ⴰⵎⵎⴰⵙ ⵏ ⵍⴻⵣⵣⴰⵢⴻⵔ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU), ⵜⴰⵡⴼⵉⵇ ⵍⵄⵉⴷ ⴽⵓⴷⵔⵉ, ⵉⵙⵓⴼⴼⴻⵖ-ⴷ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵙ ⵢⵉⵙⴻⵎ ⵏ ⵜⴻⴳⵔⵓⵎⵎⴰ ⵜⴰⵄⵔⴰⴱⵜ ⵣⴷⴰⵜ ⵏ ⵓⵙⵇⴰⵎⵓ ⵏ ⵜⴰⵏⴻⴼⵔⵓⵜ ⴰⴳⵔⴻⵖⵍⴰⵏ ⵖⴻⴼ ⵡⴰⴷⴷⴰⴷ ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ. ⴷⴻⴳ-ⵙ, ⵉⵙⵙⴻⵎⴱⵉⵢⴻⵔ ⵖⴻⴼ ⵜⴰⵔⵔⴰⵢⵉⵏ ⵏ ⵓⵏⴻⴽⵛⵓⵎ ⵉ ⴷ-ⵉⵀⴻⴳⴳⴰⵏ ⵉⵡⴰⴽⴽⴻⵏ ⴰⴷ ⵢⴻⵙⵏⴻⴼⵓ ⵜⴰⵍⵓⴼⵜ ⵜⴰⴼⴰⵍⴻⵙⵟⵉⵏⵉⵜ ⵙ ⵓⵀⵓⴷⴷⵓ ⵏ ⵜⵎⵓⵙⵏⵉⵡⵉⵏ ⵏ ⵓⵡⴰⵏⴰⴽ ⴷ ⵔⵔⴻⴳ ⵏ ⵜⵏⴻⵖⵜⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⵙⴻⴳ ⵢⵉⵙⵡⵉ-ⵏⵙⴻⵏⵜ.
ⴽⵓⴷⵔⵉ ⵢⴻⴱⴷⴰ ⵜⴰⵎⴰⵙⵍⴰⵢⵜ-ⵉⵙ ⵙ ⵓⵡⴻⵀⵀⵉ ⵏ ⵜⵎⵓⵖⵍⵉ ⵖⴻⴼ ⵓⵃⵓⵟⵟⵓ ⵏ ⵜⵏⴻⵖⵜⴰⵙⵉⵏ ⵏ ⵡⴻⵣⵔⴻⴼ ⴰⴳⵔⴻⵖⵍⴰⵏ, ⵍⴰⴷⵖⴰ ⵜⴰⵏⴻⵖⵜⴰⵙⵜ ⵡⵓⵟⵟⵓⵏ 2334, ⵉⵙⵙⴻⴽⵏⴻⴷ ⴱⴻⵍⵍⵉ ⵓⴷⴰⴱⵓ ⵏ ⵓⵏⴻⴽⵛⵓⵎ ⵓⵔ ⵉⵇⴷⵉⵔ ⴰⵔⴰ ⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵙ ⵓⵙⵏⴻⵔⵏⵉ ⵏ ⵓⵙⵜⵓⵟⵟⴻⵍ (colonisation) ⵓⵔ ⵏⴻⵃⴻⴱⴱⴻⵙ. ⵉⵙⴻⵎⵎⴰ ⵉ ⵢⵉⵏⵉⴳ ⵙ ⴷⴷⵔⴻⵄ ⵏ ⵢⵉⵎⴻⵣⴷⴰⵖ ⴷ "ⴰⵃⵔⵉⵛ ⵙⴻⴳ ⵓⵙⴼⴻⴷ ⵏ ⵜⵎⴻⴽⵜⵉ ⴷ ⵜⵎⴰⴳⵉⵜ ⵜⴰⴼⴰⵍⴻⵙⵟⵉⵏⵉⵜ".
