ⵜⴰⴷⵔⵉⵎⵜ ⵜⴰⵖⴻⵍⵏⴰⵡⵜ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵉ ⵢⵉⵅⴻⴷⴷⴰⵎⴻⵏ ⵢⴻⵜⵜⵡⴰⵅⴻⵍⵚⴻⵏ ⵜⴻⴱⴷⴰⴷ ⵢⵉⵡⴻⵜ ⵏ ⵍⵃⴻⵎⵍⴰ ⵏ ⵓⵙⵃⵓⵍⴼⵓ ⵖⴻⴼ ⵡⴰⵣⴰⵍ ⵏ ⵓⵙⵙⴻⴱⴷⴻⴷ ⵏ ⵢⵉⵅⴻⴷⴷⴰⵎⴻⵏ ⵉ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ.

ⴰⵙⴻⵏⴼⴰⵔ ⴰⵖⴻⵍⵏⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵉ ⵢⵉⵅⴻⴷⴷⴰⵎⴻⵏ ⵢⴻⵜⵜⵡⴰⵅⴻⵍⵚⴻⵏ (CNAS) ⵢⴻⴱⴷⴰⴷ ⴰⵙⵙ ⵏ ⵍⵃⴻⴷⴷ ⵢⵉⵡⴻⵜ ⵏ ⵜⵃⴻⵎⵍⴰ ⵏ ⵓⵙⵃⵓⵍⴼⵓ ⴷⴻⴳ ⵡⴰⴽⴽ ⴰⴽⴰⵍ, ⵢⴻⵔⵏⵓ ⵉⵡⴻⴽⴽⴻⴷⴷ ⵖⴻⴼ ⵡⴰⵣⴰⵍ ⵏ ⵓⵙⴻⴽⵍⴻⵙ ⵏ ⵢⵉⵅⴻⴷⴷⴰⵎⴻⵏ ⵙ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵙ ⵜⵎⴻⵏⴹⴰⵡⵜⴰ: « ⴰⵙⴻⴽⵍⴻⵙ ⵏ ⵢⵉⵅⴻⴷⴷⴰⵎⴻⵏ...ⴰⵃⵓⴷⴷⵓ ⵏ ⵢⵉⵣⴻⵔⴼⴰⵏⵏⵙⴻⵏ ». ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵙⵙⴻⴼⵀⴻⵎⴷ ⴰⵎⴰⵍ ⵏⵧⵓⵔⴰ, ⵜⴰⵎⴰⵙⵍⴰⴹⵜ ⵏ ⵛⵏⴰⵙ, ⴷⴰⴽⴽⴻⵏ ⵜⴰⵃⴻⵎⵍⴰ-ⴰ ⵏ ⵓⵙⵃⵓⵍⴼⵓ, ⴰⵔⴰ ⵢⴻⵇⵇⵉⵎⴻⵏ ⴰⵔⵎⴰ ⴷ ⴰⵙⵙ ⵏ 25 ⵏⵡⴻⵎⴱⴻⵕ, ⵍⴰ ⵜⴻⵜⵜⵉⵍⵉ ⵙ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⵏ ⵓⵏⴻⵖⵍⴰⴼ ⵏ ⵓⵅⴻⴷⴷⵉⵎ, ⵏ ⵓⵙⵙⴻⵎⵔⴻⵙ, ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ.

 ⵉⵙⵡⵉⵏⵏⴻⵙ ⴷ « ⴰⵙⵙⴻⵊⵀⴻⴷ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴷ ⵓⵙⵙⴻⵊⵀⴻⴷ ⵏ ⵡⵓⵙⵙⵉⵙⴻⵏ ⵏ ⵓⵙⵃⵓⵍⴼⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵣⴰⵍ ⵏ ⵓⵙⵙⴻⴽⵍⴻⵙ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵉⵎⵉ ⴰⵢ ⴷⵢⴻⵍⵍⴰ ⵡⴰⵢⴰ ⴷ ⵍⵃⴻⵇⵇ ⵏ ⵓⵚⴰⴹⵓⴼ ⵢⴻⵔⵏⵓ ⴷ ⴰⵍⵍⴰⵍ ⵉⴳⴻⵊⴷⴰⵏⴻⵏ ⵏ ⵓⴹⵎⴰⵏ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵉ ⵢⵉⵅⴻⴷⴷⴰⵎⴻⵏ ». ⵜⴻⵏⵏⴰⴷ ⴷⴰⴽⴽⴻⵏ ⵜⴰⵃⴻⵎⵍⴰⴰ ⵜⴻⵜⵜⵃⴻⵜⵜⵉⵎ ⵉⵎⵙⴻⴼⵜⵉⵢⴻⵏ ⴷ ⵢⵉⵅⴻⴷⴷⴰⵎⴻⵏ ⴷⴻⴳ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵜⵜⵃⴻⵜⵜⵉⵎ ⵉⵅⴻⴷⴷⴰⵎⴻⵏ ⵢⴻⵜⵜⵡⴰⵅⴻⵍⵚⴻⵏ, ⵍⴰⴷⵖⴰ ⵡⵉⴷ ⵓⵔ ⵢⴻⵜⵜⵡⴰⵙⴽⴻⵍⵙⴻⵏ ⴰⵔⴰ ⴷ ⵢⵉⵅⴻⴷⴷⴰⵎⴻⵏ ⵉⵎⴰⵢⵏⵓⵜⴻⵏ. ⵜⴻⵜⵜⵡⴰⵃⴻⵜⵜⴻⵎ ⴷⴰⵖⴻⵏ ⵖⴻⴼ ⵢⵉⵎⴰⵡⵍⴰⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ, ⵜⵉⴽⴻⴱⴱⴰⵏⵉⵢⵉⵏ, ⵜⵉⵃⵓⵏⴰ, ⴷ ⵜⴽⴻⴱⴱⴰⵏⵉⵢⵉⵏ ⵏ ⵜⴽⴻⵔⵔⴰⵣⵜ, ⴷ ⵡⵉⴷ ⴰⵢ ⵉⵅⴻⴷⴷⵎⴻⵏ ⴷⴻⴳ ⵢⵉⵃⵔⵉⵛⴻⵏ ⵏ ⵜⵎⴻⵔⵔⵉⵜ ⵏ ⵢⵉⵙⴻⵍⵎⴰⵏ, ⵏ ⵍⵎⵉⵏⴰ, ⵏ ⵍⴻⴱⵏⵉ, ⵏ ⵍⴻⵇⴷⵉⵛ ⵉⵏⴰⴳⴷⵓⴷⴻⵏ, ⵏ ⵓⵎⴻⵙⵏⵉ, ⴷ ⵢⵉⵡⴻⵥⵍⴰ.

 ⴳⴰⵔ ⵢⵉⵙⵡⴰⵏ ⵏ ⵍⵃⴻⵎⵍⴰⴰ, ⵢⴻⵍⵍⴰⴷ "ⵓⵙⴱⴻⴷⴷ ⵏ ⵢⵉⴷⵍⴻⵙ ⵏ ⵓⵙⴻⴽⵍⴻⵙ ⵏ ⵢⵉⵅⴻⴷⴷⴰⵎⴻⵏ ⵙ ⵓⵏⴰⴳⵔⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴷ ⵓⵙⵏⴻⵔⵏⵉ ⵏ ⵓⵙⵃⵓⵍⴼⵓ ⵏ ⵢⵉⵅⴻⴷⴷⴰⵎⴻⵏ ⵖⴻⴼ ⵍⵃⴻⵇⵇⵏⵙⴻⵏ ⵏ ⵍⵇⴰⵏⵓⵏ ⴷ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵜⵎⵉⴹⵔⴰⵏⵜ ⵏ ⵓⵙⴻⴽⵍⴻⵙ", ⴰⵎ ⵡⴰⴽⴽⴻⵏ ⴰⵔⴰ "ⵙⴼⴻⵀⵎⴻⵏ ⵉⵅⴻⴷⴷⴰⵎⴻⵏ ⵖⴻⴼ ⵢⵉⵣⴻⵔⴼⴰⵏⵏⵙⴻⵏ ⵉⵏⵎⴻⵜⵜⵉⵢⴻⵏ ⴷ ⵡⴰⵢⴻⵏ ⵢⴻⵙⵙⴻⴼⴽⴻⵏ ⴰⴷ ⵙⵇⴻⴷⵛⴻⵏ ⵍⵃⴰⵍⴰⵏⵙⴻⵏ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⴰⴽⴽⴻⵏ ⴰⴷ ⵙⵇⴻⴷⵛⴻⵏ ⵜⴰⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ." ⵜⵉⴳⵔⴰⵡⵉⵏ." ⵉⵙⵡⵉⵏⵏⴻⵙ ⴷⴰⵖ ⴷ « ⴰⵙⵙⴻⴱⵖⴻⵙ ⵏ ⵢⵉⵡⴻⵥⵍⴰ ⴷ ⵜⵜⴰⵡⵉⵍⴰⵜ ⵉⵎⴰⵢⵏⵓⵜⴻⵏ ⴰⵢ ⵢⴻⵍⵍⴰⵏ ⵉ ⵢⵉⵅⴻⴷⴷⴰⵎⴻⵏ, ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⴻⵊⵀⴻⴷ ⵏ ⵍⵍⵙⴰⵙ ⵏ ⵓⵙⴻⴽⵍⴻⵙ ⴷ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⴷ ⵓⵙⵙⴻⵊⵀⴻⴷ ⵏ ⵓⵙⵙⴻⵎⵢⵓⴷⴷⴻⵙ ⴷ ⵢⵉⴳⴻⵏⵙⴰⵙⴻⵏ ⵉⵅⴻⴷⴷⴰⵎⴻⵏ ». 

