ⵜⴻⵍⴷⵉ ⵜⴰⵙⴻⵇⵇⴰⵎⵓⵜ ⵜⴰⵎⴻⵏⴹⴰⵡⵜ, ⴰⵙⵙ-ⴰ ⵏ ⵜⵜⵍⴰⵜⴰ, ⵜⵉⵡⵡⵓⵔⴰ-ⵙ ⵉ ⵜⴰⵔⴱⴰⵄⵜ ⵏ ⵢⵉⵄⴻⴳⴳⴰⵍⴻⵏ ⵏ "ⵓⴱⴰⵔⵍⴰⵎⴰⵏ ⵏ ⵓⴳⵔⵓⴷ ⴰⵣⵣⴰⵢⵔⵉ" ⵉ ⴷ-ⵢⴻⵜⵜⵡⴰⴼⴻⵔⵏⴻⵏ, ⴰⵙⵙ ⵉ ⴷ-ⵢⴻⵔⵏⴰⵏ ⵉ ⵓⵙⴱⴻⴷⴷⵉ-ⵏⵙⴻⵏ ⵓⵏⵚⵉⴱ ⴷⴻⴳ ⵡⴻⵎⴽⴰⵏ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.
ⵜⵉⵔⵣⵉ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵜⴰⵔⴱⴰⵄⵜ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵜⴻⵎⵍⵉⵍ ⴷ ⵜⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵜⴰⵎⴻⵏⴹⴰⵡⵜ, ⵎⴰⵙⵙⴰ ⵍⴰⵢⵍⴰ ⵄⴻⵙⵍⴰⵡⵉ, ⴷ ⵢⵉⵄⴻⴳⴳⴰⵍⴻⵏ-ⵉⵙ ⴷ ⵢⵉⵟⴰⴷⴻⵏ-ⵉⵙ, ⴰⵏⴷⴰ ⵉ ⴷ-ⴼⴽⴰⵏ ⵉ ⵜⴰⵔⴱⴰⵄⵜ ⴰⵙⴻⵏⵄⴻⵜ ⵢⴻⴼⵚⵍⴻⵏ ⴷ ⵜⵉⴼⵙⵉⵔⵉⵏ ⵖⴻⴼ ⵢⵉⵎⴰⵀⵉⵍⴻⵏ ⵉⵎⴻⵏⵎⴻⵏⵜⴰⵡⴻⵏ ⴷ ⵜⵙⴰⵢⵔⵉⵏ ⵉ ⴷ-ⵢⵓⵙⴰⵏ ⵉ ⵜⵙⵓⴷⴷⵓⵜ-ⴰⴳⵉ, ⴷ ⴷⴷⵓⵔ ⴰⵎⵎⴰⵙⴰⵢ ⵉ ⵜⵇⴻⴷⴷⴻⵛ.
ⴰⵙⵜⴻⵇⴱⴻⵍ-ⴰⴳⵉ ⴷ ⴰⵙⵓⵔⵉⴼ ⵉ ⴷ-ⵉⵙⵙⴽⴰⵏⴰⵏ ⵍⵇⴻⴷⴷ ⵏ ⵜⵙⴻⵇⵇⴰⵎⵓⵜ ⵜⴰⵎⴻⵏⴹⴰⵡⵜ ⵉⵡⴰⴽⴽⴻⵏ ⴰⴷ ⴷ-ⵜⴻⵙⵙⴻⵡⵡⵉ ⵜⵙⵓⵜⴰ ⵉ ⴷ-ⵢⵓⴽⵉⵏ ⵙ ⵡⴰⵣⴰⵍ ⵏ ⵜⵎⵓⵔⵉ ⴷ ⵓⵙⴻⵎⵔⴻⵙ ⴰⴷⵉⵎⵓⵇⵔⴰⵟⵉ.
ⵜⴻⴳⴷⴰ ⵜⵉⵔⵣⵉ-ⴰⴳⵉ ⵜⵓⵣⵣⵢⴰ ⴷⴻⴳ ⵢⵉⵎⵓⴽⴰⵏ ⴷ ⵜⵉⴳⵏⴰⵜⵉⵏ ⵏ ⵜⵙⴻⵇⵇⴰⵎⵓⵜ ⵜⴰⵎⴻⵏⴹⴰⵡⵜ, ⴳⴰⵔ-ⴰⵙⴻⵏ ⵜⴰⵣⴻⵇⵇⴰ ⵏ ⵢⵉⴳⴰⵍⵉⴼⴻⵏ, ⵜⴰⵣⴻⵇⵇⴰ ⵏ ⵜⵎⴻⵙⵍⴰⵢⵜ, ⴰⵙⴰⵍⴰⵢ ⵏ ⵍⵇⴻⴹⵄ ⴰⵎⴻⵏⴹⴰⵡ, ⴷ ⵜⴻⵎⴽⴰⵔⴹⵉⵜ.
ⴷⴻⴳ ⵜⴰⴳⴳⴰⵔⴰ ⵏ ⵜⵉⵔⵣⵉ-ⴰⴳⵉ, ⵙⵄⴻⴷⴷⴰⵏ-ⴷ ⵍⴼⵉⴷⵢⵓ ⵏ ⵓⵙⵉⵙⵙⴻⵏ ⵉ ⴷ-ⵢⴻⵡⵡⵉⵏ ⵖⴻⴼ ⵡⴰⵎⴻⴽ ⵢⴻⵍⵍⴰ ⵓⵎⴻⵏⴹⴰⵡ ⴷ ⵡⴰⴳⴱⵓⵔ-ⵉⵙ, ⵢⴻⵔⵏⴰ ⴷ-ⵉⵙⴽⴻⵏ ⵉⵎⴻⵏⴹⴰⵡⴻⵏ ⵉⵣⵣⴰⵢⵔⵉⵢⴻⵏ ⴷⴻⴳ ⵓⵎⴻⵣⵔⵓⵢ-ⵏⵙⴻⵏ, ⵙ ⵜⵎⵓⵖⵍⵉ ⵜⴰⵡⴻⵣⵣⵍⴰⵏⵜ ⵖⴻⴼ ⵜⵙⴻⵇⵇⴰⵎⵓⵜ ⵜⴰⵎⴻⵏⴹⴰⵡⵜ ⴷ ⵓⵙⵓⴷⴷⴻⵙ-ⵉⵙ ⴷ ⵜⵙⴰⵢⵔⵉⵏ-ⵉⵙ.
