ⵢⴻⵣⵎⴻⵔ ⵓⵎⵙⵓⵍⵜ ⵏ ⵡⵉⵍⴰⵢⴰ ⵏ ⴷⵣⴰⵢⴻⵔ ⴰⴷ ⵢⴻⵙⵙⴻⵖⵍⵉ ⵢⵉⵡⴻⵏ ⵓⵥⴻⵟⵟⴰ ⵏ ⵢⵉⵎⴻⵏⵖⴰⵢⴻⵏ ⵉ ⵢⴻⵜⵜⴰⵡⵉⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ. ⵟⵟⴼⴻⵏ 12 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵟⵟⴼⴻⵏ ⴰⵟⴰⵙ ⵏ ⵜⴱⴰⵖⴰ (ⴷⴷⵓⵅⴰⵏ ⴷ ⵛⵛⴻⵎⵎⴰ) ⵢⴻⵡⴹⴻⵏ ⴰⵜⵉⴳ ⵏ 11 ⵏ ⵢⵉⵎⴻⵍⵢⴰⵔⴻⵏ ⵏ ⵙⴻⵏⵜⵉⵎ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵓⵎⵙⵓⵍⵜ ⴰⵙⵙ ⴰ ⵏ ⵓⵔⴰⵎ.
ⵢⴻⵙⴼⴻⵙⵔ-ⴷ ⵡⵓⵍⵖⵓ-ⵢⴰ ⴱⴻⵍⵍⵉ ⵜⴰⵎⵙⵓⵍⵜ ⵏ ⵡⵉⵍⴰⵢⴰ ⵏ ⴷⵣⴰⵢⴻⵔ, ⵙ ⵜⵔⴰⴱⴱⵓⵜ ⵏ ⵓⵏⴰⴷⵉ ⴷ ⵡⴻⴽⵛⴻⵎ (BRI) ⵏ ⵜⵎⵙⵓⵍⵜ ⵜⴰⵏⴱⴰⴹⵜ, ⵜⴻⵙⵙⴻⵖⵍⵉ ⵜⴰⵔⴰⴱⴱⵓⵜ-ⴰ ⵏ ⵢⵉⵎⴻⵏⵖⴰⵢⴻⵏ ⵉ ⵢⴻⵜⵜⴻⴽⴽⵉⵏ ⵖⴻⴼ ⵜⴷⴰⵎⵙⴰ ⵏ ⵜⵎⵓⵔⵜ. ⵟⵟⴼⴻⵏ 12 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵟⵟⴼⴻⵏ ⴰⵟⴰⵙ ⵏ ⵜⴱⴰⵖⴰ ⵙ ⵡⴰⵜⵉⴳ ⵏ 11 ⵏ ⵢⵉⵎⴻⵍيارⴻⵏ.
ⵜⵉⵍⴻⴼⵜ-ⴰ ⵜⴻⴷⵔⴰ-ⴷ ⵙ ⵢⵉⵙⴰⵍⴻⵏ ⵉ ⴷ-ⵜⴻⵊⵎⴻⵄ ⵜⵔⴰⴱⴱⵓⵜ ⵏ ⵓⵏⴰⴷⵉ ⵖⴻⴼ ⵢⵉⵡⴻⵏ ⵓⵅⴻⴷⴷⵉⵛ ⵏ ⵡⴻⵅⵍⴰⴼ ⵏ ⵜⴱⴰⵖⴰ ⵉ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴱⵔⵉⴷ ⵓⵔ ⵏⴻⵍⵍⵉ ⴷⴻⴳ ⵍⵇⴰⵏⵓⵏ. ⵙ ⵡⴰⵢⵉ, ⴱⴷⴰⵏ ⴰⵏⴰⴷⵉ ⴷⴻⴳ ⵓⵏⵏⴰⵔ ⵢⴻⵔⵏⴰ ⵣⵎⴻⵔⴻⵏ ⴰⴷ ⴷ-ⴰⴼⴻⵏ ⵡⵉⴷ ⵢⴻⵜⵜⵡⴰⵛⴻⴽⴽⴻⵏ.
ⵙ ⵍⴰⵎⴻⵔ ⵏ ⵜⵖⴷⴻⵎⵜ, ⵟⵟⴼⴻⵏ 12 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵟⵟⴼⴻⵏ 687.200 ⵏ ⵢⵉⴽⵢⴰⵙ ⵏ ⵜⴱⴰⵖⴰ "ⵛⵛⴻⵎⵎⴰ", 68.720 ⵏ ⵜⵙⴻⵏⴷⵓⵇⵉⵏ ⵏ ⴷⴷⵓⵅⴰⵏ, 1.279 ⵏ ⵜⵙⴻⵏⴷⵓⵇⵉⵏ ⵏ ⵍⴼⴻⵃⵎ ⵏ ⵛⵛⵉⵛⴰ, ⴷ 3.209 ⵏ ⴷⴷⵓⵅⴰⵏ ⵏ ⵍⵉⵍⵉⴽⵜⵔⵓⵏⵉⴽ ⴷ ⵡⴰⵢⴻⵏ ⴰⴽⴽ ⵢⴻⵜⵜⴻⴽⴽⴰⵏ ⴷⴷⵓ-ⵢⴻⵙ.
ⵟⵟⴼⴻⵏ ⴷⴰⵖⴻⵏ 350 ⵏ ⵜⵙⴻⵏⴷⵓⵇⵉⵏ ⵏ ⴷⴷⵓⵅⴰⵏ ⵏ ⴽⵓⴱⴰ ⵉⴼⴰⵣⴻⵏ, 185 ⵏ ⵜⵙⴻⵏⴷⵓⵇⵉⵏ ⵏ ⵍⴽⴰⵖⴻⴹ ⵏ ⵜⴱⴰⵖⴰ, 156 ⵏ ⵢⵉⴽⵢⴰⵙ ⵏ "ⵍⵎⴻⵄⴻⵙⵙⴻⵍ" ⵏ ⵛⵛⵉⵛⴰ, 3.242.000 ⵏ ⴷⴷⵉⵏⴰⵔ ⴰⴷⵣⴰⵢⵔ, ⴷ 7 ⵏ ⵜⴽⴻⵔⵔⵓⵙⵉⵏ. ⵡⵉⴷ ⵢⴻⵜⵜⵡⴰⵛⴻⴽⴽⴻⵏ ⵡⵡⵉⵏ-ⵜⴻⵏ ⴷⴰⵜ ⵡⴻⴽⵉⵍ ⵏ ⵜⴳⴷⵓⴷⴰ ⵉ ⵡⴰⴽⴽⴻⵏ ⴰⴷ ⵢⴻⵥⵔⴻⵏ ⵜⴰⵎⵙⴰⵜ-ⵏⵏⴻⵙⵏ ⵙ ⵍⵇⴰⵏⵓⵏ.
ⴰⵔⵏⵓ ⵖⴻⵔ