ⴰⵎⵎⴰⵙ ⵏ ⵍⴻⵣⵣⴰⵢⴻⵔ ⴷⴻⴳ ONU ⵉⵙⵙⴻⵎⴱⵉⵢⴻⵔ ⴷⴰⵖⴻⵏ ⴱⴻⵍⵍⵉ ⵜⵉⵏⴼⴰⵍⵉⵡⵉⵏ ⵏ ⵔⵔⴻⴳ ⴷ ⵜⴽⴻⵔⵔⵉⵛⵜ ⵉ ⴷ-ⵉⵜⵜⴻⴷⴷⵓⵏ ⵖⴻⴼ ⵜⴷⴰⴱⵉⵍⵜ ⵜⴰⴼⴰⵍⴻⵙⵟⵉⵏⵉⵜ (Autorité Palestinienne) ⵓⵔ ⵍⵍⵉⵏⵜ ⴰⵔⴰ ⴽⴰⵏ ⴷ ⴰⵙⵙⴻⴼⵛⴻⵏ ⵏ ⵜⵎⵓⵙⵏⵉ, ⵍⴰⵎⴻⵄⵏⴰ ⴷ ⵜⵉⵢⵉⵜⵉ ⵙ ⵜⵎⵓⵖⵍⵉ ⵉ ⵍⵍⵙⴰⵙ ⴰⵔⴰ ⴷ-ⵢⴻⵙⵙⴻⵔⵙ ⴷⴷⵡⵍⴰ ⵜⴰⴼⴰⵍⴻⵙⵟⵉⵏⵉⵜ ⵏ ⵓⵣⴻⴽⴽⴰ.
ⴽⵓⴷⵔⵉ ⵉⵙⵓⴼⴼⴻⵖ-ⴷ ⵍⵎⵓⴶ ⵏ ⵜⴻⴳⵔⵓⵎⵎⴰ ⵜⴰⵄⵔⴰⴱⵜ ⵉ ⵡⴻⵣⵍⴰ ⵏ ⵜⴻⵡⵡⵓⵔⴰ ⵏ ⵍⴶⴰⵎⴻⵄ ⵏ ⵍ'ⴰⵇⵚⴰ ⴷ ⵜⵎⴰⵣⴰⴷⴰⵢⵜ ⵏ ⵇⵉⵢⴰⵎⴰ ⵣⴷⴰⵜ ⵏ ⵡⵉⴷ ⵉ ⴷ-ⵢⴻⵜⵜⴰⵍⵍⵓⵏ, ⵉⵙⴻⵎⵎⴰ ⵉ ⵡⴰⵏⵏⴻⵛⵜ-ⴰ ⴷ "ⵜⵉⴳⴳⴰⵡⵜ ⵓⵔ ⵏⴻⵣⴳⵉⵍ ⵢⴰⴽⴰⵏ ⵓⵍⴰ ⴷⴻⴳ ⵡⴰⴽⵓⴷⴻⵏ ⵉⴹⴻⵍⵎⴻⵏ ⵏ ⵓⵎⴻⵣⵔⵓⵢ". ⵉⵙⵙⴻⴽⵏⴻⴷ ⴱⴻⵍⵍⵉ ⴰⵃⵙⴰⵔ ⵏ ⵜⵉⵍⴻⵍⵍⵉ ⵏ ⵓⵄⴱⴰⴷ ⴷ ⴰⵏⴻⴽⵛⵓⵎ ⵏ ⵢⵉⵀⵓⵍⴼⴰⵏ ⵏ ⵢⵉⵎⴻⵍⵡⴰⵢⴻⵏ ⵏ ⵢⵉⵏⵙⴻⵍⵎⴻⵏ ⴷ ⵢⵉⵎⴰⵙⵉⵃⵉⵢⴻⵏ ⴷⴻⴳ ⵓⵎⴰⴹⴰⵍ, ⵉⵙⵓⵜⵜⴻⵔ ⵙⴻⴳ ⵓⵙⵇⴰⵎⵓ ⵏ ⵜⴰⵏⴻⴼⵔⵓⵜ ⴰⴷ ⵢⴻⵟⵟⴻⴼ ⴰⴷⴷⴰⴷ ⵉⵊⴻⵀⴷⴻⵏ ⵉⵡⴰⴽⴽⴻⵏ ⴰⴷ ⵢⴻⵙⵙⴻⵃⵔⴻⵙ ⴰⴷⴰⴱⵓ ⵏ ⵓⵏⴻⴽⵛⵓⵎ ⴰⴷ ⵉⵇⴰⴷⴻⵔ ⴰⴷⴷⴰⴷ ⴰⵎⴻⵣⵔⴰⵢ ⴷ ⵡⴻⵣⵔⴻⴼ ⵏ ⵍⵇⵓⴷⵙ ⵜⴰⴱⴰⵕⴰⴽⵜ.
