ⵜⴻⴱⴷⴰ ⵜⴰⵙⵓⵜⴰ ⵜⴰⵣⵣⴰⵢⵜ ⵏ ⵓⵙⵉⴼⵙⴻⵙ ⵏ ⵡⴰⵎⴰⵏ ⵏ ⵢⵉⵍ ⴰⵃⵔⵉⵛ ⵏ ⵙⵓⵏⴰⵟⵔⴰⴽ) ⵢⵉⵡⴻⵜ ⵏ ⵜⵖⴰⵔⴰ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵏⴼⴻⵍ ⵜⴰⵣⵎⴻⵔⵜ ⵏ ⵜⵎⵔⵉⵙⵉⵏ-ⵉⵙ, ⵙ ⵓⵙⴻⴽⵛⴻⵎ ⵏ ⵜⵉⴽⵏⵓⵍⵓⵊⵉⵢⵉⵏ ⵉⴶⴻⵀⴷⵏ ⵉ ⵢⴻⵜⵜⴰⴽⴽⵙⵏ ⴰⵟⴰⵙ ⵏ ⵓⵙⴻⵅⵔⴻⴱ ⵏ ⵜⵔⵉⵙⵉⵜⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵎⵓⵍⵓⴷ ⵃⴻⵛⵍⴰⴼ, ⴰⵎⴰⵄⴰⵡⴻⵏ ⵏ ⵓⵎⵓⴷⵉⵔ ⴰⵎⴰⵜⵓ ⵏ ⵜⵙⵓⵜⴰ.
ⵢⴻⴼⵔⴻⵣ-ⴷ ⵃⴻⵛⵍⴰⴼ, ⴷⴳ ⵓⵙⴰⵔⴰⵢ ⵏ ⵜⵣⵎⴻⵔⵜ ⵉⵜⵜⴻⵏⴼⴰⵍⵏ ⴷⵉ ⵡⴻⵀⵔⴰⵏ (ⵉ ⵢⴻⵜⵜⴽⵉⵎⵉⵍⵏ ⴰⵔ 4 ⴼⵓⵔⴰⵔ), ⴱⴻⵍⵍⵉ ⴰⵙⵉⴼⵙⴻⵙ ⵏ ⵡⴰⵎⴰⵏ ⵏ ⵢⵉⵍ ⵢⴻⵜⵜⴻⵜⵜ ⴰⵟⴰⵙ ⵜⴰⵣⵎⴻⵔⵜ. ⵖⴻⴼ ⵡⴰⵢⴰ, ⵜⴰⵙⵓⵜⴰ ⵜⴻⵟⵟⴻⴼ ⵉⴼⵔⴰⵔⵏ ⵏ ⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ, ⴰⵎ ⵜⵉⴽⵏⵓⵍⵓⵊⵉⵜ ⵏ "ⵓⴱⴻⴷⴷⴻⵍ ⵏ ⵓⴹⴼⴰⵔ" ⵉ ⵢⴻⵜⵜⴰⵔⵔⴰⵏ ⵜⴰⵣⵎⴻⵔⵜ.
