ⴰⵏⴻⵖⵍⴰⴼ ⵏ ⵜⴰⵣⵎⴻⵔⵜ ⴷ ⵜⴰⵣⵎⴻⵔⵜ ⵜⴻⵜⵜⵎⴰⵢⵏⵓⵜ , ⵎⴰⵙ ⵎⵓⵔⴰⴷ ⵄⴻⵊⵊⴰⵍ, ⵢⴻⵙⵜⴻⵇⴱⴻⵍ ⴰⵙⵙ-ⴰ ⵏ ⵍⵃⴻⴷ ⴷⵉ ⵍⵣⵣⴰⵢⵔ ⵜⴰⵎⴰⵏⴻⵖⵜ, ⵢⵉⵡⴻⵏ ⵓⴳⵔⴰⵡ ⵏ ⵜⵙⵏⵓⵔⴰⵢⵜ ⵜⴰⴳⵔⴰⵖⵍⴰⵏⵜ ⵏ ⵓⵙⴻⴼⵔⴻⴷ , ⵉ ⵢⴻⵡⵡⵉ ⵓⵎⴰⵙⵜⴰⵏ ⵏ ⵜⵙⵏⵓⵔⴰⵢⵜ ⵉ ⵜⴻⴼⵔⵉⵇⵜ, ⵎⴰⵙ "ⵉⵜⵢⵓⴱⵉⵙ ⵜⴰⴼⴰⵔⴰ". ⴷⴻⴳ ⵜⵎⵍⵉⵍⵉⵜ-ⴰ, ⵙⵇⴻⵔⴷⴻⵛⴻⵏ ⵖⴻⴼ ⵜⵉⵣⴷⴰⵢⵉⵏ ⵏ ⵜⴰⵍⵍⴰⵍⵜ ⴷ ⵓⵙⴻⴼⵔⴻⴷ ⴷⴻⴳ ⵢⵉⵃⵔⵉⵇ ⵏ ⵜⴰⵣⵎⴻⵔⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵜⵏⴻⵖⵍⴰⴼⵜ.
ⴰⵍⵖⵓ-ⵏⵏⵉ ⵢⴻⵙⵙⴻⴼⵔⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰ, ⵉ ⴷ-ⵢⴻⵍⵍⴰⵏ ⴷⴻⴳ ⵓⵎⴽⴰⵏ ⵏ ⵜⵏⴻⵖⵍⴰⴼⵜ ⵙ ⵜⵉⵍⵉⵏ ⵏ ⵢⵉⵄⴳⴰⵍⴻⵏ-ⵉⵙ ⴷ ⵡⵉⵏ ⵏ ⵜⵏⴻⵖⵍⴰⴼⵜ ⵏ ⵜⴷⴰⵎⵙⴰ, ⵜⴻⴷⴷⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⵊⴻⵀⴻⴷ ⵏ ⵜⴰⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵍⵣⵣⴰⵢⵔ, ⵍⴰⴷⵖⴰ ⴷⴻⴳ ⵜⵎⴻⵏⵏⴰⴹⵜ ⵏ ⵜⴻⴼⵔⵉⵇⵜ.
ⴷⴻⴳ ⵡⴰⵡⴰⵍ-ⵉⵙ, ⵄⴻⵊⵊⴰⵍ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵣⵎⴻⵔⵜ ⵜⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⵏⴻⴼⵍⵉ ⵏ ⵜⴷⴰⵎⵙⴰ ⴷ ⵓⵎⴻⵜⵜⵉ. ⵢⴻⴱⴷⴻⵔ-ⴷ ⵜⴰⵎⵓⵙⵏⵉ ⵏ ⵍⵣⵣⴰⵢⵔ ⴷ ⵜⵉⵣⵎⴻⵔⵜ ⵏ ⵜⵎⵓⵔⵜ ⴷⴻⴳ ⵓⴼⴰⵔⵉⵙ, ⴰⵙⵉⵡⴻⴹ ⴷ ⵓⴼⵔⴰⵇ ⵏ ⵜⵔⵉⵙⵉⵜⵉ , ⵢⴻⵔⵏⴰ ⴷ ⵜⵉⵣⵎⴻⵔⵜ ⵏ ⵍⵀⴻⵏⴷⴻⵙⴰ ⴷ ⵓⵙⴻⴳⵎⵉ
ⴰⵏⴻⵖⵍⴰⴼ ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵓⵙⴻⵏⴼⴰⵔ ⴰⵏⴰⵎⵓⵔ ⵏ ⵜⴰⵣⵎⴻⵔⵜ ⵜⴻⵜⵜⵎⴰⵢⵏⵓⵜ, ⵉ ⵢⴻⵜⵜⵏⴰⴷⵉⵏ ⴰⴷ ⵢⴻⴼⵔⴻⵙ 15,000 ⵎⵉⴳⴰⵡⴰⵟ ⴰⵍⴰⵎⵎⴰ ⴷ ⵓⵙⴻⴳⴳⴰⵙ ⵏ 2035. ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⴷ "ⴰⵎⴷⵓⴽⴽⴻⵍ ⵢⴻⵍⵀⴰⵏ ⵢⴻⵔⵏⴰ ⵢⴻⵜⵜⵡⴰⵎⴻⵏ" ⵉ ⵜⵏⴻⴼⵍⵉ ⵏ ⵜⴰⵣⵎⴻⵔⵜ ⴷⵉ ⵜⴻⴼⵔⵉⵇⵜ.