ⵜⴰⵎⵙⴰⵍⵜ ⵏ ⵜⴻⴳⵔⵓⵎⵎⴰ ⵜⴰⵄⵔⴰⴱⵜ ⵉ ⴷ-ⵢⴻⵖⵔⴰ ⵓⵎⵎⴰⵙ ⵏ ⵍⴻⵣⵣⴰⵢⴻⵔ ⵜⴻⵙⵙⴻⴽⵏⴻⴷ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⴷⴷⵉⵇ ⵖⴻⴼ ⵡⴰⵏⵏⴰⵔ, ⴰⵏⵉⴷⴰ ⵉ ⴷ-ⵢⴻⵏⵏⴰ: "ⵎⴰ ⵢⴻⵍⵍⴰ ⵍⵇⴻⵕⵃ ⴷⴻⴳ ⵜⴰⵎⴰ ⵜⵓⵜⵔⵉⵎⵜ (Cisjordanie) ⴷ ⴰⴽⴻⵛⵛⴻⵛ ⴰⵎⴰⴳⵓⵙ, ⵖⴰⵣⴰ ⵜⴻⵜⵜⴰⵣⵣⴰⵍ ⴷ ⵉⴷⴰⵎⵎⴻⵏ ⵙ ⵚⵚⵓⵜ ⵉⵄⵍⴰⵢⴻⵏ". ⵉⵙⵙⴻⴽⵏⴻⴷ ⴱⴻⵍⵍⵉ ⵉⵎⴹⴰⵏⴻⵏ ⵏ ⵢⵉⵎⴻⵖⵔⴰⵙⴻⵏ ⴷ ⵢⵉⵎⴻⵊⵔⴰⵃ ⵓⵔ ⵍⵍⵉ ⴰⵔⴰ ⴽⴰⵏ ⴷ ⵜⵉⵙⵉⴹⴻⵏⵜ, ⵍⴰⵎⴻⵄⵏⴰ ⴷ "ⵜⵉⵎⵓⵛⵓⵀⴰ ⵏ ⵜⵓⴷⴻⵔⵜ ⵉ ⴷ-ⵢⴻⴼⵔⵓⵏ ⴷ ⵜⵡⴰⵛⵓⵍⵉⵏ ⵉ ⵢⴻⵏⴶⴰⴼⴻⵏ". ⵉⵣⴷⴻⵎ ⵖⴻⴼ ⵓⴷⵔⴰⵔ ⵏ ⵓⵏⴻⴽⵛⵓⵎ ⵏ ⵜⴰⵍⵍⴻⵍⵜ ⵏ ⵜⴰⵍⵙⴰ ⴷ ⵓⵄⴻⵟⵟⴻⵍ ⵏ ⵡⴰⵍⵍⴰⵍⴻⵏ ⵏ ⵓⵄⴰⵡⴻⴷ ⵏ ⵍⴻⴱⵏⵉ, ⵉⵙⴻⵎⵎⴰ ⵉ ⵡⴰⵏⵏⴻⵛⵜ-ⴰ ⴷ ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⵍⵉⵅⵍⴰⴼ ⴷ ⴰⵎⴻⵇⵇⵔⴰⵏ ⴳⴰⵔ ⵡⴰⵢⴻⵏ ⵉ ⴷ-ⵜⴻⵡⵄⴻⴷ ⵜⴰⵔⵔⴰⵢⵜ ⵜⴰⴳⵔⴻⵖⵍⴰⵉⵏⵜ ⴷ ⵡⴰⵢⴻⵏ ⵢⴻⵍⵍⴰⵏ ⴷⴻⴳ ⵡⴰⵏⵏⴰⵔ.
