ⵜⵓⵍⴻⵙ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵔⵔⴰ ⴱⴻⵍⵍⵉ ⵔⵏⴰⵏ ⴼⴽⴰⵏ ⵍⵡⴻⵇⵜ ⵉ ⵜⴰⵔⵔⴰⵢⵜ ⵏ ⵓⵙⴻⵀⵍⴻⵍ ⵉ ⵢⴻⵍⵍⴰⵏ ⵢⴰⴽⴰⵏ, ⵉ ⵡⴰⴽⴽⴻⵏ ⵉⵄⴻⴳⴳⴰⵍⴻⵏ ⵏ ⵜⵎⴻⵜⵜⵉ ⵏⵏⴻⵖ ⵏ ⴱⴻⵔⵔⴰ ⵢⴻⵙⵄⴰⵏ ⵍⵒⴰⵙⵒⵓⵔ ⵏ ⴱⴻⵔⵔⴰ ⵉ ⴷ-ⵉⴷⴷⴰⵎⴻⵏ ⴰⴷ ⴽⴻⵛⵎⴻⵏ ⵏⴻⵖ ⴰⴷ ⴼⴼⵖⴻⵏ ⵙⴻⴳ ⵜⵎⵓⵔⵜ ⵎⴱⵍⴰ ⵜⵉⵙⵉⵏ (ⴼⵉⵣⴰ) ⴰⵔⵎⵉ ⴷ 31 ⴷⵓⵊⴻⵎⴱⴻⵔ 2026. ⴰⵢⴰⴳⵉ ⵢⵓⵙⴰ-ⴷ ⵙ ⵍⵎⴻⵏⴷⴰⴷ ⵏ ⵜⴰⵏⴰⴹⵉⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ.
ⵢⴻⵏⵏⴰ-ⴷ ⵍⴱⴰⵢⴰⵏ: "ⵉ ⵡⴰⴽⴽⴻⵏ ⴰⴷ ⵏⴻⵅⴷⴻⵎ ⵙ ⵜⴰⵏⴰⴹⵉⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷ ⵓⵅⴻⵎⵎⴻⵎ-ⵉⵙ ⵉ ⵡⴰⴽⴽⴻⵏ ⴰⴷ ⵢⴻⴼⵔⵓ ⵉⵖⴻⴱⵍⴰⵏ ⵏ ⵢⵉⵎⴻⵣⴷⴰⵖ ⵏⵏⴻⵖ ⵏ ⴱⴻⵔⵔⴰ, ⵏⴻⴹⴷⴻⵇ-ⴷ ⴱⴻⵍⵍⵉ ⴰⴷ ⵏⴻⵔⵏⵓ ⵍⵡⴻⵇⵜ ⵉ ⵓⵙⴻⵀⵍⴻⵍ ⵏ ⵓⴽⴻⵛⵛⵓⵎ ⴷ ⵜⵓⴼⴼⵖⴰ ⵙⴻⴳ ⵜⵎⵓⵔⵜ ⵎⴱⵍⴰ ⴼⵉⵣⴰ ⴰⵔⵎⵉ ⴷ 31 ⴷⵓⵊⴻⵎⴱⴻⵔ 2026."
ⵜⴰⵔⵔⴰⵢⵜ-ⴰⴳⵉ ⵏ ⵓⵙⴻⵀⵍⴻⵍ ⵜⴻⵜⵜⴰⵊⴰ ⵡⵉⴷ ⵉ ⵙ-ⵢⵓⴼⴰⵏ ⵙⵙⴻⵔⵔⴻⵃ ⴰⴷ ⴷ-ⵙⴱⴻⵢⵏⴻⵏ ⴽⴰⵏ ⵍⵒⴰⵙⵒⵓⵔ ⵏ ⴱⴻⵔⵔⴰ ⵉ ⴷ-ⵉⴷⴷⴰⵎⴻⵏ, ⵢⴻⵔⵏⴰ ⵢⵉⴷ-ⵙ ⵍⵒⴰⵙⵒⵓⵔ ⵏ ⵍⴻⵣⵣⴰⵢⴻⵔ ⵏ ⴱⵉⵢⵓⵎⵉⵜⵔⵉ ⵏⴻⵖ ⵜⴰⴽⴰⵔⴹⴰ ⵏ ⵜⵎⴰⴳⵉⵜ ⵏ ⴱⵉⵢⵓⵎⵉⵜⵔⵉ (CNIBE) ⵖⴰⵙ ⴰⴽⴽⴻⵏ ⵜⵓⴽⴽⵉⵙ ⵍⵡⴻⵇⵜ-ⵏⵙⴻⵏⵜ (expirés), ⵎⴻⵄⵏⴰ ⵉⵍⴰⵇ ⴰⴷ ⵙⵙⵇⴻⴷⵛⴻⵏ ⵢⵉⵡⴻⵜ ⵏ ⵍⴽⴰⵖⴻⴹ-ⵏⵏⵉ ⵎⵉ ⴰⵔⴰ ⴷ-ⴽⴻⵛⵎⴻⵏ ⴷ ⵎⵉ ⴰⵔⴰ ⴼⴼⵖⴻⵏ.
ⴰⵔⵏⵓ ⵖⴻⵔ
