ⵜⴰⵣⵡⴰⵔⴰ ⵏ ⵓⵙⵉⴼⵔⴻⵏ ⵉ ⵓⴼⵔⴰⵏ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ ⴷⴻⴳ ⵜⵎⴰⵙⵓⵏⵜ ⵏ ⵍⴻⵣⵣⴰⵢⴻⵔ ⴷⴻⴳ ⵙⵜⵓⴽⵀⵓⵍⵎ ⴷ ⵢⵉⴱⵉⵕⵓⵜⴻⵏ ⵏ ⵎⴰⵍⵎⵓ ⴷ ⵢⵓⵜⵓⴱⵓⵔⵉ

ⵜⴻⴱⴷⴰ ⵡⴰⵙⵙ-ⴰ ⵏ ⵙⵙⴻⴱⵜ 27 ⵢⵓⵏⵢⵓ 2026, ⴷⴻⴳ ⵓⴱⵉⵕⵓ ⵏ ⵜⵎⴰⵙⵓⵏⵜ ⵏ ⵍⴻⵣⵣⴰⵢⴻⵔ ⴷⴻⴳ ⵙⵜⵓⴽⵀⵓⵍⵎ ⵓ ⴷⴻⴳ ⵢⵉⴱⵉⵕⵓⵜⴻⵏ ⵏ ⵎⴰⵍⵎⵓ ⴷ ⵢⵓⵜⵓⴱⵓⵔⵉ, ⵜⵉⴳⴳⴰⵡⵜ ⵏ ⵓⵙⵉⴼⵔⴻⵏ (vote) ⵢⴻⵄⵏⴰⵏ ⴰⵏⴻⴽⵛⵓⵎ ⵏ ⵢⵉⵎⴰⵙⵍⴰⴷⴻⵏ ⵖⴻⵔ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (APN). ⴰⵢⴰⴳⵉ ⵢⴻⵍⵍⴰ-ⴷ ⵙ ⵢⵉⵡⴻⵏ ⵏ ⵓⵙⵓⴷⴷⴻⵙ ⵉⵕⴻⵙⵙⴰⵏ ⴷ ⵜⵉⴷⴷⵉ ⵏ ⵢⵉⵎⴻⵣⴷⴰⵖ ⵙⴻⴳ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ (communauté nationale) ⵉⵕⴻⵙⵙⴰⵏⴻⵏ ⴷⴻⴳ ⵜⵎⵓⵔⵜ ⵏ ⵙⵙⵡⵉⴷ.

ⵜⵉⴳⴳⴰⵡⵜ-ⴰⴳⵉ ⵏ ⵓⵙⵉⴼⵔⴻⵏ ⴰⴷ ⵜⴽⴻⵎⵎⴻⵍ ⴰⵔⵎⵉ ⴷ 02 ⵢⵓⵍⵢⵓ 2026 ⴷⴻⴳ ⵓⴱⵉⵕⵓ ⵏ ⵜⵎⴰⵙⵓⵏⵜ ⴷⴻⴳ ⵙⵜⵓⴽⵀⵓⵍⵎ. ⵎⴰ ⴷⴻⴳ ⵢⵉⴱⵉⵕⵓⵜⴻⵏ ⵏ ⵎⴰⵍⵎⵓ ⴷ ⵢⵓⵜⵓⴱⵓⵔⵉ, ⴰⴷ ⴷ-ⵜⵉⵍⵉ ⴷⴻⴳ ⵡⵓⵙⵙⴰⵏ ⵏ ⵙⵙⴻⴱⵜ ⴷ ⵍⵃⴻⴷ 27 ⴷ 28 ⵢⵓⵏⵢⵓ 2026. ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵍⴻⴱⵖⵉ ⵏ ⵓⵡⴰⵏⴰⴽ ⴰⵣⵣⴰⵢⵔⵉ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⴰⵣⵔⴻⴼ ⴰⵙⴰⴷⵓⴼⴰⵏ (droit constitutionnel) ⵉ ⵢⵉⵎⴰⵙⵍⴰⴷⴻⵏ ⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⵓ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⴻⴶⵀⴻⴷ ⵏ ⵓⴱⵔⵉⴷ ⵏ ⵜⴷⴻⵎⵓⴽⵔⴰⵜⵉⵜ.