ⵙⴳ ⵜⴰⵎⴰ-ⵏⵏⵉⴹⴻⵏ, ⵎⴰⵙ ⵜⴰⴼⴰⵔⴰ ⵢⴻⵙⵙⴻⴽⵏ-ⵉⴷ ⵍⴻⴱⵖⵉ ⵏ ⵜⵙⵏⵓⵔⴰⵢⵜ ⴰⴷ ⵜⴻⵙⵎⴻⵇⵇⴻⵔ ⵜⴰⵍⵍⴰⵍⵜ ⴰⴽⴽⴻⴷ ⵍⵣⵣⴰⵢⵔ. ⵢⴻⴼⴽⴰ-ⴷ ⵢⵉⵡⴻⵏ ⵓⵙⴻⵏⴼⴰⵔ ⵏ ⵜⴰⴷⵓⴽⵍⵉ ⵉⵡⴰⴽⴽⴻⵏ ⴰⴷ ⴷ-ⵢⴻⴼⵔⴻⵙ ⵜⵔⵉⵙⵉⵜⵉ ⵙ ⵜⴰⵣⵎⴻⵔⵜ ⵏ ⵡⴰⴹⵓ ⴷⵉ ⵍⵣⵣⴰⵢⵔ. ⴷⴰⵢⴻⵏ, ⵢⴻⵙⵙⵓⵜⴻⵔ ⴰⴷ ⵜⴻⵙⴼⴰⵢⴻⴷ ⵜⴻⴼⵔⵉⵇⵜ ⵙⴳ ⵜⵎⵓⵙⵏⵉ ⵜⴰⵣⵣⴰⵢⵔⵉⵜ ⵉⵡⴰⴽⴽⴻⵏ ⴰⴷ ⵜⴰⵡⴻⴹ ⵜⵔⵉⵙⵉⵜⵉ ⵖⴻⵔ ⵢⵉⵎⴻⵣⴷⴰⵖ ⵏ ⵜⵎⴻⵏⵏⴰⴹⵜ-ⴰ.
ⵄⴻⵊⵊⴰⵍ ⵢⴻⵇⵇⴻⵔ-ⴷ ⴱⴻⵍⵍⵉ ⵍⵣⵣⴰⵢⵔ ⵜⴻⴱⵖⴰ ⴰⴷ ⵜⵉⵍⵉ ⴷ ⴰⵎⴷⵓⴽⴽⴻⵍ ⴰⵙⵜⵔⴰⵜⵉⵊⵉ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵔⴼⴻⵃ ⵓⵟⵟⵓⵏ ⵏ ⵢⵉⵎⴻⵣⴷⴰⵖ ⵉ ⵢⴻⵙⵄⴰⵏ ⵜⵔⵉⵙⵉⵜⵉ ⴷⵉ ⵜⴻⴼⵔⵉⵇⵜ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⴱⴷⵓ ⵓⵅⴻⴷⴷⵉⵎ-ⴰ ⴷⴻⴳ ⵓⵏⵏⴰⵔ.
ⴷⵉ ⵜⴳⴰⵔⴰ, ⵎⵙⴰⴼⴰⵇⴻⵏ ⴰⴷ ⴳⴰⵏ ⵜⵉⵎⵍⵉⵍⵉⵜⵉⵏ ⵏ ⵓⵅⴻⴷⴷⵉⵎ ⴳⴰⵔ ⵢⵉⵎⵓⵙⵏⴰⵡⴻⵏ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵉⵡⴰⴽⴽⴻ ⴰⴷ ⵙⴱⴻⴷⴷⴻⵏ ⵜⴰⴷⵓⴽⵍⵉ-ⴰⴳⵉ ⵢⴻⵊⵀⴻⴷⵏ.
ⴰⵔⵏⵓ ⵖⴻⵔ
