ⵜⴻⵙⵙⴻⴷⴷⴻⴷ ⵜⴰⵙⴻⵎⵍⵉⵍⵜ ⵜⵉⵙ ⵜⴰⵎ (8) ⵏ ⵜⴷⵓⴽⵍⵉ ⵜⴰⵣⵣⴰⵢⵔⵉⵜ ⵏ ⵜⵎⴻⴳⵓⵕⵉ ⵏ ⵍⴳⴰⵣ, ⵉ ⵢⴻⴱⴷⵓⵏ ⴰⵙⵙ-ⴰ ⵏ ⵍⴻⵜⵏⴰⵢⴻⵏ ⴷⵉ ⵡⴻⵀⵔⴰⵏ, ⵖⴻⴼ ⵡⴰⵣⴰⵍ ⵢⴻⵜⵜⵏⴻⵔⵏⵉⵏ ⵏ ⵍⵀⵉⴷⵔⵓⵊⵉⵏ ⴰⵣⴻⴳⵣⴰⵡ ⴷⵉ ⵜⵙⵜⵔⴰⵜⵉⵊⵉⵜ ⵏ ⵓⵎⵓⵍⵍⵉ ⵙⵓⵏⴰⵜⵔⴰⵛ, ⴰⵎ ⵓⴼⴻⵔⴷⵉⵙ ⴰⴳⴻⵊⴷⴰⵏ ⵉ ⵓⵙⴻⴷⵍⴻⵍ ⵏ ⵓⴱⴻⴷⴷⴻⵍ ⵏ ⵜⴰⵥⴻⵔⵜ ⴷ ⵓⵙⵏⴻⴼⵍⵉ ⵢⵓⵎⵣⵉⴷⴻⵏ ⴷⵉ ⵜⵎⴻⴳⵓⵕⵉ ⵜⴰⵖⴻⵍⵏⴰⵡⵜ.
ⵉⵎⴻⴷⵔⴰⵡⴻⵏ ⴷⴻⴳ ⵜⵎⴰⵣⵔⵉⵜ ⵏ "ⵜⴰⴳⵉⵢⵓⵒⵓⵍⵉⵜⵉⴽ ⴷ ⵓⵇⴻⵜⵜⵓⵏ ⵏ ⵍⴳⴰⵣ" ⵙⵙⵉⵣⴷⴳⴻⵏ ⵖⴻⴼ ⵡⴰⴽⴽⴰⴼⴻⴹ ⵏ ⵙⵓⵏⴰⵜⵔⴰⵛ ⵉ ⵓⵙⵏⴻⴼⵍⵉ ⵏ ⵜⴰⵥⴻⵔⵜ ⵜⵓⵙⴻⴷⴷⴰⵢⵜ ⴷ ⵓⵙⴻⴷⴷⵓⴽⴽⴻⵍ ⵏ ⵍⵀⵉⴷⵔⵓⵊⵉⵏ ⴰⵣⴻⴳⵣⴰⵡ ⴰⵎ ⵜⵉⴼⴻⵔⵜ ⵏ ⵜⴰⵥⴻⵔⵜ ⵉ ⵓⵙⴻⴽⵍⴰⵍ ⴷ ⵓⵃⵔⴰⵣ, ⵙ ⵜⵎⵓⵖⵍⵉ ⵏ ⵡⴰⴳⵉ ⴰⵎ ⵓⵙⵓⵔⵉⴼ ⵏ ⵜⵙⵜⵔⴰⵜⵉⵊⵉⵜ ⵉ ⵓⵙⵏⴻⵔⵏⵉ ⵏ ⵜⴻⵣⵎⴻⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎⴻⵏⵏⵓⵖ ⵏ ⵢⵉⵇⴻⵜⵜⵓⵏⴻⵏ ⵉⴳⵔⴰⵖⵍⴰⵏⴻⵏ ⵏ ⵜⴰⵥⴻⵔⵜ.
