ⵢⴻⵅⴷⴻⵎ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵣⴻⵟⵟⴻⴹ ⵖⴻⵔ ⵓⵙⴰⴳⴻⵏ ⵏ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵉⵥⴻⵔ ⵙ ⵜⵎⵓⵖⵍⵉ ⵜⵓⵙⵔⵉⴷⵜ ⴰⵎⴻⴽ ⵉⵜⴻⴷⴷⵓ ⵓⵎⴰⵀⵉⵍ ⴷ ⵓⵙⴰⵜⵉⴳ ⵏ ⵏⴼⴰⵄ ⴷⴻⴳ ⵓⵙⴻⴷⴱⴻⵔ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⵙ ⴷⴷⴰⵡ ⵏ ⵓⵙⵉⵡⴹ-ⴰⴳⵉ, ⵜⵉⵔⵣⵉ ⵜⴱⴻⴷⴷⴰ ⴷⴻⴳ ⵢⵉⵕⵚⵉⴼⴻⵏ ⵏ ⵜⵏⴻⵣⵣⵓⵜ ⵡⵓⵟⵟⵓⵏ 18, 19, 20 ⴷ 21, ⴰⵏⵉⴷⴰ ⵉⵡⴰⵍⴰ ⵓⵏⴻⵖⵍⴰⴼ ⴰⵎⴻⴽ ⵉⵜⴻⴷⴷⵓ ⵓⵙⵓⴼⴼⵓ ⵏ ⵜⵉⴱⵡⴰⴹⵉⵏ ⵏ ⵓⵄⴻⴱⴱⵉ ⵙⴻⴳ ⵢⵉⴱⴻⴱⵓⵔⵔⴻⵏ, ⵢⴻⵔⵏⴰ ⵉⵡⴰⵍⴰ ⵍⵇⴻⴷⴷ ⵏ ⵓⵙⴻⵎⵔⴻⵙ ⵏ ⵢⵉⵎⵓⴽⴰⵏ ⵏ ⵓⵃⵔⴰⵣ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵢⴻⴼⴽⴰ ⵜⵓⵔⴰⴹ ⵉⵕⴻⵙⵙⴰⵏⴻⵏ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵢ ⵏ ⵓⵙⵓⴼⴼⵓ ⵏ ⵢⵉⴱⴻⴱⵓⵔⵔⴻⵏ, ⵓ ⴰⴷ ⴷ-ⵢⵉⵍⵉ ⵓⵙⴰⴷⴻⵔ ⵏ ⵡⴰⴽⵓⴷ ⵉ ⵜⵄⴻⴷⴷⴰⵢⴻⵏ ⴷⴻⴳ ⵢⵉⵕⵚⵉⴼⴻⵏ ⴷ ⵡⴰⵎⵎⴰⵙ ⵏ ⵓⵙⴰⴳⴻⵏ, ⵉ ⵓⵙⴻⴶⵀⴻⴷ ⵏ ⵜⵉⴷⴷⵉ ⴷ ⵓⵙⴰⵍⵉ ⵏ ⵏⴼⴰⵄ ⵏ ⵓⵙⴻⵎⵔⴻⵙ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵉⵎⴰⵀⵉⵍⴻⵏ ⵏ ⵓⵣⵉⵣⵣⴻⴷ ⴷⴻⴳ ⵓⵕⵚⵉⴼ ⵡⵓⵟⵟⵓⵏ 17, ⵉⵙⵙⴻⵃⵔⴻⵙ ⵓⵏⴻⵖⵍⴰⴼ ⵖⴻⴼ ⵡⴰⵣⴰⵍ ⵏ ⵓⵖⵉⵡⴻⵍ ⴷⴻⴳ ⵓⵙⴱⴻⴷⴷⵉ ⴷ ⵓⵇⴰⴷⴻⵔ ⵏ ⵡⴰⴽⵓⴷⴻⵏ ⵉⵕⴻⵙⵙⴰⵏⴻⵏ, ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⵢⴻⵙⵄⴰ ⴰⵣⴰⵍ ⴰⵙⵔⴰⵜⵉⴷⵊⵉ ⴰⵎⴻⵇⵇⵔⴰⵏ ⴰⵔⴰ ⵉⵄⵉⵡⵏⴻⵏ ⴷⴻⴳ ⵓⵙⵏⴻⵔⵏⵉ ⵏ ⵜⵣⴻⵎⵎⴰⵔ ⵏ ⵓⵎⵎⴰⴳⴻⵔ ⴷ ⵓⵙⵙⴻⵎⵖⴻⵔ ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵜⵓⴽⴽⵉⵙⵡⵉⵏ ⵏ ⵜⴷⴰⵎⵙⴰ ⵉ ⵉⵜⴻⴷⴷⵓⵏ.
