ⵜⴻⴱⴷⴰ ⵚⵚⴱⴻⵃ-ⴰⴳⵉ ⵏ ⵍⴻⵜⵏⵉ ⵜⴰⵎⴰⵜⴰⵔⵜ ⵏ ⵓⵎⴻⵛⵡⴰⵕ ⵡⵉⵙ ⴽⵓⵥ ⵏ ⵜⴰⵡⴰⵍⵜ ⵏ ⵍⴻⵣⵣⴰⵢⴻⵔ ⵏ ⵜⵉⵏⴼⴰⵜ ⵏ ⵜⵎⴻⵣⵢⴰⵏⵉⵏ (2026) ⴷⴻⴳ ⵜⵓⵣⵣⵢⴰ-ⵙ ⵜⵉⵙ 26, ⴳⴰⵔ ⵙⵉⴷⵉ ⴱⴻⵍ ⴰⴱⴱⴻⵙ ⴷ ⵎⴻⵙⵜⵖⴰⵏⴻⵎ, ⵖⴻⴼ ⵡⴰⵣⴰⵍ ⵏ 134.9 ⴽⵎ.
ⵍⵡⴰⵍⵉ ⵏ ⵜⵡⵉⵍⴰⵢⵜ ⵏ ⵙⵉⴷⵉ ⴱⴻⵍ ⴰⴱⴱⴻⵙ, ⵎⴰⵙⵙ ⴽⴰⵎⴰⵍ ⵀⴰⴷⵊⵉ, ⵢⴻⴼⴽⴰ ⵜⴰⵎⴰⵜⴰⵔⵜ ⵏ ⵓⵏⵓⵔⵎⵓⵎ ⵙⴻⴳ ⵓⴱⵔⵉⴷ ⵏ "ⵎⴰⵛⵜⴰ", ⵙ ⵜⵜⴻⴽⴽⵉ ⵏ 101 ⵏ ⵢⵉⵎⵙⵉⴷⵔⴻⵏ. ⴰⵎⴻⵛⵡⴰⵕ-ⴰⴳⵉ ⵢⴻⴳⴳⵓⵏⵉ ⵓⴳⴰⵔ ⵉⵎⵍⴻⵄⵏⵉⵢⴻⵏ ⵏ ⵓⵔⵓⵔⴻⴷ (ⵙⵃⵔⵉⵏⵜⴻⵔⵙ), ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⴻⵏⵏⵓⵖ ⴷ ⴰⵎⴻⵇⵇⵔⴰⵏ ⴳⴰⵔ ⵢⵉⵎⵙⵉⴷⵔⴻⵏ ⴰⵣⵣⴰⵢⵔⵉⵢⴻⵏ ⵉ ⵓⵚⴻⴳⴳⴻⵎ ⵏ ⵓⵎⴽⴰⵏ-ⵏⵙⴻⵏ ⴷⴻⴳ ⵓⵙⴻⴷⴷⴻⵔ ⴰⵎⴰⵜⵓ.
ⵓⴱⵔⵉⴷ ⵏ ⵓⵎⴻⵛⵡⴰⵕ-ⴰⴳⵉ ⴰⴷ ⵉⵄⴻⴷⴷⵉ ⵙⴻⴳ ⵡⴰⵟⴰⵙ ⵏ ⵜⴰⴷⴷⴰⵔⵜⵉⵏ ⴰⵎ ⵙⵉⴷⵉ ⴱⵔⴰⵀⵉⵎ, ⵄⵉⵏ ⴻⵍ ⴱⴻⵔⴷ, ⵣⴰⵖⵍⵓⵍ, ⵡⴰⵙⵉⴼ ⵜⵍⵉⵍⴰⵜ ⴷ ⵙⵜⵉⴷⵢⴰ, ⵓⵇⴱⴻⵍ ⴰⴷ ⵢⴰⵡⴹⴻⵏ ⵖⴻⵔ ⵜⴻⵎⴷⵉⵏⵜ ⵏ ⵎⴻⵙⵜⵖⴰⵏⴻⵎ.
ⴷⴻⴳ ⵓⵎⴻⵛⵡⴰⵕ-ⴰⴳⵉ ⵍⵍⴰⵏ ⵙⵏⴰⵜ ⵏ ⵜⵉⵏⵇⵉⵟⵉⵏ ⵏ ⵓⵔⵓⵔⴻⴷ (ⴷⴻⴳ ⵓⴽⵎ 55 ⴷ 99), ⵉ ⴷ-ⵢⴻⵜⵜⴰⴽⴰⵏ ⵉⵙⵓⴼⴰ ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⵜⵉⵏⵇⵉⵟⵉⵏ ⵏⵏⵉⴹⴻⵏ, ⵔⵏⵓ ⵖⵓⵔ-ⵙⴻⵏⵜ ⵢⵉⵡⴻⵜ ⵏ ⵜⴰⵏⵇⵉⵟ ⵏ ⵡⴰⵍⴰⵢ (ⴰⵙⴰⵍⵉ) ⴷⴻⴳ ⵓⴽⵎ ⵡⵉⵙ 60 ⵖⴻⴼ ⵡⴰⵣⴰⵍ ⵏ 6 ⴽⵎ.
