ⴱⴷⴰⵏ ⵢⵉⵎⴹⴻⴱⴱⵔⴻⵏ ⴰⴷⵉⴳⴰⵏⴻⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ ⴰⵙⴻⵍⴽⴻⵎ ⵏ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵉⵕⴻⵙⵙⴰⵏ ⵉ ⵢⴻⴱⵖⴰⵏ ⴰⴷ ⴷ-ⵉⵀⴻⴳⴳⵉ ⵜⵉⴳⵏⴰⵜⵉⵏ ⵉⴼⴰⵣⴻⵏ ⵉ ⵓⵎⵎⴰⴳⴻⵔ ⵏ ⵢⵉⵎⴻⵣⴷⴰⵖ ⴷ ⵓⵙⵔⴻⴱⴻⵃ ⵏ ⵜⴰⵍⵍⵉⵜ ⵏ ⵓⵏⴻⴱⴷⵓ ⴰⵢⴰⴳⵉ ⵢⴻⵍⵍⴰ-ⴷ ⵙ ⵢⵉⵡⴻⵏ ⵏ ⵓⴼⴻⵔⴷⵉⵙ ⵏ ⵜⴰⵔⵔⴰⵢⵉⵏ ⵏ ⵡⴰⵏⵏⴰⵔ ⴷ ⵜⵉⴷ ⵏ ⵓⵙⵓⴷⴷⴻⵙ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⴷⴰⵟⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⴰⵀⵉⵍ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵀⴻⴳⴳⵉ ⵉ ⵜⴰⵍⵍⵉⵜ ⵏ ⵓⵏⴻⴱⴷⵓ 2026, ⴷ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉ ⴷ-ⵉⵜⵜⵓⵏⴻⴼⴽⴻⵏ ⴷⴻⴳ ⵜⴻⵎⵍⵉⵍⵉⵜ ⵏ ⵓⵎⵙⴰⵙⴻⵢ ⵜⴰⵏⴻⴳⴳⴰⵔⵓⵜ ⴷ ⵡⴰⵍⵉⵜⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵟⵎⴰⵏ ⵏ ⵜⵣⴻⵎⵎⴰⵔ ⵏ ⵢⵉⵢⴻⵙⴽⵉⵔⴻⵏ ⴷ ⵢⵉⵎⴻⵥⵍⴰ ⵉ ⵢⵉⵎⵓⵔⴰⵔ.
ⵙ ⴷⴷⴰⵡ ⵏ ⵓⵖⴱⴰⵍⵓ-ⵏⵏⵉ, ⴳⴰⵔ ⵜⴰⵔⵔⴰⵢⵉⵏ ⵉⵕⴻⵙⵙⴰⵏⴻⵏ: ⴰⵙⵓⴷⴷⴻⵙ ⵏ ⵜⴻⵎⵍⵉⵍⵉⵢⵉⵏ ⵏ ⵓⵎⵙⴰⵙⴻⵢ ⵉ ⵓⵙⴼⵓⵍⴻⵍ ⵏ ⵜⵉⴷⴷⵉ ⵏ ⵓⵀⴻⴳⴳⵉ ⴷ ⵓⵙⴰⵜⵉⴳ ⵏ ⵓⵙⴻⵍⴽⴻⵎ ⵏ ⵜⴰⵔⵔⴰⵢⵉⵏ ⵢⴻⵜⵜⵡⴰⵙⴻⵔⵙⴻⵏ, ⴷ ⵓⵙⵏⴻⵔⵏⵉ ⵏ ⵜⵉⴼⴼⵖⵉⵡⵉⵏ ⵏ ⵡⴰⵏⵏⴰⵔ ⵉ ⵓⵣⴻⵟⵟⴻⴹ ⵏ ⵢⵉⵙⴻⵏⴼⴰⵔⴻⵏ ⵏ ⵓⵚⴻⴳⴳⴻⵎ ⵏ ⵢⵉⵔⵉ ⵏ ⵢⵉⵍⵍⴻⵍ ⴷ ⵜⴻⴼⵜⵉⵙⵉⵏ (plages), ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⴰⵙⴱⴻⵕⵢⴻⴹ, ⴰⵙⵉⴷⴷⴻⴳ ⴰⴳⴷⵓⴷⴰⵏ, ⵉⵕⵚⵉⴼⴻⵏ, ⴷ ⵓⵀⴻⴳⴳⵉ ⵏ ⵢⵉⵎⵓⴽⴰⵏ ⵏ ⵢⵉⵎⵓⵔⴰⵔ. ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⵜⵉⴷⴷⵉ ⵉⴶⴻⵀⴷⴻⵏ ⵉ ⵓⵙⵉⵣⴷⴻⴳ ⵏ ⵜⴻⴼⵜⵉⵙⵉⵏ ⴷ ⵓⵙⵓⴼⴼⴻⵖ ⵏ ⵢⵉⴷⴹⵓⵎⵎⴰⵏ, ⵙ ⵓⵙⴻⴶⵀⴻⴷ ⵏ ⵜⵙⴻⴷⴷⴰⵔⵉⵏ ⵏ ⵓⵙⵉⵣⴷⴻⴳ ⴷ ⵡⴰⵍⵍⴰⵍⴻⵏ ⵉⵕⴻⵙⵙⴰⵏ.
