ⴰⵎⵎⴻⵙⵍⴰⵢ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ, ⵙⵜⵉⴼⴰⵏ ⴷⵓⵊⴰⵔⵉⴽ, ⵉⵙⴱⴻⴳⴳⴻⵏ-ⴷ ⵉⴹⴻⵍⵍⵉ ⵏ ⵡⴰⵙⵙ ⵏ ⵡⴰⵔⵉⵎ (ⵍⴻⵜⵏⵉⵢⴻⵏ) ⵍⵖⵉⴷ ⴰⵎⴻⵇⵇⵔⴰⵏ ⵖⴻⴼ ⵍⵎⵉⵃⵏⴰ ⵏ ⵢⵉⵎⴻⵣⴷⴰⵖ ⵉ ⴷ-ⵢⴻⵜⵜⴰⵣⵣⴰⵍⴻⵏ ⴷⴻⴳ ⵜⵍⴻⵎⵎⴰⵙⵜ ⵏ ⵓⵎⴻⵏⵏⵓⵖ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵉⵏ ⵏ ⴷⴰⵔⴼⵓⵔ ⴷ ⴽⵓⵔⴷⵓⴼⴰⵏ ⴷⴻⴳ ⵙⵓⴷⴰⵏ.
ⴷⵓⵊⴰⵔيك ⵉⵄⴰⵡⴻⴷ-ⴷ ⵜⵉⵖⵔⵉ ⵉⵡⴰⴽⴽⴻⵏ ⴰⴷ ⵜⵜⵓⵃⴻⴷⵔⴻⵏ ⵢⵉⵎⴻⵣⴷⴰⵖ ⵢⴻⵔⵏⴰ ⴰⴷ ⵢⴻⵙⵙⴻⵀⴻⵍ ⵓⴱⵔⵉⴷ ⵉ ⵍⴻⵎⵄⴰⵡⵏⴰ ⵜⴰⵏⴼⵓⴳⴰⵏⵜ ⴰⴷ ⵜⴰⵡⴻⴹ ⵓⵔ ⵜⴻⵃⴱⵉⵙ ⵖⴻⵔ ⵢⴰⵍ ⵜⴰⵎⵏⴰⴹⵜ ⵢⴻⵏⵏⵓⴹⵏⴻⵏ. ⵉⵡⴻⴽⴽⴻⴷ-ⴷ ⴱⴻⵍⵍⵉ ⵓⴼⵓⵖ ⵏ ⵜⴰⵍⵍⴻⵍⵜ ⵙ ⵜⵎⴻⵖⵔⵓⴷⵜ ⴷ ⴰⵢⴻⵏ ⵉⵍⴰⵇⴻⵏ ⵉⵡⴰⴽⴽⴻⵏ ⴰⴷ ⵜⵜⵓⵙⴻⵍⵍⴽⴻⵏ ⵢⵉⵎⴰⵏⴻⵏ ⵢⴻⵔⵏⴰ ⴰⴷ ⵢⴻⵃⴱⴻⵙ ⵓⵅⵔⵉⴱ ⵏ ⵍⵃⴰⵍⴰ ⵜⴰⵏⴼⵓⴳⴰⵏⵜ.
ⵙⴻⴳ ⵜⴰⵎⴰ-ⵙ, ⴰⵎⵎⴰⵙ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵙⴰⵍ ⵜⵉⵏⴼⵓⴳⴰⵏⵉⵏ ⴷⴻⴳ ⵙⵓⴷⴰⵏ ⵉⵙⴱⴻⴳⴳⴻⵏ-ⴷ ⵍⵖⵉⴷ-ⵉⵙ ⵖⴻⴼ ⵜⴻⵏⴼⵓⵜⵉⵏ (ⵍⴻⵅⴱⴰⵔⴰⵜ) ⵏ ⵢⵉⵏⵉⵜⵉⵎⴻⵏ ⵙ ⵢⵉⵎⵙⴰⴼⴳⴻⵏ ⵓⵔ ⵏⴻⵙⵄⵉ ⴰⵎⴻⵙⵢⴰⴼⴻⴳ (drones) ⵖⴻⴼ ⵜⴻⵎⴷⵉⵏⵜ ⵏ ⴷⵉⵍⵍⵉⵏⴳ ⴷⴻⴳ ⵓⵏⵥⵓⵍ ⵏ ⵙⵓⴷⴰⵏ, ⵉ ⴷⴻⴳ ⵎⵎⵓⵜⴻⵏ ⵢⴻⵔⵏⴰ ⵜⵜⵓⵊⴻⵔⵃⴻⵏ ⵢⵉⵎⴻⵣⴷⴰⵖ, ⵢⴻⵔⵏⴰ ⵢⴻⵡⴻⵚⵚⴰ-ⴷ ⴱⴻⵍⵍⵉ ⴰⴽⴽ ⴰⴳⵉ ⴰⴷ ⵢⴻⵣⴷⴻⴳ ⵍⵎⵉⵃⵏⴰ ⵏ ⵍⵖⴰⵛⵉ ⵉ ⵢⴻⵃⵚⴻⵔⵏ ⴷⴻⴳ ⵜⴻⵎⴷⵉⵏⵜ.