ⵉ ⵍⵎⴻⵏⴷ ⵏ ⵡⴰⵢⴰ, ⵙⵙⴻⴼⵔⴰⵏ ⴰⴷ ⴷ-ⵉⵍⵉⵏ ⴰⵛⵃⴰⵍ ⵏ ⵢⵉⵔⵎⵓⴷⴻⵏ, ⴰⵎ ⵓⵙⵙⵓⴷⴷⴻⵙ ⵏ ⵡⵓⵙⵙⴰⵏ ⵏ ⵓⵙⵙⴻⵍⵖⵓ ⴷ ⵢⵉⵅⵅⴰⵎⴻⵏ ⵉⵔⴻⵥⵎⴻⵏ ⴷⴻⴳ ⵜⵏⴻⴳⴳⵉⵡⵉⵏ ⵏ ⵜⵡⵉⵍⴰⵢⵉⵏ ⴷ ⵡⴰⵎⵎⴰⵙⴻⵏ ⵏ ⵓⵅⴻⵍⵍⴻⵚ ⴰⵢ ⵢⴻⵇⵇⵏⴻⵏ ⵖⴻⵔ ⵓⵙⴻⵏⴷⵓⵇ-ⴰ, ⴷ ⵜⵓⴽⵛⵉ ⵏ ⵜⴰⵍⵍⵓⵏⵉⵏ ⵉ ⵓⵎⵎⴰⴳⴻⵔ ⵏ ⵢⵉⵎⴰⵀⴰⵍⴻⵏ ⴷ ⵢⵉⵅⴻⴷⴷⴰⵎⴻⵏ ⴷⴻⴳ ⵜⴻⵙⵖⵉⵎⵉⵏ ⴷ ⵜⴻⵎⵚⵓⴽⵉⵏ ⵏ ⵓⵙⴻⵏⴷⵓⵇ-ⴰ. ⵏⵏⵉⴳ ⵡⴰⵢⴰ, ⵍⵍⴰⵏⵜⴷ ⵜⴻⵎⵍⵉⵍⵉⵢⵉⵏ ⵜⵉⵜⴻⴽⵏⵉⵢⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴳⵏⴰⵜⵉⵏ ⵏ ⵓⵙⵙⴻⴱⴷⴻⴷ ⴷ ⵜⴳⴰⵔⴰ ⵏ ⵡⴰⴽⵓⴷ, ⴰⵎ ⵡⴰⴽⴽⴻⵏ ⴰⵢ ⴷⵍⵍⴰⵏⵜ ⵜⵎⴻⵙⴱⴰⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⵏ ⵢⵉⵡⴻⵥⵍⴰ ⵉⵎⴰⴹⵍⴰⵏⴻⵏ ⴰⵢ ⵢⴻⵍⵍⴰⵏ. ⵏⵏⵉⴳ ⵡⴰⵢⴰ, ⵜⵜⵡⴰⵀⴻⵢⵢⴰⵏⴷ yividyuten ⵏ ⵢⵉⵙⴰⵍⴰⵏ, ⵜⵉⴼⴻⵍⵡⵉⵢⵉⵏ ⴷ ⵢⵉⴹⵔⵉⵙⴻⵏ  ⵖⴻⴼ ⵓⵙⴻⵏⵜⴻⵍⴰ, ⵢⴻⵔⵏⴰ ⴱⴷⴰⵏⴷ ⵢⵉⵡⴻⵜ ⵏ ⵍⵃⴻⵎⵍⴰ ⵜⴰⵍⵉⴽⵟⵔⵓⵏⴰⵏⵜ ⵙ ⵢⵉⵙⴻⴱⵜⴰⵔ ⵓⵏⵚⵉⴱⴻⵏ ⵏ Usenfara ⴷ ⵜⵎⴻⵀⵍⴰⵏⵏⴻⵙ ⵏ ⵜⵡⵉⵍⴰⵢⵉⵏ. ⵙⵙⵓⴷⴷⵙⴻⵏⴷ ⴷⴰⵖ ⵜⵉⵔⵣⵉⵡⵉⵏ ⵏ ⵡⴻⵏⵔⴰⵔ ⵖⴻⴼ ⵙⵙⵓⵇ, ⵜⵉⵃⵓⵏⴰ, ⵜⵉⵖⵉⵡⴰⵏⵉⵏ, ⴷ ⵜⴻⵎⵏⴰⴹⵉⵏ ⵏ ⵍⴻⵇⴷⵉⵛ ⴰⴷⴰⵎⵙⴰⵏ, ⴰⵎ ⵡⴰⴽⴽⴻⵏ ⴰⵢ ⴷⵍⵍⴰⵏⵜ ⵜⵉⵔⵣⵉⵡⵉⵏ ⵖⴻⴼ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ, ⵉⵅⴻⴷⴷⴰⵎⴻⵏ ⵏ ⵜⵥⵓⵔⵉ, ⴷ ⵢⵉⵙⴻⴼⵜⵉⵢⴻⵏ ⵏ ⵜⴽⴻⵔⵔⴰⵣⵜ, ⴰⴽⴽⴻⵏ ⴰⴷ ⴷⴼⴽⴻⵏ ⵜⵉⴼⵔⴰⵜⵉⵏ ⴷ ⵜⵎⵓⵖⵍⵉⵡⵉⵏ ⴰⵢ ⵢⴻⵙⵙⴻⴼⴽⴻⵏ.