ⴷⴻⴳ ⵓⵙⴰⵜⴰⵍ-ⴰⴳⵉ, ⵜⴰⵏⵏⴰ-ⴷ ⵜⵎⴰⵏⵀⴰⵍ ⵏ ⵓⵙⴻⵏⴼⴰⵔ ⵏ ⵓⵙⵏⴻⴼⵍⵉ ⵏ ⵓⵎⴰⵀⵉⵍ ⴷⵉ ⵙⵓⵏⴰⵜⵔⴰⵛ, ⵎⴰⵙⵙⴰ ⴼⴻⵔⴰⴷⵊⵉ ⴼⴻⵔⵉⵣⴰ, ⴱⴻⵍⵍⵉ "ⵍⴻⵣⵣⴰⵢⴻⵔ ⵜⴻⴽⵛⴻⵎ ⵜⴰⵎⴰⴽⴰ ⵏ ⵓⴱⴻⴷⴷⴻⵍ ⵏ ⵜⴰⵥⴻⵔⵜ ⵙ ⵓⵙⴻⴽⵛⴻⵎ ⵏ ⵍⵀⵉⴷⵔⵓⵊⵉⵏ ⴰⵣⴻⴳⵣⴰⵡ ⴷⴻⴳ ⵓⵏⴰⴳⵔⴰⵡ ⵏ ⵜⴰⵥⴻⵔⵜ", ⵙ ⵜⵎⵓⵖⵍⵉ ⵏ ⵡⴰⴳⵉ ⴰⵎ ⵓⴼⵔⴰⵏ ⵏ ⵜⴰⵥⴻⵔⵜ ⵉ ⵓⵎⴰⵣⵔⴰⵔ ⴰⵖⴻⵣⴼⴰⵏ ⵉ ⵢⴻⵣⵎⴻⵔ ⴰⴷ ⵢⴻⵜⵜⵡⴰⵙⴻⵔⴼⴻⵢ ⵖⴻⵔ ⵓⵇⴻⵜⵜⵓⵏ ⵓⵔⵓⴼⵉ.
ⵜⴻⵙⵙⴻⴼⵔⴻⵔ-ⴷ ⴱⴻⵍⵍⵉ ⵙⵓⵏⴰⵜⵔⴰⵛ ⵜⴽⴻⵎⵎⴻⵍ ⴷⴻⴳ ⵓⵙⴰⵍⵉ ⵏ ⵢⵉⵙⴻⵏⴼⴰⵔⴻⵏ-ⵉⵙ ⵉⴳⵔⴰⵖⵍⴰⵏⴻⵏ ⴷⵉ ⵍⵀⵉⴷⵔⵓⵊⵉⵏ ⴰⵣⴻⴳⵣⴰⵡ, ⵙ ⵓⵙⴻⴷⵍⴻⵍ ⵏ ⵜⵜⴻⵇⵏⵉⵡⵉⵏ, ⴰⵎⴻⵏⵣⵓ ⵏ ⵓⵣⴻⵟⵟⴰ ⵏ ⵜⵔⵉⵙⵉⵜ ⴷ ⵜⵣⴻⵣⵎⴻⵔⵜ ⵏ ⵢⵉⵟⵉⵟ ⴷ ⵡⴰⴹⵓ ⴷⴻⴳ ⵓⴽⵎⴻⵍ ⵏ ⵜⵎⵓⵔⵜ, ⴰⵢⴻⵏ ⴰⵔⴰ ⵢⴻⵙⵊⴻⵃⴷⴻⵏ ⴰⵎⴽⴰⵏ-ⵉⵙ ⴷⵉ ⵜⵎⴻⴳⵓⵕⵉ ⵢⵓⵎⵣⵉⴷⴻⵏ.
ⵎⴰⵙⵙⴰ ⴼⴻⵔⴰⴷⵊⵉ ⵜⴻⵔⵏⵓ-ⴷ ⴱⴻⵍⵍⵉ ⴰⵙⵓⵜⴻⵔ ⵏ ⵍⴳⴰⵣ ⴷⴻⴳ ⵢⵉⵇⴻⵜⵜⵓⵏⴻⵏ ⵉⵖⴻⵍⵏⴰⵡⴻⵏ ⴷ ⵢⵉⴳⵔⴰⵖⵍⴰⵏⴻⵏ ⵎⴰⵣⴰⵍ-ⵉⵜ ⴷⴻⴳ ⵡⴻⵙⵡⵉⵔ ⵢⴻⵄⵍⴰⵢⴻⵏ ⵅⴰⵙ ⵍⵍⴰⵏ ⵡⵓⵣⵉⵔⴻⵏ ⵏ ⵜⴰⴳⵉⵢⵓⵒⵓⵍⵉⵜⵉⴽ, ⵙ ⵜⵎⵓⵖⵍⵉ ⵏ ⵍⴻⵜⵣⵣⴰⵢⴻⵔ ⴰⵎ ⵜⵎⵓⵔⵜ ⵏ ⵓⵃⵔⴰⵣ ⴷ ⵜⵜⴻⵇⵏⵉⵢⵉⵏ ⵢⴻⴷⴼⴻⵔ ⴷ ⵜⵉⵔⵎⵉⵜ ⵏ ⵓⵣⵏⵓⵣ.
ⵍⴻⵇⴷⵉⵛⴰⵜ ⵏ ⵜⴰⵙⴻⵎⵍⵉⵍⵜ ⴷⴷⴰⵏ-ⴷ ⴷ ⵜⵉⵎⴰⵣⵔⵉⵏ ⵏ ⵓⵎⴰⵀⵉⵍ ⵖⴻⴼ "ⵍⵀⵉⴷⵔⵓⵊⵉⵏ: ⵜⵜⴻⴳⵏⵉⵜⵉⵏ ⴷ ⵡⴻⴳⴳⵉⵢⴻⵏ", "ⴰⴱⴻⴷⴷⴻⵍ ⵏ ⵓⴷⵉⴳⵉⵜⴰⵍ ⴷⵉ ⵜⵎⴻⴳⵓⵕⵉ ⵏ ⵍⴳⴰⵣ", ⴷ "ⴰⴱⴻⴷⴷⴻⵍ ⵏ ⵜⴰⵥⴻⵔⵜ ⴷ ⵓⴽⴽⴽⴻⵙ ⵏ ⵓⴽⵓⵔⴱⵓⵏ", ⴰⵎ ⴰⴽⴽⴻⵏ ⵍⵍⴰⵏ-ⴷ ⵜⵉⵎⵉⵙⵔⴰⵢⴻⵏ ⵖⴻⴼ ⵓⴷⵉⴳⵉⵜⴰⵍ ⴷ ⵓⵏⴰⴷⵉ ⵏ ⵜⵎⵓⵙⵙⵏⵉ ⵏ ⵓⵙⵜⵉⵜⵉⴽ
ⵜⵉⵎⵍⵉⵍⵉⵜ-ⴰⴳⵉ ⴰⵔⴰ ⵢⵉⴽⴻⵎⵎⵍⴻⵏ ⴰⵣⴻⴽⴽⴰ, ⴰⵔⴰ ⵢⴻⵣⵔⴻⵡ "ⴰⵙⵏⵓⵍⴼⵓ, ⴰⵏⴰⴷⵉ ⴷ ⵓⴱⵓⵖⵍⵓ", "ⵢⵉⵙⵓⴳⴰⵎ ⵏ ⵓⵎⴷⴰⵏ", ⴷ "ⵜⴰⵙⵜⵔⵉⵜⵉⵊⵉⵜ ⵏ ⵜⴰⵥⴻⵔⵜ ⴷ ⵍⴳⴰⵣ ⴷⴻⴳ ⵓⵎⴰⴹⴰⵍ ⵢⴻⵜⵜⴱⴻⴷⴷⵉⵍⴻⵏ".
ⴷⵔⴰⵏ-ⴷ ⴷⴻⴳ ⵜⴰⵙⴻⵎⵍⵉⵍⵜ-ⴰⴳⵉ ⵓⴳⴰⵔ ⵏ 700 ⵏ ⵢⵉⵎⴷⴰⵏⴻⵏ, ⴳⴰⵔ-ⴰⵙⴻⵏ ⵢⵉⵎⵓⵙⵏⴰⵡⴻⵏ ⴷ ⵢⵉⵎⴻⴷⵔⴰⵡⴻⵏ ⵏ ⵢⵉⴳⴻⵔ ⵏ ⵜⴰⵥⴻⵔⵜ, ⴰⴽⴽⴻⴷ ⵢⵉⵎⴰⵙⴰⵢⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵉⴳⵔⴰⵖⵍⴰⵏⴻⵏ ⴷ ⵢⵉⴼⴻⵔⴷⵉⵙⴻⵏ ⵏ ⵙⵓⵏⴰⵜⵔⴰⵛ ⴷ ⵙⵓⵏⴻⵍⴳⴰⵣ.
ⴰⵔⵏⵓ ⵖⴻⵔ
