ⵎⵎⵓⵢⴻⵏ 37 ⵏ ⵢⴻⵎⴷⴰⵏⴻⵏ ⵢⴻⵔⵏⵓ ⵜⵜⵡⴰⵊⴻⵔⵃⴻⵏ 1294 ⵏ ⵢⴻⵎⴷⴰⵏⴻⵏ ⵏⵏⵉⴹⴻⵏ, ⴷⴻⴼⴼⵉⵔ ⵎⵉ ⴷ-ⴹⵔⴰⵏ 1118 ⵏ ⵢⵉⵎⵉⵀⵉⵢⴻⵏ ⵏ ⵓⴱⵔⵉⴷ ⴷⴻⴳ ⵎⴻⵏⵏⴰⵡ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴷⴻⴳ ⵜⴰⵍⵍⵉⵜ ⴳⴰⵔ 21 ⴷ 27 ⴷⵓⵊⴻⵎⴱⴻⵔ-ⴰⴳⵉ, ⵖⴻⴼ ⵡⴰⴽⴽⴻⵏ ⵉ ⴷ-ⵜⴻⵡⵡⵉ, ⴰⵙⵙ-ⴰ ⵏ ⵓⵙⵉⵏⴰⵙ, ⵜⵜⴻⵇⵔⵉⵔⴰ ⵏ ⴷⴷⵓⵔⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵓⵃⵓⴷⴷⵓ ⴰⵖⴻⵔⵎⴰⵏ.
ⵢⴻⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⴰⴳⵉ ⴱⴻⵍⵍⵉ ⵜⵜⴻⵇⵔⵉⵔⴰ ⵉⵥⴰⵢⴻⵏ ⴰⴽⴽ ⵜⴻⵜⵜⵡⴰⵣⵎⴻⵎ ⴷⴻⴳ ⵜⵡⵉⵍⴰⵢⵜ ⵏ ⵜⵓⴱⵉⵔⴻⵜ, ⵙ ⵜⵎⴻⵜⵜⴰⵏⵜ ⵏ 3 ⵏ ⵢⴻⵎⴷⴰⵏⴻⵏ ⴷ ⵓⵊⴻⵔⵔⴻⵃ ⵏ 48 ⵏⵏⵉⴹⴻⵏ, ⴷⴻⴳ 32 ⵏ ⵢⵉⵎⵉⵀⵉⵢⴻⵏ ⵏ ⵓⴱⵔⵉⴷ. ⵙⴻⴳ ⵜⴰⵎⴰ-ⵏⵏⵉⴹⴻⵏ, ⵢⵉⵎⴻⵣⵡⴰⵍ ⵏ ⵓⵃⵓⴷⴷⵓ ⴰⵖⴻⵔⵎⴰⵏ ⵙⵙⴻⵏⵙⴻⵏ 475 ⵏ ⵜⵎⴻⵙ ⴷⴻⴳ ⵜⴰⵍⵍⵉⵜ-ⴰⴳⵉ, ⴳⴰⵔ-ⴰⵙⴻⵏⵜ ⵜⵉⵏ ⵏ ⵢⵉⵅⵅⴰⵎⵏⴻ, ⵏ ⵜⵎⴰⵛⵉⵏⵉⵏ ⴷ ⵜⵉⵢⴰⴹ, ⵜⵉⵏ ⵉⵊⴻⵀⴷⴻⵏ ⴰⴽⴽ ⵜⴻⵜⵜⵡⴰⵣⵎⴻⵎ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ (76 ⵏ ⵜⵎⴻⵙ), ⵍⴻⴱⵍⵉⴷⴰ (31) ⴷ ⵡⴻⵀⵔⴰⵏ (29). ⴷⴻⴳ ⵜⴻⴳⵏⵉⵜ ⵏⵏⵉⴹⴻⵏ, ⵢⵓⵏⴻⵍⵍⴻⵢ ⵏ ⵓⵃⵓⴷⴷⵓ ⴰⵖⴻⵔⵎⴰⵏ ⵙⴻⵍⵍⴽⴻⵏ 512 ⵏ ⵢⴻⵎⴷⴰⵏⴻⵏ ⵢⴻⵍⵍⴰⵏ ⴷⴻⴳ ⵓⵎⵉⵀⵉ, ⵢⴻⵔⵏⵓ ⵅⴻⴷⵎⴻⵏ 5850 ⵏ ⵜⵎⴰⵛⵉⵏⵉⵏ ⵏ ⵓⵙⴻⵍⵍⴻⴽ.
ⵎⴰ ⴷ ⴰⵢⴻⵏ ⵢⴻⵔⵣⴰⵏ ⵓⵜⵛⵉ ⵏ ⵍⴳⴰⵣ "ⵓⵃⴰⴷⵉ ⵓⴽⵙⵉⴷ ⵍⴽⴰⵔⴱⵓⵏ" ⵉ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵜⵎⴰⵛⵉⵏⵉⵏ ⵏ ⵓⵙⵙⴻⵎⵎⵉⴹ ⴷ ⵜⵉⵙⴻⵎⵎⵉⴹⵉⵏ ⵏ ⵡⴰⵎⴰⵏ, ⵉⵎⴻⵣⵡⴰⵍ ⵏ ⵓⵃⵓⴷⴷⵓ ⴰⵖⴻⵔⵎⴰⵏ ⴼⴽⴰⵏ ⴰⵙⴻⵍⵍⴻⴽ ⴰⵎⴻⵣⵡⴰⵔⵓ ⵉ 157 ⵏ ⵢⴻⵎⴷⴰⵏⴻⵏ, ⵎⴰ ⴷ ⵡⵉⴷ ⵎⵎⵓⵢⴻⵏ ⴷ 7 ⵏ ⵢⴻⵎⴷⴰⵏⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⵜⵢⴰⵔⴻⵜ, ⵍⴻⵖⵡⴰⵟ, ⵓⵎ ⵍⴻⴱⵡⴰⵇⵉ, ⵎⵉⵍⴰ, ⵙⵉⴷⵉ ⴱⴻⵍ-ⵄⴻⴱⴱⴰⵙ ⴷ ⵙⵟⵉⴼ.
ⴰⵔⵏⵓ ⵖⴻⵔ
