ⴰⴷⴷⵉⵙ ⴰⴱⴻⴱⴰ – ⵜⴻⴽⵛⴻⴼ-ⴷ ⵜⴻⵏⵎⴰⵣⵓⵍⵜ ⵏ ⵓⵙⴻⵍⵡⴰⵢ ⵏ ⵜⴻⵙⵎⵉⵍⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵙⴻⵍⵎⴰ ⵎⴰⵍⵉⴽⴰ ⵀⴰⴷⴷⴰⴷⵉ, ⴷ ⵜⵏⴻⵖⵍⴰⴼⵜ ⵜⴰⵎⴻⵏⵣⵓⵜ ⵜⴰⵟⴻⵍⵢⴰⵏⵉⵜ, ⴳⵉoⵔⴳⵉⴰ ⵎⴻⵍoⵏⵉ, ⴰⵙⵙ ⵏ ⵓⵙⴰⵎⴰⵙ ⴷⴻⴳ ⴰⴷⴷⵉⵙ ⴰⴱⴻⴱⴰ, ⴷⴻⴳ ⵢⵉⵊⵉⴼⴻⵕ ⵏ ⵜⵇⴰⵛⵓⵛⵜ ⵜⵉⵙ 39 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵉⵣⵉⵡⴻⵍ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 25 ⵏ ⵜⴷⵓⴽⵍⵉ.
ⵉⵣⵉⵡⴻⵍ-ⴰ ⵓⵣⵣⵉⴳ ⵏ ⵜⴻⵊⵎⵉⵍⵜ ⵙⵙⵓⴼⴼⵖⴻⵏ-ⵜ-ⵉⴷ ⵢⵉⵎⴻⵥⵍⴰ ⵉⵏⴰⵣⵏⴰⵏⴻⵏ ⵉⵟⴻⵍⵢⴰⵏⵉⵢⴻⵏ ⵢⴻⵔⵏⵓ ⵢⴻⵜⵜⵣⵓⵎⵓⵍ-ⴷ ⴷⴰⵖ « ⴰⵙⴷⵓⵙⵓ ⵏ ⵓⴱⵍⴰⴳ ⴳⴰⵔ ⵟⵟⴻⵍⵢⴰⵏ ⴷ ⵜⴻⴼⵔⵉⵇⵜ, ⴷ ⵡⵉⵏ ⵢⴻⵔⵙⴻⵏ ⵖⴻⴼ ⵜⵎⴰⵙⵉⵜ ⵜⵓⴱⵍⵉⴳⵜ, ⴰⵏⵎⵉⵔⴻⴳ ⴷ ⵓⵎⵢⴻⵣⵔⴰⴽ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ.
ⵜⴰⵏⴻⵎⵖⵓⵔⵜ ⵏ ⵓⵙⵍⴻⴽⵎⴰⵏ ⴰⵟⴻⵍⵢⴰⵏⵉ ⵜⴻⵍⵍⴰ-ⴷ ⴷ ⵜⵉⵏⴻⴱⴳⵉⵜ ⵏ ⵓⵙⴻⵔⵀⵓ ⵏ ⵜⵇⴰⵛⵓⵛⵜ ⵜⵉⵙ 39 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ.
ⴷⴻⴳ ⵢⵉⵏⴰⵡ ⵉ ⴷ-ⵜⴳⴰ, ⴰⵙⵙ ⵏ ⵓⵙⵉⴹⵢⴰⵙ, ⵉⵍⵎⴻⵏⴷ ⵏ ⵓⵔⵥⴰⵎ ⵏ ⵜⵇⴰⵛⵓⵛⵜ-ⴰ, ⴳⵉoⵔⴳⵉⴰ ⵎⴻⵍoⵏⵉ ⵜⴳⴻⵔ-ⴷ ⵜⵉⵖⵔⵉ ⵉ ⵓⵏⵎⵉⵔⴻⴳ ⴷ “ⴰⴷⴻⵜⵜⴰⵏ” ⴳⴰⵔ ⵜⴻⴼⵔⵉⵇⵜ ⴷ ⵟⵟⴻⵍⵢⴰⵏ, ⴷ ⵡⵉⵏ ⴰⵔⴰ ⵢⴻⵔⵙⴻⵏ ⵖⴻⴼ ⵡⴰⵙⵙⴰⵖ ⵏ « ⵓⴳⴰⴷⴷⴰⵢ ⵖⴻⵔ ⵓⴳⴰⴷⴷⴰⵢ », ⵢⴻⵔⵏⵓ ⵜⴻⵙⵙⴽⴻⵏ-ⴷ ⵜⴰⵣⵉⵜⵍⴰ ⵏ ⵜⵎⵓⵔⵜ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵇⵇⵉⵎ ⴷ « ⵜⵉⵍⴻⴳⴳⵉⵜ ⵜⴰⵎⵙⴻⴳⵍⴰⵢⵜ » ⴳⴰⵔ ⵜⵓⵕⵓⴼⵜ ⴷ ⵜⴻⴼⵔⵉⵇⵜ.
ⴰⵙⵙ ⵏ ⵓⵙⵉⵎⵡⴰⵙ, ⵜⴻⵙⵙⴻⵍⵡⵉ ⵜⵙⴻⵍⵡⴰⵢⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵜⴻⴳⴷⵓⴷⴰ ⵜⴰⵟⴻⵍⵢⴰⵏⵉⵜ, ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴰⵙⴻⵍⵡⴰⵢ ⵏ ⴰⵏⴳⵓⵍⴰ, ⵊoⴰo ⵍoⵓⵔⴻⵏ, ⵜⴰⵇⴰⵛⵓⵛⵜ ⵜⴰⴼⵔⵉⵇⵜ-ⵟⵟⴻⵍⵢⴰⵏ ⵜⵉⵙ ⵙⵏⴰⵜ.
ⵜⴰⵇⴰⵛⵓⵛⵜ-ⴰ ⴷ ⵜⵉⵏ ⵎⴰⵏⵉ ⵎⵙⴻⵏⴼⴰⵍⴻⵏ ⵜⵉⵎⵓⵖⵍⵉⵡⵉⵏ ⵢⴻⵔⵏⵓ ⵙⴽⴻⵢⴷⴻⵏ ⴰⵎⵎⴰⴽⴻⵏ ⵏ ⵓⵙⴷⵓⵙⵓ ⵏ ⵓⴱⵍⴰⴳ ⴰⵙⵏⵓⴷⴷⵙⴰⵏ ⵖⴻⴼ ⵍⴻⵃⵙⴰⴱ ⵏ ⵢⵉⴼⵔⴰⵏⴻⵏ ⵏ ⵓⵏⴻⴳⵎⵓ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ.
ⴰⵔⵏⵓ ⵖⴻⵔ
