ⴰⴷⵉⵙ ⴰⴱⴰⴱⴰ (ⵉⵜⵢⵓⴱⵢⴰ) – ⵢⴻⵇⴱⴻⵍ ⵓⴳⵔⴰⵡ ⵓⵏⵏⵉⴳ ⵏ ⵢⵉⵎⵙⴻⵍⵡⴰⵢⴻⵏ ⵏ ⵜⵎⵓⵔⴰ ⴷ ⵜⵏⴻⴱⴱⴰⴹⵉⵏ ⵏ ⵜⴰⴷⵓⴽⴽⵍⵉ ⵜⴰⴼⵔⵉⵇⵉⵜ, ⴰⵙⵙ-ⴰ ⵏ ⵍⵃⴻⴷ ⴷⴻⴳ ⴰⴷⵉⵙ ⴰⴱⴰⴱⴰ, ⵢⵉⵡⴻⵜ ⵏ ⵜⵖⵜⴻⵙⵜ (ⴰⵏⴰⴹ) ⵉ ⵢⴻⵜⵜⴰⵔⵔⴰⵏ ⵜⴰⵙⵎⴻⴳⵍⴰ ⴰⵙⵙⵓⴼⴻⵖ ⵙ ⵓⵊⵊⴻⵀⴻⴷ ⴷ ⵡⴰⵃⴻⵜⵜⴻⵍ ⴷ ⵍⵎⵓⴽⵔⵉⵢⴰ ⵎⴳⴰⵍ ⵜⴼⴻⴳⴰⵏⵉⵜ ⵢⴻⵔⵏⴰ ⴷ ⴰⵏⴳⵓⴹ ⵏ ⵢⵉⵖⴻⵔⴼⴰⵏ ⵎⴳⴰⵍ ⵢⵉⴼⵔⵉⵇⵉⵢⴻⵏ. ⵜⴰⴷⵓⴽⴽⵍⵉ ⵜⴻⴼⴽⴰ ⴰⵣⴰⵍ ⴰⵎⴻⵇⵇⵔⴰⵏ ⵢⴻⵔⵏⴰ ⵜⴻⵛⴽⴻⵔ ⵍⴻⵇⴷⵉⵛ ⵏ ⵍⵣⵣⴰⵢⴻⵔ ⴷⴻⴳ ⵓⵃⵔⵉⵛ-ⴰⴳⵉ.
ⵢⴻⵍⵍⴰ-ⴷ ⵓⵇⴱⴻⵍ ⵏ ⵜⵖⵜⴻⵙⵜ-ⴰⴳⵉ ⴷⴻⴳ ⵡⴰⵙⵙ ⴰⵏⴻⴳⴳⴰⵔⵓ ⵏ ⵜⵎⵍⵉⵍⵉⵜ ⵜⵓⵏⵏⵉⴳⵜ ⵜⵉⵙ 39. ⵙⵙⴻⵊⴷⴻⴷⴻⵏ ⴱⴻⵍⵍⵉ ⵢⴻⵍⵀⴰ ⴰⴷ ⴷⴷⵓⴽⴽⵍⴻⵏⵜ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵙ ⵢⵉⵡⴻⵏ ⵡⴰⵡⴰⵍ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⵇⴱⴻⵍ ⴰⴳⵔⴰⵖⵍⴰⵏ ⵓⵏⵚⵉⴱ ⵖⴻⴼ ⵍⵎⵓⴽⵔⵉⵢⴰⵜ-ⴰⴳⵉ ⵢⴻⴹⵔⴰ-ⴷ ⴷⴻⴳ ⵓⵎⴻⵣⵔⵓⵢ. ⴰⵙⵇⴰⵎⵓ ⴰⴼⵔⵉⵇⵉ ⴰⴷ ⵢⴻⵇⵇⵉⵎ ⵢⴻⵜⵜⵡⴰⵍⵉ ⵜⵉⵎⵙⴰⵍⵜ-ⴰⴳⵉ ⵙ ⵜⵎⵓⵙⵏⵉ ⵜⴰⵎⴻⵇⵇⵔⴰⵏⵜ.
ⵜⴰⴷⵓⴽⴽⵍⵉ ⵜⴰⴼⵔⵉⵇⵉⵜ ⵜⴻⴼⴽⴰ ⵜⴰⵢⵏⵉⵜ ⵉ ⵡⴰⵢⴻⵏ ⵉ ⴷ-ⵢⴻⵍⵍⴰⵏ ⵏ ⵓⵏⴻⴼⵍⵓ ⴷⴻⴳ ⵓⵙⴻⴷⵎⴻⵔ ⵏ ⵢⵉⵏⴰⴹⴻⵏ, ⵍⴰⴷⵯⴰ ⴰⵢⴻⵏ ⵜⴻⴳⴳⴰ ⵍⵣⵣⴰⵢⴻⵔ ⵉⵎⵉ ⵜⴻⴳⴳⴰ ⴰⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ ⵍⵎⵓⴽⵔⵉⵢⴰⵜ ⵏ ⵡⴰⵃⴻⵜⵜⴻⵍ ⴷⴻⴳ ⵜⴼⵔⵉⵇⵜ ⴷⴻⴳ ⵡⴰⴳⴳⵓⵔ ⵏ ⵏⵓⵡⴰⵎⴱⴻⵔ ⴷ ⴷⵓⵊⴰⵎⴱⴻⵔ 2025 ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵢⴻⵍⵀⴰ ⴰⴷ ⴷ-ⵏⴻⵙⵙⴻⴽⵜⵉ ⴱⴻⵍⵍⵉ ⵜⴰⴳⴷⵓⴷⴰ ⵏ ⵟⵟⵓⴳⵓ ⴷ ⵏⴻⵜⵜⴰⵜ ⵉ ⴷ-ⵢⴻⴼⴽⴰⵏ ⴰⵙⵓⵎⴻⵔ ⵏ ⵜⵖⵜⴻⵙⵜ-ⴰⴳⵉ ⵉ ⵢⴻⵔⵔⴰⵏ ⴰⵃⴻⵜⵜⴻⵍ ⴷ ⵜⴰⵙⵎⴻⴳⵍⴰ ⴷ ⵜⴰⵡⴰⵖⵉⵜ ⵎⴳⴰⵍ ⵜⴼⴻⴳⴰⵏⵉⵜ ⴷ ⵓⵎⴻⵣⵔⵓⵢ ⵏ ⵢⵉⴼⵔⵉⵇⵉⵢⴻⵏ.
ⴰⵔⵏⵓ ⵖⴻⵔ
