ⵙ ⵜⴻⴳⵎⴻⵔⵜ ⵏ ⵓⵙⴻⵍⵡⴰⵢ ⵏ ⵜⴳⴷⵓⴷⴰ ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⴰⵏⴻⵖⵍⴰⴼ ⴰⵎⴻⵣⵡⵓⵔⵓ ⵎⴰⵙ ⵙⵉⴼⵉ ⵖⴰⵔⵉⴱ, ⵢⴻⵔⵣⴰ ⴰⵙⵙ-ⴰ ⵏ ⵍⴻⵜⵏⵉ ⵖⴻⵔ ⵜⵡⵉⵍⴰⵢⴻⵜ ⵏ ⵙⵓⵇ ⴰⵀⵔⴰⵙ ⵉⵡⴰⴽⴽⴻⵏ ⴰⴷ ⵉⵜⴰⴱⴰⵄ ⵍⴻⵛⵖⴰⵍ ⵏ ⵓⵙⵎⴰⵢⵏⵓ ⴷ ⵓⵙⴼⴰⵍⵉ ⵏ ⵓⴱⵔⵉⴷ ⵏ ⵓⴼⵓⵙ ⵏ ⵓⵣⵣⴰⵍ (chemin de fer) ⵏ ⵓⵛⴻⵔⵇ, ⵢⵉⵡⴻⵏ ⵓⵙⴻⵏⴼⴰⵔ ⴰⵙⵜⵔⴰⵜⵉⵊⵉ ⵉ ⵜⵎⴻⵏⵏⴰⴹⵜ.
ⴰⴱⵔⵉⴷ-ⴰ ⵢⴻⴱⴷⴰ ⵙⵉ ⵄⴻⵏⵏⴰⴱⴰ ⵢⴻⵜⵄⴻⴷⴷⵉ ⵖⴻⴼ ⴱⵓⵛⵇⵓⴼ, ⵜⴱⴻⵙⵙⴰ ⴷ ⵊⴱⴻⵍ ⵏ ⵍⵄⵓⵏⵉ ⴰⵍⴰⵎⵎⴰ ⴷ ⴱⵍⴻⴷ ⵍⵃⴰⴷⴱⴰ, ⵙ ⵜⴻⵖⵣⵉ ⵏ 422 ⴽⵎ. ⵢⵉⵙⵡⵉ-ⵉⵙ ⴷ ⴰⵙⵏⴻⵔⵏⵉ ⵏ ⵜⵎⴻⵙⴽⵉⵡⵜ ⵏ ⵓⵙⵉⵡⴻⴹ ⵏ ⵍⴱⴰⴹⴰⵢⴻⵄ ⴷ ⵢⵉⵎⴻⵣⴷⴰⵖ ⵙ ⵍⴰⵎⴰⵏ.
ⴰⵏⴻⵖⵍⴰⴼ ⴰⵎⴻⵣⵡⵓⵔⵓ ⵉⵡⴰⵍⴰ ⵍⵇⴰⵏⵜ (section) ⵏ ⴱⵓⵛⵇⵓⴼ-ⴷⴷⵔⵉⵄⴰ (121 ⴽⵎ), ⴰⵏⴷⴰ ⵢⴻⵍⵍⴰ ⵓⵏⴼⵉⴼ (tunnel) ⵡⵉⵙ 8 ⵉ ⵢⴻⵙⵄⴰⵏ 2175 ⵎⵉⵜⵔⴰ ⴷ ⵓⴳⵏⵉⴼ (pont) ⵡⵉⵙ 39 ⵉ ⵢⴻⵙⵄⴰⵏ 1354.2 ⵎⵉⵜⵔⴰ.
ⴷⴻⴳ ⵜⵎⴻⵔⵔⴻⵖ-ⴰ, ⴰⵏⴻⵖⵍⴰⴼ ⴰⵎⴻⵣⵡⵓⵔⵓ ⵢⴻⵙⵙⴻⴷⵔⴻⵄ ⴱⴻⵍⵍⵉ ⴰⵙⴻⵏⴼⴰⵔ-ⴰ ⴷ ⵔⴰⴼⵄⴰ ⵉ ⵜⴷⴰⵎⵙⴰ ⵏ ⵓⵛⴻⵔⵇ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⴽⴼⵓ ⵓⵇⴱⴻⵍ ⵜⵉⴳⴰⵔⴰ ⵏ ⵓⵙⴻⴳⴳⴰⵙ-ⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴳⴷⵓⴷⴰ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵎⵙⴰⴷⴰ (coordination) ⴳⴰⵔ ⴰⴽⴽ ⵢⵉⵃⵔⵉⵇⴻⵏ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵅⴻⴷⴷⵉⵎ ⵙ ⵍⵇⵉⵎⴰ ⵜⴰⵄⵍⴰⵢⴰⵏⵜ.
ⵢⴻⴷⴷⴰ ⴷ ⵓⵏⴻⵖⵍⴰⴼ ⴰⵎⴻⵣⵡⵓⵔⵓ: ⴰⵏⴻⵖⵍⴰⴼ ⵏ ⴷⴰⵅⴻⵍ ⴷ ⵓⵙⵉⵡⴻⴹ ⵎⴰⵙ ⵙⵄⵉⴷ ⵙⵄⵢⵓⴷ, ⴰⵏⴻⵖⵍⴰⴼ ⵏ ⵍⴻⵛⵖⴰⵍ ⵉⵎⴰⵜⴰⵢⴻⵏ ⵎⴰⵙ ⵄⴰⴱⴷⴻⵍⵇⴰⴷⴻⵔ ⵊⴻⵍⵍⴰⵡⵉ, ⴷ ⵓⵏⴻⵖⵍⴰⴼ ⵏ ⵉⵎⵓⵊⴰⵀⴻⴷⵉⵏ ⵎⴰⵙ ⵄⴰⴱⴷⴻⵍⵎⴰⵍⴻⴽ ⵜⴰⵛⵔⵉⴼⴻⵜ.
