ⵜⴻⴷⴷⵓⵏ ⵢⵉⵏⴰⵏ ⴷⴻⴳ ⵙⴱⴻⵏⵢⵓⵍ ⵖⴻⴼ ⵓⵣⴻⵟⵟⴰ ⴰⴳⵔⴻⵖⵍⴰⵏ ⵏ ⵓⵙⵓⴼⴼⴻⵖ ⵓⴼⴼⵉⵔ ⵏ ⵙⵙⴻⵎ ⵙⴻⴳ ⵍⵎⴻⵔⵔⵓⴽ ⵖⴻⵔ ⵙⴱⴻⵏⵢⵓⵍ ⴷ ⵜⵓⵔⵓⴼⵜ ⵙ ⵓⴱⵔⵉⴷ ⵏ "ⵓⴼⵓⵇⵇⴰⵙ ⵓⴼⴼⵉⵔ" ⵉ ⴷ-ⵓⴼⴰⵏ ⵓⵙⵙⴰⵏ-ⴰⴳⵉ ⴷⴻⴳ ⵜⴻⵎⴷⵉⵏⵜ ⵏ ⵙⴻⴱⵜⴰ. ⵉⵎⵓⵀⴻⵍⵍⴻⵏ ⵏ ⵜⵎⴰⵏⴻⴳⵜ ⵏ ⵙⴱⴻⵏⵢⵓⵍ ⵎⵍⴻⵏ-ⴷ ⴱⴻⵍⵍⵉ ⴰⴼⵓⵇⵇⴰⵙ-ⴰⴳⵉ ⵢⴻⵜⵜⵓⵙⴻⵎⵔⴻⵙ ⴷⴻⴳ ⵙⴹⵉⵙ (6) ⵏ ⵜⵎⵓⵀⴰⵍ ⵏ ⵓⵙⵓⴼⴼⴻⵖ ⵉⴶⴻⵀⴷⴻⵏ, ⵔⵏⵉ-ⴷ ⴼⴻⵍⵍ-ⴰⵙ ⵓⵏⵉⴳ ⵏ ⵢⵉⴷⵔⵉⵎⴻⵏ ⵉⵎⴻⵇⵇⵔⴰⵏⴻⵏ ⵉ ⴷ-ⵉⵜⵜⴻⴼⴼⵖⴻⵏ ⵙⴻⴳ ⵜⵏⴻⵣⵣⵓⵜ ⵏ ⵙⵙⴻⵎ.
ⵉⵙⴰⵍⵍⴻⵏ ⵏ ⵙⴱⴻⵏⵢⵓⵍ ⵏⵏⴰⵏ-ⴷ ⴱⴻⵍⵍⵉ ⵜⴰⵍⵓⴼⵜ-ⴰⴳⵉ ⵉ ⵢⴻⵟⵟⴻⴼ ⵓⵙⵇⴰⵎⵓ ⴰⵣⵔⴻⴼⴰⵏ ⴰⵖⴻⵍⵏⴰⵡ ⵏ ⵙⴱⴻⵏⵢⵓⵍ ⵜⵣⴻⵔ ⵉⴱⴻⴷⴷⵉⵍⴻⵏ ⵙ ⵜⴰⵣⵣⵍⴰ, ⴷⴻⴳ ⵓⵕⴰⵊⵉ ⵏ ⵓⵙⵉⵡⴹ ⴰⵎⴰⵢⵏⵓⵜ ⵏ ⵜⵙⴻⴷⴷⴰⵔⵜ ⵜⴰⵍⴻⵎⵎⴰⵙⵜ ⵏ ⵓⵎⴻⵏⵏⵓⵖ ⵎⴳⴰⵍ ⵙⵙⴻⵎ ⴷ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ "UDYCO". ⴰⵙⵉⵡⴹ-ⴰⴳⵉ ⴰⴷ ⴷ-ⵢⴰⵡⵉ ⵉⵙⴰⵍⴰⵏ ⵖⴻⴼ ⵓⵣⴻⵟⵟⴰ ⴷ ⵢⵉⴱⵔⵉⴷⴻⵏ ⵏ ⵓⵎⴰⵀⵉⵍ-ⵉⵙ ⴷⴻⴳ ⵙⴱⴻⵏⵢⵓⵍ ⴷ ⴱⴻⵕⵕⴰ ⵙ ⵢⵉⵙⴻⵎ ⵏ "ⵜⵉⴳⴳⴰⵡⵜ ⴰⵔⴻⵙ".