ⵜⴰⵊⵎⵓⵄⵜ ⵏ ⵢⵉⵎⴻⵊⵊⴰⵢⴻⵏ ⵏ ⵙⵓⴷⴰⵏ ⵜⴻⵡⴻⵚⵚⴰ-ⴷ ⴰⵙⵙ ⵏ ⵙⵙⴻⴱⵜ ⵉⵄⴻⴷⴷⴰⵏ ⵖⴻⴼ ⵢⵉⵡⴻⵜ ⵏ ⵍⵎⵓⵙⵉⴱⴰ ⵏ ⵜⴻⵣⵎⴻⵔⵜ ⴷ ⵜⵏⴻⴼⴳⴰⵏⵜ ⵉ ⴷ-ⵢⴻⵜⵜⴰⵣⵣⴰⵍⴻⵏ ⴷⴻⴳ ⴷⵉⵍⵍⵉⵏⴳ, ⵉⵎⵉ ⵉⵖⴰⵍⵍⴻⵏ ⵏ "RSF" ⵃⵚⴻⵔⵏ ⵜⴰⵎⴷⵉⵏⵜ-ⴰⴳⵉ ⵢⴻⵔⵏⴰ ⴽⴽⴰⵜⴻⵏ-ⵜⵜ ⵙ ⵔⵚⴰⵚ ⵉⵊⴻⵀⴷⴻⵏ. ⵙⴻⴳ ⵢⵉⴳⴳⵓⵔⴻⵏ ⵉⵎⴻⵏⵣⵓⵜⴻⵏ ⵏ ⵓⵎⴻⵏⵏⵓⵖ, ⵜⵉⵎⴷⵉⵏⵉⵏ ⵏ ⴷⵉⵍⵍⵉⵏⴳ ⴷ ⴽⴰⴷⵓⴳⵍⵉ ⵍⵍⴰⵏⵜ ⴷⴻⴳ ⵍⵃⵉⵚⴰⵔ ⴷ ⵢⵉⵏⵉⵜⵉⵎⴻⵏ ⵏ ⵔⵚⴰⵚ ⴷ ⵢⵉⵎⵙⴰⴼⴳⴻⵏ (drones).
ⵜⵉⵎⵏⴰⴹⵉⵏ ⵏ ⴽⵓⵔⴷⵓⴼⴰⵏ (ⴰⴳⴰⴼⴰ, ⴰⵎⴰⵍⵓ ⴷ ⵓⵏⵥⵓⵍ) ⵣⴻⵔⴳⴻⵏⵜ-ⴷ ⴰⵢⵢⴰⵎⴻⵏ-ⴰⴳⵉ ⴰⵎⴻⵏⵏⵓⵖ ⵉⵊⴻⵀⴷⴻⵏ ⴳⴰⵔ ⵍⵄⴻⵙⴽⴻⵔ ⴷ ⵢⵉⵖⴰⵍⵍⴻⵏ ⵏ "RSF", ⴷ ⴰⵢⴻⵏ ⵉ ⵢⴻⵊⵊⴰⵏ ⵄⴻⵛⵔⴰⵜ ⵏ ⵍⵓⵍⵓⴼ ⵏ ⵢⵉⵙⵓⴷⴰⵏⵉⵢⴻⵏ ⴰⴷ ⵔⴻⵡⵍⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ.
ⵙⴻⴳ ⵢⴻⴱⵔⵉⵔ 2023, ⵜⴰⵎⵓⵔⵜ ⵜⴻⵣⴷⴻⴳ ⴷⴻⴳ ⵓⵎⴻⵏⵏⵓⵖ ⵏ ⵔⵚⴰⵚ ⴳⴰⵔ ⵍⵄⴻⵙⴽⴻⵔ ⵏ ⵙⵓⴷⴰⵏ ⴷ ⵢⵉⵖⴰⵍⵍⴻⵏ ⵏ "RSF", ⴷ ⴰⵢⴻⵏ ⵢⴻⵏⵖⴰⵏ ⵄⴻⵛⵔⴰⵜ ⵏ ⵍⵓⵍⵓⴼ ⵢⴻⵔⵏⴰ ⵢⴻⵊⵊⴰ ⵉⵎⴻⵍⵢⴰⵏ ⵏ ⵎⴻⴷⴷⴻⵏ ⴰⴷ ⵔⴻⵡⵍⴻⵏ.
ⴰⵔⵏⵓ ⵖⴻⵔ