ⴷⴰⵖⴻⵏ, ⵎⵜⴰⵡⴰⵏ ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⵉⴳⴳⴰⵜⵉⵏ ⵏ ⵓⵙⵙⴻⵜⴼⴻⵀⵎ ⵉ ⵢⵉⵎⴻⵣⴷⴰⵖ ⵖⴻⴼ ⵓⵃⵔⴰⵣ ⵣⴷⴰⵜ ⵏ ⵜⵎⴻⵙ ⵏ ⵜⴻⵥⴳⵉⵡⵉⵏ, ⵉⵎⵉⵀⵉⵢⴻⵏ ⵏ ⵓⵔⴰⵡ (natation) ⴷⴻⴳ ⵢⵉⵎⵓⴽⴰⵏ ⵓⵔ ⵏⵃⴻⵔⵔⴻⵣ ⴰⵔⴰ, ⴷ ⵓⵃⵓⴷⴷⵓ ⵖⴻⴼ ⵜⴰⵡⵏⵏⴰⴹⵜ ⵏ ⵢⵉⵔⵉ ⵏ ⵢⵉⵍⵍⴻⵍ. ⴰⵢⴰⴳⵉ ⵙ ⵓⵙⴻⴶⵀⴻⴷ ⵏ ⵜⵎⴰⵏⴻⴳⵜ ⵙ ⵜⵉⵍⵉⵜ ⵉⴶⴻⵀⴷⴻⵏ ⵏ ⵢⵉⵎⴻⵥⵍⴰ ⵏ ⵜⵎⴰⵏⴻⴳⵜ ⴷ ⵢⵉⵎⴰⵙⵍⴰⴷⴻⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⴷⴻⴳ ⵜⴻⴼⵜⵉⵙⵉⵏ ⴷ ⵢⵉⵎⵓⴽⴰⵏ ⵏ ⵜⴻⵎⵎⴻⵔⵔⵉⵜ, ⴷ ⵓⵎⴻⵏⵏⵓⵖ ⵎⴳⴰⵍ ⵓⵙⴻⵎⵔⴻⵙ ⵓⵔ ⵏⵍⴰⵇ ⴰⵔⴰ ⵏ ⵜⴻⴼⵜⵉⵙⵉⵏ ⴷ ⵜⵏⴻⵣⵣⵓⵜ ⵏ ⵜⵅⴻⵕⵡⵉⵛⵜ, ⵙ ⵓⵙⵓⴷⴷⴻⵙ ⵏ ⵢⵉⵎⵓⴽⴰⵏ ⵏ ⵓⵃⴱⴰⵙ ⵏ ⵜⴽⴰⵔⵔⵓⵚⵉⵡⵉⵏ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵉ ⵏ ⵢⵉⵎⵓⵔⴰⵔ.