ⵉⵎⴰⵙⵙⴻⵏ-ⴰⴳⵉ ⵜⵜⴰⵔⵔⴰⵏ-ⴷ ⴰⴹⴼⴰⵔ ⵉ ⴷ-ⵢⴻⵜⵜⴼⴻⵍⵍⵉⵏ ⴷⴳ ⵓⵙⵉⴼⵙⴻⵙ ⵏ ⵡⴰⵎⴰⵏ ⵢⴻⵔⵏⴰ ⵜⵜⴰⵔⵔⴰⵏ-ⵜ ⴷ ⵜⴰⵣⵎⴻⵔⵜ ⵉ ⵢⴻⵣⵎⴻⵔ ⵓⵙⴻⵅⴷⴻⵎ ⵜⵉⴽⴽⴻⵍⵜ ⵏⵏⵉⴹⴻⵏ. ⴰⵢⴰ ⵢⴻⵜⵜⴰⴽⴽⴻⵙ ⴰⵣⴰⵍ ⵏ 40 ⴰⵔ 50 ⵜⵎⵉⴷⵉ (percent) ⵏ ⵓⵙⴻⵅⵔⴻⴱ ⵏ ⵜⵔⵉⵙⵉⵜⵉ. ⵜⵉⴽⵏⵓⵍⵓⵊⵉⵜ-ⴰⴳⵉ ⵜⴻⴱⴷⴰ ⵜⴻⵅⴷⴻⵎ ⴷⵉ ⵅⴻⵎⵙⴰ ⵏ ⵜⵎⵔⵉⵙⵉⵏ ⴷⵉ: ⵡⴻⵀⵔⴰⵏ, ⵜⵉⴱⴰⵣⴰ, ⴱⵓⵎⴻⵔⴷⴰⵙ, ⵍⵟⴰⵔⴻⴼ ⴷ ⴱⴳⴰⵢⴻⵜ, ⵢⴻⵔⵏⴰ ⴰⴷ ⵜⴻⵜⵜⵓⵙⴻⵅⴷⴻⵎ ⴷⴳ ⵡⴰⴽⴽ ⵉⵙⴻⵏⴼⴰⵔⵏ ⵉ ⴷ-ⵉⵜⴻⴷⴷⵓⵏ.
ⵜⴰⵙⵓⵜⴰ AEC ⵜⴻⴼⵔⴻⵏ ⴷⴰⵖⴻⵏ ⵜⴰⵖⴰⵔⴰ ⵏ "ⵓⵣⵓⴳⴻⵣ ⴰⵎⴻⴳⵍⴰⵏ" , ⵉ ⵢⴻⵜⵜⴻⵜⵜⵏ ⴷⵔⵓⵙ ⵏ ⵜⵣⵎⴻⵔⵜ ⵎⴰ ⵏⴻⵇⵇⴰⵔ-ⵉⵜ ⴷ ⵜⵖⴰⵔⴰⵜⵉⵏ ⵏ ⵃⵎⵓ .
ⵖⴻⴼ ⵡⴰⵢⴻⵏ ⵉ ⴷ-ⵉⵜⴻⴷⴷⵓⵏ ⴰⵔ 2030, ⵜⴰⵙⵓⵜⴰ ⵜⴻⴱⵖⴰ ⴰⴷ ⵜⴻⵙⵙⴻⴽⵛⴻⵎ ⵜⴰⵣⵎⴻⵔⵜ ⵏ ⵢⵉⵟⵉⵊ ⵉⵡⴰⴽⴽⴻⵏ ⴰⴷ ⵜⴻⵖⵎⴻⴷ 30 ⵜⵎⵉⴷⵉ ⵏ ⵡⴰⵢⴻⵏ ⵜⴻⵃⵡⴰⵊ ⴽⵓⵍ ⵜⴰⵎⵔⵉⵙⵜ. ⵍⴰⵎⴻⵄⵏⴰ ⴰⵢⴰ ⵢⴻⵃⵡⴰⵊ ⵜⵉⵎⵉⵣⴰⵔ ⵎⴻⵇⵇⵔⴻⵏ ⴰⵔ 30 ⵀⴻⴽⵜⴰⵔ ⵉ ⴽⵓⵍ ⵢⵉⵡⴻⵜ. ⵢⴻⴱⴷⴰ ⵢⴰⴽⴰ ⵓⵙⴻⵏⴼⴰⵔ ⵏ ⵜⵎⴻⴷⵢⴰ ⴷⵉ ⵛⴻⵟ ⵍⵀⴻⵍⴰⵍ ⴷⵉ ⵄⵉⵏ ⵜⴻⵎⵓⵛⴻⵏⵜ, ⵉⵡⴰⴽⴽⴻⵏ ⴰⴷ ⵜⴻⵜⵜⵓⵙⴻⵎⵔⴻⵙ ⵜⴻⵊⵔⵉⴱⵜ-ⴰⴳⵉ ⵙ ⵜⵖⴰⵔⴰ ⵢⴻⴼⵔⴻⵣⵏ.
ⴰⵔⵏⵓ ⵖⴻⵔ
