ⴱⴷⴰⵏ ⵍⴻⵇⴷⵉⵛⴰⵜ ⵏ ⵜⵙⴻⵇⵇⴰⵎⵓⵜ ⵜⴰⵍⴻⵎⵎⴰⵙⵜ ⵉ ⴷ-ⵢⴻⵍⵀⴰⵏ ⴷ ⵓⴼⵔⴰⵏ ⵏ ⵡⵉⴷ ⴰⵔⴰ ⵢⴻⵟⵟⴼⴻⵏ ⵉⵎⵓⴽⴰⵏ ⵏ ⴷⴷⴻⴱⴷⴱⴰ (postes supérieurs) ⴷⵉ ⵜⵉⵏⵎⴻⵀⵍⵉⵡⵉⵏ ⵏ ⵜⴻⵣⵎⴻⵔⵜ ⵏ ⵍⵡⵉⵍⴰⵢⴰⵜ ⴷ ⵜⵓⴷⴷⵙⵉⵡⵉⵏ ⵏ ⴷⴷⴻⵡⵍⴰ ⵏ ⵜⴻⵣⵎⴻⵔⵜ, ⴰⵎⴻⴽ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵎⴰⵡⴰⵙⵜ ⴰⵙⵙ-ⴰ ⵏ ⵍⴰⵔⴻⴱⵄⴰ.
ⴰⵢⴰ ⵢⴻⵍⵍⴰ-ⴷ ⵉⵍⵎⴻⵏⴷ ⵏ ⵜⵏⴻⴼⵍⵉⵜ ⵏ ⵓⵏⴻⵖⵍⴰⴼ ⵏ ⵜⴻⵣⵎⴻⵔⵜ, ⵎⴰⵙ ⵎⵓⵀⴰⵎⴻⴷ ⵚⴻⴷⴷⵉⵇ ⴰⵢⵜ ⵎⴻⵙⵄⵓⴷⴰⵏ, ⵉⵡⴰⴽⴽⴻⵏ ⴰⴷ ⵢⴻⵙⵙⴻⴷⴷⴻⵔ ⵜⴰⵎⴰⵀⵍⴰ (gouvernance) ⵏ ⵓⵃⵔⵉⵛ ⵏ ⵜⴻⵣⵎⴻⵔⵜ ⵢⴻⵔⵏⴰ ⴰⴷ ⵉⵙⴱⴻⴷⴷ ⵍⵍⵙⴰⵙ ⵏ ⵜⵉⴼⴰⴼⴼⵉⵜ (transparence) ⴷ ⵓⵚⴻⴳⴳⴻⵎ ⴷⴻⴳ ⵓⴼⵔⴰⵏ ⵏ ⵢⵉⵎⴹⴻⴱⴱⵔⴻⵏ. ⵜⴰⵙⵇⴰⵎⵓⵜ-ⴰⴳⵉ ⵙⴱⴻⴷⴷⴻⵏ-ⵜⵜ-ⵉⴷ ⵢⴰⴽⴰⵏ ⴷⴻⴳ ⵡⴰⵙⵙ ⵏ 6 ⵏ ⵢⴻⵏⵏⴰⵢⴻⵔ 2026.
ⵓⵍⵖⵓ-ⴰⴳⵉ ⵢⴻⵏⵏⴰ-ⴷ ⴷⴰⴽⴽⴻⵏⵏ ⵜⴰⵙⵇⴰⵎⵓⵜ-ⴰⴳⵉ ⵜⴻⵍⵍⴰ ⴷⴷⴰⵡ ⵓⴼⵓⵙ ⵏ ⵓⵏⴻⵖⵍⴰⴼ ⵏ ⵜⴻⵣⵎⴻⵔⵜ, ⴷ ⴰⵎⵔⴰⵢ ⴰⵎⴰⵜⵓ ⵏ ⵜⵎⴰⵡⴰⵙⵜ ⵉ ⵜⵜ-ⵉⵜⵜⴱⴻⵔⵔⵉⵢⴻⵏ (président). ⴷⴻⴳ-ⵙ ⵍⵍⴰⵏ ⴷⴰⵖⴻⵏ ⵓⵎⴼⴻⵜⵜⵉ ⴰⵎⴰⵜⵓ, ⵉⵎⴰⵜⵓⵜⴻⵏ ⵏ ⵢⵉⴷⵓⴱⴰⵏⴻⵏ (directeurs généraux), ⴷ ⵢⵉⵎⴹⴻⴱⴱⵔⴻⵏ ⵏ ⵢⵉⵙⵓⴳⴰⵎ ⵏ ⵜⴰⵍⵙⴰ (ressources humaines) ⴷ ⵜⵓⴷⴷⵙⴰ ⴷ ⵜⵏⴻⵀⵍⴰ.
ⵜⴰⵙⵇⴰⵎⵓⵜ-ⴰⴳⵉ ⴰⴷ ⵜⴻⵣⴻⵔ ⵢⵉⴼⴰⵢⵍⵉⵡⴻⵏ ⵏ ⵡⵉⴷ ⵉ ⴷ-ⵢⴻⴼⴽⴰⵏ ⵜⵓⵔⴻⵜ-ⵏⵙⴻⵏ ⵙ ⵢⵉⵡⴻⵜ ⵏ ⵜⵛⴰⵔⴹⵜ ⵏ ⵓⵙⴻⵍⵖⵓ (grille d'évaluation) ⵉⵚⴻⴳⴳⵎⴻⵏ, ⵉⵡⴰⴽⴽⴻⵏ ⴰⴷ ⴷ-ⴼⵔⴻⵏ ⵡⵉⴷ ⵉ ⴷ-ⵢⴻⵡⵡⵉⵏ ⵍⵇⴻⴷ ⴷ ⵜⵎⴰⵀⵍⴰ ⵉ ⵢⵉⵎⵓⴽⴰⵏ-ⴰⴳⵉ ⵉⵎⴻⵇⵇⵔⴰⵏⴻⵏ. ⵉⵙⵡⵉ ⵏ ⵛⵛⵖⴻⵍ-ⴰⴳⵉ ⴷ ⴰⵙⵏⴻⵔⵏⵉ ⵏ ⵓⴼⵓⵙ ⵏ ⵜⵓⴷⴷⵙⴰ ⴷ ⵓⵙⴻⵖⵜⵉ ⵏ ⵢⵉⵎⴻⵣⵔⵉ ⵏ ⵜⴻⵣⵎⴻⵔⵜ ⵉ ⵢⵉⵎⴻⵣⴷⴰⵖ ⴷⴻⴳ ⵢⵉⵎⵓⴽⴰⵏ ⵏ ⴷⴷⴻⵡⵍⴰ.
ⴰⵔⵏⵓ ⵖⴻⵔ