ⵜⴰⵎⵙⴰⵍⴰⵢⵜ ⵜⴻⵙⵙⴻⴽⵏⴻⴷ ⴰⴷⴷⴰⴷ ⵏ ⵡⴰⵄⵔⴰⴱⴻⵏ ⵉⵕⴻⵙⵙⴰⵏ ⴱⴻⵍⵍⵉ ⵜⴰⵎⴰ ⵜⵓⵜⵔⵉⵎⵜ, ⵙ ⵍⵇⵓⴷⵙ ⵜⴰⴱⴰⵕⴰⴽⵜ, ⴷ ⵜⵙⴳⴰ ⵏ ⵖⴰⵣⴰ, ⴷ ⵢⵉⵡⴻⵜ ⵏ ⵜⴷⵓⴽⵍⴰ ⵏ ⵜⵔⴰⴽⴰⵍⵜ ⴷ ⵜⵙⴻⵔⵜⵉⵜ ⵓⵔ ⵏⴻⵇⴱⵉⵍ ⴰⵔⴰ ⴱⴻⵟⵟⵓ. ⴽⵓⴷⵔⵉ ⵉⵙⵙⴻⴽⵏⴻⴷ ⴱⴻⵍⵍⵉ ⵓⵔ ⵢⴻⵣⵎⵉⵔ ⴰⴷ ⴷ-ⵢⵉⵍⵉ ⵍⴻⵀⵏⴰ ⵏ ⵜⵉⴷⴻⵜ ⵎⴻⴱⵍⴰ ⵎⴰ ⵢⵓⴼⴰ ⵓⵖⵔⴻⴼ ⴰⴼⴰⵍⴻⵙⵟⵉⵏⵉⵜ ⴰⵣⵔⴻⴼ-ⵉⵙ ⵏ ⵓⵙⴻⵏⵏⴻⴷ ⵏ ⵢⵉⵎⴰⵏ (autodétermination), ⴷ ⵓⵙⴻⴷⴷⴻⵔ ⵏ ⴷⴷⵡⵍⴰ-ⵙ ⵙ ⵜⵉⵍⵍⵉⵙⵜ ⵏ 4 ⵢⵓⵏⵢⵓ 1967 ⴷ ⵍⵇⵓⴷⵙ ⴷ ⵜⴰⵎⴰⵏⴰⵖⵜ-ⵉⵙ.
ⴰⵎⵎⴰⵙ ⵏ ⵍⴻⵣⵣⴰⵢⴻⵔ ⵢⴻⴽⴽⴼⴰ ⵜⵎⴰⵙⵍⴰⵢⵜ-ⵉⵙ ⵙ ⵓⵙⵜⴻⵇⵙⵉ ⵉ ⴷ-ⵢⴻⵡⵡⵉ ⵉ ⵓⵙⵇⴰⵎⵓ ⵏ ⵜⴰⵏⴻⴼⵔⵓⵜ, ⵉⵙⴻⵎⵎⴰ ⵉ ⵜⴰⵍⵓⴼⵜ ⵜⴰⴼⴰⵍⴻⵙⵟⵉⵏⵉⵜ ⴷ "ⴰⴽⴰⵢⴰⴷ ⵏ ⵏⴻⵢⵢⴰ ⵏ ⵓⵎⴰⴹⴰⵍ". ⵉⵙⵙⴻⵜⴻⵇⵙⴰ: "ⴷ ⴰⵛⵓ ⴰⵔⴰ ⵢⴻⵅⴷⴻⵎ ⵓⵙⵇⴰⵎⵓ-ⴰⴳⵉ? ⴰⵎⴻⴽ ⴰⵔⴰ ⵢⴻⵙⵙⵉⵡⴻⴹ ⴰⴷ ⵉⴱⴻⴷⴷⴻⵍ ⴰⴱⵔⵉⴷ ⵏ ⵜⴻⵎⵙⴰⵍ?", ⵉⵡⴰⴽⴽⴻⵏ ⴰⴷ ⴷ-ⵉⵙⵙⴻⴽⴻⵏ ⴱⴻⵍⵍⵉ ⵉⵍⴰⵇ ⴰⴷ ⵏⵄⴻⴷⴷⵉ ⵙⴻⴳ ⵜⵉⵔⴰ ⵏ ⵢⵉⵙⵉⵡⴹⴻⵏ ⵖⴻⴼ ⵡⴰⵏⵏⴰⵔ ⵏ ⵜⵉⴳⴳⴰⵡⵜ ⴷ ⵡⴻⵣⵔⴻⴼ.
ⴰⵔⵏⵓ ⵖⴻⵔ
