ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⵢⴻⴷⴷⴰ ⴷ ⵜⵏⴻⵖⵍⴰⴼⵜ ⵏ ⵜⴰⵡⵏⵏⴰⴹⵜ ⴷ ⵜⵖⴰⵔⴰ ⵏ ⵜⵓⴷⴻⵔⵜ, ⵎⴰⵙⵙⴰ ⴽⴰⵓⵓⵜⴻⵔ ⴽⵔⵉⴽⵓⵓ, ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴱⵉⵕⵓ ⴰⵎⴰⵜⵓ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ, ⴰⵍⴷⴰⵢ ⵏ ⵓⵙⵜⴻⵏⵢⵉ ⵏ ⴽⵔⴰⴷⴻⵜ ⵏ ⵢⵉⵎⵜⴰⵡⴰⵏ ⵏ ⵓⵣⴻⵏⵣⵉⵖ ⵉ ⵓⵎⵢⴻⵛⵛⴻⵔ ⴳⴰⵔ ⵜⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ ⵉ ⵓⵙⵉⵙⵀⴻⵍ ⵏ ⵡⴰⵎⴰⵏ (AEC) — ⵉ ⵢⴻⵟⵟⴰⴼⴰⵔⴻⵏ ⴰⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ — ⴷ ⵡⴰⵟⴰⵙ ⵏ ⵜⵎⵓⵙⵏⵉⵡⵉⵏ ⴷ ⵜⵓⴷⴷⵙⵉⵡⵉⵏ ⵜⴰⵖⴻⵍⵏⴰⵡⵉⵏ ⵉⵕⴻⵙⵙⴰⵏⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⵉⵎⵜⴰⵡⴰⵏ-ⴰⴳⵉ ⵜⵜⴻⴷⴷⵓⵏ ⴷⴻⴳ ⵓⴱⵔⵉⴷ ⵏ ⵓⵙⴻⵍⴽⴻⵎ ⵏ ⵜⵎⵓⵖⵍⵉⵡⵉⵏ ⵜⴰⵖⴻⵍⵏⴰⵡⵉⵏ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵜⵎⵓⵙⵏⵉ ⵜⴰⴷⴰⵎⵙⴰⵏⵜ ⵏ ⵓⵡⴰⵏⴰⴽ ⴷ ⵜⵙⴻⴷⴷⴰⵔⵉⵏ ⵜⵉⵎⴰⵙⵙⴰⵏⵉⵏ, ⵜⵉⴳⴷⴻⵎⴰⵏⵉⵏ ⴷ ⵜⵉⴷ ⵏ ⵜⴰⵡⵏⵏⴰⴹⵜ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⴻⴳⴳⴻⵔ ⵏ ⵓⵙⵏⵓⵍⴼⵓ ⴷ ⵓⵏⴰⴷⵉ ⴰⵎⴰⵙⵙⴰⵏ ⴷ ⵓⵙⵏⴻⵔⵏⵉ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ (durable) ⴷ ⵓⵙⴻⴶⵀⴻⴷ ⵏ ⵜⵎⴰⵏⴻⴳⵜ ⵏ ⵡⴰⵎⴰⵏ ⵏ ⵜⵎⵓⵔⵜ.
ⵉⵎⵜⴰⵡⴰⵏ-ⴰⴳⵉ ⵉ ⵜⵜⵓⵙⵜⴻⵏⵢⴰⵏ ⴷⴻⴳ-ⵙⴻⵏ: ⴰⵎⵜⴰⵡⴰ ⵏ ⵓⵎⵢⴻⵛⵛⴻⵔ ⴷ ⵓⵎⵙⴻⵜⵏⴻⴼ (Observatoire) ⴰⵖⴻⵍⵏⴰⵡ ⵏ ⵜⴰⵡⵏⵏⴰⴹⵜ ⴷ ⵓⵙⵏⴻⴼⵍⵉ ⵉⵕⴻⵙⵙⴰⵏ, ⵉ ⵢⴻⴱⵖⴰⵏ ⴰⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴷⴻⴳ ⵢⵉⵏⵏⴰⵔⴻⵏ ⵏ ⵓⵣⴻⵟⵟⴻⴹ ⵏ ⵜⴰⵡⵏⵏⴰⴹⵜ ⴷ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ; ⴰⵎⵜⴰⵡⴰ ⴷ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵓⵏⴰⴷⵉ ⴰⵎⴰⵙⵙⴰⵏ ⴷ ⵓⵙⵏⴻⴼⵍⵉ ⴰⵜⵉⴽⵏⵉⴽ, ⵉ ⵢⴻⴱⵖⴰⵏ ⴰⴷ ⴷ-ⵢⴻⵙⵙⴻⵃⵔⴻⵙ ⵉⵙⴻⵏⴼⴰⵔⴻⵏ ⵏ ⵓⵏⴰⴷⵉ ⴰⵎⴰⵙⵙⴰن ⴷ ⵓⵙⵏⴻⵔⵏⵉ ⵏ ⵓⵙⵏⵓⵍⴼⵓ ⴰⵜⵉⴽⵏⵓⵍⵓⵊⵉ, ⵍⴰⴷⵖⴰ ⵙ ⵓⵙⴰⵜⵉⴳ ⵏ ⵍⵎⴻⵍⵃ ⴷ ⵢⵉⵙⴰⴼⴰⵔⴻⵏ ⵏ ⵍⵍⵙⴰⵙ ⵉ ⴷ-ⵉⵜⴻⴼⴼⵖⴻⵏ ⵙⴻⴳ ⵜⵎⵓⵀⴻⵍ ⵏ ⵓⵙⵉⵙⵀⴻⵍ.
ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵎⵜⴰⵡⴰ ⵏ ⵓⵎⵢⴻⵛⵛⴻⵔ ⴷ ⵜⴻⵙⴷⴰⵡⵉⵜ ⵏ ⵇⴰⵚⴷⵉ ⵎⴻⵔⴱⴰⵃ ⵏ ⵡⴰⵔⴳⵍⴰ, ⵉ ⵢⴻⴱⵖⴰⵏ ⴰⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⴳⴰⵔ ⵜⴻⵙⴷⴰⵡⵉⵜ ⴷ ⵜⵎⵓⵙⵏⵉ ⵜⴰⴷⴰⵎⵙⴰⵏⵜ ⵙ ⵓⴱⵔⵉⴷ ⵏ ⵓⵙⵉⵍⴻⵖ ⴷ ⵓⵙⵉⵍⴻⴽ ⴷ ⵓⵏⴰⴷⵉ ⴰⵎⴻⵣⴷⴰⵢ.
ⴷⴻⴳ ⵜⵎⴻⵙⵍⴰⵢⵜ-ⵉⵙ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵙⵙⴻⴽⵏⴻⴷ ⴱⴻⵍⵍⵉ ⵉⵎⵜⴰⵡⴰⵏ-ⴰⴳⵉ ⵎⵎⴰⵏ-ⴷ ⵍⴻⴱⵖⵉ ⴰⵎⴻⵣⴷⴰⵢ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵓⵙⵉⴷⵔⴻⵡ (intégration) ⴳⴰⵔ ⵢⵉⵎⵉⴳⴰⵡⴻⵏ ⵏ ⵜⵎⵓⵔⵜ ⵉ ⵏⴼⴰⵄ ⵏ ⵢⵉⵙⵡⵉⵢⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⴷ ⵜⵎⴰⵏⴻⴳⵜ ⵏ ⵡⴰⵎⴰⵏ. ⵉⵙⵎⴻⴽⵜⵉ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵙⵔⴰⵜⵉⴷⵊⵉⵜ ⴷⴻⴳ ⵓⵣⴻⵏⵣⵉⵖ ⵏ ⵜⵙⵔⴻⵟ ⵜⴰⵖⴻⵍⵏⴰⵡⵜ ⵏ ⵡⴰⵎⴰⵏ 2021-2030, ⵉⵕⴻⵙⵙⴰⵏ ⵖⴻⴼ ⵓⵙⴻⵎⵎⵓⵣⵣⴻⴳ ⵏ ⵢⵉⴳⴻⵔⵔⵔⵓⵊⴻⵏ ⵏ ⵡⴰⵎⴰⵏ, ⵍⴰⴷⵖⴰ ⴰⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍ.
ⴷⴻⴳ ⵜⴰⴳⴳⴰⵔⴰ, ⵙⵏⴻⴽⴷⴻⵏ-ⴷ ⴰⵣⴰⵍ ⵏ ⵓⴽⴻⵎⵎⴻⵍ ⴷⴻⴳ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵓⵎⵙⴰⵙⴻⵢ ⴳⴰⵔ ⵢⵉⵎⵉⴳⴰⵡⴻⵏ ⵎⴻⵕⵕⴰ ⵉⵡⴰⴽⴽⴻⵏ ⴰⴷ ⴷ-ⴰⵙⴻⵏ ⵡⴰⵍⵍⴰⵍⴻⵏ ⵏⴼⴰⵄⴻⵏ ⵉ ⵜⵎⵓⵀⴰⵍ ⵏ ⵡⴰⵎⴰⵏ, ⵜⴰⵡⵏⵏⴰⴹⵜ ⴷ ⵓⵏⴰⴷⵉ ⴰⵎⴰⵙⵙⴰⵏ ⴷⴻⴳ ⵍⴻⵣⵣⴰⵢⴻⵔ.
ⴰⵔⵏⵓ ⵖⴻⵔ
