ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙ ⵢⵉⵏⴻⴹⴰⴼ ⵏ ⵓⵎⴻⵣⵡⴰⵔⵓ ⵏ ⵢⵉⵏⴻⵖⵍⴰⴼⴻⵏ ⵎⴰⵙⵙ ⵙⵉⴼⵉ ⵖⵔⵉⴱ, ⵜⴻⵙⵙⴻⵍⵡⴰⵢ ⵜⴰⵏⴻⵖⵍⴰⴼⵜ ⵏ ⵜⵎⴻⵏⵏⵓⵜ ⵜⴰⵖⴻⵍⵏⴰⵡⵜ, ⵜⵡⴰⵛⵓⵍⵜ ⴷ ⵜⵎⴻⵙⵍⴰⵢⵉⵏ ⵏ ⵜⵎⴻⵟⵟⵓⵜ, ⵎⴰⵙⵙⴰ ⵚⵓⵔⵢⴰ ⵎⵓⵍⵓⵊⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴰⵙⴱⴻⴷⴷ ⵓⵏⵚⵉⴱ ⵏ ⵢⵉⵡⴻⵜ ⵏ ⵜⵔⴰⴱⵄⵜ ⵏ ⵓⵎⴰⵀⵉⵍ ⵢⴻⵔⵣⴰⵏ ⴰⵟⴰⵙ ⵏ ⵢⵉⵃⵔⵉⵛⴻⵏ ⴷ ⵜⵎⵓⵙⵏⵉⵡⵉⵏ. ⵜⴰⵔⴰⴱⵄⵜ-ⴰⴳⵉ ⵜⴻⵟⵟⴻⴼ ⵜⴰⵎⴰⵙⵉⵜ ⵉ ⵡⴰⴽⴽⴻⵏ ⴰⴷ ⵜⴻⴳ ⵜⴰⴽⴰⵔⴹⴰ ⵜⴰⵎⴻⵜⵜⵉⵜ ⵏ ⵍⵣⵣⴰⵢⴻⵔ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⴰⵙⴻⵏⴼⴰⵔ-ⴰⴳⵉ ⴰⵖⴻⵍⵏⴰⵡ ⴰⴷ ⵢⵉⵍⵉ ⵙⴻⴷⴷⴰⵡ ⵏ ⵓⵄⴰⵙⵙ ⵏ ⵓⵎⴻⵣⵡⴰⵔⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵔⵏⴰ ⴰⴷ ⵜ-ⵜⴻⵙⵙⴻⵍⵡⴰⵢ ⵜⴰⵏⴻⵖⵍⴰⴼⵜ ⵏ ⵜⵎⴻⵏⵏⵓⵜ. ⵉⵙⵡⵉ-ⵙ ⴷ ⴰⵙⴻⴷⵎⴻⵔ ⵏ ⵜⵖⴻⵔⵜ ⵏ ⵓⵡⴰⵏⴰⴽ ⴰⵣⵣⴰⵢ ⴷ ⵢⵉⵏⴻⴹⴰⴼ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵉ ⵢⴻⴱⵯⴰⵏ ⴰⴷ ⵢⴻⵙⴱⴻⴷⴷ ⵍⵃⴻⵇⵇ ⴷ ⵜⵎⴻⵏⵙⴰⵢⵜ ⴳⴰⵔ ⵢⵉⵖⴻⵔⴼⴰⵏ, ⵢⴻⵔⵏⴰ ⴰⴷ ⵢⴻⵙⵙⴻⴳⴳⴻⵎ ⵜⴰⵍⵍⴻⵍⵜ ⵜⴰⵎⴻⵜⵜⵉⵜ ⵉ ⵡⴰⴽⴽⴻⵏ ⴰⴷ ⵢⴻⵙⵏⴻⴼⵍⴰⵢ ⴰⵙⵡⵉⵔ ⵏ ⵜⵓⴷⴻⵔⵜ ⵏ ⵓⵎⴻⵣⴷⴰⵖ.
