ⵜⴻⵙⵙⴻⵎⴱⵉⵢⴻⵔ ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵖⴻⴼ ⴽⵔⴰ ⵏ ⵢⵉⵙⵓⴼⴼⴻⵖⴻⵏ ⴷⴻⴳ ⵢⵉⵙⵎⴰⵍ ⵏ ⵓⵣⴻⵟⵟⴰ ⵏ ⵜⵎⴻⵜⵜⵉ ⵉ ⴷ-ⵉⵀⴻⴷⴷⵔⴻⵏ ⵖⴻⴼ ⵢⵉⴽⴽⴰⵢⴰⴷⴻⵏ ⵓⵏⵚⵉⴱⴻⵏ ⴷ "ⵍⵄⴻⵜⴱⴰ". ⵜⴻⵙⵙⴻⴽⵏⴻⴷ-ⴷ ⴱⴻⵍⵍⵉ ⵉⵙⵓⴼⴼⴻⵖⴻⵏ-ⴰⴳⵉ ⴷ ⴰⵙⴽⵔⴰⵙ ⴷ ⵜⵉⵅⴻⴹⵄⵉⵜ ⵉ ⵢⴻⵙⵄⴰⵏ ⵉⵙⵡⵉ ⵏ ⵓⵀⵓⴷⴷⵓ ⵏ ⵓⵔⴰⴽⵓ ⵓⵏⵏⴰⵔ ⵏ ⵓⵙⴻⴳⵎⵉ, ⴰⵎ ⴰⴽⴽⴻⵏ ⵉ ⴷ-ⵜⵜⴰⵔⴻⵏ ⵙ ⵜⵎⵓⵖⵍⵉ ⵏ ⴷⴷⵉⵇ ⵖⴻⴼ ⵔⵔⴻⵣ ⵏ ⵢⵉⵏⴻⵍⵎⴰⴷⴻⵏ.
ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵉ ⴷ-ⵢⴻⴼⴼⵖⴻⵏ ⴰⵙⵙ-ⴰ ⵏ ⵍⴰⵔⴻⴱⴻⵄ, ⵢⴻⵏⵏⴰ-ⴷ: "ⵜⴰⵅⴻⵍⵡⵉⵜ ⵏ ⵓⵃⵔⴰⵣ ⴰⵍⵉⴽⵜⵔⵓⵏⴰⵏ ⵏ ⵜⵏⴻⵖⵍⴰⴼⵜ ⵜⵓⴼⴰ-ⴷ ⴷⴻⴳ ⵢⵉⵙⵎⴰⵍ ⵏ ⵓⵣⴻⵟⵟⴰ ⵏ ⵜⵎⴻⵜⵜⵉ ⴽⵔⴰ ⵏ ⵢⵉⵙⵓⴼⴼⴻⵖⴻⵏ ⵉ ⴷ-ⵢⴻⴼⴼⵖⴻⵏ ⵙ ⵢⵉⵙⴻⵎ ⵏ ⵜⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵖⴻⴼ ⵜⴻⵎⵙⴰⵍ ⵢⴻⵎⴳⴰⵔⴰⴷⴻⵏ, ⴳⴰⵔ-ⴰⵙⴻⵏⵜ: ⴰⵙⵓⴼⴼⴻⵖ ⵉ ⴷ-ⵉⵀⴻⴷⴷⵔⴻⵏ ⵖⴻⴼ ⵢⵉⴽⴽⴰⵢⴰⴷⴻⵏ ⵓⵏⵚⵉⴱⴻⵏ ⵏ ⵜⴼⴻⵍⵙⴻⴼⵜ ⴷ ⵓⵃⵔⴰⵣ ⵏ ⵜⵓⴽⴻⵔⴹⴰ, ⴷ ⵓⵙⵓⴼⴼⴻⵖ ⵏⵏⵉⴹⴻⵏ ⵉ ⴷ-ⵉⵀⴻⴷⴷⵔⴻⵏ ⵖⴻⴼ 'ⵍⵄⴻⵜⴱⴰ' ⵏ ⵜⵓⵙⵙⵏⵉⵡⵉⵏ ⵉ ⴷ-ⵢⴻⵙⵙⴻⴷⴷⵔⴻⵏ ."
ⵜⴻⵙⵙⴻⴽⵏⴻⴷ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵉⵙⵓⴼⴼⴻⵖⴻⵏ-ⴰⴳⵉ ⵓⵔ ⴷ-ⴼⴼⵖⴻⵏ ⴰⵔⴰ ⵙⴻⴳ-ⵙ, ⵍⴰⵎⴻⵄⵏⴰ ⴷ ⴰⵙⴽⵔⴰⵙ ⵉ ⵢⴻⵙⵡⵉ ⵏ ⵓⵙⴷⴻⵔⵡⵉⵃ ⵏ ⵓⵏⵏⴰⵔ ⵏ ⵓⵙⴻⴳⵎⵉ ⴷ ⵔⵔⴻⵣ ⵏ ⵢⵉⵏⴻⵍⵎⴰⴷⴻⵏ. ⵜⴻⵄⵍⴻⵏ-ⴷ ⴱⴻⵍⵍⵉ ⵓⵖⴱⴰⵍⵓ ⵢⵉⵡⴻⵏ ⵓⵏⵚⵉⴱ ⵏ ⵢⵉⵙⴰⵍⴰⵏ-ⵉⵙ ⴷ ⴰⵙⵎⴻⵍ ) ⵓⵏⵚⵉⴱ ⵏ ⵜⵏⴻⵖⵍⴰⴼⵜ ⴷⴻⴳ ⵜⵜⴰⵡⵉⵍⴰⵜ ⵏ ⵓⵏⵉⴳ.
ⴷⴰⵖⴻⵏ, ⵜⴰⵏⴻⵖⵍⴰⴼⵜ ⵜⴻⵟⵟⴻⴼ ⴰⵣⵔⴻⴼ-ⵉⵙ ⵏ ⵍⵇⴰⵏⵓⵏ ⵉⵡⴰⴽⴽⴻⵏ ⴰⴷ ⵜⵙⴻⵜⵔⴻⴼ ⴷⴻⴳ ⵓⵣⴻⵔⴼ ⵡⵉⴷ ⵎⴻⵕⵕⴰ ⵉ ⴷ-ⵢⴻⵙⵙⴻⵏⴼⴰⵍⵉⵢⴻⵏ ⵙ ⵢⵉⵙⴻⵎ-ⵉⵙ ⵓⵏⵚⵉⴱ ⵎⴻⴱⵍⴰ ⵡⴻⵣⵔⴻⴼ.
ⴰⵔⵏⵓ ⵖⴻⵔ
