ⵡⴰⵍⵉⵜⴻⵏ ⵏ ⵜⴻⴳⴷⵓⴷⴰ, ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ, ⵜⵜⴻⴷⴷⵓⵏ ⴷⴻⴳ ⵓⵙⵓⴷⴷⴻⵙ ⵏ ⵜⵉⴼⴼⵖⵉⵡⵉⵏ ⵏ ⵡⴰⵏⵏⴰⵔ ⵉⵡⴰⴽⴽⴻⵏ ⴰⴷ ⴼⴽⵓⵍⴻⵏ ⵜⵉⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵉ ⵢⴻⵙⵄⴰⵏ ⵏⴼⴰⵄ ⵓⵙⵔⵉⴷ ⵖⴻⴼ ⵓⵖⵔⵉⵎ. ⴰⵢⴰⴳⵉ ⵉⵄⴰⵡⴻⵏ ⴷⴻⴳ ⵓⵙⵏⴻⵔⵏⵉ ⵏ ⵓⵙⵡⵉⵔ ⵏ ⵜⵓⴷⴻⵔⵜ ⴷ ⵓⵙⴰⵍⵉ ⵏ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ ⴰⵙⵙ-ⴰ ⵏ ⵍⵀⴻⴷ.
ⴰⵙⵉⵡⴹ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⴼⴼⵖⵉⵡⵉⵏ-ⴰⴳⵉ ⴷ ⴰⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉ ⵢⴻⴱⵖⴰⵏ "ⵜⴰⵎⵓⵖⵍⵉ ⵜⵓⵙⵔⵉⴷⵜ ⴷⴻⴳ ⵡⴰⵏⵏⴰⵔ ⵖⴻⴼ ⵡⴰⴷⴷⴰⴷ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵏⴻⴼⵍⵉ ⴷ ⵓⴼⵙⵉⵙ ⴷⴻⴳ ⵜⵉⴷⴷⵢ ⵏ ⵓⵙⴱⴻⴷⴷⵉ-ⵏⵙⴻⵏ".
ⵜⵉⵔⵣⵉⵡⵉⵏ-ⴰⴳⵉ ⵏ ⵡⴰⵏⵏⴰⵔ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ — ⵜⵜⴰⵊⴰⵏⵜ "ⴰⵙⴼⵓⵍⴻⵍ ⵏ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⴷⴻⴳ ⵢⵉⵙⴻⵏⴼⴰⵔⴻⵏ ⵢⴻⵄⵏⴰⵏ ⵢⵉⵏⵏⴰⵔⴻⵏ ⵏ ⵜⵏⴻⵣⴷⵓⵖⵜ, ⵜⴰⵣⵣⵉⵜ, ⴰⵙⵉⴷⴷⴻⴳ ⴰⴳⴷⵓⴷⴰⵏ, ⴰⴷⴷⴰⵍ, ⵢⵉⴱⴻⵔⴷⴰⵏ, ⴰⵚⴻⴳⴳⴻⵎ ⵏ ⵜⴻⵎⴷⵉⵏⵜ, ⵓⵣⵓⵏⴻⵢ, ⵜⵉⴷⴷⴰⵙ ⵏ ⵡⴰⵎⴰⵏ ⴷ ⵓⵙⵉⵣⴷⴻⴳ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⴰⵙⴻⴳⵎⵉ, ⵍⴰⴷⵖⴰ ⴷⴻⴳ ⵓⵙⴱⴻⴷⴷⵉ ⵏ ⵜⵎⵓⵙⵏⵉⵡⵉⵏ ⵏ ⵓⵙⴻⴳⵎⵉ ⴷ ⵢⵉⵖⴻⵔⴱⴰⵣⴻⵏ".
ⵜⵉⴼⴼⵖⵉⵡⵉⵏ-ⴰⴳⵉ ⵜⵜⴻⴽⴽⵉⵢⴻⵏⵜ ⴷⴰⵖⴻⵏ ⴷⴻⴳ "ⵓⴼⵔⵓⵔⴻⵢ ⵏ ⵡⵓⴳⵓⵔⴻⵏ ⵉ ⴷ-ⵉⵜⵜⴰⵙⴻⵏ ⴷⴻⴳ ⵡⴰⵏⵏⴰⵔ ⵓ ⴰⴷ ⵜⵜⵓⴱⴻⴷⴷⵍⴻⵏ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ, ⵉ ⵓⵟⵎⴰⵏ ⵏ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵏⴻⴼⵍⵉ ⵉ ⵢⴻⴱⵖⴰ ⵓⵖⵔⴻⴼ ⵓ ⵉ ⴷ-ⵉⵟⵟⴰⴽⴻⵏ ⵏⴼⴰⵄ ⴷⴻⴳ ⵜⵓⴷⴻⵔⵜ ⵏ ⵢⴰⵍ ⴰⵙⵙ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴷⴻⴳ ⵓⵏⵏⴰⵔ-ⴰⴳⵉ, ⵡⴰⵍⵉⵜⴻⵏ ⵏ ⵜⴻⴳⴷⵓⴷⴰ ⴼⴽⴰⵏ "ⵜⵓⵔⴰⴹ ⵉⵕⴻⵙⵙⴰⵏⴻⵏ" ⵉ ⵢⵉⵎⵉⴳⴰⵡⴻⵏ ⵎⴻⵕⵕⴰ ⵖⴻⴼ "ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵡⴰⴽⵓⴷⴻⵏ ⵏ ⵓⵙⵎⴻⴷ ⴷ ⵢⵉⵍⵓⴳⴰⵏ ⵏ ⵜⵖⴰⵔⴰ , ⴷ ⵓⴼⵙⵉⵙ ⵏ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⵉⵡⴰⴽⴽⴻⵏ ⴰⴷ ⴽⴻⵛⵎⴻⵏ ⵢⵉⵙⴻⵏⴼⴰⵔⴻⵏ-ⴰⴳⵉ ⵓⵏⵏⴰⵔ ⵏ ⵓⵎⴻⵥⵍⵓ ⴷⴻⴳ ⵡⴰⴽⵓⴷ ⴰⵇⴻⵔⴱⵉ".
ⴷⴻⴳ ⵜⴰⴳⴳⴰⵔⴰ, ⵓⵖⴱⴰⵍⵓ-ⵏⵏⵉ ⵉⵙⵙⴻⴽⵏⴻⴷ ⴱⴻⵍⵍⵉ ⵜⵉⴼⴼⵖⵉⵡⵉⵏ-ⴰⴳⵉ ⵏ ⵡⴰⵍⵉⵜⴻⵏ ⵎⵎⴰⵏ-ⴷ "ⵍⴻⴱⵖⵉ ⵏ ⵢⵉⵎⴹⴻⴱⴱⵔⴻⵏ ⵉ ⵓⵙⴻⴷⵔⴻⵡ ⵙⴻⴳ ⵓⵖⵔⵉⵎ, ⴰⵙⴻⴶⵀⴻⴷ ⵏ ⵓⵙⵏⴻⴼⵍⵉ ⴰⴷⵉⴳⴰⵏ ⴷ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵏⴻⴼⵍⵉ ⵉ ⵢⴻⵙⵄⴰⵏ ⵏⴼⴰⵄ ⵓⵙⵔⵉⴷ ⵓ ⵉ ⵉⵜⴻⴷⴷⵓⵏ ⵖⴻⴼ ⵓⵖⵔⵉⵎ".
ⴰⵔⵏⵓ ⵖⴻⵔ
