ⵜⴰⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵔⵔⴰ ⴷ ⵓⵙⵏⴻⵔⵏⵉ ⵏ ⵓⵙⴻⴼⴻⴹ, ⵜⴻⴱⵔⴻⵃ-ⴷ ⴰⵙⵙ-ⴰ ⵏ ⴰⵔⵉⵎ, ⴱⴻⵍⵍⵉ ⵍⴷⵉⵏ ⴰⴱⵔⵉⴷ ⵏ ⵓⵙⴼⴻⴹⴻⵍ ⵉ ⵢⵉⵇⴻⴷⴷⴰⵛⴻⵏ ⵏ ⵍⴻⵣⵣⴰⵢⴻⵔ ⵉ ⵢⴻⴱⵖⴰⵏ ⴰⴷ ⵙⴻⴼⴹⴻⵏ ⵙⵙⴻⵍⵄⴰ-ⵏⵙⴻⵏ, ⵍⴰⴷⵖⴰ ⴷⴻⴳ ⵓⵃⵔⵉⵛ ⵏ ⵜⴼⴻⵍⵜ ⴷ ⵡⵓⵙⵉⵏⴻⴼ ⵏ ⵍⵇⵓⵜ, ⵉⵡⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⴼⴻⵙⵙⴻⵔ ⴰⴳⵔⴰⵖⵍⴰⵏ ⵏ ⵍⵇⵓⵜ "ⴰⵍⵉⵎⵓⵏⵜⴰⵔⵉⴰ 2026", ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴻⵎⴷⵉⵏⵜ ⵏ ⴱⴰⵔⵛⴻⵍⵓⵏⴰ (ⵚⴱⴻⵏⵢⴰ) ⵙⴻⴳ 23 ⴰⵔ 26 ⵎⴻⵖⵔⴻⵙ ⵉ ⴷ-ⵢⴻⵜⵜⴻⴷⴷⵓⵏ.
ⵜⴰⵏⴻⵖⵍⴰⴼⵜ ⵜⴻⵙⵙⴻⵡⵡⴻⵔⵔⴻⵃ-ⴷ ⵉ ⵢⵉⵇⴻⴷⴷⴰⵛⴻ ⵉ ⵢⴻⴱⵖⴰⵏ ⴰⴷ ⵜⵜⴻⴽⴽⵉⵏ ⴰⴷ ⵙⴼⴻⴹⵍⴻⵏ ⵉⵙⴻⵎ-ⵏⵙⴻⵏ ⴷⴻⴳ ⵓⵙⴻⵖⵡⴻⵏ ⵉ ⵢⴻⵍⵍⴰⵏ ⴷⴻⴳ ⵓⵙⵎⴻⵍ ⵏ ⵓⴱⴻⵟⵟⴰⵔ ⵏ ⵜⵏⴻⵖⵍⴰⴼⵜ.
ⴰⵙⴼⴻⵙⵙⴻⵔ-ⴰⴳⵉ ⵢⴻⵍⵍⴰ ⴷ ⵢⵉⵡⴻⵏ ⵙⴻⴳ ⵢⵉⵎⴽⴰⵏ ⵉⵎⴻⵇⵇⵔⴰⵏⴻⵏ ⴷⴻⴳ ⴷⵓⵏⵏⵉⵜ ⵉ ⵡⵓⵙⵉⵏⴻⴼ ⵏ ⵍⵇⵓⵜ ⴷ ⵜⵥⵓⵔⵉ ⵏ ⵓⵜⵛⵓⵔ , ⴰⵏⴷⴰ ⵉ ⴷ-ⵜⵜⴰⵙⴻⵏ ⵢⵉⵇⴻⴷⴷⴰⵛⴻⵏ ⵙⴻⴳ ⵢⴰⵍ ⵜⴰⵎⴰ ⵏ ⵓⵎⴰⴹⴰⵍ ⵉⵡⴰⴽⴽⴻⵏ ⴰⴷ ⴱⴹⵓⵏ ⵜⴰⵎⵓⵙⵙⵏⵉ ⴷ ⵍⵎⴻⵊⵀⵓⴷⴰⵜ ⵢⴻⵔⵏⴰ ⴰⴷ ⴷ-ⵅⴻⵍⵇⴻⵏ ⵜⵉⴳⵏⴰⵜⵉⵏ ⵏ ⵓⴷⴰⵎⴰⵙ ⴷ ⵜⴰⴷⵓⴽⵍⵉ ⴳⴰⵔ-ⴰⵙⴻⵏ.
ⴰⵙⴼⴻⵙⵙⴻⵔ-ⴰⴳⵉ ⴰⴷ ⵢⴻⴹⵎⴻⵏ ⴰⵟⴰⵙ ⵏ ⵢⵉⴳⵉⵔⴻⵏ ⵢⴻⵔⵣⴰⵏ ⵍⵇⵓⵜ, ⵜⴰⵥⵓⵔⵉ ⵏ ⵓⵜⵛⵓⵔ, ⵜⵓⵎⴰⵢⵉⵏ ⵏ ⵓⵙⴻⵜⵛⵓ , ⴷ ⵢⵉⴼⴻⵛⴽⴰⵏ ⵏ ⵢⵉⵙⴻⵏⵙⴰⵢⴻⵏ (hôtellerie), ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ-ⵏⵏⵉ.
ⴰⵔⵏⵓ ⵖⴻⵔ
