ⴰⵏⴻⵖⵍⴰⴼ ⵏ ⵓⵙⴻⴷⵡⴻⵍ ⵏ ⵢⴻⵖⵍⴰⵏⴻⵏ, ⵎⵓⵃⴰⵎⴻⴷ ⵚⵖⵉⵔ ⵙⴰⵄⴷⴰⵡⵡⵉ, ⵉⵡⴻⴽⴽⴻⴷ-ⴷ ⵖⴻⴼ ⵡⴰⵣⴰⵍ ⵏ ⵓⵀⴻⵢⵢⵉ ⵓⵇⴱⴻⵍ ⵍⵡⴻⵇⵜ ⵉ ⵢⵉⵎⴽⴰⵏ ⵏ ⵢⵉⴽⴰⵢⴰⴷⴻⵏ ⴷ ⵡⵉⴷ ⵏ ⵓⵙⴻⴳⴳⴻⴹ, ⵢⴻⵔⵏⴰ ⵢⴻⵙⵎⴻⴽⵜⴰ-ⴷ ⴰⵢⴻⵏ ⵉ ⵢⴻⵅⵓⵚⵚⴻⵏ ⴷⴻⴳ ⵓⵙⴻⴳⴳⴰⵙ ⵏ 2025.
ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⵖⴻⵍⵏⴰⵡⵜ ⵙ ⵜⴽⵉⵏⵓⵍⵓⵊⵉⵜ ⵏ ⵓⵜⴰⴹⴻⵔ ⵖⴻⴼ ⵓⴱⵄⵉⴷ ⵉ ⵢⴻⵅⴷⴻⵎ ⵉⴹⴻⵍⵍⵉ ⵏ ⵍⵃⴻⴷⴷ, ⵙⴰⵄⴷⴰⵡⵡⵉ ⵢⴻⵏⵏⴰ-ⴷ ⴱⴻⵍⵍⵉ ⴰⵀⴻⵢⵢⵉ ⵏ ⵢⵉⵎⴽⴰⵏ-ⴰⴳⵉ ⴷ ⴰⵢⴻⵏ ⵢⴻⵙⵙⴻⴼⴽⴻⵏ ⵎⵍⵉⵃ. ⵢⴻⵙⵙⵓⵜⴻⵔ ⴰⴷ ⵍⴷⵉⵏ ⵢⵉⵙⵓⴷⴰⵔ ⵏ ⵓⵙⴻⴷⵡⴻⵍ ⵉ ⴷ-ⵢⴻⵣⵣⵉⵏ ⵉ ⵢⵉⵎⴽⴰⵏ ⵏ ⵢⵉⴽⴰⵢⴰⴷⴻⵏ ⵉⵡⴰⴽⴽⴻⵏ ⴰⴷ ⵙⵜⴻⵄⴼⵓⵏ ⵢⵉⵏⴻⵍⵎⴰⴷⴻⵏ, ⵍⴰⴷⵖⴰ ⵡⵉⴷ ⵉ ⴷ-ⵢⵓⵙⴰⵏ ⵙⴻⴳ ⵍⴻⴱⵄⵉⴷ, ⵢⴻⵔⵏⴰ ⴰⴷ ⵀⴻⵢⵢⵉⵏ ⵉⵎⴽⴰⵏ ⵏ ⵓⵙⴻⴳⴳⴻⴹ ⵉⵡⴰⴽⴽⴻⵏ ⴰⴷ ⵉⵍⵉⵏ ⵢⵉⵙⴻⵍⵎⴰⴷⴻⵏ ⴷⴻⴳ ⵍⵡⴰⵃⴰ-ⵏⵙⴻⵏ.
ⵖⴻⴼ ⵓⵃⵔⵉⵛ ⵏ ⵓⵙⴻⴳⴳⴻⵎ , ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⴰⴷ ⵢⵉⵍⵉ ⵓⵎⵢⴰⵡⴰⵙ ⴳⴰⵔ ⵢⵉⵎⴻⵀⵍⴰⵢⴻⵏ ⵏ ⵓⵙⴻⴷⵡⴻⵍ ⴷ ⵢⵉⵎⴻⵀⵍⴰⵢⴻⵏ ⵏ ⵜⴻⵙⴻⴹⵡⴰ ⵢⴻⵍⵡⴰⵢⴻⵏ ⵏ ⵓⵙⴻⴳⴳⴻⵎ ⵏ ⵢⵉⵙⴻⵍⵎⴰⴷⴻⵏ (ENS). ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⴰⴷ ⵔⵣⵓⵏ ⵖⴻⵔ ⵢⵉⵙⵓⴷⴰⵔ-ⴰⴳⵉ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⵍⵉⵃⴰⵍⴰ ⵏ ⵓⵙⴻⴳⴳⴻⵎ ⴷ ⵡⴰⵎⴻⴽ ⴰⵔⴰ ⴷ-ⴼⴼⵖⴻⵏ ⵢⵉⵙⴻⵍⵎⴰⴷⴻⵏ ⵏ ⵢⵉⵎⴰⵍ ⵙ ⵡⴻⵙⵙⴻⵏ ⵉ ⵢⴻⵙⵙⴻⴼⴽⴻⵏ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⴰⵏⴻⵖⵍⴰⴼ ⵢⴻⴱⵔⴻⵃ-ⴷ ⴱⴻⵍⵍⵉ ⴼⴼⵖⴻⵏ-ⴷ ⵢⵉⴹⵔⵉⵙⴻⵏ ⵏ ⵓⵙⵏⴻⴼⵍⴻⴷ ⵉⴽⴻⵍⴼⴻⵏ ⵙ ⵓⴽⴰⵢⴰⴷ ⵏ ⵓⵙⵙⴻⵅⴷⴻⵎ ⵏ ⵍⴻⵎⵅⴻⴷⵔⴰⵜ ⴷ ⴷⴷⵡⴰⵡⵉ ⵏ ⵓⵇⴰⵔⵔⵓ ⴷⴰⵅⴻⵍ ⵏ ⵢⵉⵙⵓⴷⴰⵔ ⵏ ⵓⵙⴻⴷⵡⴻⵍ. ⵢⴻⵏⵏⴰ-ⴷ ⴱⴻⵍⵍⵉ ⴰⵎⴻⴽ ⴰⵔⴰ ⵢⴻⴷⵔⵓ ⵓⵢⴰ ⴰⴷ ⴷ-ⵢⴻⴼⴼⴻⵖ ⵍⴻⵅⴱⴰⵔ-ⵉⵙ ⵙⵢⵉⵏ ⴷ ⴰⴼⴻⵍⵍ.
ⴰⵔⵏⵓ ⵖⴻⵔ