ⵢⵉⵏⴰⴷⵉⵢⴻⵏ ⵏ ⵜⴰⵣⵡⴰⵔⴰ ⵙⵏⴻⴽⴷⴻⵏ-ⴷ ⴱⴻⵍⵍⵉ ⴰⵣⴻⵟⵟⴰ-ⴰⴳⵉ ⵉⵕⴻⵙ ⵖⴻⴼ ⵢⵉⵡⴻⵜ ⵏ ⵜⵓⴷⴷⵙⴰ ⵏ ⵓⵍⵓⵊⵉⵢⵙⵜⵉⴽ ⵢⴻⴶⴶⴰⵏ ⵍⵃⵛⵉⵛ ⴰⴷ ⵉⵄⴻⴱⴱⴻⵔ ⵙⴻⴳ ⵍⵎⴻⵔⵔⵓⴽ ⵖⴻⵔ ⵙⴻⴱⵜⴰ ⵓⵇⴱⴻⵍ ⴰⴷ ⵢⴰⵡⴻⴹ ⵖⴻⵔ ⵜⴻⵎⴷⵉⵏⵉⵏ ⵏ ⵙⴱⴻⵏⵢⵓⵍ ⴷ ⵜⵓⵔⵓⴼⵜ. ⴰⵢⴰⴳⵉ ⵢⴻⵎⵎⴰⵍ-ⴷ ⵢⵉⵡⴻⵜ ⵏ ⵜⴽⴻⵔⵔⵉⵛⵜ ⵜⵓⵙⵙⵓⴷⴻⵙⵜ ⵉⵣⴻⴳⵔⴻⵏ ⵜⵉⵍⵉⵙⴰ. ⵉⵎⵓⵀⴻⵍⵍⴻⵏ ⵏ ⵜⵎⴰⵏⴻⴳⵜ ⵛⵏⵓⵏ ⴰⵣⴻⵟⵟⴰ-ⴰⴳⵉ ⵙ ⵙⴹⵉⵙ ⵏ ⵜⵎⵓⵀⴰⵍ ⵉⵎⴻⵇⵇⵔⴰⵏⴻⵏ, ⴳⴰⵔ-ⴰⵙⴻⵏⵜ ⴰⵃⵙⴰⵔ ⵏ 15 ⵏ ⵢⵉⵟⵓⵏⵏⵓⵏⴻⵏ ⵏ ⵍⵃⵛⵉⵛ ⴷⴻⴳ ⵢⵉⵡⴻⵜ ⵏ ⵜⴽⴰⵎⵢⵓⵏⵜ ⴷⴻⴳ ⵜⴻⵎⴷⵉⵏⵜ ⵏ ⴰⵍⵎⴻⵔⵉⴰ, ⴷ ⵢⵉⵎⵉⵢⴻⴻⵏ ⵏ ⵢⵉⴽⵉⵍⵓⴳⵔⴰⵎⴻⵏ ⴷⴻⴳ ⵢⵉⵃⵔⵉⵛⴻⵏ ⵏ ⵙⴻⴱⵜⴰ ⴷ ⵜⴻⵎⴷⵉⵏⵉⵏ ⵏⵏⵉⴹⴻⵏ ⴰⵎ ⵎⴰⵍⴰⴳⴰ.
ⵎⵍⴻⵏ-ⴷ ⴱⴻⵍⵍⵉ "ⴰⴼⵓⵇⵇⴰⵙ ⵓⴼⴼⵉⵔ" ⵏ ⵜⴻⵎⵏⴰⵟ ⵏ ⵜⴰⵔⴰⵊⴰⵍ ⵢⴻⵍⵍⴰ ⴷ ⴰⵎⴽⴰⵏ ⵉⵕⴻⵙⵙⴰⵏ ⵏ ⵓⵄⴻⴱⴱⴻⵔ, ⴰⵏⵉⴷⴰ ⵙⵙⴻⵙⵡⴰⵏ ⵍⵃⵛⵉⵛ ⵖⴻⵔ ⵙⴻⴱⵜⴰ ⵓⵇⴱⴻⵍ ⴰⴷ ⵜ-ⵉⴷ-ⴰⵣⵏⴻⵏ ⵙ ⵢⵉⵙⴰⴼⴻⵏ ⵏ ⵜⴰⵣⵣⵍⴰ ⴷ ⵜⴽⴰⵔⵔⵓⵚⵉⵡⵉⵏ ⵉⵀⴻⵢⵢⴰⵏ ⵉ ⵜⵓⴼⴼⵔⴰ. ⵢⵉⵏⴰⴷⵉⵢⴻⵏ ⵡⵡⵉⵏ-ⴷ ⴷⴰⵖⴻⵏ ⵖⴻⴼ ⵜⴰⵎⴰ ⵏ ⵜⴻⴷⵔⵉⵎⵜ, ⴰⵏⵉⴷⴰ ⵃⵙⴰⵔⴻⵏ ⵉⴷⵔⵉⵎⴻⵏ ⴷⴻⴳ ⵜⴻⴳⵣⵉⵔⵜ ⵜⴰⵣⴻⴳⵣⴰⵡⵜ ⴷⴻⴳ ⵡⴰⴳⴳⵓⵔ ⵏ ⴼⵓⵔⴰⵔ ⵉⵄⴻⴷⴷⴰⵏ. ⵜⴰⵏⴻⴼⵔⵓⵜ ⵏ ⵙⴱⴻⵏⵢⵓⵍ ⵜⴻⵜⵜⴼⵓⴽⵓⵍ ⴰⴱⵔⵉⴷ ⵏ ⵜⴻⵎⵙⴰⵍⵜ-ⴰⴳⵉ ⴷⴻⴳ ⵜⴻⴳⵏⵉⵜ ⵉ ⴷⴻⴳ ⵍⵎⴻⵔⵔⵓⴽ ⵢⵓⴳⵉ ⴰⴷ ⴷ-ⵢⴻⵔⵔ ⵉ ⵓⴷⵉⵡⴻⵏⵏⵉ ⴰⵣⵔⴻⴼⴰⵏ ⵉⵡⴰⴽⴽⴻⵏ ⴰⴷ ⵜⵜⵓⵏⴻⵎⵍⴻⵏ ⵉⵎⵓⴽⴰⵏ ⵏ ⵓⵣⴻⵟⵟⴰ-ⴰⴳⵉ.
ⵉⵙⴰⵍⵍⴻⵏ ⵙⵏⴻⴽⴷⴻⵏ ⴱⴻⵍⵍⵉ ⵍⵎⴻⵔⵔⵓⴽ ⵢⵓⴳⵉ ⴰⴷ ⵉⵄⴰⵡⴻⵏ ⵜⴰⵏⴻⴼⵔⵓⵜ ⵏ ⵙⴱⴻⵏⵢⵓⵍ ⴷⴻⴳ ⵢⵉⵏⴰⵏ ⵖⴻⴼ "ⵓⴼⵓⵇⵇⴰⵙ ⵏ ⵍⵃⵛⵉⵛ", ⵓⵍⴰ ⵎⴰ ⵢⴻⵍⵍⴰ ⴷⴻⴳ ⵢⵉⵡⴻⵜ ⵏ ⵜⴻⵎⵏⴰⵟ ⵏ ⵜⵎⴰⵏⴻⴳⵜ ⵉ ⵢⴻⵜⵜⵡⴰⵄⴰⵙⵙⴻⵏ ⵙ ⵍⴶⴻⵀⴷ ⵢⴻⵔⵏⴰ ⵜⵓⵙⴰ-ⴷ ⵔⵔⵉⴼ ⵏ ⵢⵉⵡⴻⵜ ⵏ ⵜⵙⴻⵜⴰⵏⵜ ⵜⴰⵙⴻⵔⴷⴰⵙⵜ. ⴷⴰⵖⴻⵏ, ⵢⵉⵏⴰⴷⵉⵢⴻⵏ ⵙⵏⴻⴽⴷⴻⵏ ⵓⵜⴻⴽⴽⵉ ⵏ ⵢⵉⵡⴻⵏ ⵏ ⵓⵔⴳⴰⵣ ⵏ ⵢⵉⵎⴰⵀⵉⵍⴻⵏ ⴰⵎⴻⵔⵔⵓⴽⵉ ⵉ ⵢⴻⵙⵙⴻⵍⵡⴰⵢⴻⵏ ⴰⵣⴻⵟⵟⴰ-ⴰⴳⵉ ⵙ ⵓⴱⵔⵉⴷ ⵏ ⵙⵉⵏ ⵏ ⵢⵉⴼⵓⵇⵇⴰⵙⴻⵏ ⵓⴼⴼⵉⵔⴻⵏ ⵙⴻⴳ ⵜⴻⵎⵏⴰⵟ ⵏ ⴼⵏⵉⴷⴻⵇ ⵖⴻⵔ ⵍⵎⴰⵅⵣⴻⵏ ⵏ ⵜⴰⵔⴰⵊⴰⵍ ⴷⴻⴳ ⵙⴻⴱⵜⴰ.
ⴷⴻⴳ ⵓⵏⵏⴰⵔ-ⴰⴳⵉ ⴷⴰⵖⴻⵏ, ⵢⵉⵡⴻⵏ ⵏ ⵓⵙⵉⵡⴹ ⵏ ⵓⵃⵔⴰⵣ ⴰⵖⵔⵉⵎ ⵏ ⵙⴱⴻⵏⵢⵓⵍ ⵢⴻⵏⵏⴰ-ⴷ ⴱⴻⵍⵍⵉ ⵎⵎⵓⵜⴻⵏ ⵙⵉⵏ ⵏ ⵢⵉⵎⴰⵙⵍⴰⴷⴻⵏ-ⵉⵙ ⵓ ⴶⴻⵔⵃⴻⵏ ⵡⵉⵢⴰⴹ ⴰⵙⵙ ⵏ ⵍⴶⴻⵎⵄⴰ ⵢⴻⵣⵔⵉⵏ, ⵙⴻⵍⴷ ⵎⵉ ⵜⴻⵎⵙⴻⴳⵔⴰ ⴳⴰⵔ ⵙⵉⵏ ⵏ ⵢⵉⵙⴰⴼⴻⵏ ⴷⴻⴳ ⵓⴱⵔⵉⴷ ⵏ ⵓⴹⴼⴰⵔ ⵏ ⵢⵉⵡⴻⵏ ⵏ ⵓⵙⴰⴼⵉ ⵉ ⵢⴻⵜⵜⵓⵙⴻⵞⵞⴻⴽⴽⴻⵏ ⴷⴻⴳ ⵓⵙⵓⴼⴼⴻⵖ ⵏ ⵙⵙⴻⵎ. ⴰⵢⴰⴳⵉ ⵢⴻⵎⵎⴰⵍ-ⴷ ⵢⵉⵎⵉⵀⵉⵢⴻⵏ ⵏ ⵓⵎⴻⵏⵏⵓⵖ ⵎⴳⴰﻟ ⵢⵉⵣⴻⵜⵜⴰ ⵏ ⵓⵙⵓⴼⴼⴻⵖ ⵏ ⵙⵙⴻⵎ ⴷⴻⴳ ⵢⵉⵍⵍⴻⵍ, ⵍⴰⴷⵖⴰ ⴷⴻⴳ ⵓⵏⵥⵓⵍ ⵏ ⵙⴱⴻⵏⵢⵓⵍ.
ⴰⵔⵏⵓ ⵖⴻⵔ