ⵢⴻⵍⵍⴰ-ⴷ ⴷⴰⵖⴻⵏ ⵓⵄⴰⵡⴻⴷ ⵏ ⵓⵣⵉⵣⵣⴻⴷ ⴷ ⵓⵙⴱⴻⴷⴷⵉ ⵏ ⵢⵉⵙⴰⴼⴰ ⵏ ⵓⵔⴰⵡ (piscines), ⵉⵅⵅⴰⵎⵎⴻⵏ ⵏ ⵢⵉⵍⴻⵎⵣⵢⴻⵏ, ⵉⵎⵓⴽⴰⵏ ⵏ ⵜⵎⵓⵀⴻⵍⵍⵜ ⵏ ⵓⵏⴻⴱⴷⵓ ⴷ ⵢⵉⵎⵓⴽⴰⵏ ⵏ ⵓⴼⴰⵔⴻⵙ, ⵙ ⵓⵟⵎⴰⵏ ⵏ ⵍⵉⵙⴻⵔ ⴷ ⵜⵎⴰⵏⴻⴳⵜ ⵉ ⵡⵉⴷ ⴰⵔⴰ ⵜⴻⵏ-ⵢⵉⵙⵙⴻⵎⵔⴻⵙⴻⵏ. ⴷⴰⵖⴻⵏ, ⴰⴷ ⴷ-ⵢⵉⵍⵉ ⵓⵣⴻⵟⵟⴻⴹ ⵏ ⵜⵎⵓⵙⵏⵉⵡⵉⵏ ⵏ ⵢⵉⵙⴻⵏⵙⵓⵢⴻⵏ (hôtels) ⴷ ⵜⵖⴰⵔⴰ ⵏ ⵢⵉⵎⴻⵥⵍⴰ-ⵏⵙⴻⵏⵜ, ⴷ ⵓⵀⴻⴳⴳⵉ ⵏ ⵜⴻⵥⴳⵉⵡⵉⵏ ⵏ ⵍⵉⵙⴻⵔ ⵙ ⵡⴰⵍⵍⴰⵍⴻⵏ ⵉⵕⴻⵙⵙⴰⵏ ⵉ ⵜⵡⴰⵛⵓⵍⵉⵏ, ⴷ ⵓⵙⴱⴻⴷⴷⵉ ⵏ ⵢⵉⵡⴻⵏ ⵏ ⵡⴰⵀⵉⵍ ⴰⴷⴻⵍⵙⴰⵏ, ⴰⵥⵓⵔⴰⵏ ⴷ ⵓⴼⴰⵔⴻⵚ ⵉ ⵢⵉⴳⴻⵔⴷⴰⵏ ⴷ ⵢⵉⵍⴻⵎⵣⵢⴻⵏ.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⴰⵔⵔⴰⵢⵉⵏ-ⴰⴳⵉ ⵜⴻⴷⴷⵓⵏⵜ ⴷⴻⴳ ⵓⵣⴻⵏⵣⵉⵖ ⵏ ⵜⵎⵓⵖⵍⵉ ⵜⴰⵎⴰⵜⵓⵜ ⵉ ⴷ-ⵡⵡⵉⵏ ⵢⵉⵎⴹⴻⴱⴱⵔⴻⵏ ⵉ ⵓⵟⵎⴰⵏ ⵏ ⵓⵏⴻⴱⴷⵓ ⵏ ⵔⵔⴻⴱⴻⵃ, ⵙ ⵓⵎⵙⴰⵙⴻⵢ ⵉ ⵉⵜⴻⴷⴷⵓⵏ ⴳⴰⵔ ⵢⴰⴽⴽ ⵢⵉⵏⵏⴰⵔⴻⵏ, ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⴰⵡⵏⵏⴰⴹⵉⵏ ⵜⵉⵣⴷⴻⴳⴰⵏⵜ, ⵉⵃⴻⵔⵣⴻⵏ ⵢⴻⵔⵏⴰ ⵉⵀⴻⵢⵢⴰⵏ ⵉ ⵢⵉⵙⴰⵔⴰⵎⴻⵏ ⵏ ⵢⵉⵎⴻⵣⴷⴰⵖ.
ⴰⵔⵏⵓ ⵖⴻⵔ
