ⵉⵙⵙⴻⵃⵔⴻⵙ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵓⵙⴻⵍⵍⴻⴽ ⴷ ⵓⵎⴹⴰⵎⴰⵏ ⵏ ⵜⵎⴻⵜⵜⵉ, ⵎⴰⵙⵙ ⴰⴱⴷⴻⵍⵀⴰⴽ ⵙⴰⵉⵀⵉ, ⴰⵙⵙ-ⴰ ⵏ ⵍⵀⴻⴷ, ⵖⴻⴼ ⵓⴼⵙⵉⵙ ⵏ ⵜⵉⴷⴷⵢ ⵏ ⵜⴰⵔⵇⵎⵉⵜ ⵜⴰⵎⴰⵜⵓⵜ ⵏ ⵢⴰⴽⴽ ⵜⴰⵔⵔⴰⵢⵉⵏ ⵜⵓⴷⴱⴻⵍⵉⵏ ⴷⴻⴳ ⵜⵎⵓⵙⵏⵉⵡⵉⵏ ⵉ ⵢⴻⵟⵟⴰⴼⴰⵔⴻⵏ ⵓⵏⵏⴰⵔ-ⴰⴳⵉ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵎⵓⵀⴻⵍ ⵉ ⵢⵉⵎⴻⵣⴷⴰⵖ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴰⵍⵍⵉⵜ ⵏ ⵜⵙⴻⵍⵡⵉⵜ-ⵉⵙ ⵏ ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵓⵙⴰⵜⵉⴳ ⵢⴻⵄⵏⴰⵏ ⵉⴳⴻⵎⵎⴰⴹ ⵏ ⵓⵎⴰⵀⵉⵍ ⵏ ⵓⵏⵏⴰⵔ ⵙⴻⴳ 10 ⵖⴻⵔ 23 ⵎⴰⵢⵓ, ⵎⴰⵙⵙ ⵙⴰⵉⵀⵉ ⵉⵙⵔⴻⵚ-ⴷ ⴰⵣⴰⵍ ⵏ ⵓⴽⴻⵎⵎⴻⵍ ⵏ ⵡⴰⵀⵉⵍ ⵏ ⵓⴷⵓⴽⴽⴻⵍ ⵏ ⵢⵉⵙⴰⵍⴰⵏ ⴳⴰⵔ ⵢⵉⵢⴻⵙⴽⵉⵔⴻⵏ ⵎⴻⵕⵕⴰ, ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⴰⵔⵔⴰⵢⵜ ⵜⵓⴷⴱⴻⵍⵜ ⵓ ⵉⵖⵔⵉⵎⴻⵏ ⵓⵔ ⵜⵜⵏⴰⴳⴻⵏ ⴰⵔⴰ ⴳⴰⵔ ⵜⵎⵓⵙⵏⵉⵡⵉⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵢⴻⴼⴽⴰ-ⴷ ⵜⵉⵡⴰⵍⵍⵉⵣⵉⵏ ⵉ ⵓⵙⴻⴶⵀⴻⴷ ⵏ ⵓⵙⴻⴼⵔⴻⴽ (ⴳⵓⵓⵠⴻⵔⵏⴰⵏⵛⴻ) ⴷ ⵓⵙⵏⴻⵔⵏⵉ ⵏ ⵓⵎⴰⵀⵉⵍ ⴷ ⵜⵖⴰⵔⴰ ⵏ ⵓⵎⴻⵥⵍⵓ ⴰⴳⴷⵓⴷⴰⵏ. ⵉⵙⵙⴻⵃⵔⴻⵙ ⵖⴻⴼ ⵓⵕⵓⵚⵓ ⵏ ⵜⵎⵓⵖⵍⵉ ⵜⵓⴷⴱⴻⵍⵜ ⵉⵕⴻⵙⵙⴰⵏ ⵖⴻⴼ ⵢⵉⵙⴰⴷⵓⴼⴻⵏ ⴷⴻⴳ ⵓⵙⴻⴷⴱⴻⵔ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ.
ⵉⵙⵙⴻⴽⵏⴻⴷ-ⴷ ⴱⴻⵍⵍⵉ "ⵓⵔ ⵢⴻⵣⵎⵉⵔ ⴰⵔⴰ ⴰⴷ ⴷ-ⵢⵉⵍⵉ ⵓⵇⴱⴻⵍ ⵏ ⵢⴰⵍ ⵓⵃⵓⵟⵟⵓ ⵏ ⵢⵉⵣⴻⵔⴼⴰⵏ ⵏ ⵢⵉⵎⴰⵀⵍⴰⵏⴻⵏ ⵏⴻⵖ ⵓⵏⵡⴰⵍ ⵏ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ". ⵉⵙⵔⴻⵚ ⴰⵣⴰⵍ ⵏ ⵜⵜⴰⴳⴷⴰ ⴷⴻⴳ ⵓⵙⴻⴷⴱⴻⵔ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ, ⵉⵎⵉ ⴰⵙⴰⵜⵉⴳ ⵏ ⵓⵎⴷⴰⵏ ⴷ ⵍⵍⵙⴰⵙ ⵉ ⵓⵙⵎⴰⵢⵏⵓⵜ ⵏ ⵓⵏⵏⴰⵔ ⴷ ⵓⵟⵎⴰⵏ ⵏ ⵏⴼⴰⵄ-ⵉⵙ.
