ⵍⵇⴰⵀⵉⵔⴰ – ⵜⴻⵣⵍⴻⵖ ⵜⴷⵓⴽⵍⵉ ⵜⴷⴷⴰⵍⴰⵏⵜ ⵏ ⴷⵣⴰⵢⴻⵔ ⵜⴰⵥⵔⵉⴳⵜ ⵏ 2026 ⵏ ⵜⴻⵇⴱⵓⵛⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ, ⴷⴻⴼⴼⵉⵔ ⵎⴰ ⵜⴻⵔⵏⴰ ⵜⴰⵖⵍⴰⵎⵜ ⵜⴰⵎⴰⵚⵔⵉⵜ ⵏ ⵣⴰⵎⴰⵍⴻⴽ ⵙ ⵜⵢⵉⵜⵉⵢⵉⵡⵉⵏ ⵏ ⵢⵉⵙⵡⵉ (8 ⵖⴻⵔ 7), ⴷⴻⴳ ⵜⴳⴰⵔⴰⵏⵜ (ⵏ ⵡⵓⵖⴰⵍ) ⵏ ⵢⵉⵏⵉⴷⵉ-ⴰ, ⴷ-ⵢⴻⵍⵍⴰⵏ ⴰⵙⵙ ⵏ ⵓⵙⵉⴹⵢⴰⵙ ⴷⴻⴳ ⵓⵏⴰⵔⵉⵔ ⵓⵍⴰⵎⵒⵉ ⵏ ⵍⵇⴰⵀⵉⵔⴰ.
ⴷⴻⴼⴼⵉⵔ ⵜⵜⵡⴰⵔⵏⴰⵏ ⵙ 1 ⵖⴻⵔ 0 ⴷⴻⴳ ⵜⴻⵎⵢⵓⴳⴰⵔⵜ ⵏ ⵜⵡⴰⴷⴷⴰ ⴷ-ⵢⴻⵍⵍⴰⵏ ⵉⵎⴰⵍⴰⵙ ⴰⵢⴰ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⵉⵎⴰⵚⵔⵉⵢⴻⵏ ⴳⴰⵏ ⵜⴰⴳⴰⴷⴷⴰ ⴷⴻⴼⴼⵉⵔ ⵎⴰ ⵙⵙⴰⴷⴼⴻⵏ ⵉⵙⵡⵉ ⴷⴻⴼⴼⵉⵔ ⵢⵉⵡⴻⵜ ⵏ ⵜⵢⵉⵜⴰ ⵏ ⵜⴻⵎⵇⴰⵙⵉⵜ ⴷⴻⴳ ⵜⵎⵉⴽⵜ ⵜⵉⵙ ⵙⴻⵎⵎⵓⵙⴻⵜ ⵏ ⵡⵓⵔⴰⵔ, ⵙ ⵜⵢⵉⵜⴰ ⵏ ⵓⴳⵔⴰⵖⵍⴰⵏ ⴰⴼⴰⵍⴻⵙⵟⵉⵏⵉ oⴷⴰⵢ ⴷⴻⴱⴱⴰⴳⵀ.
ⵛⵛⵉⵍ ⵏ ⵢⵉⵙⵡⵉ-ⴰ, ⵉⵡⴻⴷⵣⴰⵢⵔⴻⵏ ⵇⵇⵉⵎⴻⵏ ⵜⵜⵓⵔⴰⵔⴻⵏ ⵙ ⵓⵍⵓⵎⵎⴻⵙ ⵢⴻⵔⵏⵓ ⵜⴻⵇⵇⵉⵎ ⵜⴻⵖⵍⴰⵎⵜ-ⵏⵙⴻⵏ ⵜⴻⴷⴷⵓⴽⴽⴻⵍ ⴷⴻⴳ ⵓⵏⵔⴰⵔ. ⵜⴰⵜⴰⴽⵜⵉⵜ-ⵏⵙⴻⵏ ⵜⴻⵍⵍⴰ ⴷ ⵜⴰⵎⴰⴳⵍⴰⵢⵜ, ⵢⴻⵔⵏⵓ ⴷ ⴰⵢⴰ ⵉ ⵜⴻⵏ-ⵢⴻⵊⵊⴰⵏ ⴰⴷ ⵓⵔⴰⵔⴻⵏ ⴰⴽⴽⴻⵏ ⵢⴻⵍⵀⴰ ⵢⴻⵔⵏⵓ ⵎⴻⵏⵏⴰⵡ ⵏ ⵜⵍⴻⵎⵎⵉⵥⵉⵏ ⵉ ⵜⴻⵏ-ⵉⴷ-ⵉⵚⴰⵃⴻⵏ ⴰⴽⴽⴻⵏ ⴰⴷ ⵙⵙⵉⴷⴼⴻⵏ ⵉⵙⵡⵉⵢⴻⵏ.
