ⵜⴻⴱⴷⴰ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵏ ⴷⴷⴰⴱⴻⵅ ⵏ ⵓⴹⴰⵔ ⵉⴹⴻⵍⵍⵉ ⵏ ⵍⴻⵜⵏⴰⵢⴻⵏ ⴰⵙⵉⵍⴻⵖ-ⵉⵙ ⴷⵉ ⵟⵟⴰⵍⵢⴰⵏ ⵉⵡⴰⴽⴽⴻⵏ ⴰⴷ ⵜⴻⵀⴻⵢⵢⵉ ⵉ ⵙⵏⴰⵜ ⵏ ⵜⵎⵍⵉⵍⵉⵢⵉⵏ ⵏ ⵜⴷⵓⴽⴽⵍⵉ ⵎⴳⴰⵍ ⴳⵡⴰⵜⵉⵎⴰⵍⴰ ⴰⵙⵙ ⵏ 27 ⵎⴻⵖⵔⴻⵙ 2026 (20:30) ⴷⴻⴳ ⵓⵏⵏⴰⵔ "ⵍⵓⵢⴶⵉ ⴼⴻⵔⵔⴰⵔⵉⵙ" ⴷⵉ ⴶⴻⵏⵓⴰ, ⴷ ⵓⵔⵓⴳⵡⴰⵢ ⴰⵙⵙ ⵏ 31 ⵎⴻⵖⵔⴻⵙ (19:30) ⴷⴻⴳ ⵓⵏⵏⴰⵔ "ⴰⵍⵢⴰⵏⵣ ⵙⵜⴰⴷⵢⵓⵎ" ⴷⵉ ⵜⵓⵔⵉⵏⵓ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵓⵀⴻⵢⵢⵉ ⵏ ⵜⴰⴱⵓⵛⵉⵍⵜ ⵏ ⴷⴷⵓⵏⵉⵜ 2026, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵓⴷⴷⵙⴰ ⵜⴰⵣⵣⴰⵢⵔⵉⵜ ⵏ ⴷⴷⴰⴱⴻﺨ ⵏ ⵓⴹⴰⵔ (FAF).
ⵢⴻⵏⵏⴰ-ⴷ ⵡⴰⵍⵖⵓ ⴱⴻⵍⵍⵉ ⴰⴽⴽ ⵢⵉⵎⵢⵓⵔⴰⵔⴻⵏ ⵉ ⴷ-ⵜⴻⵙⵙⴰⵡⴻⵍ ⵜⴻⵔⴱⴰⵄⵜ ⵡⵡⴹⴻⵏ-ⴷ ⵉⴹⴻⵍⵍⵉ ⵏ ⵍⴻⵜⵏⴰⵢⴻⵏ ⵖⴻⵔ ⵜⵓⵔⵉⵏⵓ. ⵜⵉⴽⴽⵍⵉ ⵜⴰⵎⴻⵣⵡⴰⵔⵓⵜ ⵏ ⵓⵙⵉⵍⴻⵖ ⵜⴻⵍⵍⴰ-ⴷ ⴷⴻⴳ ⵡⴰⵎⵎⴰⵙ ⵏ ⵓⵙⵉⵍⴻⵖ ⵏ "ⵢⵓⴼⴻⵏⵜⵓⵙ" ⴷⵉ ⴼⵉⵏⵓⴼⵓ. ⴰⵏⴻⵍⵎⴰⴷ ⴰⵖⴻⵍⵏⴰⵡ ⴼⵍⴰⴷⵉⵎⵉⵔ ⴱⴻⵜⴽⵓⴼⵉⵜⵛ ⵢⴻⴱⴹⴰ ⵢⵉⵎⵢⵓⵔⴰⵔⴻⵏ ⵖⴻⴼ ⵙⵏⴰⵜ ⵏ ⵜⴻⵔⴱⴰⵄⵉⵏ. ⴰⵏⵉⵙ ⵃⴰⴊ ⵎⵓⵙⴰ ⵓⵔ ⵢⴻⴽⴽⵉ ⴰⵔⴰ ⴷⴻⴳ ⵓⵙⵉⵍⴻⵖ ⵉⵎⵉ ⵢⴻⴶⵔⴻⵃ, ⴷ ⵀⵉⵛⴰⵎ ⴱⵓⴷⴰⵡⵉ ⴷⴰⵖⴻⵏ ⵓⵔ ⵢⴻⴽⴽⵉ ⴰⵔⴰ ⵉⵎⵉ ⵢⴻⵀⵍⴻⴽ ⵙ ⵡⴰⴷⵓ (tazlaffat).
ⴷⴻⴳ ⵡⴰⵙⵉⵍⴻⵖ-ⴰⴳⵉ, ⴰⵏⴻⵍⵎⴰⴷ ⴰⵖⴻⵍⵏⴰⵡ ⵢⴻⵙⵙⴰⵡⴻⵍ ⵉ 27 ⵏ ⵢⵉⵎⵢⵓⵔⴰⵔⴻⵏ, ⴳⴰⵔ-ⴰⵙⴻⵏ ⵙⴹⵉⵙ (6) ⵏ ⵢⵉⵙⵎⴰⵡⴻⵏ ⵉⵎⴰⵢⵏⵓⵜⴻⵏ: ⴽⵉⵍⵢⴰⵏ ⴱⴻⵍⵄⴻⵣⵓⴶ, ⵎⴰⵍⴼⵉⵏ ⴼⴰⵢⵚⴰⵍ ⵎⴰⵙⵜⵉⵍ, ⴰⵛⵔⴰⴼ ⵄⴻⴱⴱⴰⴷⴰ, ⵄⴰⴷⴻⵍ ⵄⵓⵛⵉⵛ, ⴰⵃⵎⴻⴷ ⵏⴰⴷⵉⵔ ⴱⴻⵏ ⴱⵓⵄⴰⵍⵉ ⴷ ⴼⴰⵔⴻⵙ ⵖⴻⵎⵉⵙ.
"ⵉⵣⴻⴳⵣⴰⵡⴻⵏ" ⴰⴷ ⵓⵔⴰⵔⴻⵏ ⵜⵉⵎⵍⵉⵍⵉⵜ ⵏⵏⵉⴹⴻⵏ ⵏ ⵜⴷⵓⴽⴽⵍⵉ ⴰⵙⵙ ⵏ 3 ⵢⵓⵏⵢⵓ ⵎⴳⴰⵍ ⵀⵓⵍⴰⵏⴷⴰ ⴷⵉ ⵔⵓⵜⴻⵔⴷⴰⵎ. ⴷⴻⴼⴼⵉⵔ ⴰⴷ ⵔⵓⵃⴻⵏ ⵖⴻⵔ ⵜⴰⵎⵔⵉⴽⵜ (USA) ⵉⵡⴰⴽⴽⴻⵏ ⴰⴷ ⴽⴽⴻⵏ ⴷⴻⴳ ⵜⴰⴱⵓⵛⵉﻠⵜ ⵏ ⴷⴷⵓⵏⵉⵜ, ⴰⵏⴷⴰ ⵍⴻⵣⵣⴰⵢⴻⵔ ⵜⴻⵍⵍⴰ ⴷⴻⴳ ⵜⴻⵔⴱⴰⵄⵜ (Group J) ⴰⴽⴽⴻⴷ ⵍⴰⵔⴶⴻⵏⵜⵉⵏ, ⵍⵓⵜⵔⵉⵛ ⴷ ⵍⵓⵔⴷⵓⵏ.
ⴰⵔⵏⵓ ⵖⴻⵔ
