ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ "ⵚⴰⵢⴷⴰⵍ" (Saidal), ⵢⵓⵏⴻⵙ ⴱⵓⵄⴻⵔⵄⴰⵔⴰ, ⵢⴻⵎⵍⴰⵍ ⴰⵙⵙ-ⴰ ⵏ ⵓⵜⵍⴰⵢⴰ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⴷ ⵓⵙⴻⴼⴼⵉⵔ ⵏ ⵜⴻⴳⴷⵓⴷⴰ ⵏ ⵏⵏⵉⵊⴻⵔ, ⴰⵎⵉⵏⵓ ⵎⴰⵍⴰⵎ ⵎⴰⵏⵣⵓ. ⵎⵙⴻⴼⵀⴰⵎⴻⵏ ⵉⵡⴰⴽⴽⴻⵏ ⴰⴷ ⵙⵙⴻⵊⵀⵉⴷⴻⵏ ⴰⵎⵢⴰⵡⴰⵙ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵃⵔⵉⵛ ⵏ ⵜⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ
ⴷⴻⴳ ⵓⴳⵔⴰⵡ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵓⵇⴻⵔⵔⵓ ⵏ ⵚⴰⵢⴷⴰⵍ, ⵡⴰⵍⴰⵏ ⴰⴱⵔⵉⴷ ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⵉⵙⴰⴼⴰⵔⴻⵏ ⵏ ⵍⵙⴰⵙ ⵉ ⴷ-ⵜⴻⴼⴼⴻⵖ ⵍⴻⵣⵣⴰⵢⴻⵔ ⵉ ⵜⵎⵓⵔⵜ ⵏ ⵏⵏⵉⵊⴻⵔ, ⴰⴽⴽⴻⵏ ⵉ ⵜ-ⵉⴷ-ⵙⵙⵓⵜⵔⴻⵏ ⵢⵉⵎⴹⴻⴱⴱⵔⴻⵏ ⵏ ⵏⵏⵉⵊⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵓⵇⴰⴷⴻⵔ ⵏ ⵍⵓⵎⵓⵔ ⵏ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵎⵢⴰⵡⴰⵙ ⵏ ⵍⵙⴰⵙ (stratégique) ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⵊⴻⵔ.
ⵡⴰⵍⴰⵏ ⴷⴰⵖⴻⵏ ⴰⴱⵔⵉⴷ ⵏ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷ ⵜⵜⴻⴽⵏⵓⵍⵓⵊⵉⵜ ⵜⴰⵍⴻⵣⵣⴰⵢⵔⵉⵜ ⴷⴻⴳ ⵓⵃⵔⵉⵛ ⵏ ⵢⵉⵙⴰⴼⴰⵔⴻⵏ ⵉ ⵡⵉⴷ ⵏ ⵏⵏⵉⵊⴻⵔ, ⴰⴽⴽⴻⴷ ⵓⵙⵉⵍⴻⵖ (training) ⵏ ⵢⵉⵅⴻⴷⴷⴰⵎⴻⵏ ⵏ ⵏⵏⵉⵊⴻⵔ. ⵙⵙⴻⴳⵣⴰⵏ-ⴷ ⴷⴰⵖⴻⵏ ⴱⴻⵍⵍⵉ ⵚⴰⵢⴷⴰⵍ ⵜⴻⵣⵎⴻⵔ ⴰⴷ ⵜⴻⵙⵙⵓⴼⴻⵖ ⵉⵙⴰⴼⴰⵔⴻⵏ ⵉ ⵙⵙⵓⵇ ⵏ ⵏⵏⵉⵊⴻⵔ ⴷⴻⴳ ⵡⴰⵎⵎⴰⵙⴻⵏ-ⵉⵙ ⴷⵉ ⵍⴻⵣⵣⴰⵢⴻⵔ, ⴰⵔⵎⵉ ⵉ ⴷ-ⴱⵏⴰⵏ ⵜⵉⵎⵓⵔⵙⵉⵡⵉⵏ-ⵏⵙⴻⵏ ⴷⵉ ⵏⵏⵉⵊⴻⵔ.
ⴱⵓⵄⴻⵔⵄⴰⵔⴰ ⵢⴻⵙⵙⴻⴼⴻⴼ-ⴷ ⵢⵉⵙⴻⵏⴼⴰⵔⴻⵏ ⵏ ⵚⴰⵢⴷⴰⵍ ⵉⵡⴰⴽⴽⴻⵏ ⴰⴷ ⴹⴻⵎⵎⵏⴻⵏ ⵍⵃⴻⵔⵎⴰ ⵜⴰⵚⴰⵢⴷⴰⵍⵉⵜ ⵢⴻⵔⵏⴰ ⴰⴷ ⵙⵙⴻⵡⵙⵉⵄⴻⵏ ⴰⴼⴰⵔⴻⵙ ⴰⵍⴻⵣⵣⴰⵢⵔⵉ ⴷⴻⴳ ⵙⵙⵓⵇ ⵏ ⵜⴻⴼⵔⵉⵇⵜ.
ⴷⴻⴳ ⵜⴰⴳⴰⵔⴰ, ⵎⵙⴻⴼⵀⴰⵎⴻⵏ ⴰⴷ ⵙⴱⴻⴷⴷⴻⵏ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵓⵎⴰⵀⵉⵍ ⵢⴻⵣⴷⵉⵏ ⵉⵡⴰⴽⴽⴻⵏ ⴰⴷ ⴹⴻⴼⴼⵔⴻⵏ ⵍⴻⵛⵢⴰⵍ-ⴰⴳⵉ, ⵢⴻⵔⵏⴰ ⴰⴷ ⵙⵙⴻⵀⵡⴻⵏⴻⵏ ⵍⵓⵎⵓⵔ ⵏ ⵍ-ⵉⴷⴰⵔⴰ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵎⵢⴰⵡⴰⵙ-ⴰⴳⵉ ⴷ ⴰⵎⴰⵀⵉⵍ ⵏ ⵜⵉⴷⴻⵜ ⵉ ⵍⴼⴰⵢⴷⴰ ⵏ ⵍⴰⵎⴰⵏ ⵏ ⵜⴻⵣⵎⴻⵔⵜ ⴷⴻⴳ ⵜⵎⴰⵏⴰⴹⵜ-ⴰⴳⵉ.
ⴰⵔⵏⵓ ⵖⴻⵔ