ⴰⵏⴻⵖⵍⴰⴼ ⵢⴻⴼⴽⴰ ⴷⴰⵖⴻⵏ ⵜⵓⵔⴰⴹ-ⵉⵙ ⵖⴻⴼ ⵓⵕⵚⵉⴼ ⵏ ⵜⵎⴰⵀⴰⵏⵜ ⵏ ⵢⵉⵍⵍⴻⵍ, ⵉⵙⵙⴻⵃⵔⴻⵙ ⴱⴻⵍⵍⵉ ⵉⵍⴰⵇ ⴰⴷ ⵢⴻⵎⵎⴻⴷ ⵓⵇⴱⴻⵍ ⵜⴰⵍⵍⵉⵜ ⵏ ⵓⵏⴻⴱⴷⵓ, ⵉⵡⴰⴽⴽⴻⵏ ⴰⴷ ⵢⴻⵍⵉ ⵓⵙⴰⴳⴻⵏ ⴷⴻⴳ ⵡⴰⴷⴷⴰⴷ ⵏ ⵓⵟⵎⴰⵏ ⵏ ⵓⵎⵎⴰⴳⴻⵔ ⵏ ⵍⵖⴰⵛⵉ ⴷⴻⴳ ⵜⴻⴳⵏⴰⵜⵉⵏ ⵢⴻⵍⵀⴰⵏ.
ⴷⴻⴳ ⵜⴰⵎⴰ ⵏⵏⵉⴹⴻⵏ, ⵙⴰⵄⵢⵓⴷ ⵢⴻⴼⴽⴰ ⴰⵣⴰⵔⵓⴳ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵢ ⵏ ⵓⵡⴻⵣⵣⵉ ⵏ ⵜⵎⴻⵔⵔⵉ ⵜⴰⵙⵉⵍⵉⴽⵜⵔⴰⵏⵜ ⵉ ⵢⵉⵕⵚⵉⴼⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴻⴽⴽⴻⵙ ⵓⵅⴻⵚⵚⴻⵔ ⵏ ⵜⴰⵡⵏⵏⴰⴹⵜ ⵉ ⴷ-ⴳⵍⵓⵏ ⵢⵉⴱⴻⴱⵓⵔⵔⴻⵏ ⵉⵕⴻⵙⵙⴰⵏ. ⴰⵢⴰⴳⵉ ⵉⵎⵉ ⴰⵙⴰⴳⴻⵏ ⵏ ⵍⴻⵣⵣⴰⵢⴻⵔ ⵢⴻⵍⵍⴰ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ, ⵓ ⴷ ⵜⵉⴳⴳⴰⵡⵜ ⵉ ⴷ-ⵢⴻⵎⵎⴰⵍⴻⵏ ⵍⴻⴱⵖⵉ ⵏ ⵓⵡⴰⵏⴰⴽ ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⵣⴻⵟⵟⵉⵡⵉⵏ ⵏ ⵢⵉⵙⴰⴳⵏⴻⵏ ⵉⵣⵉⴷⴳⴰⵏⴻⵏ ⵉ ⵉⵜⴻⴷⴷⵓⵏ.
ⴰⵔⵏⵓ ⵖⴻⵔ
