ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵓⴱⵥⴻⵏⵜ ⵜⵢⵓⵏⵉⵏ ⴷ ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⴽⵓⵥ (4) ⵏ ⵢⵉⴼⴻⵔⴷⵉⵙⴻⵏ ⵏ ⵓⴷⵀⴰⵍ ⵏ ⵜⴻⴳⵔⴰⵡⵉⵏ ⵜⵉⵔⴻⵎⵎⴰⵖⵉⵏ ⴷⴻⴳ ⵜⴻⵎⵀⴰⵍ ⵢⴻⵎⴳⵉⵔⵔⴷⴻⵏ ⴷⴻⴳ ⵓⴳⴻⵍⵍⵓⵢ ⴰⵖⴻⵍⵏⴰⵡ ⴷⴻⴳ ⵜⵡⴰⵍⴰ ⴳⴰⵔ 23 ⴷ 29 ⵛⵜⴻⵎⴱⴻⵕ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ, ⴰⵙⵙ ⵏ ⵓⴽⵔⴰⵙ, ⵢⵉⵡⴻⵜ ⵏ ⵜⴻⵛⵔⴰⵡⵜ ⵜⴰⵎⴻⵀⵍⴰⵏⵜ ⵏ ⵜⵔⴻⴷⵙⴰ ⵜⴰⵖⴻⵔⴼⴰⵏⵜ ⵜⴰⵖⴻⵍⵏⴰⵡⵜ.
« ⴷⴻⴳ ⵜⴷⵉⵏⴰⵎⵉⵜ ⵏ ⵡⵓⵙⵙⵉⵙⴻⵏ ⵉⵎⴻⵣⴳⵉⵢⴻⵏ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵜⵔⴻⵎⵖⴰ ⴷ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⵙ ⵜⴰⵍⵖⵉⵡⵉⵏ-ⵏⵏⴻⵙ ⵢⴻⵎⴳⵉⵔⵔⴷⴻⵏ, ⴳⴰⵏⵜ ⵜⵢⵓⵏⵉⵏ ⴷ ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴷⴻⴳ ⵜⵡⴰⵍⴰ ⴳⴰⵔ 23 ⴷ 29 ⵛⵜⴻⵎⴱⴻⵕ 2026, ⵎⴻⵏⵏⴰⵡ ⵏ ⵜⴻⵎⵀⴰⵍ ⵢⴻⵙⵙⴰⵡⴹⴻⵏ ⵖⴻⵔ ⵢⵉⴳⵎⵓⴹⴻⵏ ⵏ ⵜⵖⴰⵔⴰ ⵢⴻⵔⵏⵓ ⴷ ⴰⵢⴰ ⵉ ⴷ-ⵢⴻⵙⵙⴽⴰⵏⴰⵢⴻⵏ ⴰⵙⵡⵉⵔ ⵓⵏⵏⵉⴳ ⵏ ⵜⵉⵙⵙⵓⴷⴻⵔⵜ, ⵜⴰⵖⴹⴻⴼⵜ ⴷ ⵜⵏⴰⵎⴰⵍⵜ ⵜⵉⵎⴻⵣⴳⵉⵜ ⵏ ⵢⵉⵖⴰⵍⵍⴻⵏ-ⵏⵏⴻⵖ ⵓⵎⵔⵉⴳⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⴳⴻⵍⵍⵓⵢ ⴰⵖⴻⵍⵏⴰⵡ », ⵖⴻⴼ ⵡⴰⴽⴽⴻⵏ ⴷ-ⵢⴻⵙⵙⴻⴷⴷⵉ ⵓⵖⴱⴰⵍⵓ-ⴰ.
« ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⵔⴻⵎⵖⴰ, ⵜⵉⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵓⴱⵥⴻⵏⵜ 4 ⵏ ⵢⵉⴼⴻⵔⴷⵉⵙⴻⵏ ⵏ ⵓⴷⵀⴰⵍ ⵏ ⵜⴻⴳⵔⴰⵡⵉⵏ ⵜⵉⵔⴻⵎⵎⴰⵖⵉⵏ ⴷⴻⴳ ⵜⴻⵎⵀⴰⵍ ⵢⴻⵎⴳⵉⵔⵔⴷⴻⵏ ».
« ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⵢⴻⵔⵏⵓ ⵉⵍⵎⴻⵏⴷ ⵏ ⵓⴽⴻⵎⵎⴻⵍ ⵏ ⵡⵓⵙⵙⵉⵙⴻⵏ ⴷ-ⵢⴻⵜⵜⵉⵍⵉⵏ ⵉ ⵓⵔⴳⴰⵍ ⵏ ⵓⴱⵔⵉⴷ ⵉ ⵜⵙⴰⴽⵔⴰⵔⵜ ⵏ ⵓⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷⴻⴳ ⵜⵎⵓⵔⵜ-ⵏⵏⴻⵖ, ⵟⵟⴼⴻⵏⵜ-ⴷ ⵜⵙⴻⵏⵙⵉⵔⵉⵏ ⵢⴻⴷⴷⵓⴽⴽⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⵙ ⵓⵙⴻⵎⵢⵓⴷⴷⴻⵙ ⴷ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ ⵢⴻⵎⴳⵉⵔⵔⴷⴻⵏ 42 ⵏ ⵢⵉⵎⵙⴻⵜⵜⵉⵢⴻⵏ ⵏ ⵜⴻⵀⵢⵓⴼⵉⵏ ⵢⴻⵔⵏⵓ ⵙⵅⴻⵚⵔⴻⵏⵜ ⴰⵔⵔⴰⵎ ⵏ ⵓⵙⵉⴷⴻⴼ ⵏ ⴽⵓⵥ ⵏ ⵢⵉⵇⴻⵏⵟⴰⵔⴻⵏ ⴷ 91 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵢⵉⵙⵜⵉⵎ ⵢⴻⵜⵜⵡⴰⵙⵎⵓⴽⵏⴻⵏ ⴷ-ⵢⴻⴽⴽⴰⵏ ⵙⴻⴳ ⵜⵍⵉⵙⴰ ⴷ ⵎⴻⵕⵕⵓⴽ, ⴷⴻⴳ ⵡⴰⴽⵓⴷ ⵎⴰⵏⵉ ⵜⵜⵡⴰⴱⵔⴻⵏⵜ 609.661 ⵏ ⵜɛⴻⵇⵇⴰⵛⵉⵏ ⵏ ⵢⵉⵎⴻⵜⵜⴰⵍⵍⵉⵢⴻⵏ ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵜⴻⵎⵀⴰⵍ ⵢⴻⵜⵜⴻⵡⴳⴻⵏ ⴷⴻⴳ ⵜⴻⵎⵏⴰⴹⵉⵏ ⵜⵉⵔⴻⴷⵙⴰⵏⵉⵏ ⵢⴻⵎⴳⵉⵔⵔⴷⴻⵏ ».