ⴰⵏⴻⵖⵍⴰⴼ ⵉⵙⵙⵉⵡⴻⵍ ⵉ ⵓⵙⴱⴻⴷⴷⵉ ⵏ ⵢⵉⵡⴻⵜ ⵏ "ⵜⴰⴱⴰⵍⵉⵣⵜ ⵏ ⵓⴱⵔⵉⴷ"ⵢⴻⴱⴰⵏⴻⵏ ⵉⵕⴻⵙⵙⴰⵏ ⵖⴻⴼ ⵜⴰⵔⵔⴰⵢⵉⵏ ⵜⵓⴷⴱⴻⵍⵉⵏ ⵓⴼⵔⵉⵏⴻⵏ ⵉ ⵓⵟⵎⴰⵏ ⵏ ⵓⵎⴻⵥⵍⵓ ⴰⵎⴰⵢⵏⵓⵜ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵖⴻⴼ ⵢⵉⵙⴰⵔⴰⵎⴻⵏ ⵏ ⵢⵉⵎⴻⵣⴷⴰⵖ ⵓ ⴰⴷ ⵉⵃⵔⴻⵣ ⵍⵀⵉⴱⴰ-ⵏⵙⴻⵏ. ⴷⴻⴳ ⵓⵣⴻⵏⵣⵉⵖ ⵏ ⵓⵣⴻⵟⵟⴻⴹ , ⵉⵙⵓⵜⵜⴻⵔ ⴰⵙⵏⴻⵔⵏⵉ ⵏ ⵜⵉⴼⴼⵖⵉⵡⵉⵏ ⵏ ⵜⵙⴻⵏⴰⵡⵜ ⴷⴻⴳ ⵡⴰⵏⵏⴰⵔ ⵉ ⵓⵙⴻⵏⵎⴰⵍⵢ ⵏ ⵡⵓⴳⵓⵔⴻⵏ ⴷ ⵓⵟⵟⴰⴼ ⵏ ⵜⵏⴻⵖⵜⴰⵙⵉⵏ ⵉⵕⴻⵙⵙⴰⵏⴻⵏ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⴰⵎⵙⴰⵍⵜ ⵏ ⵓⵙⴻⵍⵍⴻⴽ, ⴰⵏⴻⵖⵍⴰⴼ ⵉⵙⵓⵜⵜⴻⵔ ⵓⵊⵊⴻⵢ-ⵏⵙⴻⵏ ⵙ ⵜⴰⵣⵣⵍⴰ ⴷ ⵏⴼⴰⵄ. ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ, ⵎⴰⵙⵙ ⵙⴰⵉⵀⵉ ⵉⵙⵙⴻⵃⵔⴻⵙ ⵖⴻⴼ "ⵓⵃⵔⴰⵣ ⵉⵎⵉⵔⴻⵏ ⴽⴰⵏ ⵏ ⵢⴰⴽⴽ ⵜⵉⵖⵔⵉⵡⵉⵏ ⴷ-ⵓⵡⵢⴻⵏ ⵢⵉⵍⴻⵎⵣⵢⴻⵏ ⵓⵔ ⴷ-ⴰⴳⵎⴻⵏ ⴰⵔⴰ ⵙⴻⴳ ⵜⵎⴻⵏⵃⴻⵍⵜ ⵏ ⵜⴰⵔⵓⵃⵉⵜ ⵏ ⵓⵎⴰⵀⵉⵍ ". ⴰⵢⴰⴳⵉ ⵙ ⵓⵙⴻⴼⵔⴻⴽ ⵉⴼⴰⵣⴻⵏ ⵏ ⵜⴻⵙⴰⵍⵜ (ⵒⵍⴰⵜⴻⴼⵓⵔⵎⴻ) "ⵉⵏⵚⴰⵜ" ⵉ ⵓⵟⵎⴰⵏ ⵏ ⵜⵔⵉⵔⵉⵜ ⵖⴻⴼ ⵢⴰⴽⴽ ⵓⵖⴻⴱⴱⴻⵍ ⵎⴻⴱⵍⴰ ⵓⵄⴻⵟⵟⴻⵍ.
ⵖⴻⴼ ⵓⵀⴻⴳⴳⵉ ⵏ ⵓⵏⴻⴽⵛⵓⵎ ⵏ ⵜⵎⴻⵜⵜⵉ, ⵎⴰⵙⵙ ⵙⴰⵉⵀⵉ ⵉⵙⵙⴻⴼⵀⴻⵎ-ⴷ ⴰⵣⴰⵍ ⵏ ⵓⵀⴻⴳⴳⵉ ⵉⵕⴻⵙⵙⴰⵏ ⵉ ⵓⵏⴻⴽⵛⵓⵎ ⵏ ⵜⴻⵙⴷⴰⵡⵉⵜ ⵉ ⴷ-ⵉⵜⵜⴻⴷⴷⵓⵏ ⴷⴻⴳ ⵓⵖⴻⵔⴱⴰⵣ ⵓⵏⵉⴳ ⵏ ⵓⵎⴹⴰⵎⴰن ⵏ ⵜⵎⴻⵜⵜⵉ, ⵙ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴰⵢⵏⵓⵜ ⵉⵕⴻⵙⵙⴰⵏ ⵖⴻⴼ ⵓⵙⴰⵜⵉⴳ ⵏ ⵜⵣⴻⵎⵎⴰⵔ ⴷ ⵓⵙⵏⴻⴼⵍⵉ ⵏ ⵓⵎⴷⴰⵏ ⴰⵎ ⵍⵍⵙⴰⵙ ⵏ ⵓⵙⵎⴰⵢⵏⵓⵜ ⵏ ⵓⵏⵏⴰⵔ.
ⴰⵔⵏⵓ ⵖⴻⵔ