ⵉ ⵡⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵢⵉⵙⵡⵉ-ⴰⴳⵉ, ⵢⴻⵍⵀⴰ ⴰⴷ ⵙⵏⴻⴼⵍⴰⵢⴻⵏ ⴰⵍⴰⵜⴻⵏ ⵏ ⵓⵙⴻⴼⵔⴻⵯ ⵢⴻⴷⴷⵓⴽⴽⵍⴻⵏ, ⵢⴻⵣⵎⵔⴻⵏ ⴰⴷ ⴼⴽⴻⵏ ⵢⵉⵡⴻⵏ ⵓ diagnose ⵓⵙⵙⵏⴰⵏ ⵢⴻⵚⴼⴰⵏ ⵢⴻⵔⵏⴰ ⵢⴻⴱⵏⴰ ⵖⴻⴼ ⵢⵉⵙⴻⴽⵏⴻⵏ ⵏ ⵢⵉⵎⴻⵣⴷⴰⵖ, ⵜⴰⵎⴻⵜⵜⵉ ⴷ ⵜⴷⴰⵎⵙⴰ.
ⵜⴰⵔⴰⴱⵄⵜ-ⴰⴳⵉ ⵏ ⵓⵎⴰⵀⵉⵍ ⵉ ⵜⴻⵙⴱⴻⴷⴷ ⵜⴰⵏⴻⵖⵍⴰⴼⵜ ⴷⴻⴳ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⴱⵉⵔ ⵅⴰⴷⴻⵎ, ⵜⴻⵙⴷⵓⴽⴽⴻⵍ ⵎⴰⵕⵕⴰ ⵢⵉⵃⵔⵉⵛⴻⵏ ⵏ ⵜⵏⴻⵖⵍⴰⴼⵉⵏ, ⵖⴻⵔ ⵜⴰⵎⴰ ⵏ ⵜⵏⴻⴱⴷⴰⴷⵜ ⵜⵓⵏⵏⵉⵖⵜ ⵏ ⵓⵙⴻⵎⴹⴻⵏ , ⴷ ⵡⴰⵙⵇⴰⵎⵓ ⴰⵖⴻⵍⵏⴰⵡ ⴰⴷⴰⵎⵙⴰⵏ, ⴰⵎⴻⵜⵜⵉ ⴷ ⵓⵡⴻⵏⵏⴰⴹⴰⵏ.
ⴰⵎ ⵢⴻⴽⴽⴰ ⵍⵇⴰⴷ, ⵍⵍⴰⵏ ⴷⴻⴳ-ⵙ ⴷⴰⵖⴻⵏ: ⵜⴰⵎⴻⵔⵙⴻⵍⵜ ⵏ ⵓⵏⴻⴳⵎⵓ ⴰⵎⴻⵜⵜⵉ, ⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵏⴰⴷⵉ ⴷⴻⴳ ⵜⵎⵓⵙⵏⵉ ⵏ ⵓⵎⴷⴰⵏ ⴷ ⵜⵢⴻⵙⵙⴰ, ⴰⵙⵉⵔⴰ ⴰⵖⴻⵍⵏⴰⵡ ⵏ ⵓⵙⵉⴹⴻⵏ (ONS), ⴷ ⵡⴰⵎⵎⴰⵙⴻⵏ ⵏ ⵓⵏⴰⴷⵉ ⴷⴻⴳ ⵜⴷⴰⵎⵙⴰ ⵢⴻⵜⵜⵓⵙⴻⴷⵎⵔⴻⵏ, ⵖⴻⵔ ⵜⴰⵎⴰ ⵏ ⵢⵉⵡⴻⵜ ⵏ ⵜⵔⴰⴱⵄⵜ ⵏ ⵢⵉⵎⵓⵙⵏⴰⵡⴻⵏ ⵉⵊⴻⵀⴷⴻⵏ ⴷⴻⴳ ⵜⵓⵙⵏⵉⵡⵉⵏ ⵏ ⵜⵎⴻⵜⵜⵉ ⴷ ⵜⴷⴰⵎⵙⴰ.
ⴰⵔⵏⵓ ⵖⴻⵔ