ⴷⴻⴼⴼⵉⵔ ⵏ ⴽⵔⴰⴷ ⵏ ⵢⵉⵎⴻⵛⵡⴰⵕⴻⵏ ⵉⵎⴻⵣⵡⵓⵔⴰ, ⴰⴱⴻⵍⵞⵉⴽⵉ ⵢⵓⵔⴱⴻⵏ ⵍⵓⴻⵔⵉⵙⵙⴻⵏ (ⵙⴻⴳ ⵓⵖⵍⴰⵎ ⵏ "ⵜⴰⵔⵜⴻⵍⴻⵜⵜⵓ-ⵉⵙⵓⵔⴻⵅ"), ⵢⴻⵃⵔⴻⵣ ⴰⵇⴰⵏⴷⵓⵔ ⴰⵡⵔⴰⵖ (ⴰⵙⴻⴽⵍⵓ ⴰⵎⴰⵜⵓ) ⴷ ⵓⵇⴰⵏⴷⵓⵔ ⴰⵣⴻⴳⵣⴰⵡ (ⴰⵎⵍⴻⵄⵏⵉ ⵏ ⵓⵔⵓⵔⴻⴷ ⵢⵉⴼⵔⴻⵏ). ⵎⴰ ⴷ ⴰⵇⴰⵏⴷⵓⵔ ⵉⵍⴰⵏ ⵜⵉⵛⴻⵇⵉⵇⵉⵏ (ⴱⴻⵙⵜ ⵛⵍⵉⵎⴱⴻⵔ) ⴷ ⵓⵇⴰⵏⴷⵓⵔ ⴰⵎⴻⵍⵍⴰⵍ (ⴰⵎⵙⵉⴷⵔⴻⵔ ⴰⵎⴻⵛⵟⵓⵃ ⵢⵉⴼⵔⴻⵏ) ⵉⵡⵡⵉ-ⵜⴻⵏ ⵓⵏⴰⵍⵎⴰⵏ ⵎⵉⵛⵀⴰⴻⵍ ⵃⴰⵙⵛⴰⵍ ⴷ ⵓⵞⴻⵏⵓⴱ-ⴰⴼⵔⵉⵇⵉ ⴻⵔⴰⵙⵎⵓⵙ ⴰⵍⴻⵅⴰⵏⴷⴻⵔ.
ⴰⵎⴻⵛⵡⴰⵕ ⵡⵉⵙ ⴽⵔⴰⴷ ⵉ ⴷ-ⵢⴻⵍⵍⴰⵏ ⵉⴹⴻⵍⵍⵉ ⴳⴰⵔ ⵜⵍⴻⵎⵙⴻⵏ ⴷ ⵙⵉⴷⵉ ⴱⴻⵍ ⴰⴱⴱⴻⵙ (134 ⴽⵎ) ⵢⴻⵣⵡⴰⵔ-ⴷ ⴷⴻⴳ-ⵙ ⵓⵃⵓⵍⵓⵏⵉ ⴽⵓⵜⵓⵍⵓⵙⴽⵉ ⴱⴻⵔⵏⴰⵔⴷ. ⴰⵇⴰⵏⴷⵓⵔ ⴰⵛⵉⵏⴰⵢ (ⵓⵃⵔⵉⵣ ⵢⵉⴼⵔⴻⵏ) ⵉⵡⵡⵉ-ⵜ ⵙⴰⵙⵙⵉ ⵛⵀⴰⵎⵙⴻⴷⴷⵉⵏⴻ ⵙⴻⴳ ⵓⵖⵍⴰⵎ ⵏ ⵓⵏ-ⴽⴰⵏⵟⴰⵔⴰ, ⵎⴰ ⴷ ⴰⵇⴰⵏⴷⵓⵔ ⴰⴱⴻⵔⴽⴰⵏ (ⴰⵎⵙⵉⴷⵔⴻⵔ ⴰⵣⵣⴰⵢⵔⵉ ⵢⵉⴼⵔⴻⵏ) ⵉⵡⵡⵉ-ⵜ ⴱⵓⵓⴷⵊⴻⵎⴰⴰ ⴰⵏⴰⵙ ⵙⴻⴳ ⵓⵖⵍⴰⵎ ⵏ ⴷⴰⵍⵉ ⵉⴱⵔⴰⵀⵉⵎ.
ⵜⴰⵡⴰⵍⵜ ⵏ ⵍⴻⵣⵣⴰⵢⴻⵔ ⵏ ⵓⵙⴻⴳⴳⴰⵙ 2026 ⵍⵎⴻⵏⵜ-ⴰⵙ ⵎⵔⴰⵡ (10) ⵏ ⵢⵉⵎⴻⵛⵡⴰⵕⴻⵏ ⵙⴻⴳ ⵡⴻⵀⵔⴰⵏ ⴰⵔ ⵜⵉⵣⵉ ⵡⴻⵣⵣⵓ, ⵖⴻⴼ ⵡⴰⵣⴰⵍ ⵏ 1697.7 ⴽⵎ. ⵜⴰⵡⴰⵍⵜ-ⴰⴳⵉ ⵜⵜⴻⴷⴷⵓ ⵙ ⴷⴷⴰⵡ ⵏ ⵢⵉⵍⵓⴳⴰⵏ ⵏ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⴷ ⵜⵉⵏ ⵜⴰⴳⵔⴰⵖⵍⴰⵏⵜ ⵏ ⵜⵉⵏⴼⴰⵜ (ⵓⵛⵉ), ⵙ ⵓⴼⵓⵙ ⵏ ⵜⵙⴻⵇⵇⵓⵎⵜ ⵏ ⵍⵃⵓⴽⴽⴰⵎ ⵉ ⵢⴻⵙⵙⴻⵍⵡⵉ ⵓⵙⵃⴰⵏⵓⵍⵉ ⵞⵓⵔⵯⴻ ⴳⵓⴰⵍ ⵎⴰⵔⵜⵉⵏⴻⵣ.
ⴰⵔⵏⵓ ⵖⴻⵔ