« ⴷⴻⴳ ⵜⵎⴻⵏⵖⴻⵙⵜ, ⴱⵓⵕǧ ⴱⴰⴷⵊⵉ ⵎⵓⴽⵀⵜⴰⵔ, ⵉⵏ ⵚⴰⵍⴻⵃ ⴷ ⵉⵍⵍⵉⵣⵉ, ⵓⴱⵥⴻⵏⵜ ⵜⵙⴻⵏⵙⵉⵔⵉⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ 113 ⵏ ⵢⵉⵜⴻⵔⵔⴰⵙⴻⵏ ⵢⴻⵔⵏⵓ ⵓⴱⵔⴻⵏⵜ 31 ⵏ ⵢⵉⵎⵙⴻⴷⴷⴰⵢⴻⵏ, 123 ⵏ ⵢⵉⵙⴰⵔⴰⵡⴻⵏ ⵏ ⵜⴻⵜⵔⵉⵙⵜ, 86 ⵏ ⵜⴻⴼⴹⵉⵙⵉⵏ-ⵜⵉⵎⴻⵏⵇⴰⵔⵉⵏ ⴷ ⵜⵏⴻⵛⵜⵉⵡⵉⵏ ⵏ ⵜⴻⵔⴼⴰⴽⵜ ⵏ ⵡⵓⵔⴻⵖ ⴰⵏⵓⵙⴻⵎ ⴷ ⵢⵉⴷⵖⴰⵖⴻⵏ ⴷ ⵓⵙⴳⴰⵍⴻⴼ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴷⴻⴳ ⵓⵏⴰⴷⵉ ⴰⵔⵓⵙⴹⵉⴼ ⵏ ⵡⵓⵔⴻⵖ. ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⵜⵡⴰⴱⵥⴻⵏ 9 ⵏ ⵢⵉⵜⴻⵔⵔⴰⵙⴻⵏ ⵢⴻⵔⵏⵓ ⵙⵙⵓⵖⴰⵍⴻⵏ-ⴷ ⵙⵏⴰⵜ ⵏ ⵜⵎⴻⵥⵥⵢⴰⵏⵉⵏ-ⵜⵉⴱⴻⵔⵔⴰⵡⵉⵏ, 6 ⵏ ⵢⵉⴱⴻⵛⴽⵉⴹⴻⵏ ⵏ ⵓⴳⵎⴰⵔ, 25.580 ⵏ ⵢⵉⵍⵉⵜⵔⴻⵏ ⵏ ⵓⵙⴻⵔⵖⵓ ⴷ 16 ⵏ ⵢⵉⵇⴻⵏⵟⴰⵔⴻⵏ ⵏ ⵜⴰⴱⴰ ⴷⴻⴳ ⵜⴻⵎⵀⴰⵍ ⵢⴻⵎⴳⵉⵔⵔⴷⴻⵏ », ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵓⵍⵖⵓ-ⴰ.
« ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵙⵙⴻⵅⵚⴻⵔ ⵜⵉⴹⴻⴼⵜ ⵏ ⵡⴰⴼⴰⵢⴻⵏ, ⴷⴻⴳ ⵡⴰⴼⴰⵢⴻⵏ ⵉⵖⴻⵍⵏⴰⵡⴻⵏ, ⴽⵔⴰ ⵏ ⵡⴰⵔⵔⴰⵎⴻⵏ ⵏ ⵢⵉⵏⵉⴳ ⴰⵔⵓⵙⴹⵉⴼ ⵢⴻⵔⵏⵓ ⵙⵙⵓⴽⴽⵙⴻⵏ-ⴷ 138 ⵏ ⵢⵉⵜⴻⵔⵔⴰⵙⴻⵏ ⵙⴻⴳ ⵜⵎⴰⵏⵓⵢⵉⵏ ⵜⵉⵏⵙⴰⵢⴰⵏⵉⵏ, ⴷⴻⴳ ⵡⴰⴽⵓⴷ ⵎⴰⵏⵉ ⵜⵜⵡⴰⴱⵥⴻⵏ 622 ⵏ ⵢⵉⵎⵉⵏⵉⴳⴻⵏ ⵉⵔⵓⵙⴹⵉⴼⴻⵏ ⵙⴻⴳ ⵜⴻⵖⵍⴰⵏ ⵢⴻⵎⴳⵉⵔⵔⴷⴻⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⵉⵔⵔⴷⴻⵏ ⵏ ⵓⴳⴻⵍⵍⵓⵢ ⴰⵖⴻⵍⴰⵏⵡ », ⵖⴻⴼ ⵡⴰⴽⴽⴻⵏ ⵜⵜ-ⵉⴷ-ⵢⴻⵅⵜⴻⵎ ⵓⵍⵖⵓ-ⴰ.
ⴰⵔⵏⵓ ⵖⴻⵔ
