ⵉⵄⴻⴳⴳⴰⵍⴻⵏ ⵏ ⵍⴰⴷⴰⵔⴽ ⵏ ⵓⵖⵍⴰⵏ ⴷ ⵢⵉⴷⵓⴱⴰⵢ ⵏ ⵓⵎⴻⵏ ⵏ ⵍⵄⴻⵙⴽⴻⵔ ⴷ ⵢⵉⵃⴻⵔⵔⴰⵙⴻⵏ ⵏ ⵢⵉⵍⴻⵍ , ⵉⴹⴻⵍⵍⵉ ⵏ ⵍⵃⴻⴷ, ⴷⴻⴳ ⵜⵉⵡⵉⵍⴰ ⵢⴻⵎⵅⴰⵍⴰⴼⴻⵏ ⴷⴻⴳ ⵓⵃⵔⵉⵛ ⵏ ⵍⵄⴻⵙⴽⴻⵔ ⵏ ⵜⵉⵣⵉ ⵡⴻⵣⵣⵓ ⴷ ⵓⵃⵔⵉⵛ ⵏ ⵍⵄⴻⵙⴽⴻⵔ ⵏ ⴱⵓⵔⴶ ⴱⵓ ⴰⵔⵔⵉⵔⵉⴷⴶ, ⵟⵟⴼⴻⵏ ⵓⴳⴰⵔ ⵏ 111 ⴽⴳ ⵏ ⵍⵎⵓⵅⴻⴷⴷⵉⵔⴰⵜ ⵉⴶⴻⵀⴷⴻⵏ (cocaine), ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵎⴰⵡⴰⵙⵜ ⵏ ⵓⵎⵉⵙⵜⴰⵏ ⴰⵖⴻⵍⵏⴰⵡ ⴰⵙⵙ-ⴰ ⵏ ⵍⴻⵜⵏⴰⵢⴻⵏ.
ⵢⴻⵏⵏⴰ-ⴷ ⵡⴰⵍⵖⵓ-ⴰⴳⵉ ⴱⴻⵍⵍⵉ "ⴷⴻⴳ ⵓⴽⴻⵎⵎⴻⵍ ⵏ ⵉⵙⵙⴻⴽⵏⵉⵢⴻⵏ ⵏ ⵢⵉⵄⴻⴳⴳⴰⵍⴻⵏ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴻⴳⴷⴰⵢ ⵉ ⵓⵇⴰⴱⴻⵍ ⵏ ⵜⴽⴻⵔⴹⵉ ⵜⵓⴷⴷⵉⵙⵜ, ⴷ ⵓⵙⴻⵅⴷⴻⵎ ⵢⴻⵍⵀⴰⵏ ⵏ ⵢⵉⵙⴰⵍⵍⴻⵏ, ⵣⴻⵎⵔⴻⵏ ⵉⴹⴻⵍⵍⵉ 22 ⵎⴻⵖⵔⴻⵙ 2026, ⵢⵉⵄⴻⴳⴳⴰⵍⴻⵏ ⵏ ⵍⴰⴷⴰⵔⴽ ⴷ ⵓⵎⴻⵏ ⵏ ⵍⵄⴻⵙⴽⴻⵔ ⴷ ⵢⵉⵃⴻⵔⵔⴰⵙⴻⵏ ⵏ ⵢⵉⵍⴻⵍ, ⴷⴻⴳ ⵜⵎⴻⵏⵏⴰⴹⵉⵏ ⵏ ⵍⵄⴻⵙⴽⴻⵔ ⵜⴰⵎⴻⵣⵡⴰⵔⵓⵜ (ⵜⵉⵣⵉ ⵡⴻⵣⵣⵓ) ⴷ ⵜⵉⵙ ⵙⵎⵓⵙⵜ (ⴱⵓⵔⴶ ⴱⵓ ⴰⵔⵔⵉⵔⵉⴷⴶ), ⴰⴷ ⵟⵟⴼⴻⵏ 111.3 ⴽⴳ ⵏ ⵓⴽⵓⴽⴰⵢⵉⵏ".
"ⵉⴳⵎⴰⴹ-ⴰⴳⵉ ⵏ ⵍⵇⴰⵄⴰ ⵉ ⴷ-ⵢⴻⵍⵍⴰⵏ ⵎⴳⴰⵍ ⵜⴽⴻⵔⴹⵉ ⵜⵓⴷⴷⵉⵙⵜ, ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ ⵏ ⵜⵓⵔⴰ, ⵎⵎⴰⵍⴻⵏ-ⴷ ⵜⵉⴽⴽⴻⵍⵜ ⵏⵏⵉⴹⴻⵏ ⵜⵉⵃⴻⵔⵛⵉ ⴷ ⵓⵀⴻⵢⵢⵉ ⵏ ⵢⵉⵄⴻⴳⴳⴰⵍⴻⵏ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴻⴳⴷⴰⵢ ⵉ ⵓⵙⴻⴱⵍⴻⵄ ⵏ ⵢⴰⵍ ⴰⵔⵎⵓⴷ ⵏ ⵜⴻⵔⴱⴰⵄⵉⵏ ⵏ ⵢⵉⴼⵓⵛⴰⵢ", ⴰⴽⴽⴻⵏ ⵢⴻⵏⵏⴰ ⵡⴰⵍⵖⵓ.
ⴰⵔⵏⵓ ⵖⴻⵔ
