏ ⵢⵉⵎⴰⵀⵉⵍⴻⵏ ⴷ ⵜⵉⴷⴷⵢ ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ, ⵜⵉⴼⴰⵜⵓⵔⵉⵏ ⵙ ⵍⵇⴻⴷⴷ ⴷ ⵓⴼⵔⵓⵔⵉ ⵏ ⵜⵉⵙⵉⴷⵔⴰⵔ ⵙ ⵢⵉⵙⴻⵎ ⵏ ⵜⴻⴱⴰⵍⴰⵅⵜ, ⴷ ⵜⴰⵛⴻⵇⵇⴰⴼⵜ ⵏ ⵓⵣⴻⵏⵣⵉⵖ ⵏ ⵜⵎⴰⴳⵉⵜ ⵏ ⵍⴱⴰⵏⴽⴰ ⵏ ⵓⵏⴻⴱⴷⵓ ⵢⵉⵡⴻⵏ ⵢⴻⵍⴷⵉⵏ ⵙ ⵢⵉⵙⴻⵎ ⵏ ⵜⴻⴱⴰⵍⴰⵅⵜ ⵏ ⵢⵉⵎⴻⵙⵜⵉⵔⴻⵏ ⵉⵍⴻⵍⵍⵉⵢⴻⵏ ⵉ ⵓⵙⵔⵉⵎ ⵏ ⵜⵉⴳⴳⴰⵡⵜ ⵏ ⵜⴻⴼⵔⴰⵏⵉⵏ".
ⴰⵔⵏⵓ ⵖⴻⵔ