ⵎⴰⵛⴰ ⵉⵎⵉ ⵓⵔ ⵙⵙⴰⴷⴼⴻⵏ ⴰⵔⴰ ⵉⵙⵡⵉ, ⵢⴻⵇⵇⵉⵎ ⵓⴳⵎⵓⴹ ⴰⴽⴽⴻⵏ ⴰⵔⵎⵉ ⴷ ⵜⴰⵏⵙⴰⵖⵜ ⵜⴰⴳⴰⵔⴰⵏⵜ, ⵢⴻⵔⵏⵓ ⵜⴻⵔⵔⴰ ⵜⵎⴰⵔⴰ ⴰⴷ ⵙⵇⴻⴷⵛⴻⵏ ⵜⵉⵢⵉⵜⵉⵡⵉⵏ ⵏ ⵢⵉⵙⵡⵉ ⴰⴽⴽⴻⵏ ⴰⴷ ⴷ-ⵜⴻⴼⵍⴰⵍⵉ ⵜⴻⵖⵍⴰⵎⵜ ⵉⵎⴻⵣⵖⴻⵏ.
ⵎⵉ ⴷ-ⵢⴻⵍⵍⴰ ⵡⴰⵢⴰ, ⴷ ⵜⴰⵖⵍⴰⵎⵜ ⵏ ⵓⵣⴻⵡⵡⴰⵖ ⴷ ⵓⴱⴻⵔⴽⴰⵏ ⵉ ⵜⵜ-ⵢⴻⵡⵡⵉⵏ ⵙ ⵓⵥⵡⴰⵔ ⴷ ⵜⵎⴰⴳⵍⵉⵜ-ⵏⵏⴻⵙ ⵢⴻⵔⵏⵓ ⵜⴼⵓⴽ ⵜⴻⵎⵢⵓⴳⴰⵔⵜ ⵙ 8 ⵖⴻⵔ 7.
ⵉⵎⵙⵉⵙⵡⵉⵢⴻⵏ ⵏ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⴷⵣⴰⵢⴻⵔ ⵏⵉⵜⵏⵉ, ⵖⴻⴼ ⵍⴻⵃⵙⴰⴱ ⵏ ⵎⴰⵎⴻⴽ ⵎⵢⴻⵣⵡⴰⵔⴻⵏ, ⴷ: ⴷⵔⴰoⵓⵉ, ⴽⵀⴰⵍⴷⵉ, ⵔⴰⴷoⵓⴰⵏⵉ, ⴱⴻⵏⴰⵢⴰⴷ, ⵍoⵛⵉⴼ, ⵛⵀⴻⵜⵜⵉ, ⴷⴻⵀⵉⵔⵉ ⴷ ⵍⵉⴽoⵏⵣⴰ ⵉ ⵢⴻⵥⵥⴰⵏ ⵉⵙⵡⵉ ⴰⴳⴰⵔⴰⵏ ⵢⴻⵔⵏⵓ ⵢⴻⴹⵎⴻⵏ ⵜⴰⵔⴻⵏⵏⴰⵡⵜ.
ⵙⴻⴳ ⵢⵉⴷⵉⵙ ⴰⵎⴰⵚⵔⵉ, ⵉⵎⵙⵉⵙⵡⵉⵢⴻⵏ ⴷ ⴰⴱⴷⴰⵍⵍⴰⵀ ⵙⴰⵉⴷ, ⴻⵙⵀo, ⵀoⵙⵙⴰⵎ ⴰⴱⴷⴻⵍⵎⴰⵊⴻⴻⴷ, ⵏⴰⵛⴻⵔ ⵎⴻⵏⵙⵉ, ⵙⴻⵉⴼ-ⴻⴷⴷⵉⵏⴻ ⴻⵍ ⴷⵊⴰⵣⵉⵔⵉ, ⵊⵓⴰⵏ ⴰⵍⵯⵉⵏⴰ ⴱⴻⵣⴻⵔⵔⴰ, ⴷ ⵎoⵀⴰⵎⴻⴷ ⴰⴱⴷⴰⵍⵍⴰⵀ ⴻⵍ ⵙⴰⵉⴷ. ⵙⵙⴰⵡⴹⴻⵏ ⴰⴷ ⴰⵙ-ⴽⴻⵍⵍⵅⴻⵏ ⵉ ⵓⵎⴹⵉⴼ oⵓⵙⵙⴰⵎⴰ ⴱⴻⵏⴱoⵜ, ⵎⴰⵛⴰ ⴰⵏⴻⴳⴳⴰⵔⵓ ⴷⴻⴳ-ⵙⴻⵏ, ⴰⵇⴻⴱⵟⴰⵏ ⵎoⵀⴰⵎⴻⴷ ⵙⵀⴻⵀⴰⵜⴰ, ⵉⵡⴻⵜ ⵜⴰⵛⵉⵔⵜ-ⵏⵏⴻⵙ ⴱⴻⵕⵕⴰ ⵉ ⵜⵔⴰⵜⵜⴰ ⵢⴻⵔⵏⵓ ⴷ ⴰⵢⴰ ⵉ ⵢⴻⵊⵊⴰⵏ ⵜⴰⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⴷⵣⴰⵢⴻⵔ ⴰⴷ ⵜⴰⵡⵉ ⴰⵔⵔⴰⵣ.
ⴷ ⵜⴰ ⵉ ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⵎⴰⵏⵉ ⴰⵔⴰ ⵜⴻⵣⵍⴻⵖ ⵜⴷⵓⴽⵍⵉ ⵜⴰⴷⴷⴰⵍⴰⵏⵜ ⵏ ⴷⵣⴰⵢⴻⵔ ⵜⴰⵢⴰⴽⴰ-ⴰ ⴷⴻⴼⴼⵉⵔ ⵜⵉⵏ ⵏ 2023.
ⴰⵔⵏⵓ ⵖⴻⵔ
