ⵜⴻⵄⵍⴻⵏ-ⴷ ⵜⵎⵓⵙⵏⵉ ⵜⴰⴳⴷⵓⴷⴰⵏⵜ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵣⵓⵏ-ⵜⴻⵎⴷⵉⵏⵜ ⵏ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ ⴷ ⵜⴰⵎⵉⵡⵉⵏ-ⵉⵙ "ETUSA" ⵖⴻⴼ ⵓⵍⴷⴰⵢ ⵏ ⵎⵔⴰⵡ ⴷ ⵙⴰ (17) ⵏ ⵢⵉⴱⵔⵉⴷⴻⵏ ⵉⵎⴰⵢⵏⵓⵜⴻⵏ, ⵉ ⵢⴻⵄⵏⴰⵏ ⵙⴰ (7) ⵏ ⵜⴻⵎⵏⴰⴹⵉⵏ ⵜⵓⴷⴱⴻⵍⵉⵏ.
ⵜⴻⵙⵙⴻⴼⵀⴻⵎ-ⴷ ⵜⵎⵓⵙⵏⵉ-ⴰⴳⵉ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⴽⴻⵎⵎⴻⵍ ⵏ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ. ⵉⵙⵡⵉ-ⵉⵙ ⴷ ⵓⵙⴼⵉⵣⴷⴻⴳ ⵏ ⵓⵎⴻⵥⵍⵓ ⵏ ⵓⵣⵓⵏⴻⵢ ⴰⴳⴷⵓⴷⴰⵏ ⴷ ⵓⴼⵙⵉⵙ ⵏ ⵜⵉⴷⴷⵉ ⵏ ⵢⵉⵎⴻⵣⴷⴰⵖ, ⵍⴰⴷⵖⴰ ⴷⴻⴳ ⵢⵉⴶⵓⴶⴰ ⵏ ⵜⴻⵎⴷⵉⵏⵜ ⵉ ⴷⴻⴳ ⵍⵍⴰⵏ ⵡⴰⵟⴰⵙ ⵏ ⵢⵉⵎⴻⵣⴷⴰⵖ, ⴷ ⵓⴽⴽⴰⵙ ⵏ ⵡⴻⵣⵍⴰ ⵖⴻⴼ ⵢⵉⵃⵔⵉⵛⴻⵏ ⵢⴻⵎⴳⴰⵔⴰⴷⴻⵏ ⵏ ⵜⴻⵎⴷⵉⵏⵜ.
ⵢⴻⵔⵏⴰ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ "ⵜⵓⴼⴼⵖⴰ ⵜⴰⵎⴻⵏⵣⵓⵜ ⴰⴷ ⵜⵉⵍⵉ ⵖⴻⴼ ⵜⵙⴻⵜⵜⴰ (06:00) ⵏ ⵚⵚⴱⴻⵃ, ⵎⴰ ⴷ ⵜⵓⴼⴼⵖⴰ ⵜⴰⵏⴻⴳⴳⴰⵔⵓⵜ ⴰⴷ ⵜⵉⵍⵉ ⵖⴻⴼ ⵜⵙⴻⵜⵜⴰ ⴷ ⵡⴻⵣⴳⴻⵏ (18:30) ⵏ ⵜⵎⴻⴷⴷⵉⵜ, ⴰⵢⴰⴳⵉ ⴰⴷ ⵢⴻⴱⴷⵓ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ 28 ⵢⴻⴱⵔⵉⵔ 2026".
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⵉⴳⴳⴰⵡⵜ-ⴰⴳⵉ ⵜⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵜⵙⴻⵔⵜⵉⵜ ⵓⴼⵔⵉⵏ ⵏ ⵓⵡⴰⵏⴰⴽ ⴷ ⵜⵙⵔⴻⵟ-ⵉⵙ ⵉ ⵓⵙⵎⴰⵢⵏⵓⵜ ⵏ ⵓⵏⵏⴰⵔ ⵏ ⵓⵣⵓⵏⴻⵢ. ⵜⴻⵙⵙⴻⵏⴽⴰⴷ ⴷⴰⵖⴻⵏ ⵜⵓⵛⵛⵉⵜ ⵏ ⵜⵎⵓⵙⵏⵉ ⵉ ⵓⵙⴻⴶⵀⴻⴷ ⵏ ⵓⵣⴻⵟⵟⴰ ⵏ ⵓⵣⵓⵏⴻⵢ ⵏ ⵜⴻⵎⴷⵉⵏⵜ ⴷ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉ ⴷ-ⵉⵜⵜⵓⵏⴻⴼⴽⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⴰⴳ ⵙ ⵜⵉⴼⵙⴻⵙ, ⵜⴰⵎⴰⵏⴻⴳⵜ ⴷ ⵍⵉⵙⴻⵔ ⵉ ⵢⵉⵎⴻⵣⴷⴰⵖ.
ⴰⵔⵏⵓ ⵖⴻⵔ
