ⵜⴻⵙⵙⵓⴷⴷⴻⵙ ⵜⵏⴻⵖⵍⴰⴼⵜ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ, ⴷⴻⴳ ⵓⴼⵔⴰⴳ ⵏ ⵢⵉⵙⴰⵢⴻⵙⴻⵏ ⵏ ⵢⵉⵣⵓⵎⴱⵉ ⵏ ⵢⵉⵍⵍⴻⵍ (SAFEX) ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵜⴰⵙⴻⵎⵎⵓⵏⵜ ⵜⵉⵙ 25 ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵜⴰⵎⵎⴻⵔⵔⵉⵜ ⴷ ⵢⵉⵏⵉⴳⴻⵏ, ⵙ ⵓⵣⴻⵏⵣⵉⵖ "ⵍⴻⵣⵣⴰⵢⴻⵔ.. ⵜⴰⵎⵎⴻⵔⵔⵉⵜ ⵏ ⵍⴰⵙⴻⵍ ⴷ ⵓⵙⵏⴻⴼⵍⵉ ⵉⵕⴻⵙⵙⴰⵏ", ⵙⴻⴳ 18 ⴰⵔⵎⵉ ⴷ 21 ⵎⴰⵢⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⴰⴳⵔⴰⵖⵍⴰⵏⵜ, ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵜⵏⴻⵖⵍⴰⴼⵜ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ, ⵎⴰⵙⵙⴰ ⵀⵓⵓⵔⵉⴰ ⵎⴰⴷⴷⴰⵃⵉ, ⴷ "ⵜⵉⴳⵏⵉⵜ ⵉⵕⴻⵙⵙⴰⵏ ⵏ ⵜⴻⵎⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ". ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵔⵔⴻⵚ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴳⴰⵔ ⵜⵎⵓⵔⴰ ⵏ ⵜⴻⵎⵎⴻⵔⵔⵉⵜ ⵓⴼⵔⵉⵏⴻⵏ ⵓ ⴰⴷ ⵜⴻⵙⵙⴻⵏⵏⴻⵔⵏⵉ ⵓⴷⴻⵎ ⵏ ⵓⴳⴻⵔⵔⵓⵊ-ⵉⵙ ⴰⴳⴰⵎⴰⵏ ⴷ ⵡⵉⵏ ⵏ ⵓⵎⴻⵣⵔⵓⵢ ⴷ ⵜⵖⴻⵔⵎⴰ ⴷ ⵍⴽⴻⵔⵎⴰ-ⵙ.
ⴷⴰⵖⴻⵏ, ⴰⵙⴰⵢⴻⵙ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⴷⴻⴳⴳⴻⵔ ⵏ ⵜⴻⵎⵎⴻⵔⵔⵉⵜ ⵏ ⴷⴰⵅⴻⵍ ⵙ ⵓⵙⴻⵏⵎⴻⵔ ⵏ ⵓⴼⴰⵔⵉⵙ ⴰⵙⴰⴼⴰⵔⴰⵏ ⴰⵣⵣⴰⵢⵔⵉ ⵉⵡⴰⴽⴽⴻⵏ ⴰⴷ ⵜⴻⴶⴶ ⵜⵡⴰⵛⵓⵍⵉⵏ, ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵢⵉⵎⵓⵔⴰⵔ ⴰⴷ ⵡⴰⵍⵉⵏ ⵢⴰⴽⴽ ⵢⵉⵎⴻⵥⵍⴰ ⵙ ⵙⵙⵓⵎⴰⵜ ⵉⵡⴻⵣⵏⴻⵏ ⵉ ⵓⵎⵣⵉⵣⵡⴻⵔ, ⴰⵢⴰⴳⵉ ⴷⴻⴳ ⵓⵀⴻⴳⴳⵉ ⵏ ⵜⴰⵍⵍⵉⵜ ⵏ ⵓⵏⴻⴱⴷⵓ 2026.
ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷ ⴰⵎⵔⴰⵃ ⵉ ⵓⵙⴻⴽⵏⴻⴷ ⵏ ⵜⵉⴷⴷⵢ ⵜⴰⵎⴰⵢⵏⵓⵜ ⵏ ⵓⵏⵏⴰⵔ ⴷⴻⴳ ⵓⵡⴻⵣⵣⵉ ⵏ ⵢⵉⵙⵡⵉⵢⴻⵏ ⵉ ⵉⵜⴻⴷⴷⵓⵏ ⵙ ⵓⵙⴻⴶⵀⴻⴷ ⵏ ⵜⴻⴳⵏⵉⵜ ⵏ ⵓⵙⵙⴻⵜⵎⴻⵔ ⴷⴻⴳ ⵍⴻⵣⵣⴰⵢⴻⵔ. ⴰⵢⴰⴳⵉ ⵉⵄⴰⵡⴻⵏ ⴷⴻⴳ ⵓⴷⴻⴳⴳⴻⵔ ⵏ ⵢⵉⵙⴻⵏⴼⴰⵔⴻⵏ ⵏ ⵜⴻⵎⵎⴻⵔⵔⵉⵜ ⵉ ⵏⴼⴰⵄ ⵏ ⵜⴻⵎⵎⴻⵔⵔⵉⵜ ⵏ ⴷⴰⵅⴻⵍ, ⴷ ⴰⵢⴻⵏ ⵉ ⴷ-ⵢⴻⴳⵍⴰⵏ ⵙ ⵓⵙⴰⵍⵉ ⵏ ⵜⵣⴻⵎⵎⴰⵔ ⵏ ⵓⵃⵔⴰⵣ ⴷ ⵓⵙⴻⵎⵎⵓⵣⵣⴻⴳ ⵏ ⵢⵉⵎⴻⵥⵍⴰ, ⵔⵏⵉ-ⴷ ⴼⴻⵍⵍ-ⴰⵙ ⴰⵙⵏⴻⵔⵏⵉ ⵏ ⵓⵎⴹⴰⵏ ⵏ ⵢⵉⵎⵓⵔⴰⵔ ⵉ ⴷ-ⵉⵜⵜⴻⴼⴼⵖⴻⵏ ⵖⴻⵔ ⵍⴻⵣⵣⴰⵢⴻⵔ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵙⵉⵡⴹ ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵙⴻⵎⵎⵓⵏⵜ-ⴰⴳⵉ ⵜⵣⴻⵔ "ⵓⵜⴻⴽⴽⵉ ⴰⵖⴻⵍⵏⴰⵡ ⴷ ⵓⴳⵔⴰⵖⵍⴰⵏ ⵡⴻⵙⵙⵉⵄⴻⵏ", ⴰⵏⵉⴷⴰ ⵓⵎⴹⴰⵏ ⵏ ⵢⵉⵎⵙⴻⵏⴽⴰⵢⴻⵏ ⵢⴰⵡⴻⴹ 450, ⴷⴻⴳ-ⵙⴻⵏ ⵡⵉⴷ ⵉ ⴷ-ⵢⵓⵙⴰⵏ ⵙⴻⴳ 41 ⵏ ⵜⵎⵓⵔⴰ ⵜⵉⵙⵏⵉⵡⵉⵏ ⵙⴻⴳ ⵢⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ. ⴷⴰⵖⴻⵏ ⵜⵜⴻⴽⴽⵉⵢⴻⵏⵜ 50 ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ (startups) ⵢⴻⵄⵏⴰⵏ ⴰⵙⴻⵏⵎⴻⵔ ⴰⵇⵎⵉ ⵏ ⵢⵉⴼⴰⵔⴰⵙⴻⵏ ⵏ ⵜⴻⵎⵎⴻⵔⵔⵉⵜ ⵏ ⵍⴻⵣⵣⴰⵢⴻⵔ.
ⵉⵜⵜⵡⴰⵕⴶⴰ ⴰⴷ ⴷ-ⵜⵉⵍⵉ ⵜⵉⵍⵉⵜ ⵉⴶⴻⵀⴷⴻⵏ ⵏ ⵢⵉⵎⵉⴳⴰⵡⴻⵏ ⵎⴻⵕⵕⴰ ⴰⵎ ⵜⵙⵏⵓⵔⴻⴼⵉⵏ ⵏ ⵜⴻⵎⵎⴻⵔⵔⵉⵜ ⴷ ⵢⵉⵏⵉⴳⴻⵏ, ⵉⵎⴹⴻⴱⴱⵔⴻⵏ ⵏ ⵢⵉⵙⴻⵏⵙⵓⵢⴻⵏ (hôtels), ⵜⵙⵏⵓⵔⴻⴼⵉⵏ ⵏ ⵓⵣⵓⵏⴻⵢ, ⵢⵉⵢⴻⵙⴽⵉⵔⴻⵏ ⵏ ⵜⵏⴻⵖⵍⴰⴼⵉⵏ, ⵜⵉⴱⴰⵏⵜⴽⵉⵏ ⴷ ⵢⵉⵎⵙⴻⵜⵎⴰⵔⴻⵏ.
ⴷⴰⵖⴻⵏ, ⴰⴷ ⴷ-ⵜⴻⴽⴽⵉ ⵏⴼⵉⵜ ⵏ ⵢⵉⴱⵓⵃⵔⵉⵢⴻⵏ ⵍⴻⵣⵣⴰⵢⵔⵉⵢⴻⵏ, ⵍⴰⴷⵖⴰ ⵡⵉⴷ ⵏ ⵜⵡⵉⵍⴰⵢⵉⵏ ⵏ ⵓⵏⵥⵓⵍ ⵉⵡⴰⴽⴽⴻⵏ ⴰⴷ ⴷ-ⵙⵏⴻⴽⴷⴻⵏ ⴰⵙⵏⵓⵍⴼⵓ ⴰⵣⵣⴰⵢⵔⵉ ⴷⴻⴳ ⵜⴻⵎⴳⵓⵔⵉ ⵏ ⵓⴼⵓⵙ. ⴰⴷ ⴷ-ⵉⵍⵍⵉⵏⵜ ⴷⴰⵖⴻⵏ ⵜⴻⵎⵍⵉⵍⵉⵢⵉⵏ ⴷ ⵢⵉⵎⵣⴰⵔⴰⴳⴻⵏ ⵉⵡⴰⴽⴽⴻⵏ ⴰⴷ ⵎⵓⴱⴱⴰⴷⴷⴻⵍⴻⵏ ⵜⵎⵓⵖⵍⵉⵡⵉⵏ ⵓ ⴰⴷ ⴷ-ⵙⵏⴻⵔⵏⵉⵏ ⵜⵉⴷⴷⵉ ⵏ ⵜⴻⵎⵎⴻⵔⵔⵉⵜ ⵓ ⴰⴷ ⵙⵜⴻⵏⵢⴰⵏ ⵢⵉⵎⵜⴰⵡⴰⵏ ⵏ ⵜⴷⵓⴽⵍⵉ.
ⴰⵔⵏⵓ ⵖⴻⵔ
